沛

营业中

休息中

沛 地址: 深水埗福華街178A號地舖電話: 57146478=====================韓國文化，音樂，劇集同食物，熱潮直卷全世界。以前崇日架我，都變成追韓劇，曬韓國男女子組合音樂今日去深水埗整車修油，就順便買外賣返屋企食。$78 半份炸雞/$128 全份，兩個人食當然叫成份啦，又抵d 炸雞是無骨的，個炸層好脆同薄身，無乜油膩感。同埋個韓式甜酸醬係真架，令人好開胃。$58 紫菜飯卷，有牛/豬/吞拿魚口味，佢入面仲有最鐘意紫菜上面鹹鹹地同白芝麻芳香架麻油味，絕對是韓國飯卷神來之筆。仲有蔬菜包埋，健康好食。簡單飽肚架，個飯卷大大條又粗身，大飽足。

While thinking of what to eat for dinner tonight, I walked past this Korean cafe and was attracted by their decor and menu offered. MW Korea House was located at Fuk Wa Street, few minutes walk from Sham Shui Po MTR.Because of the current COVID situation, they only allowed take-away for whole day and offered 10% discount for it. They served snacks, mains, drinks as well as set for 2 or 4 persons. Beef gimbap - It was cut into 8 slices, with egg, veggie and minced beef wrapped with rice and seawe

而家無晚市，屋企煮耐左都想食下好野今日番屋企見到有韓國菜既外賣店😍😍韓式炸雞（半份）（$78）外皮炸得好香脆，雞肉就保持鮮嫩多汁，最難得既係番到屋企食到最後一舊炸雞都保持到香脆，推介！😋😋原味煎雞蛋卷（$58）雞蛋卷調左味，比平時食開香甜一點，雞蛋卷仲好嫩滑，上面有香蔥、果香芝麻等提升左雞蛋既香味🤤🤤韓式牛肉紫菜飯卷（$58）超足料，食到啖啖牛肉，飯卷唔會太鬆散，飯粒煙韌，牛肉惹味☺️☺️

同朋友仔去完cafe 之後禁啱經過見倒間好cozy 食韓國菜嘅餐廳，於是我地就入左去食lunch 😌. 一來到就上左兩碟小菜比我地，我地叫左牛肉紫菜卷，好足料，牛肉唔會好硬同只係得d 飯，好似係韓國阿豬媽整嘅味道😋重有泡菜煎餅，真心推介，外面好夠脆，唔會好濕同好淋，泡菜唔會話好辣，但食得出係自家制泡菜，真係估唔到禁好味😍 另外我地重叫左個人參雞湯，雞湯好濃，有一隻大雞脾，好養生，聽講落左唔同養生材料去煲的🥳 雖然係小店，但睇得出用料好足同好有心機， 而且食韓國菜來講，兩個人都係二百頭，真係算抵食，今餐大滿足😌

今日同朋友行深水埗，夜晚六點後只可以搵餐廳外賣，之前經過嘅時候佢哋都排晒長龍，難得經過就買返屋企食。佢哋最出名係佢哋嘅部隊鍋，每日限量五份，我哋叫咗一個部隊鍋，份量非常之多，足夠三個人，而且好有誠意，入邊有煎過嘅午餐肉、芝士腸、各款魚糕，當然唔少得靈魂嘅公仔麵，比起其他韓國餐廳嘅部隊鍋，佢哋嘅湯汁非常之濃郁，而且比較杰身，所以每一啖面都食到濃濃嘅韓國醬汁。我哋仲叫咗炸雞，吞拿魚拌飯，芝士蛋卷，同埋泡菜炒五花肉，炸雞嘅醬汁係佢哋自家製，甜甜辣辣咁，非常之開胃，拌飯同埋芝士蛋卷，都好足料，而且價錢都唔係貴，性價比好高，而佢哋嘅泡菜炒五花肉都好出色，五花肉係連住豬皮嘅，但係食落去唔會好油膩，而係好軟糯。

深水埗越來越多隱世美食小店屋企人話想食炸雞，咁韓國嘢就啱晒啦，喺openrice搵附近嘅韓國餐廳，就搵到依間小店😎😎喺黃金附近，都幾方便。佢哋餐牌食物選擇唔算非常多，不過都有一啲二人、四人嘅外賣套餐，對於而家成日食外賣嘅人來講，又多個選擇👍🏼餐廳仲接受八達通同埋多種唔同嘅付款方式，方便食客。等緊外賣嘅時候，周圍望吓佢哋餐廳嘅環境，雖然店舖唔係好大，但係非常整潔簡約，都幾舒服。返到屋企，炸雞仲係熱辣辣！開心😁😁叫咗全份炸雞，兩個人食，都夠晒過癮。炸雞都幾香脆，而且肉質可以話係啱啱好，唔會太硬，仲保留住一啲肉汁，唔錯唔錯😁😁無論係配甜辣醬，定係泡菜，都非常惹味👍🏼👍🏼泡菜偏辣，正！另外仲叫咗兩個韓式紫菜飯卷一個飯卷係五花腩，另一個就揀咗菠菜一打開個盒，已經好香芝麻，麻油味！而且賣相都幾靚仔㗎😁😁我自己就比較鍾意菠菜飯卷，因為菠菜嘅味道好出！而且令到個飯卷口感好豐富，越食越滋味😋😋 佢哋嘅醃蘿蔔都好好食，尤其是係白色嗰啲😁😁簡簡單單嘅一個韓國晚餐，yummy~

