沙田新強記燒鵝海鮮酒家

营业中

休息中

《沙田新強記燒鵝海鮮酒家 - 大圍》其實去過大圍都唔會唔識新強記，好多關係搞到其實都真係好多年冇食，以前食都係食開強記。新強記燒鵝王(例牌) $170燒味係我專科，第一係叉燒，第二就數到燒鵝，本來大家過黎係諗住食乳鴿，但因為呢隻鵝，我地今餐冇食到乳鴿。燒鵝分兩派，一派食脆皮，一派食油香，呢間係後者。入口油香陣陣，帶果木香，肉就唔係好多，不過都滑。但有少少油得濟，所以要趁熱食，同埋叫個白飯會balance一點。蜜汁叉燒王(例牌) $138叫做叉燒王咁串，就叫埋佢叫，不過叫黎都預左呢餐一定食唔哂。真嘅！蜜汁叉燒整體做得十分唔錯，好食過燒鵝tim，不如改名叫燒味海鮮酒家。講真，佢用嘅肉唔算特別靚，賣138一個例牌毛利一定高，但佢用嘅造法係幾古早嘅廣東燒味造法，係細個最常見，半肥瘦叉燒就係一舊痴住一舊，中間有d肥膏果種。蜜汁燶邊，係個制法補返個肉本身。叉燒冇得呃，睇相就知好食。強記雞粥 (位) $60做咩唔叫白飯？因為我叫左雞粥，黎大圍講飯成日都係話要食雞粥嘛！初頭見佢一位位計差d想叫2個，好彩冇咁做。因為份量很大，少少地夠2位食，煲雞粥以雞殼為主，所以唔好問點解肉唔多，如果雞粥雞多，你就知問

喺香港呢個繁華都市中，最令人懷念嘅莫過於那些道地美食。我最近拜訪咗沙田新強記燒鵝海鮮酒家，品嚐咗佢哋嘅招牌菜——沙田雞粥和乳鴿。讓我非常驚艷嘅係，呢啲菜肴都帶有香港獨特味道，令人彷彿回到了那些年的街頭巷尾。首先來講下個沙田雞粥。呢個粥味道非常濃郁，粥上面見到濃郁嘅黃油，配合著嫩滑雞肉和米粒，入口即化🤤。而且他們在粥上撒上了一些蔥花和薑絲，令整道菜多咗一份清新口感。跟住到個乳鴿，佢嘅肉質非常嫩滑，加上師傅炸到啱啱好，香噴噴。點少少淮鹽，令人忍唔住一啖接一啖食，根本停唔到落嚟。重點一定要用手食😆！整個餐廳好有舊香港嘅感覺，讓人感到非常自在。而且，服務員姐姐親切細心，價格也相當合理，絕對係性價比好高嘅餐廳。總括嚟講，今次品嚐之旅讓我充分感受到香港嘅味道，那些令人懷念嘅味道。見坐隔離幾枱都係移咗民，暑假返嚟香港嘅人，特登都要嚟回味舊味道。

《沙田新強記燒鵝海鮮酒家 - 大圍》呢一間餐廳其實屹立左喺大圍都一段長時間，細個同屋企人過嚟大圍呢邊都會食呢一間酒家，可以話係一間老字號嘅酒樓，雖然佢內部翻新過，不過入面嘅間隔都仲係好似以前咁滲透着一點懷舊嘅氣息😉今次同朋友過嚟呢邊食飯，兩個人點左三個餸完全食唔晒要打包走😝佢哋菜式既size 都真係幾大份，味道方面都係好唔錯👍🏻💁🏻‍♀️新強記燒鵝王(例牌) $170由於我同朋友都鍾意食燒鵝，所以呢一道餸我哋夾都冇夾過就異口同聲話要食啦🤭呢度嘅燒鵝唔係食佢嘅皮脆，反而係食佢嘅果木香，如果鍾意好脆好脆皮的話，佢未必可以滿足到你想要嘅口感，但係我個人覺得佢算係皮薄微脆果種，而且佢個皮深透住陣陣果木香，啲肉絕對唔會柴皮，食落有肉汁同油香，所以一定要趁熱食👍🏻送飯一流💁🏻‍♀️蜜汁叉燒王(例牌) $138除咗燒鵝之外，其實我哋仲想叫埋叉燒同埋乳鴿，但係我哋兩個食量都超水皮，好彩冇叫到乳鴿，因為最後我哋連呢三樣嘢都食唔晒要打包😂不過講真，佢呢度個蜜汁叉燒做得十分唔錯，個人覺得比起佢嘅招牌燒鵝仲要做得更好，半肥瘦叉燒最好食嘅地方係佢個邊邊位有一個爽口嘅筋位，而且個外皮有少少焦香同燶邊，加埋佢個蜜汁一齊

