沙嗲王 (眾安街) (已結業)

之前同一班弟兄去江戶前食飯，送咗$26現金券，佢哋無人要，小弟就老實不客氣，用得唔好嘥。睇番現金券後面嘅條款，原來同一集團嘅沙嗲王都可以用，所以就搵次返完太太嗰邊崇拜一齊去食晏。12:00pm正午上到去，一出電梯乜人都無，客又無，侍應都無，得個「奧巴馬」坐晌度同啲海盜人形，仲以為未開。再行入啲望入去（出電梯左轉屈入去），先見到裡面喺有啲人嘅。星期日午市喎，咁少人嘅？感覺有啲擔心，不過，既來之，則安之，小弟份人一晌隨遇而安，嚟咗咪即管試吓囉。有時啲嘢就喺咁奇，12:15pm陸續多人，12:45pm走時已坐滿成個場，都幾多人支持喎！沙嗲王以港式西餐格局裝修，但卡位椅背間，又用啲帶有清真寺圖案嘅通花，感覺幾古古怪怪呀。不過，地方就算頗為闊落，未會用到每一吋地方盡。估唔到喺，原來沙嗲王已經有超過20年歷史，更唔到嘅喺，佢賣嘅嘢喺咁多元化架，出名嘅有沙嗲、白咖喱，此外，仲有人氣嘅焗飯系列、沙律、小食、意粉、自選粉麵、泡菜系列、避風塘系列、時菜、甜品。當然，又唔少得午市套餐俾客人多個選擇。沙嗲香茅豬扒粉絲 $41屬於特色自選粉系列，基本於喺由汁底（5款）、主菜（8款）、粉麵（5款）相互間自由配搭。

上次來沙嗲王已經係一年多前的事了，給我的感覺不太好，但係今次改觀左，可能係非繁忙時段掛。九點幾先黎食晚飯，唔使等位。兩個人，一人叫一個飯已經夠哂飽。今次叫左白咖喱豬扒飯同喇沙鍋巴牛肉飯，一個係晚餐，有飲品，併盤同甜品。 白咖喱好吃，唔怪得咁多人推介，豬扒份量亦唔少，抵食！不過個併盤就完全唔掂，中間嘅炸春卷都唔知炸左幾n年，又凍又淋，大頭芽菜同泡菜都ok嘅，冷盤但暖囉，應該擺左係室溫好一段時間，凍奶茶ok，無哂雪糕是晚比左芒果布丁，又係暖嘅，好甜無芒果味。鍋巴幾特別，喇沙汁好正有香料味，牛肉很多，張個幾舊鍋巴點滿汁整淋佢食一流！事隔幾個禮拜又再黎食。八點三到，等位等到八點十……又係一個飯加一個餐，再加左個沙律。沙律好快到，個麻醬汁好味，菜好新鮮，咁大碗都係九個半，抵食。娘惹咖喱牛肉飯，無乜特別嘅咖喱飯，ok啦。沙嗲奇趣鷄飯，沙嗲汁好欷，不過個味唔錯，略甜。鷄勁炸，一睇就覺熱氣。併盤完全無進步，啲個餐應該無下次了。雪糕無味揀，今晚係雲呢拿。總括黎講都幾抵食，個飯好大，一定夠飽，服務一般，衞生睇落ok，食完有coupon，感覺上抵左，哈哈。

下午與朋友進行聚會後，見時間尚早於是大家決定吃過晚飯才解散或者只是剛好七點，不用等位就可以直接入座選了鮮茄芝士焗餃子配小食(另一選擇西式湯類)首先上檯是開胃小食。豆腐配芝麻醬 + 日式炸蝦餅 及 中華沙律炸蝦餅一咬開便聞到好香嘅蝦味，而且成塊蝦餅都係蝦，絕無偷工減料。粉醬又啱啱好, 唔錯.其他都唔錯之後就輪到主菜食落口感有點似湯餃的感覺~可能無用煎及油炸的關係吧~個餃子皮帶少少彈牙~絕不油膩tongue餡料很好味,豬肉夠咸,椰菜爽脆~芝士又唔會過多~鮮茄醬good!餐後再有雪糕作為甜品正呀~~~~

星期五中午十二點去到, 只有四五檯, 完全唔使等好耐無黎, 原來已改轉左裝修, 唔錯唔錯, 我同我朋友被安排坐卡位, 相當闊落我地都每人都叫左一個午餐, 包一個主食, 一個雪榚同一杯$17的台式飲品我地的主食都係叫左白咖哩豬排飯, 味道保持水準, 辣味適中, 咖哩汁十分香口, 豬排又處理得好好, 唔會變左柴皮!好好味!!雪榚係雀巢杯裝雪糕, 值得一讚, d雪榚唔係雪到硬晒,上檯時係軟錦綿...飲品我地叫左一杯凍薄荷綠茶同凍蘋果綠茶, 偏甜同無茶味要一提的是, 這間餐廳係有個設備按掣 叫服務的, 但當日除左按掣埋單外, 要求其他服務時都無人理會....

