沙嗲王 (黃金廣場)

营业中

休息中

由中學到而家就成日食銅鑼灣沙嗲王，不過呢間裝修完就第一次食，裝修完環境唔錯，坐得幾舒服！而且開得耐左，個次去到夜晚10點幾都有得入座，就立即衝過去！呢到招牌菜當然係白咖哩汁豬扒，兩樣mix&match真係十分正！我地仲叫左個芝士帆立貝，雖然帆立貝係好細隻，不過對於我呢個十分鍾意cheese嘅，簡直就係正到爆！！之後，仲有個雞脾薯菜，個雞脾整得幾好食，同埋啲肉好滑好嫩，配埋脆卜卜嘅薯條，亦都係必食！個二人set仲好體貼咁送埋甜品，我就梗係揀Haagen Dazs雪糕啦，因為真係好好食！

本身諗住食下午餐，抵啲有set，點知岩岩遲左少少，唯有散叫晚餐。見有幾款新野，所以就叫左一個吉列豬試試，另一個就平時都有嘅黑椒雞扒。首先個吉列豬好好食，外皮薄唔算好油膩，肉厚切，肉質軟熟，好多肉汁，仲係半粉紅色，質素非常有驚喜，同出面吉列豬專門店百幾二百蚊一客有得比，我都有啲驚奇點解呢到會食到咁嘅吉豬。另一碟黑椒雞扒就同平時一樣水準，都唔錯嘅，外皮好脆，雞肉係滑嫩。不過今次碗麵就有少少硬，女朋友就唔太喜歡，我就冇乜所謂，始終呢樣每人口味唔同。但總括黎講其實以沙嗲王嘅質素咁嘅價錢，真係物超所值。

自從沙嗲王係銅鑼灣一期廣場搬左去黃金廣場之後，都差不多成年冇食過佢。今日係銅鑼灣出duty順便約舊同事去黃金廣場食午餐！餐廳位置都幾多，不過人亦多，等位都等左4、5個字。午市套餐餐牌就冇乜點變，都係以往嘅飯麵套餐。我叫左招牌白咖喱香茅豬扒飯，唔食都唔知而家轉左咁擺，記得之前豬扒同白咖喱係裝埋一兜，分開擺都幾好，唔洗浸住！不過比較失望嘅就係個香茅豬扒！豬扒份糧比以前少，又薄身左，炸完都幾乾，如果唔點白咖喱汁都幾難送飯！老實講今次再食真係有少少失望希望下次會有改善。

今日一行4人去沙爹王食個飯聚會。叫咗兩個飯：沙爹豬扒飯同埋白咖哩豬扒飯，仲有小食：椒鹽雞軟骨、芝士焗年糕、避風塘鮮魷皇子沙爹王嘅沙爹豬扒飯真係必點之一，因為佢個沙爹汁真係冇得彈，好香花生醬味，豬扒都好淋呢度嘅白咖哩都好出名，係招牌之一，多數都係配飯，白咖哩汁唔會好辣，撈飯點豬扒都好夾芝士焗年糕芝士味濃，年糕都彈牙避風塘鮮魷皇子炸得好香口，上面嘅香料好香辣，好鍾意個蒜，但對於一d朋友黎講可能辣咗d。椒鹽雞軟骨：及格，加咗檸檬汁之後幾好食

呢間沙嗲王分店好大好多位，上次去食唔使等位就有得入去~餐牌食物種類好多，揀咗好耐xdxd 最後嗌咗一個鮮茄芝士焗厚切豬排飯、白咖喱香茅豬排飯、一杯芒果沙冰。首先講豬排飯，塊豬排真係好大塊，咬落好淋，個飯炒得好好味！！！佢嘅招牌白咖喱飯都唔遜色，咖喱好濃好香！！！不過個人唔太中意辣，中意甜甜地嘅咖喱，如果唔食辣就唔建議嗌呢個~ 杯芒果沙冰唔會太甜，好中意佢d西米，唔會一舊舊，粒粒分明，又有咬口~最後會根據消費比coupon，可以下次用，真係好抵食！！！