(1) 養生雞湯飯，呢個性價比超高，外賣折左$6x，(堂食$88都好抵食) 個湯底清甜，有唔少材料包括雞、紅棗、蘿蔔等等，仲要啲珍珠米脹卜卜，叫外賣叫到唔知食咩食返呢一啲真係好舒服！😋💕.(2) 五花腩韓式紫菜飯卷食落口感好爽口，餡料剛剛好！呢個媽咪好鍾意食👍🏻😃.(3)芝士煎雞蛋卷係呀囡至愛，啲芝士多到可以拉絲，味道香濃👍🏻.附送三個配菜仔包括白蘿蔔，黃蘿蔔，同埋泡菜.仲要啲外賣盒都好高質！感覺乾淨企理‼️用心製作.係呢個時勢大家一定要支持小店💕🙌🏻

今日發現深水埗開咗間韓國料理小店💡裝修簡潔，有小清新嘅感覺🌱可惜夜晚禁堂食，唯有買外賣返屋企試吓，下次先堂食打卡啦📸叫咗個二人餐$218，自選三個主食同兩罐飲品🥤我地揀左：🐸韓式紫菜飯卷飯卷可選吞拿魚/牛肉/五花腩/菠菜，我就試咗五花腩😙飯卷餡多過飯，勁多芝麻喺面，口感層次豐富，好味😍🐸韓式牛肉炒粉絲配料又係非常之多！除咗牛肉，仲有三色椒、洋蔥、甘筍、鮮菇、雞蛋，粉絲爽滑，調味唔會過鹹，份量多，唔錯😊🐸韓式無骨炸雞配甜辣醬半份炸雞Juicy嫩滑，唔會乾爭爭，呢個size容易食😆個甜辣醬唔算好辣，點少少食更惹味👏🏻小店價錢親民，食物質素高，店員友善，仲送利是封🧧🤣，經過呢頭都不妨一試❤️

見到門面走小清新路線，外觀非常新淨，額外有好感～店內亦有佈置嘅小心機，整個氛圍讓我有一點溫暖的感覺🥰由於每個項目都係即整嘅關係，所以菜式種類不算太多，可算是貴精不貴多！睇返每樣價錢都非常合理，抵食！天氣凍，食部隊鍋都係一個唔錯嘅選擇，不過係限定，真係要睇吓當日好唔好彩😂店員先擺放韓式該有的前菜，包括泡菜同芽菜，估計都係自家製嘅！除咗地道嘅飲品，當然都有唔少韓式飲品選擇，都係罐裝乾淨企理！韓式拌飯（牛肉）～食拌飯嘅精髓在於辣醬，店員已一早奉上，而當中每一樣topping都係非常惹味，而且有不同口感，拌勻後，一啖放入口，滿滿的滿足感🤟🏻迷你泡菜煎餅～一直以來食韓式泡菜煎餅都係扁平嘅，所以完全想像唔到係有呢個厚度，而且迷你嘅尺寸，唔需要刻意去切開，極為方便！口感方面更是意想不到！裏面嘅泡菜容量非常多，顛覆咗食韓式煎餅嘅感覺😝

同友人黎黃金買嘢，想話附近搵間鋪頭食下下午茶，於是openrice搵下。見到有新開既韓國餐廳就過黎試下。鋪頭就真係細細間，下午過完午市冇咁多人。所以坐得都算舒服唔係好肚餓 就叫店員介紹，得知佢地炸雞同飯卷都多人食，就叫左半份炸雞同飯卷一齊share。友人鍾意韓國嘢多d，話平時都食開韓國飯卷，但係呢間飯卷質素真係唔錯，好香麻油味，同埋即叫即整，食得出好新鮮。跟住炸雞真係值得一試，出面好脆，入面好juicy，點佢地既醬真係好惹味。值得下次再試下其他嘢。

