沙田新強記燒鵝海鮮酒家

营业中

休息中

沙田大圍新強記最出名就係食雞粥和燒鵝,餐廳裝修用傳統中式為主,枱與枱之間略寬敞,服務員殷勤招待顧客。沙田新強記雞粥沙田新強記最出名就係食雞粥,粥底唔會太稀,恰到好處,香滑嘅雞和鮮甜的粥,令你下次來新強記繼續食雞粥。新強記燒鵝新強記另外一個招牌菜就係燒鵝,每次來新強記必叫嘅食物,燒味廚師燒到啲鵝隻隻都皮脆肉嫩。新強記小炒王小炒王好足料,除咗有韭菜花之外,仲有魷魚鬚,腰果,魚仔和菜莆粒,非常之豐富和香口。椒鹽鮮魷椒鹽鮮魷炸到金黃色,鮮魷唔會韌,鮮味有口感。

數十年歷史的人氣中式酒樓🥰 裝潢呈中式風格，環境寬敞舒適，人流多 好熱鬧，氣氛很好☺️ 適合家庭或朋友聚會🥂 位置好近大圍站，好多人慕名而來 食物方面提供粵式菜餚，選擇豐富，價錢合理，這次試了招牌菜，質素高 好有驚喜，絕對值得一試！😍 店員很親切 整個用餐體驗很良好，必定會再訪！🤗 餐廳設有加一服務費💖食評💖沙田新強記雞粥 ($128/例)✨推薦必試，有驚喜！一大煲熱騰騰的雞粥，鹹香味十足，大大件雞肉 口感嫩滑，粥底不會太稠或太稀 剛剛好，混有薑絲，口感味道一流😚👍🏻 份量多，大概可以分到6碗🤗 金牌燒乳鴿 ($58/隻)✨推薦！外皮好香脆，乳鴿非常軟腍易咬，咬下油份及肉汁溢出，十分香口🤤🤤🔥 一人一隻剛剛好，好滿足👍🏻🫖茶芥 ($12/位)✨

以燒味馳名的大圍新強記燒，平時係大圍附近經過，今次終於有機會嚟食啦。餐廳感覺良好，幾闊落乾淨，整個餐廳都係非常傳統中式的設計，包括他們嘅餐具，很有心思和中國特色。我同呀媽兩個人叫咗3個餸，叫咗半隻吊燒南乳雞，雞肉好好食好惹味，記得要點南乳醬嚟食，吊燒雞皮脆肉嫩又入味，肉質滑嫩一啲都唔乾身，外皮色澤金黃，啲雞皮脆卜卜而且一啲都唔油，非常有驚喜。另一個招牌菜係多汁撈飯多必備嘅金牌咖哩牛腩煲，牛腩軟滑惹味，而且份量都好多，咖喱醬汁層次豐富，種香味和口感實在令人食指大動，啲薯仔大大粒又腍身，愈食愈惹味，咖哩牛腩配一定要配白飯，撈埋啲咖哩汁成碗白飯都食晒！最後最期待嘅就係叫咗碟炸大腸，炸大腸的重點就是在外面嘅皮要炸到脆口，呢到做得幾好，脆皮炸大腸幾煙韌，夾雜油香，皮脆肉嫩，配埋啲配菜菠蘿，口感一甜一咸幾好食，好有童年回憶，因為細個好中意食炸大腸，今次終於食到啦。總結，懷舊中菜式幾好食，坐位坐得幾舒服，幾啱一家大細食晚飯聚會嘅中菜酒樓。

晚同幾個好朋友聚會，大家約到大圍新強記燒鵝海鮮酒家食餐好。例牌每人點一味菜，結果大家都點了這家酒樓的招牌菜有新強記雞粥，椒鹽鮮魷，新強記燒鵝皇，金牌燒乳鴿。新強記雞粥~個粥底綿，雞入味,再加起蔥和薑。椒鹽鮮魷~熱辣辣，有咬口,鮮魷個肉質都非常好,食得出個鮮味。新強記燒鵝皇~肉質好，鵝油香，一口咬落去肉與鵝油都融入口中，個口感味道都真係非常正。金牌燒乳鴿~肉質素好，皮脆肉滑。另外乳鴿夠晒入味,再配合鹽作提升肉味層次感一流。食飽之後糖水仲有送，我點左紅豆沙。紅豆沙唔會太甜,甜度剛剛好,豆都煲得好淋,食起上黎都口感好好,而且有好香的果皮味道,將整個糖水帶起來。

是日與良久未見友好聚舊，不約而同選擇了以前常到的新強記燒鵝海鮮酒家晚宴。晚宴選擇了椒鹽鮮魷，金牌燒乳鴿，新強記燒鵝皇和新強記雞粥共四個菜式。椒鹽鮮魷-鮮魷新鮮鮮味，外脆內軟。金牌燒乳鴿-皮脆內熱，肉汁還緊緊鎖在熱辣辣的外皮之內。新強記燒鵝皇-皮脆內熱，燒鵝不會太乾身充滿了肉汁，鵝香味濃。新強記雞粥-雞肉仲好嫩滑，粥底也很好。最後臨走還有糖水送，我食了紅豆沙。紅豆沙豆全融，味道很好還有香的果皮味道。

