沙嗲王 (眾安街) (已結業)

今日拜完山後, 老媽提議o黎呢度食飯. 於是上o黎試下. 叫了:娘惹咖哩牛肉飯: 上枱時賣相重靚過張宣傳卡張相! 咖哩汁幾香濃, 不過牛肉就咩味都冇, 重有d韌!!!白咖喱豬扒飯: 一貫水準, 微辣, 正合老媽口味. 鰻魚石頭飯: 較甜, 可能是照燒汁太甜, 鰻魚ok滑啦!白咖喱黑豚肉金邊粉: 黑豚肉口感ok, 較牛肉好吃!!食物賣相比預期中好, 但味道只是一般, 幸好坐得都幾舒服! 埋單時還送了一樽xo醬呢!

今晚同屋企人黎呢度食, 我阿爸阿媽第一次黎食, 等左半個鐘左右有位共叫了八樣野食沙爹牛肉粉絲, 白咖喱豬扒飯, 鰻魚蛋石頭飯,炸蝦餅, 蝦春卷, 避風塘豆腐, 烤蝦, 炒蟶子水準保持, 我阿爸最鍾意沙爹牛肉粉絲, 夠濃味阿媽鍾意各類炸物, 夠熱夠脆口有$50 coupon, 埋單$260, 抵食

都黎過幾次, 每次水準都唔錯。今次和屋企人食午餐, 叫了白咖哩豬扖飯, xxxx拉麵, 幾款小食。先談小食, 軟殼蟹的炸粉的確太多, 而且沒有海鮮味; lai尿蝦較好, 不過太乾身。唯價錢不貴。白咖哩真是必叫的, 美味得令人讚嘆。但白飯不太熱, 美中不足, 所以要即時吃, 不要等。另外xxx拉麵, 餐牌上沒有"推介"字, 試一試後, 果然不能推介。麵身難食, 湯亦不佩合。餐後送coupon, 糖和xo醬, 感覺很化算。p.s. 星期一至五午餐, 餐飲免費, 台式飲品上有姐哩, 口感非常好。

夜晚9點幾去食,個個侍應個樣都好似好累,好想快d收工咁..一d笑容都無.一入到去見無套餐詣問下原來新年前已經無做...有位侍應-曾祺現幫我們落單,我諗佢係實習only,因為佢落單時好緊張咁,問佢飲品係未全部半價,佢話唔係,飲品先係全部半價..我諗佢個魂魄可能己經返左屋企lu..到我地諗到叫咩飲品時再襟制,有位叫鄒文欽的侍應一黎到就話'幫我襟個取消制'..好似老馮咁..一句唔該都無..到其他侍應拎第二杯飲品時,我朋友已經係度飲緊佢果杯,佢竟然仲擺係佢面前,我諗佢以為我朋友一個人飲兩杯卦?!!埋單$149,一張coupon都無得送..都唔明佢d野加晒價,服務又差都有人去食...我就唔會再去啦

2月14日的lunch:我地叫左食香茅豬排撈檬,白o加o厘豬排飯,白o加o厘雞排飯,白o加o厘豬排湯金邊粉,牛油雞翼,雞軟骨,XO醬炒蘿蔔糕仲有叫左野飲D野黎得好慢呀!搞到我地遲到>_<"野食一向都覺得唔差O既,不過荃灣呢間O既效率有待改善囉!呢間O既牛油雞翼麻麻地,炸得唔夠鬆化; 雞軟骨幾好,因為O岩O岩炸起, XO醬炒蘿蔔糕有d太油不過都會keep 住黎食o既,因為有coupon嘛...