放工同幾個同事一齊約左係大圍新強記酒家食燒乳鴿😆一放工就一齊行去覓食，認真開心。新強記地方夠寛，岩曬放工開心講野大聲的我們😂海鮮孖寶 G款$378同事們一坐底就隨手點左個套餐，包括左薑蔥炒大肉蟹、金銀蛋浸時蔬，仲送一碟蜜汁叉燒皇，真係幾抵食。叉燒好靚喎肥瘦均勻，鹵汁又好食😋好快就俾我地清曬。金牌燒乳鴿$68熱辣辣、脆卜卜咁上台，點可以唔食呢個招牌菜呢，點少少鹽已經好滋味！呢餐飯既菜餚係絕對無失望！

再次黎到新強記飲下午茶🫖果然係老字號，無論幾時過黎食晚餐/飲茶🫖食物質素仍然保持水準👏🏻🐔雞粥濃郁雞味，軟綿綿嘅粥底，唔會太稀，而且入邊仲係真材實料，粥底己吸收哂雞油嘅精華，因為用新鮮雞嘅關係，所以味道更加提升👍不得不食招牌雞粥🐔至於下午茶時間，當然有特價孖寶優惠～其他點心都係即叫即蒸，熱辣辣上枱🫖我地就食午市推介～🐧燒鵝飯（$68）燒到外皮香脆，肉質仍然保持油香，鵝汁，肉嫩飽滿，而且份量勁多，配埋白飯，更滿足☺️點心方面，不少得招牌蟹籽燒賣皇，鮮竹卷，蒸排骨🐷比較有特色係蒸排骨，用了腸粉做底，腸粉仲要勁滑，𥄫哂豬油，好好食😋排骨肥瘦適中，有少少肥膏，但都不油膩😗

放工同同事去左新強記酒家食飯，入到去仲撞到舊同事，睇黎呢度果然係聚會好地方。服務亦都周到。黎呢度又點可以唔食乳鴿，燒得脆香，點上少許鹽或甜醬都係好食😋無需多餘的點綴，傳統手藝傳承下去的美味。海鮮孖寶亦都出色，薑蔥炒大肉蟹甚是滋味，大蔥係送飯神器，加上蟹肉的鮮美，讓人停不下來。配有金銀蛋浸時蔬，肉同菜都食到，營養均衡，贈送的蜜汁叉燒皇也絕不馬虎。途中侍應亦好勤力換骨碟，抵讚！小費茶芥俾得值，係下次聚會再黎的好地方。

今日同媽咪去大圍探婆婆，之後就打算喺附近搵嘢食完先回家。媽咪喜歡中菜，見附近有間酒家門面幾有氣派就比佢吸左入去試吓。酒家的裝潢都以舊派古式古香為主，格局唔算好大，但晚市時段都坐滿哂客人。我哋叫咗一份例牌燒鵝皇、爽口凍燻蹄同埋椒鹽白飯魚。燒鵝例牌嚟講都算大份，而且仲要有髀位，好開心！燒鵝皮燒到脆卜卜，油脂香口，肉質厚實，點埋冰梅醬絕對可以餸一大碗飯。凍燻蹄就偏薄，但都有十多塊。燻蹄就係要食佢嘅口應，煙韌彈牙嘅豬皮加入口即溶嘅脂肪再加有埋有質感嘅豬肉，成件事好滿足好有層次；點埋蒜醋汁，開胃一流！椒鹽白飯魚份量都好有誠意，炸漿唔會過厚，每條白飯魚分明，唔會炸漿同白飯魚分離或鬆散，點埋喼汁食真係停唔到口。最後不得不讚酒家嘅樓面姨姨，大部分都面帶笑容，而且服務態度非常之好，好樂意去服務客人，好難得👍🏽

