沙田新強記燒鵝海鮮酒家

营业中

休息中

在沙田大圍逛街就去新商場食飯就要新強記食雞粥一定要去沙田，大圍的新強記除了雞粥和燒味飯最有保證外，點心也不錯，即叫即製，還有不少懷舊點心呢。沙田雞粥濃郁鮮美，雞肉軟嫩可口，有髀肉和胸肉，加上薑葱絲，香氣撲鼻而來。叉燒飯的叉燒顏色紅潤，肥瘦相間，肉質軟嫩，鋪在白飯上，讓人食指大動。蘿蔔絲酥餅是一道懷舊小吃，已經甚少酒家有造。酥餅的外皮酥脆可口，內餡的蘿蔔絲鬆軟香甜，沒有過多的調料，很符合我的口味。非常好食。懷舊鴨腳扎又是另一道滋味點心，腐皮包着鴨掌、豬肉和芋頭，口感層次豐富，味道出眾。新強記食物優質，價錢合理（2-3:00下午茶時段還有特價），位位阿姐都好親切，難怪屹立大圍多年。

作為一個沙田友， 每日都會經過呢間鋪，今日終於初到燒鵝海鮮酒家用餐，品嚐了他們馳名的雞粥。可能是星期一的關係，晚飯繁忙時間並没有太多食客，餐廳內坐了一半的客人，空間很寬敞。由於2個人都好細食，所以只叫咗一碗雞粥。其實最後有3小碗的份量，一個人食十分足夠。這碗粥的味道偏向重口味。雖然雞肉的口感蓬鬆，雞肉的味道濃郁，不過要留意番師傅唔係用蔥花而係蔥段一齊滾，唔好蔥的記得特別留意。我更喜歡清淡口味的粥，所以我覺得咸味稍嫌重啲。另外叫咗鮮蝦仁炒滑蛋，這味菜的味道也偏向重口味。蛋炒得很滑嫩，鮮蝦仁都好爽口彈牙。這味菜係正常發揮。最後一味係蜜汁叉燒皇，呢個是我最喜歡的一味。叉燒的質地鮮嫩多汁，蜜汁的甜味與燒烤的香氣完美結合。每一口都有香噴噴既叉燒醬味，好滿足感。總的來說呢間在夜晚繁忙的時間表現不錯，落單、上菜、同執枱都算快手。菜品偏向重口味，鐘意重口味食家之選。蜜汁叉燒皇值得一試。收加一服務費同茶芥，價格稍貴。

今日喺石門見完個fd 所以就黎呢度食 之前食過佢啲燒鵝同乳鴿都唔錯✨皇牌燒乳鴿 $68我覺得佢係燒得好香同好juicy 個皮仲脆 好食😋✨強記雞粥（位）$60個雞粥煮得好棉🤤🤤🤤 雞味滲晒入啲粥度😋😋 ✨新強記小炒皇 $128呢個就一般般🙈🙈 有啲韮菜炒到燶左 有少少燶味 同埋炒得咸左啲總括黎講覺得家禽類呢度係整得幾好食 其他小菜就好似普通啲 不過兩個人試唔到太多已經飽左🤣🤣 侍應服務都好好 可能當日唔太多客 會幫我地整理下張枱 食飽最後仲有免費糖水送味道❤️❤️❤️💔抵食❤️❤️❤️💔服務❤️❤️❤️❤️環境❤️❤️❤️💔💰晚餐人均～$154(收+1)

大圍的老子號酒家，我也吃過好幾次了，質素有保證，這次就吃了這裡的雞粥，真的挺有意外驚喜的！香桃咕嚕肉（１２８元）咕嚕肉份量可以，而且是新鮮炸起，吃起來外脆內嫩，酸甜味十足，而且還會帶桃的果香，挺特別的。強記雞粥（６０元／位）比想像中的要大鍋，而且非常熱，雞粥質感綿滑，雞味香濃，應該煮了很久了！而雞件是另外放的，所以不會像煮湯的雞沒有了口感，質感滑嫩有彈性！冰鎮鵝掌翼（６８元）鵝掌翼是挺大隻的，肉量還可以，一共有兩隻腳和兩對翼，都用上酒去醃過的，所以吃起來陣陣酒香，質感爽滑！飯後糖水免費！

