沛

营业中

休息中

深水埗新嘅食店可謂遍地開花，除咗文青Cafe，多得媒介介紹，呢間新開嘅韓式食店亦成為呢期上位一員只要全單消費滿$200，加$1即送韓式炒年糕，計過數符合條件，出示呢張COUPON就可以啦 每枱送上泡菜及小菜一客，年糕醬汁甜辣味道，配年糕真係好鬼夾，仲有少許魚糕作配料，一人一件好快被"消滅"要數韓食鍋類，點少得牛肉大醬湯，附送白飯一碗，食物器皿係黃銅色，幾鬼韓系大醬湯味道唔會過濃，單飲都可以，材料除咗牛肉 (肉味都幾濃)，仲有豆腐，翠玉瓜，薯仔粒，大蔥及香菇片，一D都唔複雜!  可以選擇成碗飯倒落個湯到食，又或者"畢"一匙飯先加少少湯食亦可以，我選擇後者。係韓劇入面成日出現食泡面場口，呢度提供"豪華版"，就係呢客厚切五花腩肉芝士泡面，只睇牌面係咪已經感覺到有幾邪惡呢?!將芝士熔於湯中，湯底變得相當"芝"味，加埋隻鷄蛋，增加面條嘅滑度有3件厚切五花腩肉，肥膏部份唔算太多，醃得相當入味，煎香得外有少少脆度，唔錯!全店只得10個座位，係門口排隊登記，想食嘅都要有點耐性!

MW Korea House✖️睇到介紹，趁佢新開張打工，嗱嗱聲落深水埗試下呢間餐廳。6:30入座，未夠7點已經見到外面有幾十人係度等，所以我哋兩條友仔快快手食完就鬆人。。。小店位置就係深水埗麥當勞斜對面，由韓國太太及香港先生打理。話明係小店，食物選擇唔太多。全場有5張枱10個位，空間十分有限，枱與枱之間基本上都冇乜距離，所以怕狹窄怕壓迫感嘅人呢度就未必啱你喇。韓式牛肉炒粉絲：配料好多，少咗平時食到嘅麻油味！如果上枱時再熱辣辣啲就更好喇。韓式炸雞：雞肉係好嫩滑嘅唔知點解我個人覺得似麥當勞嗰隻炸雞🍗但朋友話唔係。紫菜豬腩肉飯卷：現場觀眾同外賣都必點，証明香港人幾中意。呢度仲有牛肉、吞拿魚、菠菜飯卷。首先飯唔散嘅，但我個人就中意個飯嘅黏度可以多啲。配料夠，但唔係好香，可能係醃製時冇加重料，輕怡啲健康啲！現時消費$200加$1就有一份芝士辣炒年糕，裡面仲有魚板。第一啖食落有啲山渣味，唔酸唔辣，連我都食到嘅辣就知。年糕口感唔係好QQ，但係味道係可以嘅，可以食多啲。。

深水埗呢個舖位最近轉手為韓國餐廳，個名就係單字一個沛，今日就同兩個同事一齊嚟試吓。舖位唔算大，大概只有10個座位，雖然如此，喺佈置上見到花咗點心思，抬頭一望就見到掛咗好多乾花，甚有特色。門外印製好嘅餐牌所列嘅選項不多，不過店內就用黑板寫住最新推出嘅菜式，其實以小店嚟講選擇亦算豐富及多元化。小店始終座位不多，所以佢哋亦有推出外賣，自取仲有九折，可以吸引另外一班捧場客。落單後店員就奉上泡菜同韓式小菜，全部都係佢哋自家製，而且仲有另外出售，食啱嘅可以再買返屋企慢慢嘆。其實我哋對於食物選擇初時都毫無頭緒，於是乎店員就向我哋推介咗幾款菜式，首先係韓式炒年糕。年糕用咗韓式辣椒醬作為醬汁，甜甜地之中帶點微辣，另外仲加入咗韓式魚片，沾滿醬汁非常惹味。店員仲話可以追加飯團，點嚟食更加好味。另一款推介我哋試嘅就係五花腩芝士泡菜拉麵，韓國拉麵一向都係我嘅至愛，覺得比日式嘅即食麵更加彈牙有口感，呢個泡菜拉麵加入咗芝士同半熟雞蛋，將半溶嘅芝士同半熟嘅雞蛋攪勻入湯底入面，味道更加豐富好味。唔好俾佢五花腩嚇到，以為非常肥膩，其實佢嘅五花腩係預先煎至金黃脆邊，炸出多餘嘅油脂，食起上嚟非常甘香，而且亦減少罪惡感。韓式牛

