沙嗲王 (眾安街) (已結業)

個人認為這裡最大的賣點是全店禁煙，清新空氣比美味佳餚要緊。好一段日子沒有來，發現多了個新玩意兒，要點菜、結帳、添茶添水等服務，不用舉手示意，只用按鈕即可，方便貼心又好玩!記得上一次是吃白咖哩豬扒飯，這次要了必點的豬肉粉卷，粉卷皮有咬口，一吃再吃，一客只有四件，我大可一人掃清四件呢! 另點了清湯雞扒米線和沙爹黑豚肉米線，食物份量足，味道不錯。PS 餐廳在三樓，那「老爺」升降機上升時有怪聲，而且上三層樓花的時間尤如上十層樓，真有點怕。

下午茶時段都幾抵食,$ 17 有個麵,白咖哩同沙嗲都好香~~不過夜晚就好似貴0左d,d野食唔係太好食,個香芒海鮮炒飯唔好食,冇芒果味,同普通炒飯差唔多~~個海鮮薄餅都唔錯~~~最抵就係食滿$ 20 就送$ 2 優惠卷~~

今日響呢度食晚餐。因為喉嚨有ｄ唔舒服，我食清湯雞扒粉絲$29，朋友食白咖哩炸魚飯，而蟹肉扒西蘭花就ｓｈａｒｅ食。碗粉絲ｏｋ，冇乜特別，朋友話ｄ雞扒好似唔熟ｗｏｒ（紅紅的）但我食落口都唔覺＞＜蟹肉扒西蘭花真係都ｏｋ多蟹肉架（估唔到），朋友將少少飯混一點蟹肉汁來給我吃，點知出奇既好味＾ｏ＾炸魚好好食，好大件添！白咖哩朋友超讚，那當然啦，因為我都很喜歡食呢度既白咖哩啊////不過d待應好似未訓醒，做野亂七八糟，旺角個間好d^^

真係好少見餐廳有ISO，睇O下佢地D management 係唔係真係咁唔同先﹗先有每枱特色「按制」service calling，再有多個CCTV在不同地方睇實員工，用Plam落單(好多地方都有)真係幾多management o野喎。不過d員工有些生手，所以間中有d意外。講到食物，我們要了白咖哩豬扒飯、冬蔭功札肉粉絲、蕃茄芝士餃子，食物不錯但等得有些耐，我最鍾意白咖哩豬扒，果然係招牌喎﹗有些特色枱，不過走入去有d尷尬，都係坐返正常枱喇~~

2005年7月6日沙嗲王裝修了之後頭一次來,慶幸外觀改變了,但味道仍然保持以往的水準.凍食越食春卷檬粉:個人以言,非常喜歡吃凍檬,撈了那些不知是什麼的汁料,檬粉酸中帶著花生碎的微粗,口感很好,而春卷熱得燙口,蘸點酸汁進食,超捧!白咖喱釀蟹蓋(3隻):每次去沙嗲王,我也必叫這小吃的,帶點椰汁香的白咖喱,混著那餡料同吃,味道不賴.法式龍蝦湯:如果沒有記錯,這道湯只需十元就可以品嘗了,不濃不稠的湯,味道絕不欺場,如果加少許鮮忌廉來喝,幼滑度必定提升.西蘭花炒什菌:不過不失的出品,可能知道不會如吃得怎樣啦,所以覺得還可以啦,只是想每餐有點蔬菜可以吃吃吧!沙爹串燒:亦是中規中矩,如果肉質再軟一點更好.