呢間餐廳真係好正㗎！今次嚟食嘅主打係沙田雞粥同乳鴿，兩樣都令我大開味覺！首先嚟講沙田雞粥，個湯底濃郁，濃味香濃正，每啖都係一種享受。雞粥入口即化，粥身煮得剛剛好，又唔會太稀，食落好滑順。而且，啲雞肉好嫩好滑，一啖咬落去，肉汁即刻噴出，鮮嫩得停唔到口！真係心目中正宗沙田雞粥！至於乳鴿，唔講都唔得，食完真係回味無窮！乳鴿皮烤得香脆，入口即化，咬落去個肉質鮮嫩多汁，滋味好濃郁。每一啖都好入味，令人欲罷不能！真係臨走都要叫多幾隻帶走俾屋企人食！仲有，佢哋嘅服務好好！啲服務員好細心又有禮貌，見到小朋友食乳鴿就主動提供膠手套，好貼心呀！令食飯環境更加乾淨衛生。總括嚟講，沙田新強記燒鵝海鮮餐廳真係值得推薦㗎！你要知，呢度有咁正宗嘅沙田雞粥同乳鴿！食物好正，服務好好，真係一個好滿意嘅食飯體驗！

點了招牌三寶小菜套餐沙田新強記雞粥真的超級勁驚艷整煲雞粥的雞味很鮮很濃郁雞件滑嫰很容易脫骨，表皮有一點焦香粥很綿密，沒有粥水分離值得推薦新強記燒鵝皇燒鵝很香，很厚肉吃的時候沒有油膩感配上特製的醬汁更清新新強記小炒王韭菜花幼細比較鮮嫰配上蝦乾和魷魚仔一起炒整道菜鹹鹹香香的金銀蛋浸時蔬小白菜份量很多很新鮮，表面有一層薄薄的蛋白以及皮蛋粒瑤柱蛋白炒飯瑤柱粒分量超多，白飯炒至粒粒分明調味剛剛好椒鹽脆豆腐十分推薦豆腐外皮很脆香，加上了類似避風塘的調味料和椒鹽內裏軟滑咕嚕肉外皮脆身，酸酸甜味的很開胃

經過大圍新開的商場附近，一直都知道大圍站對面有一間「新強記燒鵝」。既然今晚一場嚟到，冇理由唔去試嚇。但因為下午茶食過燒鵝瀨，所以今晚就試嚇佢嘅招牌菜乳鴿和蜜汁叉燒，大大只嘅乳鴿皮香外脆有光澤，咬落去啖啖肉，而且燒到外脆內軟，半肥瘦嘅叉燒食落吾油膩，肉腍鬆軟、厚薄適中，仲有少少焦香和膿邊，熱辣辣嘅叉燒汁送飯一流。雖然今日系平日夜晚，但都見到很多街坊幫襯，相信都系因為小菜份量夠大之余，配埋超好服務態度嘅樓面姨姨和高水準嘅食物，完全系有回頭客嘅原因。下次吾系經過，而系會專登再去幫。