［深水埗新進韓式小店］.經開深水埗又想食韓國嘢嘅朋友真心推介呢間小店坐位吾係好多但食物質素好而且裝修到好有cafe感以淺藍白色為主好清新..因為趕時間返公司所以無堂食到叫左外賣而外賣自取有九折========================韓式無骨炸雞配甜辣醬(半份)$78好食外賣返到嚟都仲脆口炸粉吾會太厚雞肉嫩滑份量都正常半份炸雞大概有七至八塊而甜酸醬係另外上甜酸醬味道恰到好處.五花腩韓式紫菜飯卷 $58好好食食得出係即叫即整紫菜唔會淋入邊蔬菜好新鮮味道剛好最緊要飯有口感.韓式牛肉炒粉絲 $88冇諗過咁大碟粉絲炒得剛好唔會過分淋仲好有口感彈性味道亦都唔似一般韓國餐廳好鹹有嘅配料都正常菠菜，蛋絲，紅蘿蔔絲，冬菇絲，洋蔥，青椒等等.三樣食物總共$224整體感覺好好食而且價錢親民下次一定要堂食試下部隊鍋同埋芝士蛋卷======================賣相❤️❤️❤️❤️價錢❤️❤️❤️❤️好食程度❤️❤️❤️❤️環境❤️❤️❤️服務質素❤️❤️❤️======================

店舖好整潔店員服務親切，平時少食韓國野，店員精心介紹，怕辣的我也可以食到韓國味👍👍食物好味道，食到好新鮮咖啡好好飲😄臨走都買返d泡菜返去比老婆試吓😏下次一家一齊再食

最近同朋友玩高空瑜伽，玩完通常會一齊食埋飯吹吓水😁但係只可以輕食😂因為食得太多就會增磅，而且大家都係住附近!所以喺返深水埗附近搵食就最方便🤣而最近見到深水埗開咗間新嘅韓式餐廳,細細間,裝修別緻😍所以入去試吓，去到嘅時候得返兩個位🤪啱啱好唔駛等！我哋嗌左三樣嘢，樣樣食少少剛剛好！叫咗半份炸雞配上辣醬係分開嘅，比較特別！韓式炒年糕味道同平時嗰啲唔同而且都幾辣下🙈食得辣嘅你可以試試👍韓式飯卷方面有芝麻鋪面，更加香，同有層次！有三種選擇吞拿魚，牛肉同五花腩，而我哋揀左牛肉穩陣好味😆

深水埗站附近小店林立，之前見到呢間餐廳店舖門面幾特別，小清新風格，已經好想試喇～餐牌上嘅選擇唔算多，可能新店開張只有幾款，希望第日可以增加菜式選擇舖頭位置一眼望曬，只可以容納幾張枱嘅客人，不過餐廳都盡量善用位置，喺唔同位置擺放聖誕裝飾，都好有節日氣氛㗎～免費贈送開胃前菜：泡菜、芽菜泡菜豆腐湯 $88豆腐湯有配一個芝麻紫菜飯，豆腐湯嘅豆腐同豬肉都足料，濃濃泡菜味，送飯一流啊！原味煎雞蛋卷 $58雞蛋卷包住粒粒均勻嘅紅蘿蔔粒粒同蔥花粒，色彩繽紛，整整齊齊咁排喺碟上，好可愛❤️香蕉牛奶沙冰$45熱大麥茶 $9

今日想食韓國嘢，上OpenRice睇唔多選擇，見到呢間啲相幾吸引又新，決定試吓佢哋開12點，我哋12點鬆啲到係佢第一枱客佢間舖唔大，得一張4人枱同3張2人枱，所以最好係佢啱啱開鋪既時候去，滿左既就唔知要等幾耐老闆係香港人，老闆娘係韓國人，所以係正宗家庭式韓國菜食物唔多選擇，但我鍾意食既佢都有，所以唔係大問題兩個人食，其實真係嗌得太多，不過冇辦法，樣樣都想試，食淨嗰啲就打包左前菜個泡菜係自家製，比出面辣，唔錯韓式無骨炸雞配甜辣醬：呢個係半份嘅份量，雞好嫩又唔乾，堅好味迷你泡菜煎餅：真係超級超級好味！外面個皮係脆既，裏面又超多料，係我食過最好味既泡菜煎餅之一同埋佢唔會好似出面咁樣一大塊煎，係分開細細塊逐塊逐塊煎，睇得出老闆娘好有心機！部隊火鍋（2人份）加芝士：又係極度推介！超級多料，超大鍋！芝士可以拉絲！個湯係泡菜湯個湯，所以都忍唔住飲咗碗餐肉每塊都煎過，睇得出又係好有心機整！食完飯佢哋既囡囡仲送左個斜咩袋俾我哋做聖誕禮物，好sweet另外見到有一台客係個伯伯之前食過要個女再帶佢泥，老闆娘竟然記得個伯伯之前食過乜嘢，充滿人情味