沙爹王原本我都幾鐘意去ga~因為D 咖哩同埋D 小食都好好味﹐而且價錢又唔貴wor!!一個set lunch 就可以食到飽飽0甘~好滿足~~ =)不過暑假時去過荃灣既依間沙爹王﹐有D 唔係太好既經歷啦~~就係...D staff超級唔識做﹕0個次我同朋友去食dinner~無訂位﹐不過﹐其中一個就先去左搵位~之後我同其他朋友到﹐企門口個staff 就不停地問我地有無訂位﹐無既話就要羅籌0甘...0甘我就話﹐我地有朋友到左啦﹗之後個staff 就用D好唔耐煩既語氣問我地﹕0甘你個朋友0係2樓定3樓﹗﹖0甘我就call 我朋友問邊層啦﹐初初打唔通﹐我地就問個staff 可唔可以直接上去慍~個staff 又用D好差既態度話要我地輪籌~跟住﹐我朋友打返黎話0係2樓﹔個staff 又用個walki-talki 同上面D 人講﹕有幾個人上緊2樓(語氣奇差)0個個staff 真係搞到我好鬼激氣囉~大姐呀﹐我地係客黎ga﹐唔係上黎打劫ga﹗﹗好心你注意下D 態度啦~如果唔係我有朋友羅左位先﹐我地一定唔會黎食囉﹗D 0甘既態度令人好唔愉快囉﹗﹗my suggestion to 沙爹王﹕唔該請summer

食左沙嗲王年幾喇.... 最鍾意食係"白咖喱豬扒飯" 次次黎都必叫.... 有一次同路路黎食.... 得2 塊豬扒...今次有3 件.... 但我覺得飯少左d ...我食晒d 飯... 都仲有一塊豬扒未食...唯有叫多個飯囉... "魷魚圈" 都幾惹味架....不過又係份量少左d 囉..... 呢度裝修都ok .... 2 人多數坐木桶....幾得意丫....

今晚開會開得夜朋友仔就我放工黎左呢度食叫左兩個set分別係:1)白咖哩豬扒飯+椒鹽豆腐+綠茶紅豆冰($49+9)2)香芒海鮮炒飯+釀田螺+士多啤梨芭菲($58+6)白咖哩豬扒飯～兩大碗飯同"送"汁分開上,可以自己決定落幾多去d飯到,好!白咖哩帶少少辣又帶少少甜,有咖哩既香味,連平時唔食咖哩既朋友仔都大讚好味;豬扒有三片,一片大約有半個女仔手板咁大,雖然係炸,但唔太油,肉亦鬆軟,唔錯!椒鹽豆腐～新鮮即炸,上檯時仲有少少煙,外皮唔厚,又炸得唔油,入面既豆腐仍然嫩滑,點埋d豉油汁食好味道!綠茶紅豆冰～紅豆爛晒而且甜左d,綠茶味好香,但個人略嫌重奶味同多冰左d,一般!早知都係飲凍檸茶好d!香芒海鮮炒飯～賣相唔錯,又炒得唔油,料算充足,有齊蝦(雖然係無味急凍蝦),魷魚,蟹肉(都係雪藏,但唔係蟹柳),蛋絲,腰果,肉鬆同芒果;芒果甜,腰果脆,整體上幾好,但個人都係覺得白咖哩飯好味d!釀田螺～賣相似係鯪魚肉釀入田螺,好似係炸既,所以幾油,味道一般,無乜特別士多啤梨芭菲～士多啤梨味好假,麻麻!兩個餐都送左芒果果凍賣相靚但無味,好難食!總括黎講飲品同甜品都麻麻地下次都係散叫好d太耐無食沙嗲王好多野已經改進

荃灣呢間,勝在地方夠大,水準都保持得住,樣樣野都算ok,白咖哩好d,反而沙嗲就麻麻,不如改名叫咖喱王好d,其他既小食都唔錯,樣樣都可以值得一試!!!

今日同mum ,小羊,等等一行6人去食dinner媽媽選擇了此間我一早6:30pm 去到, 都算幾full 由於媽媽一行人要成7點幾到,叫左:1.龍蝦湯($9.9 ) ---有肉,不知是否真的龍蝦, 不過好味精味, 不叫也吧! (一嘗心願,佢出已想try)2.尢魚圈($21) --- 一次比一次少呢, $21得十小圈, 約一截指大, 不過真的做得不錯!7:30pm 人到齊, 再叫其他東西:3.有新的meal餐, 小食半份+ 主菜+drink($13)+ 甜品香芒海鮮炒飯+ 小食半份---尢魚圈(mun like) + fresh lemon green tea + 果凍($58)炒飯ok , 不過芒果有d酸4.白咖喱豬扒飯($29.5)x 2 ---皇牌不愧皇牌, 豬扒超入味,very gd~ 不可不try^ ^5.雞軟骨($29) --- 比較細碟, 但本人覺不太好食6.海鮮燒餅($19) --- 好似燒八爪魚丸味, ok! (new)7.芝士鮮茄焗豬扒飯($42)---沒有try8.炸軟殼蟹($33) ---好細好細2pcs , 一d都不抵...味道麻麻9. 芋香珍珠($10 )