🐔🐔🐔馳名強記沙田雞粥，有3個選擇，我揀左一位($60), 以為只係一個大碗裝但估唔到都好大份, 一個瓦皿裝，湯麵碗咁大! 夠3個人食！粥好綿，好香雞油味，雞件又大件又滑！一試難忘！果然係招牌菜😬🐤金牌燒乳鴿, 我地揀左原隻上, 唔切, 連待應都話原隻上好食D! 皮脆肉嫰, 不錯喔~菠蘿生炒骨, 香炒上枱, 色香味俱全, 再加碗絲苗白飯真係一個女仔食哂都無問題呀! 生炒骨香脆熱口, 醬汁酸甜好味☺️🙏🏼侍應們態度十分親切, 會同客人有講有笑, 上菜更會客氣地講: 多謝哂..令到我覺得好窩心! 地點就腳又易搵, 對正大圍站👍

閏密剛剛生咗Bb，去完仁安探佢之後就喺大圍搵嘢食，被呢間門面裝潢古色古香嘅酒家就去試吓。酒家鋪面唔算大，但都客席滿座，晚市有多款小菜同套餐選擇，呢到見最馳名就係佢啲招牌燒味，啱哂我口味！因為時間尚早未算好肚餓，只係點咗燒鵝皇例同埋叉燒皇例同埋肉鬆炒四季豆。燒鵝比咗髀位我哋，啖啖鵝肉！鵝皮燒到香脆，咬落去啲鵝油喺口入面爆發，雖然好邪惡，但真係好好味！叉燒皇雖然係例，但份量十足，每件叉燒都大大塊。叉燒肥瘦適中，肉質非常軟稔，最怕食到啲叉燒又乾又鞋。新強記叉燒非常出色，下次都會encore！呢碟又係餸飯一流，鑊氣夠炒到非常香口，食到陣陣肉鬆嘅油脂香同埋香蒜味。必讚係四季豆好貼心咁搣咗兩邊嘅絲，所以食落完全無渣！而且份都係十足！呢間外表古色古香，望落有啲舊嘅酒家，但食物絕對有質素！

今日放工同朋友去開大圍，最老字號食乳鴿同埋燒鵝出名嘅餐廳餐廳位置靠近大圍火車站出入好方便，鋪面顯眼又開揚食物方面夠鑊氣且熱辣辣款款又香口美味，最出色又夠派頭，必試名物，乳鴿，雞粥，豬大腸極力推薦食物温度保持夠熱，奉上甜品但水準高好不錯！碟碟份量不論份量十足且性價比高又夠飽 價錢合理適合朋友或親友親臨前來幫襯！有時去大圍諗唔到食乜嘢，又想食乳鴿同粥既真心可以考慮試試，即使夏天温度大熱也充斥着滿滿美食真的大快人心

是日友好相約吃晚餐，到沙田新強記先到先拎位。到達店員就安排了座位，點普洱茶邊飲邊睇食譜。🍽️🥢🫖齊人可以點菜，每人一道菜式。朋友點新強記小炒王，金牌燒乳鴿，椒鹽九肚魚而我就點了粟米龍躉石斑塊。菜來了，人未吃手機先吃。新強記小炒王-韮菜新鮮嫩口，蝦乾又大又香，魷魚彈牙，還有腰果爽脆。🤩金牌燒乳鴿-炸得夠脆而入面還保持到肉汁。椒鹽九肚魚-熱辣辣，入面嫩滑，一口咬落去口感一流。😍粟米龍躉石斑塊-石斑先走油鎖住肉汁，嫩滑魚肉配合魚香加上粟米，very nice。飯後贈送糖水同樣一流，特別推薦紫米露。🤗

大圍老字號 📍沙田新強記📍突然想食乳鴿，又係大圍附近，就問下住附近既朋友有咩推薦？每位都推介老字號，當然要食下啦🤲🏻一去到門口，見到個裝修就知，真係老字號🫶🏻🐦金牌燒乳鴿燒得皮脆肉嫩，唔係瘦猛猛，真係啖啖肉，另外加埋調味料，令乳鴿更特岀鮮味👍🥢波蘿生炒骨肉嘅份量比配菜多，半肥瘦既豬肉炸得好鬆化，外邊只有一層簿簿既麵粉，令味道更香口👍酸酸甜甜更開胃🤤另外配一碗白飯🍚真係無敵🫶🏻🥢小炒王豐富既小炒王，咩都有，有蝦有好多我最愛既韮菜🤭啲蝦肉仲要大大隻，唔似外邊餐廳用蝦乾，而且好多魷魚，份量十足😋炒得好有鑊氣！

