沛

营业中

休息中

深水埗一帶好似都唔太多韓國餐廳，今日行開黃金商場，見到對面開咗間韓國餐廳就試下先。 門面以歐陸式設計，白色加Tiffany blue，比人感覺好舒服。入面都放咗啲乾花同掛畫，感覺好清新。餐廳唔係好大，得幾張檯，但keep住一直都好多客入嚟。 店員先送上自家製泡菜同芽菜，可以免費添加一次，之後想再加就$18一碟。我揀咗個冬日限定嘅養生雞湯，由多種藥材嫩雞熬出嘅美味而且具有高度營養價值，可以話係冬季進補嘅美食，湯頭濃郁層次豐富，軟嫩雞肉入口即化，飲一碗便精力十足、神清氣爽。送飯一流，白飯吸晒雞湯嘅味道，超好味！ 韓式牛肉炒粉絲炒得乾身，唔會太過黏口，雖然我唔係好食三色椒，不過呢度嘅三色椒食完都唔覺得自己食咗，好香好甜，牛肉嫩口，再加上芝麻香，味道不錯不錯！食完仲會有驚喜，見到碟上好靚嘅圖案。