沙嗲王 (已結業)

朋友約吃飯 , 突然想起沙嗲王可能有 set lunch，經濟不竟氣，不想吃太貴. 最終也是朋友請. 沒有訂位，兩個人盲沖沖走上去，地方算大 ，客人不多 , 只坐了 1/3 . 我叫了個白咖哩吉列豬扒飯 , 朋友叫了黃咖哩牛肉飯 , 白咖哩不錯 , 不過 , 個人比較喜歡黃咖哩 , 味道濃些 , 香些 . 豬扒有兩大件 , 好薄好 "林" , 好好味 , 炸得不會太燶 , 份量也算多 . 這兩個 set 還各包一杯飲品和菜 (可以改甜品) , 我叫了芒果布丁 , 以為是細細個 , 原來也不是 . 感覺有些像粉開 , 比較硬 . 加了錢改特飲薄霧咖啡 , 由於時間緊急 , 打包拿走 , 有些甜 , 下次會再試少甜 . $40 一個 set , 不貴 , 坐得又舒服 .

我和女友一向都是沙嗲王的常客, 因為這裏食物款式多, 味道不錯, 價錢尚算合理.可是一次又一次的加價實在... 加價了不打緊... 可是食物質素是不能compromise的我女友點了一杯芋香珍珠, 怕冷要走冰. 一端上來一看, 可能是走冰關係, 這杯芋香珍珠是滲了水的. 估計大約三分一杯分量. 我試了一口, 果然是一杯紫色開水.. 我女友喝了一半不行喝不下去.為了持平, 本著少許科學精神, 我都點了一杯但不走冰. 果然在甜度, 濃度, 顏色都比女友的那杯強.......我們要求的是走冰但不是加水... 如果走冰分量是少了的話, 我們情願少了... 滲了水不好喝, 給我們十倍分量又有何用?一家好的食店, 永遠不會用食物質素來compromise的.

和友人去過銅鑼灣呢間沙嗲王食過幾次今次係第一次無人等位難道...一向都覺呢間野服務水準麻麻都算了~ 今次去食,連部份食品質素也轉差價錢還要比之前貴左,不過還在可接受水平首先,今日點菜時想試新野叫做日式蟹粉豆腐鍋問個staff呢個鍋辣不辣個staff話解答不到,幫我地問人之後就行開左唔再理我地唉~ 有無搞錯~結果要再按多次部機叫人來寫野才有人理我地這次,另一個staff終於答到個鍋係不辣的~咁就好啦~可以一試個鍋好快就來了呢個日式蟹粉豆腐鍋真係幾好食又有D類似飯焦的野(其實係豆腐焦)係鍋底值得一試但之後上的東西就相當麻麻叫左個凍荔枝綠茶竟然來到的時間係無冰的亦不見得有多凍就此,要職員拿d冰水過來竟然到埋單的時候都未拿過來另外叫的白咖喱粉絲炸魚個炸魚送到來的時間完全沒有熱的感覺,亦不脆好像已放了很久整體來說,沙嗲王有咁多間下次可能都要避開呢間一段時間我不喜歡在一間服務久佳的地方食野

我地2個人晚上食野，食左2個set一個係日式豬軟骨拉麵，一個係沙嗲肥牛粉絲小食係多春魚，同唔知咩螺甜品係小果子，同芒果布丁除左甜品係凍，其他都係溫一d都唔夠熱我故佢地要行system, 一車車推出黎，所以d 野凍晒啦所以d 拉麵，粉絲都唔夠熱多春魚其實做得幾好，不過真係凍既我都唔知果d係咩小果子，硬到好似石頭，芒果布丁果d 果醬好唔得，不如落花奶好過不過佢地有個remote control d waitreess / or 都服務快既不過都唔會再去喇

見好耐都無食過沙嗲王，上上星期特登去捧場。係咁意等一陣位啦。坐o係門口轉左高一級的位置。一邊係卡位，一邊係木頭椅，但太重了，朋友完全拉唔郁呢。我地一坐低，右邊兩張檯已經食完走左未有人執檯。食多陣，右邊第三張都走左，依然無人執檯。再坐，左邊兩張檯都走埋，仍然無人執檯。整個過程歷時大約一小時，完全無人執檯，點解?可惜我地兩個小食客，要被一堆食剩既碗碟"圍"左成個鐘......點解? 點解呀?其實今次待登寫食評，都係因為呢樣野......激氣呀！好啦，講返d野食啦。其實沙嗲王係一個我幾喜歡既食野地方，因為幾抵食，又多選擇。芒果海鮮炒飯 - 水準之作，亦即係無咩特別。黃金蝦 - 都幾黃金，但我覺得d蝦都幾細隻，同埋唔夠熱囉，所以......中規中舉囉。咩.....蜆 (唔記得個名) - d 蜆幾大隻幾甜，但個周打湯底就比較腥，我就飲唔落喇。但以三十幾蚊既價錢，食到呢個份量又唔太細隻既蜆，都好抵呀。仲有叫左炸饅頭 - 朋友話覺得可以再脆d呀~整體黎講，呢個價錢，都算唔錯啦~ ^^