由於很掛住白咖哩豬扒飯的關係，於是晚餐就來這裡解決﹗白咖哩豬扒飯：白咖哩汁甜甜地﹑少少辣味，每次吃也覺得好好食﹗豬扒有三小塊，幸好不太薄；不過飯量真的很少。脆皮蟹鉗$19.5：炸雲吞皮包著蝦膠，啖啖肉，好味。紅爐芝士蒜香蝦(8隻)$29：面頭的芝士十分少；味道雖然幾濃郁，不過吃不到蒜味；蝦身較乾及黏殼，應該烤得過了點。奶油津白$25：很普通的一碟炒菜，份量也不多。日式海鮮薄餅$19.5 ：和圖片不一樣的~~~>.<(真實版是勁細件~~~)，不過味道幾好，也吃到有點點材料。想說說在進店後，先被安排夾在兩張二人檯的中間位置，既迫又窄，要求調位下，就被調到四人檯的搭檯位(附近有一張八個位合成的大檯又不騰出來)，本來我不太滿意，但很想吃這裡的食物唯有照坐。其後發現每張二人檯的檯size真的很細﹑非特式椅子也一樣的細。臨走前見到那八人大檯終於騰出來了(分別是4對情侶)，心想：為什麼要等到爆場才開放出來呢﹖簡直有點趕客囉...

好久沒有來過, 今天探完朋友建議來這裡. 叫了我最喜愛的龍蝦湯, 蘿蔔糕, 另外再加田螺, 一個飯, 一個湯米和軟殼蟹, 4 個人吃剛剛好.軟殼蟹的炸粉太多, 好差不好味, 其他的也ok .下次來還是點有人氣的比較好, 安全些.

好耐都無黎食沙嗲王, 哈哈, 所以今日夜晚放工就走去個度, 食佢個馳名白咖喱豬扒飯, 唔, 真係好好食呀, 不過.... 溫度就唔夠熱, 同埋個小食椒鹽豆腐就要等得好耐(大概食完2/3 個飯啦), 激死....又係暖既.... 熱d就好啦.....

同家人一齊去食晚餐,六點度去到唔係好多人,個侍應唔知係未新黎,派筷子,紙巾時亂咁飛,碗&杯就放埋枱既一角等我地自己分.@@...落單時又係果個侍應過黎幫我地落,佢望住部機同一張紙呆左,跟住話'我落得好慢架'叫第二個幫你地,跟住黎左個應該係高級少少既侍應,佢落得好快,幾有禮貌..我地完本想叫餐,但發現無餐牌寫住有餐叫,原來有個新同事插錯晒d餐牌.@@..到最後走時無為意,留左甜品未食,以前侍應一定會埋單時提我地有冇欠野,但今次竟然無..>.<以後都唔會再幫襯依間野..p.s. 原來好多野都加左價,$3以上

侍應動作慢...按幾次制都唔黎一黎到就叫我地按返取消而唔係問我地要咩!d 野食永遠只食到椒鹽同芝士等調味料既味主角本身係冇味架...份量少...呢間野味道愈來愈差...服務愈來愈差...講真句...佢d擺設真係好樣衰...

好耐無食過佢既沙嗲牛肉粉絲, 見今日出開附近就約朋友一齊去擦番餐, 朋友叫左炸魚凍檬一齊食。先講講我個沙嗲牛肉粉絲先$33，相比起我之前食過既濃度淡左好多，重好大層油添，牛肉有5塊，少少牙菜咁，感覺唔太直。另外炸魚凍檬$31，酸汁分開上，初時諗住碗汁咁少會唔夠，但原來味道編酸，應有既甜味同魚露味就一d都食唔出，炸魚卻炸得唔錯，乾身得來又脆口，唔會油淋淋，重有4件大大件添。今次真係有點失望....

去到先知原來坐船仔,如著裙就唔方便了.龍蝦湯好多肉,唔知真定假,都幾好飲,香茅豬扒幾好味,小食炸物多油咗,佢地推介既沙爹牛肉湯粉絲,好香好好食,不過又係唔敢飲啲湯,怕味精.

