沙嗲王 (已結業)

琴晚同老婆來食晚飯，叫左豬扒蛋石鍋飯，冬蔭功黑豚肉粉絲同埋魷魚圈。石鍋飯幾好，但係個冬蔭功黑豚肉粉絲來嗰時都已經乾乾哋。所以咪叫waiter比Ｄ冬蔭功湯囉。但係好內都冇比我哋。咁我哋又再揾waiter攞啦。最後個個一去不返，去如黄鶴。最後要找西裝友先比倒我哋。本人覺得舊址D伙計醒目啲同話頭醒尾D，唔知道佢地轉地方係唔係連班伙計都轉埋呢？

一個人食lunch,手上有沙嗲王coupon,所以到此一遊...一個人點左:蒜蓉燒蝦(8隻):味道ok,幾惹味,不過要趁熱食釀田螺(5隻):內裡好似有d香料味,正!!香葉包雞(4隻):一般,下次可以試第二樣好過...食物味道不錯,裝修都幾好,服務都好,係平靚正之首選!!p.s.沙嗲王銅鑼灣分店已經搬左去銅鑼灣廣場一期la,請update地址...

尋晚阿M同男友約定撐枱腳，好多人啊！我地坐住係一個船形既木桶，好麻煩，要檻入去先坐．我地叫左五樣食物：－一．椒鹽雞軟骨－有ｄ油．二．魚翅龍蝦湯－片片魚翅，好濃，好味．三．香芒鮮蟹肉炒飯－有腰果，芒果好甜，一人食兩碗，飽飽．四．脆蝦捧－春卷皮包住蝦＆菜，落油炸點沙律醬食，都幾好味．五．奶油津白－臘腸，津白，都幾好味．

星期六去食ｔｅａ，點知冇哂ｓｅｔ叫～所謂下午茶只係粉麵飯送杯台式飲品。菠蘿炒飯：幾好味～但就真係純粹放ｄ菠蘿落去炒，ｄ飯本身都冇菠蘿味的！而且ｄ料好少～冇咩特別。雞骨串熟蛋飯：有三串豬肉串燒，但冇沙嗲汁的～加隻熟蛋，比碟甜豉油！食哂所有送都仍然剩返勁多白飯，不過佢ｄ甜豉油好好味～所以就咁撈都出奇地好味喎！我諗依度ｄ小食會好ｄ～粉麵飯都係好普通冇特色囉！台式飲品完全冇料～特別在杯底有舊ｊｅｌｌｙ，口感都幾得意！

因為鐘意食海鮮,多數都會order龍蝦湯/冬蔭海鮮湯/大蝦芒果沙律之類,呢d都係信心保證.但記得有次見椒鹽魔鬼魚張相好似好靚咁就order啦,無幾耐侍應拎左碟炸柴皮上檯,我拿林問佢係咩黎啦. "椒鹽魔鬼魚嘛!" ar..... 算啦,俾張相呃左都要食架,但d魚肉響邊呀? 我淨係食到好厚o既炸粉同中間薄薄一片肉乾.另一庚order左個蚵仔麵線,又要搵d蚵仔響邊,oh! 原來3件大大舊炸粉包住o個粒仔就係.最近一次,我order左個豬肉"鬆"蒸粉卷... 得啦,我無本事食你啦~次次去親無幫襯過$1伕都唔可以飽肚走人! 仲要環境又迫又嘈,d細路響度周圍走撞到人,睇住佢地寫紙落單都漏菜.唉~~~ 銅鑼灣仲邊度可以一個人唔怕無位坐架?(上圖係我其中一個至愛,大蝦香芒沙律,酸酸地幾好味架~)

同母親大人去食野,兩個人點左: 椒鹽豆腐(4件): 唔錯炸饅頭(6件): 好好味呀!!每次都必點,好香好脆好夠熱燒蒜蝦(8隻): 第一次試,好香蒜蓉味,$2x有8隻蝦,算係咁la芝士焗青口(3隻): 母親大人最鍾意食青口所以叫左呢個,又係好味之作,抵呀!! 野食味道普遍都唔錯,服務好,每一檯都有按鈕,一按waiter自然就會過黎,good!! 兩個人埋單$101,仲送番$10 coupon俾你下次用,銅鑼灣抵食之選

