沙嗲王 (已結業)

4/3/2008 星期二星期二晚同朋友去睇戲，睇戲前梗要醫肚啦！本來話去榮記，但係就放工時我晌openrice度睇到沙嗲王個廣告，不如去沙嗲王都好喎！問下個朋友，佢都即刻話"好呀~~~" ^^"去到~梗係要食個白咖喱豬扒飯啦!!!基本上我差不多次次都食哩個飯，嘻嘻...朋友就叫左個沙嗲肥牛粉絲，聽聞好好味架喎！我地都係叫套餐，有埋小食，我地食豆腐同埋蒸粉卷，飲荔枝綠茶，仲有個布甸送添！白咖喱豬扒飯就梗係好味喇...小食都好好味，不過個沙嗲肥牛粉絲就無想像中咁好味，但都不錯的，份量很夠。杯野飲麻麻，飲左一半度已經無味；個布甸更加唔洗講，唔會好食得去邊。服務中規中距la~我地坐晌木桶度食飯，哈哈~~其實有少少迫，但幾得意^^

今日同朋友上去食~~之前我地叫o個個芝士焗年糕好好味~~諗住今次再叫啦~~~點知.........今次個年糕...一d 都唔芝士....比以前失準左....以前係好香芝士味同好煙"銀"..但今次食...真係2樣都冇左......廁所gei 衛生狀況唔得...好污糟.....希望佢地可以改善下~!!!p.s~佢地gei 服務都幾好~~唔錯~^^~

很多年沒有去沙嗲王，昨晚同朋友行維園花市之前睇下附近有咩特別嘢食；朋友一力推介去沙嗲王，話好味又抵食。這間沙嗲王的裝潢以海盜船為主題，有幾個二人座位做到似小木船，幾得意... 不過座位低，伸腳很難，坐得有點辛苦，較高大人士還是選擇普通座位會坐得舒服一點。裝潢講究。我喜歡按鍵叫服務員加水、點菜、結賬的設計。服務幾好。食物一般般，大部份食物茶餐廳都有得供應，例如西式焗飯、拉麵、中式小菜、港/台/西/泰式飲品；較有特式有避風塘風味的海鮮、泰/越式小食，食物選擇較少。沒有驚喜，在食物品種上沒有定位，也沒有招牌菜，這一點令我有點失望。價格可以，味道還可以，但總體來說印象不深刻。

早排聖誕節同同事一齊去銅鑼灣買禮物, 帶我到沙嗲王食下午茶, 我第一次到沙嗲王食野, 估唔到咁好味~我們倆叫了一個蒜蓉包配咖喱醬同咖喱鷄米線茶餐, 蒜蓉包好香好趣, 再點一點咖喱醬真係正, 不過就覺得蒜蓉包太細塊, 咖喱味好好味, 但咖喱醬同咖喱鷄米線既咖喱汁一樣, 同出一醬!! 我地二人食哂, 汁都唔放過~服務員都可以接受, 檯面有個插咭座, 插咭座上有幾個按鈕比客人按需要按鈕(埋單、叫餐....有四五個掣)好得意, 我前所未見, 應該係我大鄉里!!

平安夜同男朋友下晏出黎CWB ! 未出已經做定RESEARCH 睇下食咩LUNCH ....4點去到! 坐木桶位! 好特別...但係高O的O的既人一定坐得吾係咁舒服囉~ORDER 左5樣野...龍蝦湯$12 幾好... 好蝦味..! 好低飲!芝士焗餃子$25 好似重味左少少但係好香好有香草味餃子都好好味吾似出面買到的白咖哩豬排飯$34 D汁好好味好開胃炸蝦棒$ 19.5 ( 有成十條) 冇咩特別但係幾好味珍珠奶荼$9 (因為食飯麪有半價) 都不錯=]O的汁太好味所以叫多碗白飯食真係好好味　D 價錢合理! 服務幾好按左制一陣就有人黎仲有一張$10 COUPLE 送下次用!

特登七點幾早少少黎食，唔使等位~叫左個白咖喱豬扒飯配椒鹽脆豆腐，白咖喱甜甜地唔太辣，啱啱好~豆腐都好滑~~另外食左個椒鹽雞軟骨，好好食呀!又脆又有咬口，同個friend係咁食haha~仲有每次黎都飲既荔枝紅茶，好鍾意個底有d好似啫喱既野，不過今次依杯淡左少少．．可能落多左冰~今次d野上得幾快~到我地走個時好多人等緊位la~好彩早左食jea~

十月尾時, 跟埋同事去咗沙嗲王食lunch, 呢度似乎最平食個飯或麵, 加杯嘢飲既套餐都要$33! 加埋一即係$36!!都幾貴喎...不過算啦! 一次半次, 當同班同事聯誼下囉~~同埋呢度好似係每次幫襯都會按比例送番現金券畀你下次用, 大約係平咗半個「加一」啦!我叫咗個「黑豚肉冬陰公湯河」(又係冬陰公!)另外加杯「青萍果綠茶」, 個底有啲啫哩係度架喎~~份量都算適中, 個冬陰公湯都ok 啦~ 但都係慈雲山上面果間泰國茶餐廳好食啲~~同埋如果佢個餐都係$33 , 但加個沙律或少少菜會更好囉~~不過值得一贊既係呢度裝修得唔錯呀! 幾有氣氛喎~~地方夠晒大, 完全冇檯貼檯既感覺! 仲坐得幾舒服添~~下次如果想搵個地方可以食完嘢坐耐啲既, 可以考慮同班friends 嚟呢度食嘢喎~~

其實....我諗都冇咩人冇去過....但係原來一直都冇寫過呢度的食評....兩個人去....叫左白咖喱豬扒飯x2 蝦棒日式薄餅炸豆腐同可樂x2真係好好味~~~白咖喱豬....果隻味真係好香...第二度搵唔到蝦棒....脆脆的....點埋佢d 漿....真係正薄餅今次就真係差d....好似"loan" 左咁....豆腐好滑~咸度剛剛好沙嗲王...真係信心的保證!!!

