沙嗲王 (黃金廣場)

营业中

休息中

和朋友想不到吃什么，我找到上次吃沙嗲王得到的28元抵值券，于是又来了铜锣湾这一间～周末的中午也无需等座，只是座位有点狭窄，同他人拼四人桌。每次看菜单都有很多想吃的，最近喜欢吃太阳蛋，于是点了一份香茅猪扒太阳蛋饭，满30元即可半价点饮品，于是多加珍珠奶茶。朋友要的是鸡腿和薯条，我们又多加一份小吃：椒盐鸡软骨。失望的是上菜时太阳蛋的黄已经破了，猪扒微微发甜，吃着口感尚可。下次还会再来，因为菜单有很多想尝试的。

銅鑼灣沙嗲王位置係黃金廣場，sogo對面，抬高個頭就會見到。星期六中午12:30，唔洗等位，我有用mobile app拎飛，拎完就接住入得。今日無lunch set，得散叫。我最愛呢個日式蟹粉豆腐煲 ($78)，有得配飯或薄餅。一上枱已經香氣四溢🤤 仲係熱辣辣🤤撈飯食一流呀！如果可以有假日lunch set就好啦！

放工去灣仔飲咗茶茶go🍹🍸, 慢慢行返去time square睇bazaar. 行到好攰, 又好肚餓,咁啱朋友喺附近. 佢哋邀請我一齊join埋食dinner😚😚😚.我都冇問佢哋食乜嘢, 原來去沙嗲王,😅😅😅. 好多年冇食過沙嗲王, 原來已經喺銅鑼灣廣場搬咗去黃金廣場。😯😯我去到仲係等緊位， 估唔到佢咁旺場。咁多年冇食沙嗲王，原來佢而家係動漫為主題， 裝修同埋餐牌食品，都圍繞住唔同 推廣時期嘅主題動漫。😀 座位環境都算舒適。係極度繁忙嘅環境之下， 店員仍然能夠保持禮貌，以極高速嘅狀態工作😳😳 真係辛苦曬佢哋。講番佢哋啲食物， 真的非常咸😫， 很多味精😭😭😭 所以你係一定會幫襯佢嗌嘢飲😂😂😂椒鹽雞軟骨很脆很香口， 但 鹹味很重和多味精。白咖哩 豬扒飯白咖哩很油膩😅😅 而且都是很鹹。蟹粉豆腐鍋配薄餅蟹肉份量不少豆腐很滑， 但非常鹹和很多油😫黃咖哩 脆炸爐魚飯炸爐魚很香脆， 同炸雞軟骨都係同一種脆粉，所以都係好咸😅😅鮮茄芝士焗餃子餃子皮焗得太乾有點硬， 茄汁味道偏鹹。脆蝦棒 外皮鬆脆， 細細條 一啖一件好方便。芒果椰汁西米沙冰因為所有嘢食實在太鹹，所以覺得呢杯沙冰好好味， 西米煙韌 芒果味香

好耐冇食過沙嗲王，屋企同公司附近都冇分店，咁啱今日同老公有事出銅鑼灣，就第一次試黃金廣場呢個分店。下午茶時間唔駛等位，直入坐卡位，記得以前樣樣都要侍應俾，紙巾、水、餐具等等，而家全部都擺晒係枱度，方便左好多。而餐牌都同以前唔同，野食款式同以前有分別。老公選擇番佢以前嘅至愛白咖哩啡豬扒飯，而我就點左沙嗲肩胛肥牛粉絲，再加個雞軟骨小食，share 食。白咖哩豬扒飯水準keep到，味道同以前冇分別，但就擺得靚左，用紅色細碗盛住，d白咖哩仲要唔少，甜甜地好開胃，豬扒軟軟，易咬鬆軟。沙嗲肩胛肥牛粉絲都ok，但粉絲牌子就唔同左，以前果款好似好食d，沙嗲味仍然好香濃，但湯就比以前稀少少，但仍然係好味，仲有唔少雜菜，食落唔單調。雞軟骨份量比想像中多，而且大粒，食落好有咬感，又唔算油，好快就ko晒成碗。仲有兩杯青蘋果紅茶，算係成餐比較失望，首先遲左好多先黎，要我地催，味道都比較淡，冇以前咁好飲。

