沙嗲王 (眾安街) (已結業)

沙嗲王d野一向都唔差,等既時間又唔算好耐,價錢亦可接受今次食左個沙嗲肥牛粉絲,沙嗲真係好好食另外仲有個印度簿餅,D咖哩都唔錯,沙嗲王既特色飲品都係值得推介既,不過沙嗲王以前食物既選擇比較多...

昨晚8:40上到3樓坐低落order，可能唔夠人手，叫左4，5次先有職員埋黎，朋友叫了一個沙嗲豬排，一杯珍珠奶茶，但職員落單原來係分開兩樣野落，冇講原來可以叫一個餐，食品一樣，價錢平啲，仲多個沙律或餐湯，到之後再叫佢改返做餐，佢仲要面黑黑咁話點解唔一早講，小喇叭，算啦，照落，講返落單時，有朋友唔小心倒瀉水，流到半條褲都濕晒，個職員仲好鎮定，叫我地可唔可以落埋單先？真係火都黎，講佢兩句先醒目抹枱，又算啦，風口位好快乾......落左個蟹粉豆腐鍋，因為以前食過好正，等呀等，到9:25都未黎，朋友都已經食完好耐，揾職員追單，叫左兩次都話黎緊，真係唔想等了，叫佢埋單，轉個頭個鍋就即到，睇到個樣我仲問返佢係咩黎，豆腐溝水喎，佢話冇錯，咁係我錯啦，又淡又冇料，得豆腐同幾條蟹柳囉，個飯用朋友的咖喱先食左半......由我坐低到埋單都係錯的.......荃灣依間唔會再黎!

是日又和朋友食飯，近來真是多飯局，呵呵呵…收工黎到荃灣已見有幾個人等緊位，攞左飛後等了約20分鐘即有位。叫了一客煙三文魚沙律，煙三文魚很香煙燻味，沙律是什果撈了沙律醬，酸酸甜甜的，很開胃。另有一份炒飯，炒飯賣相很好，飯粒粒粒分明，而且彈牙，味道很香帶點甜味，不錯的選擇。又叫了一份白咖哩豬扒飯大家 share，咖哩汁帶有少許椰香及非常少的辣味，醬汁濃稀適中，撈飯一流。豬扒是用香茅醃過再烤，外表鬆脆，肉質香軟，好味。友人又叫了炸曼頭，佢最愛，我無食到，不評論。另外又叫了蒜蓉牛油雞翼，未影相已被人搶哂了，哈哈…雞翼外皮香脆，肉質滑，醃得入味！ 

青蛙放了個悠長假期後,即時相約豬大人食飯、看電影~由於晚飯時間有限,唯有選擇剛好路過,但又『十年唔逄一潤』的沙嗲王!!當我倆到達沙嗲王後,發現食店佔地很廣, 而且當時未到晚上7時,已接近八成滿座!! 很厲害呢~由於時間緊迫, 即時看餐牌準備點食。意外地發現食物種類挺多, 最重要是價錢大眾化呢~ 下單後, 大概十分鐘左右食物就陸續上桌喇!先來的是溏心蛋,雖然味道並不''溏''心,但賣相算是合格吧~再來就是北海道芝心餅,芝士控必食之選呀!!一咬開已被炸到脆脆的外層,內裡的芝士已急不及待的擁出來~整體口感煙煙韌韌, 正!! 白咖哩豬扒飯,又一令人驚喜之物~青蛙最愛它的咖哩汁香而帶微辛,而且醬汁濃稠適中, 伴飯吃一絕,難怪是招牌啦!!!再來又是小吃-- 避風塘軟殼蟹,一般吃軟殼蟹都好像只吃到殼而吃不到肉,所以青蛙對這款的印象麻麻~只記得挺香口.....最後就是青蛙指定要點的蒜茸牛油雞翼~果然沒有令青蛙失望,一如青蛙期待的好吃~雞翼炸得夠酥脆, 而且蒜香味非常濃郁 ^^無論賣相與味道都是一流呀!!!甜品要了個芒果紫糯米飯,芒果看似不夠熟, 但入口夠甜,紫糯米略嫌太硬。想不到一次求其選擇, 都會帶