琴日8點幾先同男朋友出到銅鑼灣...就食沙嗲王啦唔洗點等位.....食過咁多次第一次寫食評。今次食左:●沙嗲牛肉粉絲- 今次d汁淡左小小，但整體上都好味既●麻辣海鮮米線(中辣)- 呢個係男朋友食，有幾隻蝦又有青口，好似幾好食咁，可惜佢碗野太辣我都未試過。●雞軟骨- 呢個一向都唔太差，冇咩特別●芝士焗餃子- 一向我地都係食開茄汁芝士焗餃子，咁岩見到呢個新野就試下喇，淨芝士好似有d漏，始終都係茄汁果個好食d。●豉汁炒蜆- d汁幾好味，但今次食落有沙。●蟹肉西蘭花- 蟹肉有小小雪藏味但整體ok食到好飽

早兩日o係銅鑼灣飲下午茶, 由於有優惠劵的關係選擇o左沙嗲王沙嗲牛肉粉絲($36)--沙嗲王例牌之選, 粉絲又幼又入哂味, 百食不厭!清湯黑豚肉拉麵(拉麵加$5)($41)--薄切黑豚肉非常好味, 一塊黑豚肉肥膏與肉各佔一半, 口感豐富!拉麵亦做得唔錯, 彈牙有質感, 加$5都抵一人食一碗麵都飽哂, 仲要免費送野飲! 用埋$12優惠劵, 只需$55

祖安病了, 所以我就出0左去銅鑼灣接佢. 跟住就去0左<沙爹王>食下午茶, 呢度環境唔錯, 所以係度坐祖安都冇咁辛苦, 而且我叫0左佢食清d. 1. 沙爹豬扒金邊粉 ($27) + 椰汁紅豆冰(+多$3) ~ 依家下午茶再冇單食湯粉, 一定要跟一杯飲品. 雖然價錢整體係貴0左, 不過水準唔錯, 所以都係值得的, 哈哈!!! 豬扒口感, 味道都唔錯. 沙爹汁夠惹味, 不過就好似”結”0左少少. 至於椰汁紅豆冰比想像中好味, 紅豆夠”淋”, 椰汁係越南餐館果隻味 (跟<大家樂>的紅豆冰是兩種風格). 所以整體唔錯. 而祖安就食0左清湯豬扒河粉 + 薑汁密.整體評價：下午茶時間, 值得一去!!!

今日去美食展前既一餐幾滿意不過好似加左價講正題首先女友食既沙嗲牛肉粉"C"食物普普通通,但係湯底出奇好飲,我同女友一齊飲哂,但係我果碟XO 海鮮炒飯...唔係幾掂..唔大碟唔在講...d飯又唔熱...又無乜味,,47蚊....我女友果個36蚊仲好食d...service幾好,禁制即黎.但係呢間野無SET DINNER 呢個唔係咁好.

今晚同老婆同朋友三人行食飯8點半去到 Full左大半星期一來講都算幾多人(可能因為近書展)食物全部都等半個鐘先到最離譜係個咖哩牛肉飯, 45分鐘後先到黎既時候發現原來因為要儲單所以咁耐!白咖哩雞扒飯- 以前食開豬扒覺得好食, 今次轉食雞扒, 雖然雞扒幾嫩, 但係有雪味雞扒熟蛋飯- 只不過係雞扒加煎蛋, 雞扒一樣有雪味娘惹咖哩牛肉飯- 咖哩好香不過無乜味道, 牛肉好多不過un避風塘鮮魷皇子- 幾惹味, 不過略嫌炸得過火少少荔枝玉露- 半價, 入面果d罐頭荔枝好難食青蘋果梳打- 半價, 陣味好怪, 椰果好細粒無咩口感埋單$ 193.1間野好似無進步過,變得無咁好食又貴左