以後都唔會再食食評日期: 2007 年08 月22 日晚上因為之前去過佐敦既{沙爹王} 比我既感覺都算幾ok架，咁今日放工未同個fd去食下羅，但記住今次既地點係，佢地同樣安排我地都係坐個好似酒桶o既位,我地仲諗唔係要攬入去呀，個一刻都ok "呢hair" !!!跨左入去都幾迫幾唔舒服,咁都算啦，放工肚餓既時候就更係諗住叫咩食架啦，按左落單既制，但都無乜人行黎埋黎落單,望下又唔係好full o者，再等左一陣,先黎左2位男侍應，but等佢地調下位(因為手上既入單機，另外o個個入左我地既枱號) 又玩玩下咁既樣落單法! 唉~~ 又算, 咁同個fd傾傾下計，之後feel唔對路，點解咁耐都未有野食既?? 但望到d人都係食得7788咁既樣~~~~等了又等，好啦終於等左個:蟹肉扒西蘭花......之後再等20分鐘或以上既時間，才逐一到齊下列既食品:雞&豬頸肉串燒半打、鐵板椒鹽瀨尿蝦、食得勁屈辱既鑲花螺及2杯淡而無味既荔枝&芒果紅茶蟹肉扒西蘭花----唔得!!!!!!蟹肉我諗雪左n年, 食落有好勁o既雪藏味, 仲有好多黑色一點點野,好似係d"鑊燶", 西蘭花太"淋"... 好失望,

今晚係千色店行完街,都10.00喇,咁都唔知食咩好,咁岩見到沙嗲王食啦..就一行3人去食...係棲下拎左飛仔,上到去係冇人帶位既,靜係叫你自己宜行,之後個waiter拎左d碗筷黎就咁放係度,又唔幫你分喎...咁食左xo醬炒蘿蔔糕,d xo醬好少,比起其他分店少好多,仲有白咖哩炸魚飯,呢個唔錯...仲有避風塘自養肥大軟殼蟹,好好味,不過食蟹會每位送一粒和果子,佐係唔好食架....最後就係葡汁四蔬,唔...呢個一般...總括黎講d野食都唔錯既,係d serivce差少少啦..叫佢加熱水又加左凍水,叫佢拎d牙簽俾我又拎左幾轉先拎到...下次我會去第2間食lu...

同朋友行過食左個下午茶，唔算多人，坐木桶叫左：麻辣海鮮米線＋椰汁沙嗲雞扒檬粉＋藍莓綠茶？？粉皮卷（忘了名字）麻辣海鮮米線－幾香，問朋友試了一小碗，叫中辣已經食到我狂飲水，強烈建議唔食得辣的人叫小辣試味算了，海鮮都夠鮮，唔會有急凍味，但個人認為稍微煮太耐，肉質太實，而且麻辣對比其他口味稍貴了點，$39沙嗲雞扒檬粉－湯底是近期精選之作！！！勁香、濃，重花生＆香料味，但唔會覺得油膩，十級滿足～～～雞扒一般，正正常常，算好味，但如果可以切細一點會更好。檬粉俾我食到乾乾淨淨，碗底亦無咩麵碎，下午茶價$17粉皮卷－味道不錯，個酸汁同個粉皮好夾～～面頭ｄ肉鬆惹味但容易跌，要小小技巧，ｄ內涵炒得幾香，但太少啦，令個粉皮卷好扁，外表要扣分，同堆一碟得四條好唔夠喉～～$19.5椰汁－正常啦，不算太濃，但加少ｄ水會好ｄ，而且重同侍應催左幾次先飲到，又唔係人多……$6藍莓綠茶－稍甜，有小許啫喱水feel，杯底啫哩狀物體幾得意$6.5埋單連加一$98，兩個人食飽飽滿足地走埋單時送的萬樂珠很有解辣清口氣的功效，非常體貼餐廳環境不錯，夠靜，坐很久也沒問題，唯獨是走之時去洗手間不太方便，而且樓梯和洗手間很細，感覺也不