真係食到好飽，所以3人食2人餐加一個小食加一個湯!沙嗲王唔洗講，但我想講佢改左menu, 還我薯仔沙律! 還我沙律醬(炸蝦卷個pet)! 好嬲! 還我薯仔沙律!! 其他都係咁啦，一向都係蟹粉豆腐鍋加白咖哩豬扒，但阿妹點左黃咖哩雞扒，咁就試下囉！但都係白咖哩好食, 雖然我唔好豬XD我地另外叫個龍蝦湯，一致裁定老麥個個比較好飲! 同埋佢同跟餐個湯個底係一樣既! 再講多次佢唔係無左個薯仔沙律，又點會叫呢個湯呢...個跟餐炸豆腐呢，都炸得香口同好食既，但好散...

在銅鑼灣午餐， 來來去去只是走去那兩三間。 今日， 知道黃金廣場上面 有沙嗲王， 放飯剛好是下午茶時間 于是走出去試新嘢裏面好大， 落地玻璃設計， 下午茶時間不是太多人， 最怕要等位攞起餐牌， 一睇見有白咖哩豬扒， 立即叫一了客檯面上 有幾隻杯同一樽水， 自助式，幾好， 不用叫侍應斟水斟半個鐘頭豬扒飯一上賣相 精美， 白咖哩用個杯盛著， 美觀豬扒好掂! 咬落去軟軟的, 有少少似在日本食的豬扒的 感覺， 香茅味濃厚， 白咖哩不算太辣， 有少少椰汁香味， 配搭真出眾食完 豬扒飯等了五分鐘， 凍奶茶還沒有到，太忙了， 催促侍應，立即上，值得一提的 是走時搭的電梯， 只是指示燈 很難看清， 不知是哪部電梯 開門，弄到錯過了二部電梯

沙嗲王👳🏾‍♂️👳🏾‍♂️午市套餐🔸白咖哩豬扒飯$❻⓿沙嗲王既白咖哩豬扒飯咁多年都好出色👍🏻每次去沙嗲王幾乎係必點的🐖🐖香茅豬扒微微香，酥脆可口白咖哩真係好香帶小小甜撈飯無得輸🍚🍚😋😋😋最重要係價錢合理😋😋好多款食物都保持水準

今日同同事出外工作,忙到爆炸.去到成兩點先可以食飯快快手去搵野食,就去左黃金廣場沙嗲王搵下野食快快手睇下食咩一人點左一個白咖哩豬扒飯,熱奶茶,芒果西米白咖哩豬扒飯-個白咖哩都算幾香,佢又唔算好辣,而豬扒就炸得都算唔錯熱奶茶-奶都算多,茶味就一般啦,整體而言合格啦芒果西米-芒果都唔係好酸,都OK既

同女朋友去到銅鑼灣嘅沙嗲王食晚飯，平日都好full，好彩唔使等位。叫咗白咖哩豬扒飯、奶油津白，仲有加倍嘅避風塘軟殼蟹。白咖喱豬扒飯係沙嗲王必食嘅食品之一，基本上次次黎都會食。個白咖喱汁十分之香，而豬扒充滿香茅味，肉質亦處理得十分之好。奶油津白味道濃郁，但女朋友唔係好鍾意食，因為佢嫌太油。軟殼蟹香脆可口，食落去好juicy，加倍都唔夠我哋食。記得第二次幫女朋友慶祝生日就係喺旺角嘅沙嗲王。對我地來講，呢間都係幾有回憶嘅餐廳。

成9點幾先收工，係銅鑼灣想搵下野食，同工友一起食。跟住一搵就搵左呢到。雖然都9點半，鋪頭封左一d位唔比人坐，因為要開始清場。跟住揾左張枱坐，但咩刀匙都無，因為又俾職員收起左，搞左一輪。點餐時間，叫左一個薄餅加白咖哩汁，一個娃娃菜，一個避風塘炸豆腐等等。本身落完，竟然過左十分鐘，店員又叫我地重落單，原來唔見左單。在肚餓階段，唯有等啦，不過好在都快手，等左一陣，食物開始到。可能真係因該趕住十一點收工，店員都有些甩漏，連last order時間都講錯。Well，呢到雖然唔太好食，店員又忙又成，不過都叫性價比高。同因爲太肚餓，所以都無乜所謂。不過下次如果係要早少少過黎食飯。