係銅鑼灣既街頭上諗要食乜，話難唔難，始終周街都係野食，話易又唔易，都係因為太多選擇唔知點揀好，諗冇可諗下，食沙嗲王啦。環境：我地3個人坐4人既卡位，肯定唔會迫，同埋呢度既裝修佈置都幾靚。服務：雖然星期六既晚上好多人，侍應都好忙，但佢地既態度都幾殷勤，唔會因為多人以迫你快快脆落好單咁。衛生：衛生情況都還可以，不過食食下聞到消毒藥水既味，望一望原來係做緊清潔，邊食邊清潔感官唔係咁好。味道：蒜香牛油雞翼好香蒜味，炸得好香脆，但味道偏鹹。奶油津白上菜時有d意外，估唔到咁細碟，但有配上津白既best friend 鹹肉，都幾入味。Pizza夠晒迷你，不過都好，因為唔好味，食落酸酸地，所以細d仲好唔使浪費。XO醬炒蘿白糕略嫌炒得太lon，但其實味道都幾唔錯，少少辣又唔會太鹹，好野味。要推介下呢杯菠蘿碧海，一開始見佢藍色咁棧鬼諗住試下佢，點知一試愛上，由話梅帶出既甜味有別於一般梳打既死甜，再加上basil seed個口感非常新鮮！抵食：二百幾蚊食既野大部分都好普通，但考慮到呢度係銅鑼灣，所以都算抵食既。

星期五晚放工去到銅鑼灣，站著如留羅都唔知做咩好周圍望下，見到沙嗲王，心中就有答案了想不到8:30還要等一陣位不想思考的我，很想就點了必吃的白咖哩豬扒飯女友叫了巨比飯秘制咖哩汁唔好食，都係白咖哩最正

以銅鑼灣區, 有裝修得來, 坐得舒服, 約$100 spending per head. 都算唔錯。脾雖然是煎過, 但肉十分juicy, good, 脾的份量也足夠。汁: 在白咖喱, 沙嗲汁, 秘制咖喱中, 點選了''秘制叻喱'' 極失望, 冇辣味, 只有椰香味, 再以半價order 了一杯士多啤梨雪香, 好唔掂, 比其他台灣飲品店賣的雪香, 甜很多, 士多啤梨的酸味亦欠奉 (如果有下次, 會order 朱古力雪香, 相信朱古力會穩陣)

是日又來到銅鑼灣搵食，原來沙嗲王在銅鑼灣開了新分店，環境寬敞，坐得舒服，就看看食物質素如何下午茶時段有套餐供應，飯麵或小食配飲品，價錢相宜。食物烹調不馬虎，看看那隻恰到好處的溫泉蛋就知道了肉醬分量十足，完全覆蓋住整碟飯，值得一提，飯底並不只是白飯，而是炒飯底！雖然並非炒得金黃分明，不過以新派食店的水準來說，已算不俗。流心蛋黃配微酸番茄肉醬和炒飯，一口滿足三個願望現在消費更送優惠卷，下次惠顧時可以使用，這次得到$4現金卷，下次用吧！

諗住轉左舖位去食下啦，覺得有點失落，餐牌轉哂，價錢貴左，仲要加一服務費。食品冇左好多選擇，想食的小食冇左好多，只餘下的配搭不合胃口加個人唔覺得好食的食品就有得留低。價錢不再大眾化。想走高檔次嗎？？？但失去了特色。我諗應該唔會再幫襯了。

