沙嗲王 (黃金廣場)

营业中

休息中

今日係銅鑼灣食左沙嗲王，原來搬左去黃金，但係成間野細左好多好多好多😣😣😣。同埋而家用餐係有時間限制的🤨🤨，只有90分鐘😔😔，以前係又大間又無限時架😭😭。不過食物質素都仲係一樣，而每次必叫之選梗係白咖喱豬扒飯啦😍😍😍，鐵板嬌嫩巨髀薯角👍🏿👍🏿👍🏿👍🏿👍🏿，呢個超級嫩口，而且又超級滑😋😋😋😋😋😋，值得再食，呢個係二人套餐，仲有2杯飲料同埋2個甜品添，抵食😋😋

我今日自己搵食，突然想食雞扒，有間餐廳，我次次去都叫這個餐這個價錢食到高質素雞扒系好難，但這個又好食又便宜多块雞扒肉質鮮美多汁，蛋可以要熟或者太陽蛋，今次我要左熟蛋跟餐一杯指定飲品

收工即刻碌出銅鑼灣沙嗲王太耐無食過白咖哩喇，間唔時諗起都流曬口水今日終於夾到時間去幫襯下等𨋢果陣見到個個都去五樓，幾驚要等位但係可能算夜，唔使等位。個場坐滿曬，張張檯都係呢頭執完果頭入客睇咗一輪，最後都係揀二人餐。有湯/沙律、兩個主菜、一個小食、兩杯飲品，仲有甜品。我地都揀咗蜆肉忌廉湯有幾粒蜆肉，唔呃人😂個湯又無麵粉味(上次去食西餐時飲咗個麵粉湯)一杯無薑味的汽水😂一杯好好味的珍珠奶茶今晚重點⭐白咖哩香茅豬扒飯⭐咁多年個味都係咁好味韓式蜂蜜芥末醬雞翼見到黃色，同聞落好大陣芥辣味朋友唔食芥辣架，幾驚自己一個要食曬好彩食落好似點Jack咁，係芥末mayonnaise味等咗好耐第二個main終於到(人地寫住製作需時但我地長期鬥雞無留意🙈)隻巨髀真係好巨呀！！！又滑又嫩我地兩個人食完個食都飽咗一半，好彩休息一陣隻髀先到，有時間休息下但係都係食唔曬，剩返兩舊下次都係一人食一個咖哩飯就夠喇

星期五臨收工先約朋友食飯，所以冇book枱。喺sogo出面一望見到沙嗲王，就膽粗粗上去睇吓。沙嗲王係中學時代成日都食嘅餐廳之一，因為又平又好食。八點鐘上到去，𨋢口出面已經企滿晒人，二人枱差唔多要等20張，不過知道沙嗲王出餐好快，應該唔駛等好耐所以都照等。大半個鐘之後等到有枱，坐低後連餐牌都唔使睇，已經知道要食咩，梗係叫個沙嗲湯麵同埋白咖喱飯啦。豬軟骨沙嗲粉絲：豬軟骨入味，鬆化；咖喱湯底一如以往濃郁，但係粉絲就過淋，有啲糊狀，冇乜口感。白咖喱厚切豬扒飯：豬扒嘅外層炸得鬆脆，豬扒夠厚，爽口；白咖喱濃郁，撈飯一流，不其然就食晒成個飯

來沙嗲王同朋友慶祝生日，新裝修嘅沙嗲王感覺好良好，以前感覺好黑好污衊，而家比較光猛明亮，食飯都感覺好啲。三個女仔叫了好多小食鮑汁什菌菇煲超級推介，因為好入味，又淋，係今次我地最愛，中意食茹之人不容錯過鮮茄芝士焗餃子餃子配上鮮茄汁，超級入味！超級香！每隻餃子都沾上超香濃的鮮茄汁，下次要翻check 煙肉菠蘿配鮮茄醬pizza不過不失嘅Pizza，因為佢嘅底批係薄脆批，所以顯得煙肉同菠蘿比較多，而且份量都比較小，可以當小食！即叫即焗巨雞髀餐配沙嗲烏冬巨脾餐成為沙嗲王新一代招牌菜隻雞髀真係超級大隻，而且即叫即焗，仲覺得超嫩，皮就keep住咁脆。Must try

星期5放工同男朋友食飯, 去到門口雖然好多人等, 但因為入面都幾大, 所以等左10分鐘都冇就有位喇!我次次都會叫呢個蟹粉豆腐鍋配白飯! 次次黎到都仲係滾住架!如果太心急即刻食既話真係會"辣"親條利入面好多蟹肉同埋好香既蟹粉, 豆腐超滑 撈飯一流! 其實我次次黎都諗住試下其他野, 但最後都係叫番呢個另外叫左雞翼同埋石窩奶油娃娃菜娃娃菜黎到又係好香好有"鑊氣"! 等佢焗淋左吸收哂D汁就好好味!雞翼就中規中距, 我覺得冇咩特別沙嗲王將會成為我日常既飯堂。