見好內冇來同貪呢度有唔同款色既小食﹐所以就來食個晏。兩個人叫左芝士焗茄汁豬扒飯﹐冬蔭功雞扒米線﹐避風塘炒魷魚王子同埋芝士一口貝。 芝士焗茄汁豬扒飯 – 夠熱﹐味道唔錯﹐豬扒亦唔肥。但唯一唔好就係個汁太多﹐食果時自己要筆走一兩羹汁先食到。避風塘炒魷魚王子 – 份量算ok﹐魷魚有大有細﹐大至手掌既長度至細到手指尾指甲既都有。都幾野味。細看佢地d避風塘料﹐初初簡d白色一粒粒既來食﹐諗住冇咁操﹐但越食越口喝。原來發現啡色果d先係蒜頭。唔知白色一粒粒果d係唔係味精。如果係﹐佢地就真係落超多。芝士一口貝 – 見有食評話呢個幾好﹐所以就叫個試下。係粒超細既帶子上片果d芝士食落唔似係真芝士。好似係查麵包既芝士醬。殼下面就用一“劈” 薯蓉黏住個碟。味道ok﹐賣相幾靚﹐但係上臺時碟野唔係咁夠熱﹐只係微暖﹐失分不少。冬蔭功雞扒米線 – 老婆每次都係叫呢個﹐但如果唔叫小辣都會幾辣。

因為之前儲落二十多元優惠卷加上記得上次有套餐而又幾抵先食佢，點知一上去就見佢冇左套餐而個menu仲要整到好靚靚咁先知原來又加價了，平衡每樣加＄２～３元！有冇攪錯～～～ 脆蝦棒 $ 22 雜棉波羅飯 $36 。。好大碟，一個人一定食不完！蒜香脆包(4條）$ 12...

經妹妹的推薦, 今日我同男友去了銅鑼灣的沙嗲王食lunch.一到餐廳, 覺得個環境唔錯, 分左幾個主題區, 一面較光, 一面較暗, 適合唔同人的喜好~佢個餐牌就係佢張墊底紙, 款式不算太多, 但種類都唔少.我地兩個人食左:- 白咖喱香茅豬扒飯: 真係必食! 好得! 我同男友幾乎撈晒d汁 - 避風塘炒魷魚王子: 呢個嘛嘛地, d魷魚冇乜質感- 脆蝦棒: 我唔太鐘意, 但我男友就話好食- 芝士一口帶子: 芝士醬好好食, 但粒帶子就好細粒- 榴槤飄雪: d 榴槤味好似唔夠勁, 不過ok 啦我好鐘意佢地個叫待應的方式. 每張桌都有個鐘, 你按鐘, d待應就會走過來, 好方便~臨走佢仲送左枝辣椒醬, 又有 $16 coupon. 我地仲填埋意見表拎$25 coupon~下次試下佢其他野先~

一向都好鍾意黎沙嗲王食野, 因為佢d野食唔貴但係好味, 每次仲有coupon下次用, 好好的marketing tactic. 而CWB店就成日有個阿姐o係樓下嗌 "沙嗲王喺9樓", "沙嗲王有龍蝦湯", 勁爆!今日放工同阿細黎食飯, 叫左:1) 脆蝦棒 ($19.5) - 有成8舊ga, 入面真係有蝦肉ga, 同埋有蝦味, 絕對唔係用粉做. 差唔多次次黎都食2) 炸豆腐 ($19.5) - 因為我愛食豆腐, 阿細特登叫俾我食ga. 個皮脆脆但係入面滑滑, 好味!3) 沙嗲豬排粉絲 ($34) - 多數黎都係食白咖哩豬排飯, 今日轉一轉. 豬排勁香, 有成3塊, 個沙嗲湯底好濃郁, 讚!4) 奶油津白 ($25)- 例牌叫個菜黎食, ok啦, 冇咩特別.5) 芒果綠茶 ($6.5)- 叫飯面可以半價order一個drink, 呢個幾好飲, 好解渴全部野食哂, 好飽呀! 因為有$24 coupon, 所以埋單都係一人$45 only, 食左咁多野真係幾抵ga啦.又有$6 coupon, 下次再黎~~

同女友o尋晚去左食..味道:1: 沙爹雞扒粉絲---沙爹味夠濃,幾好味..不過略嫌肥左少少....2: 香芒海鮮炒飯---幾好味,芒果撈埋炒飯食,效果唔錯3: 牛油雞翼---------無乜特別,無乜味(15蚊得兩隻雞中翼,都幾貴)4: 朱古力雪香------啖,無味....好難飲眾觀d o野幾好食....不過我諗沙o爹王一定要o係水吧度下苦功...老實講,沙o爹王o既o野飲出左名係難飲>>>比唔好飲更大鑊...究竟係邊度出左問題呢?我杯朱古力雪香,感覺上好似一杯熱飲開左杯o野之後加冰囉....唔好忽視水吧呀!!如果可以改善埋呢一方面......我相信沙o爹王係一間唔錯o既食肆.....服務:剛剛坐低按完落單制後八秒.已經有侍應埋o黎...抵讚不過到叫o野飲時,按落單制...等左5分鐘先有人埋o黎顧客結帳時,可以講一聲"多謝"嗎???