是日同老婆外家一家人食飯，當做節。當中有較年長既一輩，心血來潮話好耐無食過新強記雞粥，印象我都分分鐘好幾年無食呢間。印象係食乳鴿，燒鵝，雞粥小菜咁，印象以前都好唔錯。其實本身都有d擔心，疫情後，都執左好多餐廳，都諗緊佢會唔會執左。好彩，上網check過仲响度，立即打電話訂位食飯。呀強乜你仲响度呀坐低睇下有咩好食，呢度好在好多套餐set好左，唔駛煩諗食乜，睇住個價錢去揀，唔駛左諗右諗食乜好，簡單。最後見到個728餐，幾抵食咁，又出名既燒鵝，乳鴿，仲有個湯飲，加多兩個小菜，幾個人食，加上女人多，實夠食。生磨杏汁白肺湯：足料，有雞肉，雞腳，瘦肉，豬肺，我就麻麻地內臟，長輩話洗得好乾淨，豬肺無so味。杏汁勁濃郁。燒鵝：例牌，其實都算大碟多件數。燒鵝對於我黎講，最緊要有d肥同夠熱，太瘦唔好食，唔夠熱食落去個浸油又好怪。今次食都幾ok，唔會太過肥，唔駛係咁夾走d肥膏。又唔會太瘦，夠熱，皮都脆，好唔錯。椒鹽九肚魚：都係新鮮整起，夠晒熱，食呢九肚魚最怕食到細骨，成日渣咁，今次成碟都無咁既情況，又唔厚粉，無得輸。雜菜煲：好足料又大煲，又菇又蝦乾咁。最怕煮到黃咁咁。今次尚算可以，美中不足既佢較濃味，個人喜

今晚提早同屋企人做節嚟到呢間長輩們都識既新強記😆嚟到新強記唔係唔食燒鵝乳鴿下嘛？呢個餐滿足晒我地要求😆要左一個生磨杏汁白肺湯呢d功夫菜當然要試（自己係屋企洗好大工程）杏汁味好重，湯好甜（好似飲緊杏仁茶）有雞味湯渣可以睇到十分足料餐既燒鵝都有燒鵝脾食🤗🤗皮脆肉質鮮嫰多汁唔會太肥一D都唔柴乳鴿熱辣辣👍👍有4隻～份量十足小菜方面我地揀左～上湯海味雜菜煲，食左咁多肉要叫番個菜均衡飲食。入面有蝦米、魷魚、粉絲、西蘭花、菜芯、竹笙、粟米荀 、草菇。另一款叫左椒鹽九肚魚個皮好脆魚肉嫰滑無骨驟眼睇有10～12條😆😆最後仲有糖水送為呢餐寫上完全既句號有紅豆沙＆綠豆沙我地一家比較喜歡紅豆沙送既糖水一D都唔馬虎煲到起晒沙唔會太甜👍👍

💙蟹籽燒賣燒賣肉比較厚實，食完好飽😂.💙新強記蝦餃皇蝦餃皮厚薄適中，蝦既份量好多～ 值得一試🤓.💙花雕棉花雞棉花雞係原件上～ 兩件大大件，魚肚幾滑☺️.💙金錢肚份量唔少，金錢肚有咬口，夠入味，低下有豆卜用黎索汁，重口味既朋友會好鍾意😛.💙金珠鹹水角唔會炸到縮曬水，空氣同饀料一半一半，味道唔錯，但熱d更好🤫.💙炸鮮奶卷即叫即炸！熱辣辣食好好食～ 皮脆，內軟滑既口感～～.💙蜜汁叉燒包叉燒餡料夠多😉 每啖包都食到叉燒.💙脆脆紅米腸入面做到幾脆口，想像到既脆網卷口感😗.見到啲隔籬枱既燒鵝都好吸引 燒得好靚～下次就黎try try呢個🥰

今日去了大圍一間港式中菜餐廳食午飯。餐廳大門掛滿了很多大紅燈籠，很有中國古典色彩。餐廳內沒有華麗的裝修，是比較實用的港式設計，放有多張大圓枱。這裡是以雞粥，燒鵝和乳鴿而馳名。我點了：-強記雞粥一人份量瓦煲上枱熱辣辣，很大煲。可以2-3人食用。粥底綿滑，味道鮮甜，雞件嫩滑。-燒鵝河粉燒鵝與河粉分開上，燒鵝皮脆，肉質腍軟，鵝味香濃。-脆脆紅米腸腸粉內有脆脆，芹菜和蝦肉，很有層次感-新強記蝦餃（2粒）最鍾意是可點2粒或4粒，非常有彈性。蝦餃很大粒，餡料滿是蝦肉，很彈牙。-菜苗鮮蝦餃-懷舊芝麻卷現很少酒樓有這款點心了，因製作繁複。芝麻卷的芝麻味很香濃，甜度適中。