呢間小炒都可以話係大圍名店啦天氣凍凍地，令我又再黎回味佢既足料雞粥食飯時間，客似雲來，信心保證選擇都幾多，而且最緊要係價錢都唔算貴招牌新強記雞粥（例）首先就當然要介紹呢到既招牌雞粥先啦呢到淨係例牌都已經咁大碗保守估計一定裝到六碗，一定夠食！最重要係佢入面係超足料，唔係淨係雞頸雞腳，係啖啖肉既令佢個弼勁好味翡翠炒龍躉斑球龍躉斑球勁多件，好足料最正係佢炒到勁惹味可以食到入面有好香既蝦米等等惹味既配料香加上龍躉斑球本身好鮮甜，成個餸超好食有別於一般既翡翠炒ＸＸ用既翠玉瓜，呢到係用左爽脆鮮甜又冇渣既荷蘭豆，又幾特別菠蘿咕嚕雞球咕嚕汁調味岩岩好，酸甜度適中雞球入味，食落啖啖肉勁爽

一直都好鍾意食呢間，貪佢好味得黎足料幾乎全場坐滿人，節日黎既話可能真係要等位架而且呢到樓底高，坐得舒服各式各樣既鑊氣小炒同時令海鮮都有，價錢亦相宜招牌新強記雞粥（例）勁足料既一個雞粥每一下都可以裝到大大件既雞件而且雞骨既味道煲晒出黎，令你每一口粥都會食到濃濃既雞香真係粥中有雞，雞中有粥金蒜蒸龍躉頭腩頭腩即係魚頭＋魚腩一碟野有齊兩種風味金蒜既蒜香濃得黎唔會遮左魚本身既鮮味而且魚身咬落去又滑又鮮甜另外不得不提Ｄ粉絲先至係精華，因為佢吸晒Ｄ魚既鮮味，搞到成餐飯個個係咁搶粉絲食栗子炆雞煲雞肉份量都幾多口感入味得黎都幾滑栗子有陣陣清甜食完成個人都好暖好滿足

🦆燒鵝世家🦆🕺🏻下午茶之選，去大圍威威，食個老字號🥢#大圍美食#燒鵝專門店#沙田新強記#下午茶#孖寶#放假日記中國風既裝修，好吸引，入面既格局同普通酒樓冇分別，座位闊落，冇壓迫感🫖燒鵝瀨黎到老字號，當然要食下招牌燒鵝，燒到皮脆肉嫩，鎖住肉汁，鮮嫩既鵝肉🦢正✨下午茶要配埋瀨粉🍜好有童年回憶強記雞粥軟綿綿既粥底，用上鮮雞熬製，一碗雞粥份量已經有半隻雞🐥連啲粥都有雞味，味道剛剛好，唔會好鹹，（碗）都足以兩個人食🐣金牌燒乳鴿用上bb 乳鴿，bb 肉好嫩滑，卜卜脆外皮，一咬落去，肉汁岀哂黎，食落更加有口感，果然係金牌之選👍下午茶孖寶🥧$38.8兩款仼揀七彩炒米粉，煎尖椒山竹牛肉球，啖啖肉，牛肉結實🤲🏻菜苗鮮蝦餃，材料十足，大大隻蝦，菜苗又多🥬皮薄餡靚🤲🏻最後飲啖茶，消除油膩感🍵

上次食強記係十年前，最記得係佢嘅乳鴨同雞粥，今次黎新強記，實測味道係咪同以前一樣😆新強記餐廳好大，平日來嘅顧客亦唔少，不少上一代長輩、一家人都黎食小菜🧆♡ 金牌燒乳鴿乳鴿同以前一樣都係咁高質素，乳鴿皮燒得好香，皮裡滲出少許油脂。裡面肉質好滑，點埋華鹽食到舔舔脷😋 水準依然高質❣️♡ 強記雞粥雞粥以雞油熬製而成，裡面好多雞肉，雞肉都幾滑。配搭大蔥同薑絲，再帶點胡椒味，食落幾惹味♡ 蒜蓉白菜仔白菜口感剛好，唔會過硬或過林，蒜蓉味炒得好香，而不會過鹹♡ 椒鹽九肚魚九肚魚口感好柔軟，入口帶點微辣，點埋喼汁一齊食，味道層次好豐富，好滋味間中有少少骨，食果陣要小心

帶家人來吃了，絕對是重遊舊地的感覺。位置其實係近大圍地鐵站，過埋條天橋就到，都好方便。食物質素真係高，特別係最出名既沙田雞粥, 雖然只係叫左一碗，但係份量都好多，夠曬2個人食，可以留返d位，食其他點心，好似蝦腸，咖哩魷魚都好好味。