之前一直好鍾意沙嗲王, 鍾意沙嗲檬粉, 鍾意豬扒, 鍾意呢度價錢不貴, 可以試多幾樣.所以今天男友費事我纏住煩, 雖然不太願意但還是陪我來了沙嗲王食我一直嚷住話好想食的沙嗲檬粉.今天好難得來到不用等位就可以直接入座, 記得以前經常見到門口排住一大堆人的.一坐低我就巳經即刻叫我最想食的沙嗲豬扒金邊粉(成日將金邊粉和檬粉撈亂), 其實我鍾意的是檬粉....男友左挑右選下叫了最穩陣的白咖喱豬扒飯 (又是豬扒...), 我另外要了個奶油津白, 男友的豬扒飯轉了餐, 有龍虾湯, 餐飲我叫了青檸梳打.豬扒還是那麼香口好味, 但沙嗲湯底卻不是印象中的味道....淡了好多, 沒有了那令我一飲再飲的衝動, 總覺得缺少了什麼?心中不由來有一種失落的感覺, 為什麼美好的東西永遠那麼難捉緊?男友的白咖喱飯我都忘了叫他好唔好味, 而後來的加了腊腸的奶油津白好咸, 而且真的好油好在有杯青檸梳打俾我沖淡下口中的又咸又漏的感覺.可能是因為物價高脹, 餐牌上的食物全部巳升幅不小, 加上沒有了令我念念不忘的味道, 相信巳找不到令我再踏足的理由.....

事隔太久沒去沙嗲王食晚飯, 雖然價錢沒有變動, 而味道與以往一樣, 但是雞扒的份量真的太少了, 一碟飯只有兩件細雞扒,比豬扒份量還少, 難道連沙嗲王都要減份量才可保持價格不變?另外再叫了三個小食(脆蝦棒、豬肉粉卷、椒鹽雞軟骨), 除了脆蝦棒、豬肉粉卷保持水準外, 椒鹽雞軟骨炸得很燶, 像翻炸了幾次一樣, 如果有七味粉配合會惹味一點啊!

這次是我第一次和先生吃哎!價格實在~ 不會很貴我覺得年糕很好吃 有嚼勁! 但泡菜就一點都不好吃,年糕的分量有點少因為泡菜也是一個不可缺少的調味料!! 送上來的時候還暖暖的~我覺醒一般.. 不夠馬泰好吃~ 有附上咖哩~ 不錯!湯味很濃~~ 有很多海鮮.. 蝦,蜆...我把蒜蓉包蘸上湯~ 哇~ 蒜蓉包充滿海鮮湯的味!!好吃~~是一道素菜~ 芝士很夠!每次吃的時候,都有一條很長的芝士~~很香~

今天shopping後有點餓,於是又來到我最愛的食店----->沙嗲王我點了一個白咖哩豬扒米線和青蘋果綠茶,而我的朋友就點了沙嗲湯雞扒拉面和可樂,白咖哩豬扒米線:白咖哩湯十分香濃,帶著淡淡椰香以及輕微的辣,令我不禁飲多幾口湯豬扒有著一股香茅味,咬下去時覺得很鬆化,一試難忘米線與白咖哩香味交纏起來,十分配合青蘋果綠茶:飲這杯茶時要有個小技巧,就是要先攬拌,因為這杯綠茶有一塊果凍在內,通常上桌時那果凍還未完全凝結,我之前試過好幾次忘了攬拌,結果飲到一口嗆口的漿糊物,很噁心如果先攬拌再飲,綠茶的清涼配上蘋果的酸味,再有QQ的果凍伴著,正!友人的拉面十分之大碗,沙嗲湯味道很香濃(我偷嚐了一口)40元都唔洗就食得飽飽,抵呀

是晚再來這裡, 等位是必然的, 但帶位員不跟派籌先後安排入座, 令人氣憤沙嗲汁不錯, 脆雞太少, 只有四件, 一大碟飯又太大碟, 有點不配合! 整體味道好!水準沒變, 都是以往的味道, 唯獨是粉的份量真的少了很多! 水準依然被保持, 份量一樣, 湯很濃很多配料, 抵食!餐廰服務好, 只是帶位有問題, 餐牌有點新食品, 整體價錢調整了, 裝修後不覺得位置多了或是枱的陣容有什麼大變

軟殼蟹美味，每次都必定會食。鮮茄海鮮意粉賣相一般，味道可接受。蝦春卷今次不夠熱。雞翼香口美味服務方面可接受，因為用電子落單。飲品方面設有台灣特飲，味道一般。重有得送辣椒醬

同一班friend一齊黎食晚飯一行五人等左唔係好耐好快就上三樓我地叫左芝士焗年糕比起以前好似無乜芝士味但重係好好食的我很喜歡年糕白咖哩豬扒飯 白咖哩是甜的 岩我呢d唔鐘意食辣既人豬扒也得入味反正是必點之選脆雞洋蔥蛋石頭碗飯黎到既時候重係好熱雞好香~不過無乜飯焦既感覺但都可以一試蟹粉豆腐煲完全唔得-____-佢太粉啦個感覺好滯我唔太鐘意....雖然宜家多左碗白飯送.....脆蝦棒很脆~很鮮~我鐘意XD埋單 $60一人合理價錢服務周到~^^

