沙嗲王 (已結業)

總是有點不慣這裏要按掣召喚服務，明明旁邊就有侍應，還是要玩按掣遊戲。可以說是注重服務，不讓侍應詐看詐聽不到，但我卻不覺他們特別殷勤有禮，至少結帳時多謝也沒有一聲。叫了白咖喱豚肉飯及沙嗲牛肉金邊粉，都算不錯：白咖喱雖然不辣，但相當香滑而不「漏」，可惜不夠飯來伴吃；薄片的豚肉帶軟骨，照吃可也。金邊粉不算很幼滑，不過有味濃的沙嗲醬汁和不少肥牛，也可以吧。餐飲要了荔枝紅茶和百香果(即是熱情果)綠茶，前者出奇地淡，後者較正常，也有不少果肉。至於芒果布甸則有香水味，不吃也罷。

今日自己一個食, 再一次跌入優惠卷陷阱(講笑), 因為次次都唔想浪費優惠卷, 所以次次到期前都要食一次...食左個午餐-- 娘惹咖喱牛肉飯+菜+熱奶茶 ($37) 咖喱好味! 牛肉都幾淋, 但係有一兩舊好un, 吐左... 菜, 鹹左D喎...以為自己叫餐好抵, 因為淨叫一碗飯或麵都要$34... 但後來聽到隔離枱點菜時, 個waitress話叫飯或麵都有野飲送!!! 哎也, 蝕哂, 早知叫返"賣飛佛"白咖喱豬扒飯啦! $3一碟鹹菜, 蝕哂! (之前黎食都無咁ge, 唔知係咪因為weekday先有得送?!) 尚算好味, 所以我先至食跌入陷阱...

太忙...好耐無出過街今日同老婆去呢度試白咖哩知道呢度白咖哩好出名，就專登黎叫左︰白咖哩豚肉飯 (午市既) + 菜 (或者甜品) + 凍檸檬綠茶 ($37)芝士一口貝 (八件) ($33)紅爐芝士蒜中蝦(八件) ($32)白咖哩豚肉飯+ 凍檸檬綠茶 ($37)︰上次自己同朋友黎食白咖哩，可能因為食完勁多椒鹽野先試試唔到味今次食...覺得真係幾好味...食落去第一下唔似咖哩，但食真D就會有少少辣味同埋本身個汁都好香，好多豬肉好足料個凍檸檬綠茶我一飲就覺得好甜...可能我唔慣飲甜既綠茶卦老婆就話個味ok芝士一口貝 (八件)($33)︰佢寫八件，點知serve時有十件...仲要好大碟，我同老婆諗住佢得細細碟雖然粒扇貝真係好細粒=0=一口都有剩，但佢D芝士好多焗到好香然後每粒底下仲有薯蓉，D薯蓉都唔Hea，幾香幾好味紅爐芝士蒜中蝦($32)︰以為得幾隻結果應該都有成8隻~D蝦都OK唔係"霉"o個種，都有d口感，不過唔係好夠味黎呢度食係貪佢唔算好貴可以試多D野食同老婆諗住黎食個普通Lunch，點知三樣野都真係幾多服務都OK，一叫人都會好快到兩個人加埋一一共食左112.2

完成左學校個presentation, 我地決定出街食飯賀一賀~~^^~愛人話呢度d白咖哩好出名, 黃,紅,青咖哩我就聽過, 白咖哩真係未試過!!一試... wooooo* 辣辣地甜甜地, 配合埋肉質幾鬆軟既豬扒, 想一試再試! d白咖喱汁最後仲比我地清晒!小食我地叫左個蝦卷~ 都okay啦, 不過細碟少少, 同埋愛人食左會敏感 > <仲叫左椒鹽豆腐同芝士蘿蔔糕~ 前者味道一流, 好滑, 好似入口即溶~ 後者就漏左少少啦~間餐廳d裝修幾有特色, 有d想試下坐係隻船入面~ 不過略嫌好多人嘈左少少, 咁繁忙既食飯時間呢度d服務效率都算唔錯啊!呢度食野幾抵, 有水準有保證, 有多款小食可供選擇~ 唔怕會食厭~下次想試牛油雞翼同芝士焗餃子!