真的想不到晚餐到哪兒吃，就頹吃一頓吧，反正大家也不餓。點了泡菜牛肉石頭飯和雞軟骨。泡菜牛肉石頭飯是我的最愛，既美味又飽肚。熱騰騰的米飯拌上辣辣的泡菜，十分滋味。椒鹽雞軟骨也很好，很有嚼頭。不過我仍然覺得今晚食得很頹。環境以海盜為主題，侍應也穿上海盜裝，不過替他們感到辛苦，那海盜裝都應該頗重的。

午餐時,到此一吃.見到食物已從廚房推出來,可是侍應並沒有立即送貨,反而只顧住吹水,十分不滿.食物方面不過不失--白咖哩豬扒飯但價錢方面好像貴了點.

8.28 (Tue) Dinner約左個師姐朋友，冇練習，直接去食飯，so that's why越黎越肥囉。佢suggest黎satay king係因為佢想食個芒果椰汁黑糯米。七點幾到，"木桶"位要等一陣。我成十年冇食satay king喇，估唔到宜家裝修得咁特別，好重本喎。兩個人當然坐木桶啦（我朋友話），我地坐３２１號木桶。叫左三樣野食：蛋包飯、豬肉粉卷、芝士一口貝。1)蟹肉蛋包炒飯($41.5)：好味，開胃，足料；幾多蟹肉，腰果好香。2)豬肉粉卷($19.5)：唔講豬肉都唔知入面有豬肉，不過ｄ"碎料"配撘都ok好味。3)芝士一口貝($29)：雖然肉少，但底既薯蓉撈芝士汁好正。原本想叫埋朋友個favourite：芒果椰汁黑糯米，但waitress話冇芒果所以就冇呢個dish。叫個waitress是旦用ｄ野replace芒果（e.g.幾條豆）又唔肯，真失望。不過我地兩個麻煩顧客係咁追住個waitress問佢都係笑住咁答我地都幾唔話得。坐木桶有自成一角既感覺，亦好新奇。不過檯面surface area太細，野食放完三碟已迫爆，而且隔離木桶大力開門的話就會boom埋黎，以為撞爆我地個３２１

2007年8月10日　星期五回校幫手中一收生後，與同學到了沙嗲王午餐。一行4人點了以下的菜式：1.芝士焗年糕*2.芝士焗一口扇貝*3.香芒海鮮炒飯*4.沙嗲牛肉粉絲除了新推出的"芝士焗一口扇貝"外，其他的也吃過不只１次了! 特別是"芝士焗年糕"，差不多每次也會點，但就是吃不厭!! "芝士焗一口扇貝"覆蓋著微焦鹹香的芝士，底層鋪滿同樣滋味的薯茸，推介!! "香芒海鮮炒飯"賣相討好，芒果香甜熟透，炒飯炒得乾身，另一推介* 最後4名女生，竟然把所有食送菜"清碟"!!!捧腹離開後，方知原來已掛起8號風球了*P.S.今日發現，原來我們4人都是"芝士怪人"!!P.S.S.由於地段的關係，沙嗲王是我校同學經常的聚腳地，所以很多菜式也嚐過了，希望沙嗲王可以推出更多的新菜吧!!!

黎親呢度都必叫白咖哩豬排飯!今次同d朋友出黎銅記,因為呢排窮到燶,已經話要食平野!去到,以為要等位,可能去到七點到,未算是最多人!5個人都有位~佢地都幾好,click下個botton就有人黎^^我地幾個都叫左白咖哩豬排飯<$29>,d咖哩汁正呀,唔辣都可以咁正~~d香茅豬排又香wor.有3塊~d白飯都好食~~有趙口^^我食唔哂分左d飯比朋友仔~~大家既話題也離不開股市同工作,不錯呢~~~~~~我也很有興趣去聽^^......第時大家都唔知幾點先放工,不過點都好,希望可以keep住^^多謝朋友K既一餐~~~~

三個人食lunch, 叫左3樣野食1. 白咖喱黑豚肉飯: 黑豚肉又鞋又肥又un, 都唔知點解可以咁, 白咖喱都無旺角女人街果間咁好食2. 沙嗲雞扒粉絲: 3樣野分別都幾好食, 不過配搭起黎好奇怪(食黎食去都係白咖喱豬扒飯同沙嗲牛肉粉絲最好食)3. 避風塘軟殼蟹: 完全係art$, $48得果4舊仔, 係就係幾好味, 不過都唔係好好味啫, 我覺得超唔抵食(食蟹, 每人送左粒甜品, 好似豆沙水晶包咁, 算唔錯啦...)4. 珍珠奶茶: 甜到唔知佢想點始終都係覺得呢間無咁好食~ 唔怪得無乜人啦...下次唔再食呢間!

阿J和同事們一齊食lunch,3人點了:豬扒台灣麵線清湯底-味道ok,豬扒幾夠味,唔錯菠蘿炒飯-賣相麻麻,同一般炒飯無分別,味道一般娘惹咖哩牛肉飯-味道ok飲品方面就真係好麻麻,我杯青蘋果綠茶好難飲,雖然每張枱都有掣叫waiter,但都等左好耐佢地先黎,我係1:30pm過後先去到,個度又唔係太多人,唔知點解都要等咁耐,希望下次會有改善。