去開深水埗拎野，緊係會行下街食下野嘅， 深水埗多野食就係人都知，但新開左間小店食韓國野就唔太多人知了。今次來到小店裝修幾清新就好像cafe 店咁門口有個打卡座位，謙謙都忍唔住打個卡先入去食野，今次係謙謙發辦🙈叫哂佢鍾意的野食。⚛ 韓式紫菜飯卷 ～ 有吞拿魚，五花腩和牛肉選擇， 謙選了五花腩， 飯卷材料包得豐富， 所以謙謙好喜歡。⚛ 韓式炒年糕 ～ 年糕加左少許泡菜和魚糕去炒，入口屬小辣，但汁料如再濃稠一點會再滋味D。⚛ 牛肉拌飯 ～ 睇得韓劇多最愛懶人飯，加拌飯醬係咁拌勻食， 因配料豐富，所以特別美味。

同朋友去深水埗覓食，朋友幾鍾意食韓式料理，於是我哋試一試呢間韓式餐廳🇰🇷 坐低點完餐，店員送上前菜，有涼拌芽菜同泡菜，兩款小菜都好開胃，泡菜係自家製，可以免費添1次，大家有興趣仲可以買返屋企~韓式紫菜飯卷($58)有三種款式可以揀，我哋揀咗五花腩，分別係吞拿魚、五花腩同牛肉，雖然揀咗五花腩，但食落完全唔覺得油膩，餡料好豐富，有蛋絲、蘿蔔絲、醃蘿蔔同生菜，配埋芝麻好香好夾，店員特別推薦可以夾埋泡菜一齊食，好開胃，份量嚟講幾大份🤤韓式炸雞($128)呢個無骨韓式炸雞，好香口好脆😽上嘅時候熱辣辣，一咬落去就好juicy，配有特製蒜甜辣醬汁，蒜香味幾重😋韓國熊津糙米汁($20)飲品方面，我哋嗌咗韓國汗蒸幕成日見到嘅米汁🤣飲落係濃郁清甜嘅米香，口感綿滑，因為係低卡飲品，所以都幾健康，見到飲品仲有唔同味道嘅冰沙，下次可以試吓😉呢間韓式小店行小清新簡約路線，好鍾意佢哋嘅主色調係Tiffany blue，令人覺得好舒服😌餐廳座位唔多，整體食物質素幾高👍🏻出邊仲有個打卡位，可惜而家冇得飛🤣 所以如果有興趣食地道韓國料理嘅朋友不妨可以試吓😆

福華街新開韓式料理，店內裝修係走清新簡約風，乾淨整潔，非常之少女☺️有別於其他韓式餐廳。美女店主服務殷勤有禮，空閒時間會從廚房走出來與客人溝通交流。附送兩款自家製餐前小菜，韓式酸辣泡菜及芝麻芽菜，兩款小食都非常開胃，味道方面一款重口一款清淡。韓式紫菜包飯（五花腩）$58有吞拿魚、五花腩、牛肉或菠菜選擇今次選擇了五花腩，腩片預先煎香過，配以雞蛋絲、蘿蔔、醃蘿蔔及椰菜絲，令口感非常豐富，米飯及紫菜麻油味香濃。韓式炒年糕$68甜辣醬年糕鋪上切幼的魚糕，而且醬汁不會過辣，簡單得來又滋味。香蕉牛奶沙冰$45 ～強推必試士多啤梨牛奶沙冰$45～強推相比其他食物，價錢不算便宜，但勝在真材實料用，以鮮果及牛奶製作而成。香滑程度，以為是以雪糕打成的，詢問之下，店主表示只是以牛奶製作。