其實選一間餐廳開飯，都可以有好多原因既。有人會因為食物（最正常諗法），又有人會因為某位待應（我想食麵，仲想見到你幾面）。而我就喜歡食「裝修」，食飯始終都係享受，周圍嘅環境都好重要。今次黎沙嗲王，大家一定唔會陌生，但係全新嘅裝修，整到好似「茶木」咁靚，就當然要來試一試。入到去就立刻有位坐，唔使等，估唔到銅鑼灣仲有「唔使排隊嘅食肆」。坐低左之後，我用咗成兩分鐘去欣賞周圍嘅裝修。地方闊落左，而且成間餐廳重用同一個主題，唔似得以前的沙嗲王，好似好舊咁。估唔到連本餐牌都跟足主題，真係好有心思。裏面仲有好多公仔啊，資訊一睇就明。睇咗咁耐，係時候點餐啊。就叫沙嗲王的經典「白咖哩香茅豬扒………轉烏冬」（因為我中意食）賣相唔錯，正正常常，同平時差唔多。但係我覺得個白咖喱味道比以前好咗。（呢啲嘢好主觀，自己可以親身試下）覺得有問題嘅地方就係食中午飯都要加一。不過算啦，銅鑼灣地區租金好貴，生意難做。

超低能嘅職員，係都要等人齊先可以入座，其實已經限90分鐘用餐時間，唔明點解係都要等人齊先俾入!?!?!? 我唔可以入咗座叫定嘢食先㗎咩!?!?! 我都係想等屋企人一嚟到就有得食啫，咁都唔得!?!?!? 呢度冷氣又唔夠，未到90分鐘你唔叫我都唔願留喺度啦，搬咗去呢間店之後，服務質素真係差好多!!!!!!

係銅鑼灣番工，沙爹王一定係午餐嘅首選，以前呢度只有沙嗲肥牛粉絲？白咖喱香茅豬扒飯？非也！紅酒牛肉粒飯都係一大皇牌！牛肉整到好入味，個汁都非常開胃，紅酒味身為配角，絕對唔會喧賓奪主，但又好好地配合主角牛肉，原來1+1大過3是真的

沙嗲王係中學時期嘅恩物, 出嚟做嘢後偶然會食一次， 見過嗰啲奇奇怪怪，完全唔襯嘅海盜裝飾😂😂😂 慶幸他們全部都被飛走了 👍白咖哩豬扒飯， 是他們的皇牌推介， 味道有啲似辣辣哋嘅白汁， 不算很香， 但是豬扒醃得入味，炸得金黃，整體不錯。朋友點了蟹粉豆腐鍋飯， 熱騰騰的蟹粉汁在鍋裏翻滾， 樣子十分討好😍😍， 幼滑嘅豆腐加蛋黃造的醬汁再加蟹肉 撈落個飯度，一口，立即燙到😅😅😅 ，味道有點鹹香 有蟹味，口感滑滑帶點油閏 😘😘 ，果然都係隔離飯香 😆😆飢Point : 8/10#hungermarch #飢詩 #非飢詩

兩個人，7點零鐘，諗吾到食乜，一於黎好耐無食過既沙嗲王。等位算快，5分鐘入得我嗌左特選肩胛肥牛飯配秘製咖哩汁，份量ok既，但吾知係咪肥牛關係，d咖哩汁稍微甜左少少😹 而且d肥牛好似好膩，食吾曬😭 我個fd就嗌左溫泉玉子肉醫飯，佢就話撈埋一齊之後幾好食🤔我地夾埋嗌多3樣小食： 白汁芝士焗餃子， 吾知點解我地食落有陣榴槤既味道🤷🏻 係咪師傅落錯左料🤷🏻整體黎講2.5/5 分韓式蜜糖粒粒豬，隻汁吾會太甜，岩岩好，d肉一d都吾乾，好好食🤤椒鹽豆腐，同市面上食到既無乜分別，不過不失埋單$266，價錢還好，如果吾係點飲野既朋友，可以試下我地咁嗌，抵d食多幾樣野，佢既2人套餐吾算好化算，反正佢本身都有水無限量提供🤤🤤