以下0既comment relates to 京都廣場3 樓0個間分店.9:xx pm 去到竟然唔洗等位, 不過環境都幾迫, 要搭檯. 由於我0地係坐6 人大檯最向外的兩個位, d waiters/waitresses 經常0係我0地身邊行來行去, 搞到張檯周圍郁.坐低成5 分鐘水都無杯斟俾我0地... 想叫0野食, 但無menu, "yap" 0左個waitress 過來佢都仲係唔知頭唔知路; 我0地話想叫0野食, 佢問我0地想食乜, 講0左佢聽喇, 佢先行開拿menu 俾我0地@_@ 完全唔知佢做乜.同朋友一人一個set meal, 兩個都係沙嗲牛肉粉絲+ 脆蝦棒+ 芒果綠茶.朋友0個碗沙嗲牛肉粉絲d 牛肉唔知去晒邊, 我0個碗就多到疊埋晒一齊-__- 味道好濃, 粉絲吸晒d 沙嗲汁, 好香好好食: ) 份量ok, 不過食完成個好滯.脆蝦棒其實就係內藏蝦膠0既春卷, 好香口, 但食落又唔覺好油膩, 好好食!芒果綠茶就odd 0左d, d 啫喱accumulate 晒0係杯底, 飲到最後直程每一啖都係得d 啫喱@_@埋單$111 for 2, 算係咁啦. 0野好食, 又平,

找不到京都廣場的沙嗲王網址, 唯有寫呢度啦!LUNCH TIME 都做到船位, 好開心, KEEKEE!! 叫左白咖哩豬扒飯+ 籃莓綠茶.......... 沒有金黃色視覺刺激之下的咖哩都如此冶味, 絕對值得一讚!! 一啖咖哩入口, 清香的檸檬葉味就讓人知道咖哩煮的好講究, 香茅的份量襯豬扒不多不少, 蔥絲的味道不算大, 咖哩好味到.....差點淨係食咖哩撈飯唔記得食豬扒添!最後食晒所有豬扒同成碟飯, 0個兜咖哩都一滴不剩, 飽到行唔郁........P.S. 留意門口呀, 有部擦鞋機架, FOR 黑色& 啡色皮1鞋. 都幾得意! 係京都廣場間沙嗲王......

連星期六、日都有供應，不過印象中好似要3:30pm 後。

約左同學仔睇煙花，之前一齊去食個early dinner~ CWB店都幾靚架，可能因為咁，我地三個人都要左幾多野食：白咖哩豬扒飯($29.5)豬扒同咖哩都好香，好味道~咖哩三絲炒檬粉($29.5)有少少怪味，我唔鍾意...白汁芝士焗什菌飯($39)要等15分鐘，不過真係焗得好香好好食喎炸軟殼蟹($33)同學o既推介，都真係幾好食，連我呢ｄ唔like食炸野o既都可以KO一隻~椒鹽豆腐($20)幾香軟，okay~椒鹽魷魚圈($22)炸得好deep，不過都幾好食架~最後我地仲一人要左一碗糖水，我係椰果椰汁芝麻露，好味~ 埋單$224，仲送一支細XO醬，都幾抵食o既~

想食個late dinner，剛巧經過沙嗲王就走左入去。白咖喱豬扒飯水準依然。試左個新的甜品:芋蓉芒果卷: 外層炸得好香脆，內餡用芋蓉再包住芒果肉。芋蓉好香，唔太甜、亦唔太”漏”。不過兩個人食就太熱氣。