入大圍一定要去新強記食乳鴿🤤🤤🤤🤤🤤🤤🤤招牌乳鴿係即燒，熱辣辣而且皮薄肉多。想食到更Juicy嘅鴿肉可以請師傅原隻燒乳鴿上枱，放低少少儀態你會試到更誘人嘅滋味。

今日比親戚叫咗去大圍飲茶～記得上次係新強記食晏晝真係又平又選擇多，特別係脆皮燒腩仔，食過都念念不忘。今日決定再叫，一樣熱辣辣脆卜卜，腩仔肥瘦適中，好鬼香口😋😋而今日嘅叉燒有少少少燶邊食落更加滋味，肉質軟淋，唔會柴，帶有蜜糖甜蜜味，配飯無得頂👍🏻點心方面一樣保持水準，鹹水角熱辣辣，煙煙韌韌口感一流；豉汁鳳爪有小小辣夠淋身易食惹味；脆皮紅米腸，夠特色，賣相靚紅噹噹；懷舊糯米包，金黃色三大個，係用燒賣皮包住啲臘味糯米飯，香口飽肚；潮州粉棵，外皮煙靱，餡料爽口。二人賣單$300不用，食到仲可以打包咁多，真係性價比十分高😆抵試！

一直都有聽沙田強記雞粥燒鵝好出名，但係一直無試過，今日突然有個朋友提起，決定擇日不如撞日，放工約埋一齊過黎食。餐廳位於大圍，地鐵站過條天橋就到，非常方便。平日時間大約7:00到達餐廳都可以full house，可見餐廳的確人氣高企。大約等5分鐘就有張細枱，坐低order完茶就緊係睇餐牌啦。餐牌選擇非常多，有多款套餐好抵食，不過人少少就好難叫套餐，下次要叫多d人黎一齊食先可以試。而佢地既招牌菜式招牌燒味全部都圖文並茂，就算有外籍人士都容易理解。新強記小炒王 $128小炒王係我食大排檔必點既菜式之一，估唔到喺酒樓都搵到。鑊氣夠，腰果份量多，最重要既係蝦乾大大塊，食落有口感，魷魚嘅份量都有唔少，夠晒足料。招牌雞粥 $128招牌雞粥一碗裝可以有3湯碗，而我地就order佐個例牌既，可以有6個湯碗。最impress我既係佢既雞件都幾多，而且唔會煮得過老，雞肉鮮甜而粥底軟綿綿，咸香剛好。脆皮炸大腸 $108炸大腸亦都係另一款招牌菜，配紅色既酸甜醬汁，醬汁比較稀，唔會蓋過炸大腸既香脆，而我特別鍾意佢既口感，脆皮同埋肉既比例同食乳豬差唔多，值得推薦。茶芥每人$12，合理價錢，特別要讚既係待應服務非常好

今日約左個fd出黎食飯，見佢咁耐無番香港，緊係一齊去食啲港式野食😬 google完搵到新強記好似幾出名，一於就試下。大約上晝至中午時段黎，都已經有好多客，睇黎都係好受歡迎既酒樓😆。點心同粉麵既選擇都好多，唔同野食都有唔同既供應時間，好在我地想食既點心都仲有供應😆🍴椰香黃金糕平時都係過年先食到黃金糕，今年無食到就嗌黎食下。啲糕甜甜地幾好食😋仲要超彈牙，一籠有三大件🍴豉汁鳳爪、姜蔥牛栢葉呢兩樣飲親茶都必嗌，係酒樓既水準👍🏻🍴蟹子燒賣皇肉質紮實，值得試試🍴椒鹽豆腐呢個真係好正😆 岩岩炸起新鮮滾熱辣，唔洗點醬已經勁好味，外面又脆又香口，入面既滑豆腐就入口即融。一碟有好多粒，食到停唔到，我地食到最後先醒起未影相🤣推介！（連隔離枱個婆婆都問我地呢個咩黎🤣話好似好好食）🍴香妃雞飯兩個人食點心加個飯就夠曬飽，而且份量都好多。可惜個fd唔食鵝，如果唔係都好想試下佢地既燒鵝😋除左點心，以前食過佢地個雞粥都好正。今次得2個人，食得太飽食唔到咁多野，下次再黎試下先。

👍🏻大圍傳統茶樓 新強記燒鵝海鮮酒家嗰日經過大圍嗰邊好想食傳統大排檔式嘅嘢食，行咗一陣見到間茶樓有我想食嘅嘢，仲有好多老友記幫襯，估計都唔差，就入咗去食😋 門口仲有隻金鵝，幾搞笑因為我哋得兩個人所以試到嘅嘢唔多，不過全部質素都幾好👍🏻👉🏻強記雞粥（位）$60係呢度嘅招牌，必試！雖然佢係一位嘅份量，但係都可以不到四五碗，雞嘅份量啱啱好，好嫩幾新鮮。不過最正都係佢嘅粥底，好綿，好鮮甜👉🏻椒鹽九肚魚 $108大排檔必叫！外脆內滑嘅口感一流！調味恰到好處唔會太鹹，食完唔會口渴👉🏻 XO醬海鮮豆腐煲特登叫黎送飯，海鮮份量好多，都幾新鮮，又有菜又有豆腐好健康，而且調味又啱啱好，送飯一流👍🏻仲叫咗白飯同埋要加茶芥，但最後每人都唔使200，晚餐來講幾抵食，我見佢仲有大量海鮮可以食，如果下次多人食嘅話都好想試埋！