最近有朋友轉贈左張就到期嘅現金劵俾我，咁岩行街行到攰就去左食呢間位於係銅鑼灣嘅沙嗲王。 晚上八點，成個餐廳坐滿哂食客，係沙嗲王嘅威力呀～～～兩個人食，就食呢個至尊2人套餐啦$253 有沙律或餐湯兩客、兩個主食、一個小食，包兩杯飲品，仲有甜品添。其實食完係超飽嘅1. 蕃茄餐湯香濃嘅蕃茄味，湯怪嘅我，唔洗兩分鐘飲曬2. 泰式冬蔭功海鮮烏冬冬蔭功湯底裡面有香茅同香葉，泰國風味加酸酸地嘅味道，真係好開胃呀。海鮮就包括鮮蝦、青口、蜆同魷魚，唔會有腥臭味得黎仲好鮮甜添！加埋溏心蛋同雜菜，成件事perfect池呀3. 日式蟹粉豆腐鍋配白飯蟹粉鍋一上枱已經傳黎陣陣蟹粉香喇～仲有啲卜滋卜滋嘅聲，成件事真係好振奮朋友原來已經急不及待不左入碗食，充滿香氣嘅蟹粉配上滑嘟嘟嘅豆腐，仲有蟹肉添，呢個配搭完全冇得輸，撈多碗飯都冇問題hahahahahaaha4. 蒜蓉牛油雞翼外皮炸到黃金色嘅雞翼我真係完全抗拒唔到呀～一咬入去，牛油香蒜蓉味滲曬出黎，然後肉質鮮嫩肉汁爆滿，佢都算係個出色嘅蒜蓉牛油雞翼5. 鮮芒椰汁沙冰配西米椰汁香味適中，芒果香味配出有咬口嘅西米，夏天飲真係好爽呀～沙爹王真係冇得輸

自從觀塘裕民坊間沙嗲王搬左之後就好少食，上星期先知原來佢搬左去觀塘b出口工廠區入面，食完之後今個星期又想食啦！/ 白咖喱豬扒飯係我至愛❤️❤️❤️我每次去沙嗲王必定會叫呢個食，而我男朋友就會食沙嗲，佢好鍾意食，但我覺得沙嗲王既沙嗲太重花生醬味，我食2啖就開始覺得太濃😂但白咖喱係唔會架！豬扒整得好好食，肉嫩多汁，配埋白咖喱汁食到完全停唔到口，沙嗲王既汁都比得好多（無論係咖喱汁定沙嗲汁），我地每次食曬d飯都仲會剩好多，之後就會再嗌多個飯撈汁食曬佢試過沙嗲王入面既幾款炸嘢食都覺得好食，佢價錢又平，d食物味道又好食係會成日去食既鋪頭呀

昨日happy Friday,森仔同大學同學久違的brother talk.雖然人少少，但內容的更深入😂2條仔都係搵個地方食下傾下計。甘就去左幾方便的沙嗲王，順便用埋d現金券。2張券夾埋都有32蚊😂😂🤗講反銅鑼灣間沙嗲王先。環境方面，還好，坐得都舒服😌。不過枱同枱太近，有d嘈。另外，對比之前二期舊店果邊，真係迫左好多同少左好多位😭😭好掛住以前果到，又唔會趕你走，又更舒服。食物方面，質素係維持到，但係價錢就不知不覺貴左唔少。果日森仔試左平時少叫既蕃茄芝士厚切豬扒焗飯。蕃茄醬味道係濃既，但唔係好喜歡的那一種，另外表面上係好多芝士，但芝士味亦不濃烈。整個焗飯係正常質素，但對比大家樂的一。 哥焗豬飯，個人覺得一哥更佳！而朋友叫左白咖哩豬扒湯粉。佢話好正路，白咖哩湯底好惹心，好夾粉絲。而豬扒係炸得幾好食，外脆內軟的。最重要用埋現金券，每人57蚊就埋單！算係甘，不過下次我可能會選擇大家樂😆😆😆一係就食貴少少，食西餐廳🍴

同事們又聚餐，今日有位同事last day，向外發展，最後聚在一起排隊等位超多人啦，要齊人才俾入座這個餐變靚左，款色好吸引，豬扒酥脆可口換左烏冬都好食，爽口彈牙豬軟骨食落好香好好味，軟骨可口加埋流心蛋燒雞扒，好肥美，肉質鮮甜，荷包蛋超好吃附送普通飲品

今晚同男朋友行到攰攰地，去沙嗲王食個晚餐，叫左我鐘意泡菜石頭窩飯，酸酸辣辣好餸飯，同白咖哩飯，夠曬惹味，再叫多兩個小食，個炸魚薯條就麻麻地，可能凍左，而個魷魚仔就超香口！

原本念住普通嘆個下午茶，但望到餐牌有d選擇困難，好似乜都想食其實都成2 年冇食，今次食反有surprise 係 叫左即煎雞排加烏冬，念住都普通熱雞排，點知原來分開上，而且雞排係熱辣辣有聲鐡板上，側邊仲有配菜，咬落雞皮夠脆。正！再食埋個烏冬。

四人同行去沙嗲王食下午茶諗緊輕量版同普通版有咩分別，一個人叫輕量、一個人叫普通，出來分別係輕量比普通的少一塊豬扒，飯量是一樣。但輕量跟一個小食，叫了炸蝦棒！白咖哩真係好香，豬扒又淋又入味包杯野飲另加一都要$60下午茶抵唔抵就見仁見智喇

以前返學年代成日都食嘅沙嗲王，今次再食返久違了嘅白咖哩豬排飯，都係一樣咁好味，只係而家轉左做珍珠米，另外脆蝦棒都係好似之前一樣咁脆！仲有食滿20蚊送2蚊呢個優惠可以留返下次用，真係好抵

ABC下午茶自由選，A選了輕量肉醬溫泉蛋飯，B選了蒜蓉牛油雞翼，C選了熱檸檸水。飯我覺得煮得太軟，不用咬就可以吞下去，另外肉醬如果可以再酸多一點點會更好配飯。 蒜蓉牛油雞翼沒什麼蒜蓉牛油味，但炸得很香脆，總括來說，一般。