個人認為呢間沙嗲王o既質素同服務態度都比其他分店佳。而且店內又有個2人坐位o既木桶，好過隱！但出入極唔方便。食物首選推介沙嗲牛肉粉絲。D沙嗲好香、好正，差唔多每次去沙嗲王都會食沙嗲粉絲。其次推介白咖哩豬扒飯，都幾大碟，好飽。而小食方面就差o左少少，因為份量唔多，感覺上唔多抵食。每次食夠$20都會回贈張$2優惠券，都幾抵！

２００４．７．１０食ｄｉｎｎｅｒ裝修：對上一次食都未轉，今次黎就同觀塘果間一樣改哂，以前個ｆｅｅｌ好似茶餐廳，而家幾特別，周圍都係木做，　但座位應該少左，要等一陣先有位，最好係大部食物價錢都冇變。食物ｏｒｄｅｒ：１）豬頸肉串燒，ｄ肉無燒到縮埋，ｄ汁又多，不過ｄ汁係淋左係串燒上面，唔係用細碟裝起，不過我覺得冇問題２）沙嗲牛肉粉絲，係一大碗上，唔係用煲仔飯ｄ煲，ｄ牛肉應該係生ｏ既就咁放有碗沙嗲粉絲汁內，因為我夾起時，片牛肉仲有紅色，都係個句，個汁幾好，我覺得唔辣，不過太多湯汁，我覺得有ｄ油所以用唔到黎送飯ｔｉｍ３）海鮮扒西蘭花，好似漏左單，所以要問左兩次先上，仲熱到出哂煙，海鮮係蟹柳＋細蝦仔＋墨魚，似係急凍料，夠哂熱，不過四十幾蚊唔抵食４）海鮮金磚，睇ｍｅｎｕ以為係豆腐上面加魚肉煮，上時有４件小金磚，但原來全件都係墨魚肉加少少馬蹄炸成，好好味，好過炸墨魚餅５）白咖哩炸魚飯，差唔多次次都叫，ｄ汁唔辣，唔杰，ｄ炸魚個外層炸得有ｄ脆６）叫左椰汁紫糯米，麻麻地，可以唔使叫食完又有＄２　ｃｏｕｐｏｎ比我用上一次ｄ　ｃｏｕｐｏｎ終於２百幾蚊埋單

呢間分店如旺角比差唔多, 沙0爹王好似已經變左茶餐廳咁我次次去都食炸漫頭!其他既細碟又貴, 唔多抵死!

今晚路過銅鑼灣﹐忽然想食“白咖喱豬扒飯”,抬頭就見到沙嗲王的招牌﹐真係0岩0岩遇著剛剛﹐既然如此巧合﹐就一於食沙嗲王。全新裝修後我已經食過數次﹐但大木桶廂座就今晚先有機會一試﹐算係幾得意﹐但老實講﹐一D都唔好坐﹐出入又困難...一次夠晒﹐下次都係坐返普通檯比較好。先極速消滅掉一碟白咖喱豬扒飯﹐雖然豬扒係一貫地肉質較為“鬆散”﹐但只食白咖喱汁撈飯已經夠殺﹐豬扒只係配角。椒鹽蜆肉都幾香口﹐$25不算貴﹐但份量似乎越黎越小﹐相對地就會覺得唔抵食﹗我已經寫左呢個意見去意見箱了。奶油津白也不及以往好味﹐以前的湯汁較濃較香﹐希望只係一時的失準吧﹖吉列漢堡蝦餅係新菜單之一﹐真材實料啖啖都係蝦肉﹐但外面的麵粉皮炸得太硬﹐要扣分﹗香港的連鎖餐廳中﹐沙嗲王算是比較積極求變及有創意的一間餐廳﹐而多年來水準都算可以保持﹐難得。但細心留意下﹐就會發現﹐數年前沙嗲王第一次大改革﹐將小菜份量減少﹐以便宜搶客﹐小菜一律$19 一碟﹐當時真係幾抵食﹐晚晚幫襯都要排隊。最近幾年﹐小菜份量無變﹐但價錢已經不知不覺間加了不少﹐$19 一碟的小菜已經不多﹐論抵食﹐目前的沙嗲王真係未算抵食﹐只可以算係合理。