舊同事gathering一行3人8點左右都要等位都真係幾多人...去呢度既原因係因為佢0的野都平可以亂咁叫都食唔到好多$$最後叫左:椒鹽魔鬼魚 - (一般)鮮茄芝士焗餃子 - (幾好)XO醬炒蘿蔔糕 - (一般)椒鹽脆豆腐 - (味道幾好，不過偏貴)白咖喱豬扒飯 - (一般)豉椒炒蜆 - (一般)...另外每人叫左3杯野飲不過order 左好耐冇未上吹左幾次~ 0的野食哂先黎...唔知係唔係因為人多order多既關係?!

經常與朋友來這間餐廳,食物種類多,尤其是小妹天生嗜辣,昨晚與男友到此晚膳,叫了沙嗲肥牛粉絲及芝士焗雜菌飯,相當美味,再加兩杯珍珠奶茶.埋單只是百二蚊,算是較實惠.不過這兒的小食雖然香口,但亦相當熱氣,例如酥炸軟殼蟹等等,若是容易吃熱氣的食物,就會生暗瘡的話,就要點菜時小心留意.

3月28日, 因為coupon關係, 我地又一次趺落無底深潭, 要keep住喺coupon到期之前黎食, 食完有coupon下個月又食過……::: 娘惹咖哩牛肉飯::: $34講真, 除咗白咖哩豬扒飯同沙爹牛肉粉絲, 其他飯同粉麵都覺得麻麻, 呢個都唔例外, 咖哩尚可, 冇白咖哩咁香, 但又比港式咖喱豐富. 牛肉用鮮牛, 唔係用肥牛, 感覺肥牛好d, 因為比較薄所以會入味d……但係阿菲就覺得用鮮牛口感好d~ ::: 脆蝦棒::: $19.5有8條, 以價錢黎講都算正比~ 脆皮薄薄, 仲有牛油果喺入面, 阿菲話點d娘惹咖哩幾好食, 我就覺得點沙津醬都唔錯, 總括呢個小食唔錯, 值得做佢地既推介食品~又要等coupon到期之前再食過~~~

呢排成班朋友都手緊，就黎呢度同朋友慶祝生日見食評都唔錯價錢o係Cwb黎講又叫Fair d見左7樣野食︰--椒鹽雞軟骨--沙嗲牛肉粉絲鍋--XO醬海鮮炒飯--白咖哩豬扒飯--XO醬炒蘿蔔糕--日式海鮮薄餅--椒鹽鮮魷皇子(有D名可能記唔O岩總之就係差唔多)上菜上得好快，係幾Impressive既就算我地叫咁多野都係15分鐘左右之內上哂仲係熱既好新鮮野食都OK，唔算好Impressive但都幾好食白咖哩豬扒飯又無想像中咁好食，一般XO醬海鮮炒飯幾足料，都好多蟹肉XO醬炒蘿蔔糕好夠(獲)氣椒鹽鮮魷皇子好好味(不過熱氣XD)沙嗲牛肉粉絲鍋個汁唔錯每個人仲叫左野飲...每杯都要差唔多20蚊我叫左薄荷朱古力，薄荷重得滯，太甜-_-...服務一般CWB地段黎講都叫抵食又唔錯既餐廳(需知有好多地方又貴又唔好食=0=)70幾蚊隨便上間Cafe食一碟普通野加一杯野就要o係呢度一次過食到咁多唔同野都唔錯~

上次食下午茶,等好耐先到,今次夜晚來食,不用等位之餘,上菜亦很快,白咖喱雞扒飯的雞扒幾好味,蟹肉扒西蘭花很油膩,芝士蒜蝦一般,焗一口貝幾好.總括來說都不錯.