去開深水埗入貨，經過呢間新開嘅Tiffany blue韓國餐廳，即刻心心眼入去食飯～ 餐廳細細間又唔太迫，裝修簡潔，坐得舒服。牆上仲有貓貓嘅花添🐱店員首先上左兩款泡菜，兩款都好好食！味道同其他餐廳嘅泡菜完全唔同，夠酸又唔會太辣！叫左個柚子沙冰，夠凍又好夠柚子味，擺左一陣都唔會溶到水咁，透心涼！跟住叫左個吞拿魚紫菜飯同牛肉韓式拌飯。吞拿魚紫菜飯味道清清地，餡料多同埋師傅卷得好好，夾起都唔易散！拌飯嘅每款配菜嘅調味啱啱好，睇得出係花左心思，一啲都唔求其！餐廳新間menu選擇唔多但貴精不貴多，每款都好啱食！下次一定會嚟試埋韓式年糕同韓式炸雞！

深水埗小清新韓式料理🌿位於深水埗熱鬧的環境，有間新開小清新的韓式小店。點完餐後，店員會送上小菜。這裡除了泡菜，每日都會有一款不同的小菜。今次是青瓜，第一次食青瓜的韓式小菜。本來個人不是太喜歡青瓜的草青味，但醃過後青味沒了，又覺得不錯。無骨炸雞🐓 （$128）炸的方式偏向台式，有種鹽酥雞的感覺。十分香口而且是無骨的，沾上蒜甜辣醬，十分方便和配搭。牛肉炒粉絲🐂（$88）牛肉加上三色椒，菇和蛋絲炒的粉絲。因為麻油味較淡，感覺比較港式。不過怕油膩的朋友應該會好適合。

今日喺深水埗見到既走簡約風既韓式餐廳叫「沛」，入到店舖真係好簡約好有cafe既感覺，令人好relax😚小菜有兩款，一樣係店主自製既泡菜，切到細細粒好易入口，味道夠哂香辣，好開胃呀。另一個小食係芝麻娃娃菜，好清新。兩個小菜一清一濃好正。五花腩芝士泡菜拉麵，係晚餐同宵夜既名物呀，勁開胃既泡菜湯加埋香味十足既芝士同經過店主特別炸過既五花腩，好味到停唔到口，五花腩炸過食完唔覺得膩，仲可以自己選擇辣度，岩既唔同既朋友食呀🥰大醬湯飯，味道好濃郁，份量都好足夠，洋蔥，薯仔同小黃瓜，全部都好入味，配埋飯，果個幸福感真係爆哂燈🥰白桃沙冰夠哂香甜，大熱天時飲番啖真係至高既享受呀。韓國既青提子汁甜度適中，仲有果肉，正呀😋

喺深水埗黃金電腦商場附近有一間特色韓式小店，佈置簡潔溫馨，見到有不少情侶前來光顧店員服務細心有禮，我無開聲話冷氣太凍佢都feel到即時幫手將溫度調高👏🏻韓式紫菜飯卷$58佢哋有吞拿魚、豬腩肉及牛肉選擇，我今日食牛肉～唔錯啊！韓式飯卷的材料真係好豐富，有我最鍾意食嘅醃蘿蔔、青瓜、蛋卷等，以紫菜包裹着，並灑上芝麻，香口又美味韓式炸雞$128老公非常滿意，佢覺得炸雞外脆內軟，肉汁豐富，份量佢一個人食剛剛好👍🏻

今日（2/10/2021）路過福榮街，見一小店裝修特別，原來是韓國食品店，門口木牌顯示試業中，便一試。店內環境清雅，只有十個座位，甫坐下，店員即送上泡菜及芽菜，泡菜有些咸，芽菜爽口。可能仍在試業，餐牌款式唔多。飲品點了蜜桃沙冰及柚子沙冰，兩個都幾好飲，特別是柚子沙冰，好適合熱天飲。食物點了韓式紫菜飯卷（吞拿魚），飯卷唔太實，味道適中，配上泡菜食，好好味。牛肉拌飯，配料多，全是開胃餸，清清地，好啱食。小店服務好好，店員都有介紹食品，還送了二件蛋卷，但餐牌無，蛋卷味道都唔錯。

放工之後同同事搵地方食飯，見到哩間小店好似唔錯，於是就入去一試。小店以綠色、白色為主色調，入到去一坐低，店員會送上凍麥茶、自家製泡菜及小菜，仲可以免費再添一次。餐牌👇🏻🍙韓式紫菜飯卷 $58有吞拿魚、五花腩及牛肉可以選擇紫菜幾脆，而餡料有雞蛋絲、蘿蔔絲、醃蘿蔔等，所以食落去好有口感，亦好香麻油味。🍲韓式飯（廚師精選）$88有吞拿魚及牛肉可以選擇我地揀左牛肉，佢既牛肉唔係一塊塊嗰種，而係牛肉碎，韓式飯配料好豐富，有芽菜、蘿蔔絲、菠菜、青瓜、菇、青瓜、紫菜絲同太陽蛋，店員會比辣椒醬我地自己落，我覺得落兩圈就啱啱好，大家可以自己控制辣度。🧃薏米水 $18係韓國飲過一次之後就愛上，清甜好飲。整體黎講，小店食物價錢實惠，味道亦唔錯，去開深水埗可以一試。