沙田新強記燒鵝海鮮酒家 (大圍).係沙田附近住嘅都會認識嘅老牌酒樓，富有人情味！.每次黎我地都必叫小食—麻香海蜇頭，小水母咁，非常爽口.雞粥係必叫，睇個顏色就知真材實料，夠綿，唔需要落胡椒粉個人覺得已經好夠味呢到嘅海鮮孖寶會定期搞搞新配搭，今次我地叫A，金銀蒜蒸龍躉腩再加個菜，金銀蛋時蔬，仲送個古法香妃雞雞始終係送嘅唔算份量好多，但送嘅唔會要求太多！.最後仲有糖水送，分別有紅豆沙或者綠豆沙，兩走都好足料！

去新強記相聚一下， 貪佢夠地道，夠大份。▶️新強記小炒王好足料的小炒王，蝦乾落得超多，仲要大大隻。韭菜冇渣，銀魚、菜甫都好香。食到底，碟底沒太多油，炒得不錯。▶️秘製香辣雞煲 （小辣）唔係好食得辣，所以只叫小辣。呢隻辣的程度係一開始食會覺得有些辣，食食下會習慣的辣。 我們覺得合適。雞件有好多塊，香香辣辣， 我連配菜都食埋，▶️乳鴿叫一隻過下隱，果然冇失望。幾多肉汁，又惹味。唔點鹽都得。最後有糖水送，有紫米同紅豆沙揀 。糖水少甜，值得一讚。

諗起上年食過既新強記，印象不錯，又約人去食。 今次唔食餐了，散叫。🔹雞粥 （一位）一位份量都幾多，兩位都夠食。我最欣賞佢既雞肉，熟得黎肉質係嫩滑的！🔹乳鴿 （一隻）即炸的，好惹味！今晚的好像特別完美，外脆內嫩。 附了喼汁和椒鹽，但不用點已經好夠味，鹹味也相當足夠。🔹咖喱牛腩見到係推介菜所以叫的。呢個咖喱係舒服的咖喱，不辣的。同其他餸相比,反而係最淡味的，正合我意。 雖然大部份小菜要過百元，但所有既黎既小菜都好大碟。 以性價比來説係高的。而當晚令我最深刻的係，餐廳內好多阿姐都好親切，好helpful。 即使係傳菜既都好好，全程食得好開心。 完全冇好多老字號的氣焰。

探望住在沙田的朋友，他帶我去了大圍的新強記。聽說這家店已經開了很久，基本上住在沙田區的朋友都會認識，歷史悠久😃店舖內部曾經裝修過，所以都很舒適。點了招牌的燒鵝皇和雞粥，燒鵝皮脆多汁，新鮮熱辣，鵝油很香。沙田雞粥也很著名，例牌的份量已經很多，足夠3至4人食，粥煮得很綿很入味，雞件也是很多也很嫩，很不錯🐔聽說乳鴿亦很不錯，但這次點了太多東西吃不下，下次再來試😌另外叫了些小食和點心，燒賣饀料很多，不錯吃👍🏻 排骨也是入味且肉嫩。這裡居然還有古法燒腩卷😱現在酒樓也很少見，馬上點一份，面包很鬆軟，入面有燒腩和芋頭，整個軟綿綿的很好吃。然後是我私心喜愛的鹹水角，每次飲茶必點，軟糯嘅外層，包住帶鹹香的肉碎，十分喜歡🫶🏻最後還點了一份椒鹽魷魚鬚，正宗酒樓的造法，椒鹽外還加了炸蒜，香口惹味。探望住在沙田的朋友，他帶我去了大圍的新強記。聽說這家店已經開了很久，基本上住在沙田區的朋友都會認識，歷史悠久😃店舖內部曾經裝修過，所以都很舒適。點了招牌的燒鵝皇和雞粥，燒鵝皮脆多汁，新鮮熱辣，鵝油很香。沙田雞粥也很著名，例牌的份量已經很多，足夠3至4人食，粥煮得很綿很入味，雞件也是很多也很嫩，很不錯🐔聽說乳鴿亦很不錯