每次經過大圍港鐵站都會望到這間掛著大紅燈籠的地標食肆 - 沙田新強記燒鵝海鮮酒家。不少客人專程入來沙田都是為了品嚐他們的招牌菜「沙田三寶 - 雞粥、乳鴿、燒鵝」。這家老字號酒家除了招牌三寶，還可以找到不少的懷舊菜式和手工點心。金牌燒乳鴿（$68）鎮店之寶之一，金牌燒乳鴿，原隻上並沒有斬件，肉汁緊鎖在內，用手拿著慢慢品嚐，真係好味到手指都舔埋。沙田新強記雞粥（$60/位）粥底綿滑並充滿雞油的香氣，雞件嫩滑有雞味，沙鍋盛載的雞粥更可保持溫度。新強記燒鵝飯（$68）燒鵝的皮很薄，下面一層薄薄的鵝脂加上香嫩的鵝肉，甘香而不膩，配合酸梅醬汁，味道更豐富。椒鹽豆腐（$58）金磗一般的椒鹽豆腐，一口一粒。豆腐炸至外脆內軟，火喉到位，香辣的椒鹽令味道更有層次感。黑椒蒸爽肚（$36）這是一款懷舊點心，黑椒蒸爽肚，豬肚爽彈帶點嚼口，適量的黑胡椒不但增添香氣，更可為味道提鮮。 門面內在環境餐牌

新強記 - 大圍美食沙田新強記燒鵝海鮮酒家(大圍) 今日約咗朋友食飯，位置係正大圍地鐵站出口對面，好方邊，超易搵🤭食物❤️❤️❤️❤️❤️樣樣食物都好夠熱，一嚟果陣熱辣辣又香口，好正～特別推介必試名物～乳鴿，雞粥，豬大腸呢3樣嘢都好好味好香口其他嘅都好夠熱，所以樣樣都高分～甜品係送嘅但水準在線🥰份量傳統餐廳嘅份量，性價比高，夠晒飽 👍🏼👍🏼👍🏼環境環境似以前細個食果啲大酒樓，唔係好新嘅裝修但啲設施都保存得好好，枱枱櫈櫈都ok無乜損耗冷氣好足，今日天氣咁熱入到去坐咗半個鐘後都開始覺得凍，唔會怕熱服務有個插曲係我同侍應反映冷氣凍，佢哋即係幫我搵另一個位調，食完野隻碟有骨好主動過嚟幫我哋換碟，完全唔需要出聲，好貼心價錢價錢計返每樣都係百幾蚊，價錢合理值得幫襯！🤭🤭🤭#hkfoodie #hkfoodies #hkfoodieblogger #hkfoodieyiki #大圍 #taiwai #taiwaifood #新強記 #新強記燒鵝乳鴿海鮮酒家 #香港美食 #大圍美食 #沙田美食 #吃貨 #相機食先

黎沙田新強記呢，照著佢個招牌菜點就一定唔錯慣例先食個沙田新強記雞粥，128例牌我地三個人每日食左兩三碗，新強記雞粥係特別惹味，同平時淡口清淡嘅粥完全唔同，尤其是滑雞份量足夠，我地都食得好開心小菜叫咗椒鹽九肚魚，128，幾時都話新鮮炸起嘅九肚魚最好食，香氣十足，調味方面簡單炸蒜七味粉已經帶到炸物的香味新強記小炒王128 韭菜、炸腰果、銀魚仔、魷魚，一定要讚下佢個蝦乾，同平時出面嗰啲size完全唔同，呢度比嘅靚蝦乾又大又香，抵讚沙爹金菇肥牛煲 128 材料都係嗰啲，呢到嘅肉量充足，大大淡食都仲有好多肉，沙爹有種特別的香味，可以一試！新強記作為老字號一直都keep到佢嘅水準，大份夾抵食！