可能在四月份無什麼點做運動今天行山不是長時間,兩小時左右.以前咁多次都沒有攰的感覺,今次落到荃灣後發現對腳已經'報廢'加上三點幾,決定找間餐廳坐下休息下.荃灣餐廳眾多,本來我想食餃子,但下車後見到沙爹王~~即聯想到白咖哩豬扒飯.門口外放了橫額,有個$29下午茶餐,重點是有白咖哩豬扒!!於是去馬去馬沙爹王我起碼年半無踏足過,好掛住白咖哩豬扒啊~~~目標明確所以好快就點好餐可惜茶餐是沒有得配飯,唯有以湯粉絲代替白咖哩反一般咖哩傳統,入口香甜帶點椰香,好好味,雖然好吸引,不過始終浮面的油是很多,所以不好飲哂落肚,不好令自己又濟又膩啦.半炸過的豬扒有兩件,肉厚香軟,帶著香茅味,勁好食!粉絲份量激多吸湯後粉絲美味倍增,吃到一條都不剩啦跟飲品可選餐牌內$15以下的.除了港式的就只有台式都是這價錢.如果叫貴一點,只需補差額便成我每次都飲百香果紅茶.出來太甜關係,我加了半杯水落去撈撈,味道清清地但帶點果香果甜,是本身鐘意的版本來.飲品中加了大塊果凍跟餐來說是非常抵飲的一道了.至於老友點的沙爹雞扒粉絲,除粉絲量較少外,雞扒雖有三件,但都是細細件來.所以大家都覺得豬扒抵食得多最後點多一個小食,越式蒸粉包四

已經好耐冇去過沙嗲王，今次因為係荃灣食得太多，想食返既。 入到去唔駛等位，裝修好特別，唔同其他分店。叫咗芝士焗年糕、兩個set dinner配半客小食加甜品，我就叫咗香芒鮮蟹肉炒飯，配半客既脆蝦棒，男友就叫咗自選飯沙嗲奇脆雞加半客小食豬肉粉卷。 蟹肉炒飯比例平均，芒果新鮮，炒飯香口乾身。脆蝦棒我係呢餐飯既最愛。奇脆雞炸得脆，但沙嗲有點失色，仲可以再辣d。豬肉粉卷好熱，餡料足。 開飯之選~~

當日sunny day,我地等位等左10min,我地入座後坐的座位,雖然窗簾係落左3分之1,但根本都遮唔到陽光....所收有點兒曝光的感覺呢...搞到雙眼唔係太舒服~所以我見隔黎張桌的男客人也感到眼部不適,佢就轉左卡位~職員服務態度good,即使有個職員係病左,但佢仍認真地工作~我地order完之後有覆單~又無錯漏呢!幸好1:55pm左右有d客人離開,咁我地就可以轉桌喇~連剛上菜的什錦菠蘿炒飯也一連調往新的桌子,職員態度good,說話clear,也沒有丁點兒出菜呢 什錦菠蘿炒飯提子乾略為甜,多腰果,肉鬆,什菜粒,菠蘿粒~炒飯又唔會好油膩,口感很好呀,good日式海鮮薄餅 $22等左17min左右~共4件,原來幾大份呢~附紫菜條及幼滑的沙律醬喔~good 帶點兒卜卜脆~餡料有蟹柳,蝦! 整件唔算好厚身~set lunch 白咖哩豬扒飯 $39其實我想配時菜的,點知職員話無時菜...所以配甜品..係芒果布丁...但係跟餐的芒果布丁漏上,催完唔夠1min,便補上了 芒果幾挺身,味道唔會太甜,味道ok!共3塊豬扒,以為好細塊tim~白咖哩汁tasty~的確值得推介!即使你唔食得辣,也可以點呢

沙嗲王 - 記憶中係一間開咗好耐嘅食肆, 依家仍然有佢嘅生存之道.沙嗲牛肉粉絲 - 呢度我最鍾意叫嘅, 濃濃嘅沙嗲醬淋喺灼得啱啱熟嘅牛肉上面, 粉絲爽滑加埋牙菜, 好味呀!印度薄餅配咖哩汁 - 呢度嘅咖哩都係唔錯嘅選擇, 跟埋印度薄餅, 真係細心.越南豬肉粉卷 - 蒸乾咗d, 粉卷唔厚, 都ok.日式炸蝦餅 - 一咬開, 好香嘅蝦味, 因為成塊蝦餅都係蝦, 粉醬又啱啱好, 唔錯.椒鹽軟殼蟹 - 呢度話係自己養既. 果然好肥美, 薄薄一炸配腰果, 茄子, 肉鬆, 好夾味道.白咖哩豬扒飯 - 白咖哩唔係度度都有得食, 不過呢度嘅白咖哩甜甜地, 豬扒腍身都唔差.青檸柑梅蜜 - 青檸加柑桔同梅, 入口清甜, 感覺幾潤, 如果有熱飲重好.椰汁黑糯米 - 叫熱既, 但好似係凍嘅番熱, 唔太甜, 黑糯米煙煙韌韌.