作為深水埗地膽，當然食盡這一區。路過發現有家新開的🇰🇷韓國餐廳小店，外型有點像cafe，而且是Tiffany Blue的外牆，已令我少女心大爆發😍，決定入去嚐嚐。店內雖然座位不多，但有種小清新感覺，牆身亦掛上了壁畫。由於太久沒有吃部隊鍋🥘，所以想也不想就決定試試：🥢自家製泡菜、小菜店員端上了泡菜和芽菜，泡菜有醋酸味，感覺很健康，沒有人工的味精味道；至於芽葉有麻油香，也很爽口，相當開胃🤪。🥘部隊鍋二人份 $178 加芝士 $8店員端上來的時候，已經覺得很豐富，亦很足料。微辣🌶的湯，配上芽菜、洋蔥🧅、香腸、午餐肉、魚糕、年糕、焗豆以及公仔麵🍜等，為了令到部隊鍋更香，特意加了芝士🧀，湯滾了就造到拉絲的效果了！而部隊鍋亦充滿原材料的味道，湯是愈飲愈濃郁，亦愈渴愈辣，但又不致令人感到口渴。最欣賞它是的午餐肉和香腸是煎香過的，絕對是靈魂所在呢😍！🥤薏米水 $18薏米水是韓國進口，雖然是罐裝，但是有薏米在裡頭，很有驚喜！後來發現，這家小店是由一位🇰🇷韓國人妻和🇭🇰香港丈夫所開，他們對食材都很嚴謹。雖然疫情飛不到韓國，但在小店裡，真的吃到韓國的原味道😋，希望下次可以再嚐嚐其他菜式。

如果你食厭左深水埗基龍街大南街既Cafe, 其實另一邊都開左d小店值得試吓！位置是黃金商場過條馬路就到！室內裝橫以白色配以藍綠色牆磚為主調，感覺非常乾淨，中午的自然光緩緩照進舖內感到額外溫暖。店員十分友善講解，超nice  前菜是菠菜和泡菜。泡菜是自己人手醃製，沒有添加防腐制可以放心食多d～ 佢地仲準備緊pack好一包包可以買返屋企添𝕃𝕦𝕟𝕔𝕙 𝕤𝕖𝕥韓式紫菜飯卷𝓖𝓲𝓶𝓫𝓪𝓹五花腩 ($58) 推薦! 紫菜微脆好新鮮，加埋上面的芝麻好香。雖然我都怕肥，但以飯卷方式包住的五花腩，加上特製醬汁非常惹味！店員解釋五花腩會比起其他選擇味道較強，如果素食者都有菜類別的選擇！牛肉韓式飯 𝓒𝓱𝓲𝓮𝓯 𝓢𝓹𝓮𝓬𝓲𝓪𝓵 𝓜𝓮𝓷𝓾 ($78)韓式飯上的餸種類多，份量足夠，味道不錯！Lunch set 強烈建議加$15轉沙冰！沙冰的冰打得細滑，味道很新鮮，甜度適中（怕甜人士，平日飲珍奶係走糖/微糖）平日對沙冰確實冇咩好感，只覺得又大杯，又甜，但飲到佢地既沙冰真係改變左我既睇法。～柚子沙冰， 很清新，好味到平日唔飲凍野的友人忍唔住全部飲曬！她強烈大推！～香蕉牛奶沙冰， 香蕉味濃中也喝到奶滑香！我看到其他食客的

行完黃金未夠鐘食晚飯，但又肚餓，行過對面褔華街揾食見到門口餐牌$58蚊飯卷吸引到，落左單一陣就有得食，都幾大舊下，小飯多餡。個泡菜好出色，夾住飯卷食好match。涼拌芽菜都ok正常，唔辣。小店黎講質素算中上，可再幫襯試其他菜式。