四月九日(星期三)lunch得登過黎呢度食!^^原來lunch有free 餐飲!我地一定叫佢好好味既白咖哩豬扒飯啦!另外,試下其他!就叫左我地呢排好中意食既凍檬,仲加埋炸饅頭!本身係豆腐既0.0個白咖哩豬扒飯不用多說,好味!^^d白咖喱汁撈飯真係好味!飯都可以食多碗呀!而個香茅豬扒都好好味!又冇比白咖哩遮掩到!perfect,冇其他可以學到佢既喇!不過個札肉雞絲凍檬真係失敗之作!個d魚露好酸.....>.<成個都好難食!大家唔好試佢d凍檬喇!個炸饅頭都好味道!好脆正呀!^^個飲品就要左荔枝玉露,老公話好味!而百香果綠茶都好飲,兩杯都有jelly!

星期日, 但要係復活節期間, 居然都有午餐! 個menu明明寫住星期一至五先至有... 可能因為無乜人去食掛... 但係真係抵好多! 最平三十七蚊已經有飯/粉+菜/布甸+原價$13飲品!三個人, 叫左兩個午餐(都係跟菜), 加多個小食!1. 沙嗲肥牛金邊粉: 湯底真係十萬個好味! 肥牛都好味! 但係D粉好快就浸淋哂! 始終都係配粉絲好... (可惜lunch set無得轉...)2. 娘惹咖喱牛肉飯: 牛肉有D好"un", 有D就OK, 唔好食; 娘惹咖喱無白咖喱咁好味...3. 避風塘魔鬼魚: 幾好味! 不過好似椒鹽魔鬼魚抵食D... anyway, 當係試下lor...

原本想叫白咖哩豬扒但2位朋友都說很一般, fin, 叫其他.沙嗲牛肉飯, 汁好濃好正, 淋飯的話可以KO三大碗, 不過就好油, 而牛肉就係薄片,幾多根. 我本身細食, 但食完只有8,9成飽, 味道中上但份量緊夠.餐飲普通唔多講.另外叫左炸豆腐----ok炸蝦棒-----夠脆, 但竟然係燒買味, bad~~環境同位都唔會迫, 坐得幾舒服亦幾乾淨, 服務中規中矩.

今日心血來潮想食佢出名既"白咖哩豬扒飯"我大約1:10 上到佢...無咩人...唔洗等位...我按撃落單..可能佢地太忙...幾分鐘都無人so 我=.="最過份既我等左25分鐘個"白咖哩豬扒飯"仲未到...我吹佢都吹左3次...真係無明火起...好la..個飯到了...仲要等埋佢杯超甜"珍珠奶茶" 真係唔掂...飯食到一半..我按撃埋單...嘩...食完都無人理我...嬲起想黎..出去埋單.....我得一個鐘食飯時間...真係唔係好夠...你地共既服務..真係要改吓......奇景..我間離張枱成個鐘都無人執．．"一流"

上次去此店食聖子覺得好正, 所以上星期四又再去食啦..今次叫左椒鹽軟殼蟹, 牛油雞翼, 芝士串燒蝦同埋白咖哩牛肉粉..其實樣樣野食都好麻麻, 特別軟殼蟹就更加令我失望完全無味,D軟殼蟹好似唔多新鮮; 串燒蝦都係好一般; 牛油雞翼似炸雞翼無咩牛油味..最正常咪碗粉啦...我估我都係短期內亦唔會再去.

又是這裡, 不過係CWB分店因為有成廿幾蚊coupon, 而coupon有deadline所以和親愛的及她妹妹來這裡食飯點了例牌吃的白咖哩豬扒飯, 和新嘗試沙嗲牛肉粉絲下午茶的時間不太多人, 發現竟然有人係度溫書?閒事不管, 白咖哩仍然好味, 撈飯一流, 豬扒都ok可惜妹妹不吃辣, 不太接受白咖哩(對我倆當然沒事)她反而很喜歡沙嗲牛肉粉絲, 嚐一口, 粉絲很入味!驚喜!野飲要了百香果和lychee玉露, 有jelly幾得意再加多個炸饅頭, 香口野配埋煉奶易入口overall, 沙嗲王係算ok好食.