黎到銅鑼灣，諗唔到食咩好，因為呢度食野都偏貴。。最後同朋友決定去食沙嗲王！ 去沙嗲王，必食既永遠都係白咖喱豬扒飯！冇得輸既豬扒同白咖喱汁！ 豬扒好腍又香香茅味，個汁好開胃，總之就好好食！ 再叫左個沙嗲雞扒烏冬！雞扒比想像中好食，鮮嫩，層皮好香脆，有肉汁。雖然有dd膿，但整體係好食！ 個湯都唔錯，沙嗲唔會辣，配埋烏冬都好惹味！ 最後叫多個小食春卷，試新野，配越式醬汁個春卷不過不失，比較硬同咸d，都係蝦春卷好食d！沙嗲王既食物整體都好好食，係價錢愈來愈貴...

沙嗲王每次都會送coupon，搞到又被吸引去食喇！呢個宣傳方法真聰明，不過都要啲野好食先有用嘅🤣🤣🌟環境有時會有配合合作主題嘅裝飾 例如芒亨，環境乾淨，但二人枱之間冇乜空位🌟食物今次叫二人餐，前菜食薯仔沙律，幾好味👍🏻主菜必叫蟹粉豆腐鍋，送飯一流！蟹粉好香，亦有少少蟹肉，豆腐滑同黏左啲汁，好好味😋另一主菜叫左白豬扒，豬扒煎過，好香香料味，白咖哩冇平時嘅咖哩咁濃同辣，比較港式小食試過幾款，一口貝不錯，雞翼幾香口，最中意韓式雞翼嘅芥末醬，甜甜酸酸又有少少辣，好夠味👍🏻👍🏻飲品試過波蘿的海，賣相幾靚！芒果西味都幾抵，可以當一個甜品由於飲品已經叫左芒果西米，甜品當然食雪糕啦🤣🤣係迷你Haagen dazs💞賣單又有coupon 同辣椒油🤣收銀位仲有薄荷糖拎👍🏻

門口告示寫明用餐時間係入座起計90分鐘，唔明點解要齊人先入座！我叫定野食俾朋友食都唔得，朋友食飯趕，想一到就有得食嘛！要我企響門囗，乜野唔洗我再攞飛，我根本就應該被安排入座！非常唔為食客著想！我地90分鐘夠鐘起身就係啦！以前我都可以入，不知道何時改了規則。規則本身無聊，職員照跟，沒有靈活變通。其實食物是死，平日午餐差不多價錢的食肆銅鑼灣多的是，最重要是服務態度！想留著客人，要食客多點來光顧，銅鑼灣沙嗲王真的要好好想辦法！

等埋老公放工，8pm平日唔想等位，抵食之選就揀左沙嗲王！剛好唔洗等位，不過都坐滿哂人！見到呢個2人套餐好抵食，有沙律餐湯，又有小食主菜，飲品再加甜品！餐湯係雜菜湯，藜麥沙律，菜湯好淡味，沙律比較好食！小食只可選一款，我地叫左一口炸雞球，偏辣但好食👍🏼另加左4隻蜂蜜芥末醬雞冀，好惹味👍🏼兩個主菜今次想試新野，叫左日式蟹粉豆腐鍋配飯，有香濃蛋黃味煮成個汁，非常好送飯👍🏼試左呢個泰式海鮮冬陰功米線，海鮮唔太鮮，最好味個溏心蛋！另可叫飲品和雪糕，呢個芒果椰汁沙冰配西米每次黎都必點！總括黎講都好抵食，最好味仍首選白咖啡豬排飯！😊

今日早左收工，趕得切下午茶既尾巴，提早食個early dinner！下午茶時間沙嗲王都有些人，以前讀書既時候成日食，已經好耐未食過，今日可以回味下。A+B+C 下午茶自由選，主食+小食+飲品都係$52，選擇好多。我叫左輕量白咖哩香茅豬扒飯，配蒜蓉牛油雞翼（兩隻）同可樂。輕量豬扒飯個飯一d都唔輕量，有足足一大碗飯，豬扒兩塊好淋身，白咖哩汁好濃配飯一流。蒜蓉牛油雞翼係沙嗲王必點小食，炸得金黃，好熱氣，不過好好味裡面熱辣辣超多汁。