星期六晚，7:45pm 等到8:15pm，知客問我o地一行五人坐四人卡位介唔介意？好過繼續等啦~不過其實佢卡位好闊，一d都唔覺迫~一人一個龍蝦湯，$9.9一碟，又平又好喝~牛油雞翼好好吃，賣相一流，香脆可口，只是非常熱氣，宜淺嚐~炭燒串燒也不錯！有咬口，味道好~下次會燒沙嗲串燒~蝦春卷ok…薄皮什麼春卷則麻麻地，皮不夠薄，導致好像不夠脆~餡也一般~白咖喱豬扒飯，汁太多，豬扒份量不多，但爽口好味~餐廳氣氛不錯，服務員有禮。

第一次o黎呢間，好耐之前去過旺角嗰間印象唔係咁好。但係今次食過之後又覺得唔差喎！首先梗係要講食物啦，我o地分別叫咗椒鹽鷄軟骨﹑無骨鳳爪﹑白咖哩朱扒飯﹑肉鬆炒飯﹑沙爹西生菜﹑蘿蔔糕﹑葉包骨﹑蔗瑕﹑芒果黑糯米﹑炸湯圓﹑每人一杯台式飲品，所有小食都幾好而飯類都唔錯飲品就一般啦甜品出乎意料的好，但係我覺得最出色o既係個西生菜，我估唔到個菜同個汁係可以咁夾o架，我o地簡直係一條不漏呀！好味！！至於環境都好舒適，雖然d椅冇椅背但係都坐得好舒服。服務都ok啦，我o地由7點坐到9點幾都唔覺得佢o地有趕我o地走o既意思。

間餐廳有, 木盆, 木車坐, 兩個人嚟最好座木盆, 有一個少少的私人空間, 幾得意, 幾舒服~同男朋友去襯都是吃少食, 因我們也曾叫個飯類, 但麻麻地, 但食少吃不錯的, 如脆蝦捧, 蔗蝦咁~而且全店無煙值得推介, 最喜歡吃甜品芒果黑糯米, 甜甜酸酸, 整體來說也不錯~

今晚叫爸爸買dinner 俾我食原來佢同朋友去左這裡吃飯買左盒香芒鮮蟹肉炒飯不過味道就....芒果是酸的無咩蟹肉之餘仲要有殼.....d飯無咩味....真的...很淡....自己煮仲好....細問下....此飯要$4x....一定無下次

去過幾間沙嗲王，覺得呢間最特別，開揚的，兩個人去，仲可以坐入去個大木盆度，好有出浴feel，哈哈~~~今日好在著褲，著裙就真係好論盡啦﹗(好易走光)呢間野同其它吵嗲皇既水準差唔多，每次去都會叫酸辣湯$35，但呢間的湯唔夠酸，仲比其它店辣，的蜆好鮮甜美味，一粒沙都冇。我叫左個豬內粉卷，睇落好油，但食落又唔覺。粉卷送埋一兜仔酸汁，我加少少酸計落的湯度，味度剛剛好，原來加左醋，會中和的辣味ka~good~~~試左個$29既蒜蓉蝦，同酸辣湯既蝦係一樣，又係甜甜地。不過就用芝士&蒜蓉一齊燒，幾香口。香芒海鮮炒飯$58 (加兩件豬內粉卷+ $13蚊既野飲)的芒果好甜，仲有蟹肉，不過當然唔預的蟹肉好新鮮啦﹗兩個人share，連加一（$138）