都有好多年冇食過了！突然想食吓咁就嚟咗啦！原來都有唔少人棒場喎，都過晒食飯時間咯(￣∇￣)見咁耐冇食，即管等吓啦……餐廳推介係有十樣，有白咖哩香茅豬扒飯、沙嗲安格斯肥牛拉麵、香蒜牛油雞翼、椒脆蝦、椒鹽豆腐等，我叫咗前四樣。最好食係沙嗲，以為配湯會好稀，但都好濃郁好夠味，配拉麵好夾！仲可以揀米線、粉絲或檬粉呢！其他食落都唔錯，d蝦雖然細隻咗少少，佢其實係蝦蓉打咗入春卷皮，食落卜卜脆，有沙律醬配埋添。豬扒、肥牛都可以，最唔掂係雞翼，同幅圖有出入，上到枱係炸，但圖片又唔似！炸唔緊要，佢係好乾身，又冇野點吓都幾難入口架！奉勸d唔好乾爭爭野嘅人，點之前要諗吓喇！我覺得服務幾好！肯主動成日幫客斟水，抵讚！依家食滿20元送2元coupon,如此類推，下次食可以累積使用，又有藉口嚟多次！

因係葵芳工作，所以經常都係荃灣行街，有時都會食下「沙嗲王」，這裡款式好多，坐位之間都好寬略，坐得都舒服。的確係朋友食飯好去處！今晚好早去到，所以不用等位。「白咖喱炸魚飯」白咖喱係以前食開的味道！正！（其實白咖喱〜配豬扒係最好味！）但今次叫咗炸魚，好夠脆！又唔腥！good! 配飯一流！「煙肉菠蘿薄餅」有別於一般連鎖店pizza薄餅底，似係印度式鬆餅底= 簡稱薄餅，可能係E度既特色掛！（食坩多次，都係第一次叫薄餅）Size好迷你，配料有：煙肉、菠蘿、磨菇、芝士...等。味道香脆，比較另類的薄餅。「芝士焗雜菌」Size都係比較細，雜菌係鮮菇、杏鮑菇..等。略嫌芝士味不夠。「XO醬炒蘿蔔糕」切粒蘿蔔糕，自家製XO醬好惹味！多蝦米又不太辣。蘿蔔糕炒得乾身，又不太油！吃落好香口！不錯！「香芒鮮蟹肉炒飯」芒果幾甜，鮮蟹肉比較少同細粒，配上珍珠米炒〜頗香口。這款明顯比以前差了，但都可以。「韓式雞翼（四隻）」雞翼炸得香脆，但感覺有些似麥記「脆X雞翼」+韓式汁。（麥記可以考慮一下，哈）上次食牛油雞翼已有這種感覺。「鮮芒椰汁西米」今次E杯芒果肉幾甜，配芒果沙冰，西米質感怪怪，十分黏牙。沙冰味道太甜了！！連我

並不是第一次光顧沙嗲王，但對上一次已是一年多前，今天路過荃灣再來一嚐。平日晚上九時多入座，不需等位，女朋友想坐卡位，服務員笑一笑就安排了，態度友善。今次光顧發覺終轉用了餐牌，而非一張餐紙，最終order了一飯兩小食。不到五分鐘，它們已全都從餐牌跳到我們桌上，效率非常。這是飯+25元的沙律和飲品，分量和味道不過不失。這蟹粉豆腐鍋是每次皆點，乃女朋友摰愛。但我們一致認為水準下滑。整體份量少了，特別是蟹粉，我也認為過鹹。雖然沒有第一次嚐它時讓味蕾驚訝的美味，但仍是最值得推介。焗帶子也不錯，芝味濃厚，每隻底下有薯蓉，很飽肚。避風塘豆腐以約四十元而言份量偏少，味道普通。總括而言，整體味道和份量也下滑，好像沒過去般佳。近來興說“人生若只如初見”，我也來慨嘆一句“佳餚若只如初嚐”，要抓緊初嚐的美味，實非易事！不過無論如何，價錢不高昂，服務和味道也不俗，環境也獨特舒適，給個還是逃不掉。

知道新增左d 新菜式，特意來光顧 點了一個薯仔沙律，伴有半隻溏心蛋，不過不是太溏心薯仔切成粒狀，容易入口而且還十分粉糯，煮的時候剛好，挺有口感的。當中還有蘋果粒，十分甜，又多汁。最怕沙律有好太多沙律醬，呢個就無呢個問題，沙律醬都係點到即止而已，剛剛好。

呢晚好肚餓，於是食宵夜。入到都十點幾，坐卡位，好闊好舒服，裝飾靚。兩個人叫左兩杯野飲，一個飯同兩個小食share。野飲上左先，朱古力雪香，內有珍珠，珍珠較硬，味道ｏｋ。等左好一會兒，野食終於來齊。炒年糕，泡菜酸酸辣辣，年糕質感好，最緊要係夠辣！好味！魚籽海鮮炒飯，味道可以，無魚籽不要緊，可惜只是溫熱，如果可以熱小小就好。咖哩薄餅，哇呢個真係好好味！新鮮整好熱辣辣上的！sauce同雞肉同咖哩薄餅夾埋一齊，一啖咬落去，真係正到不得了！食過都返尋味！埋單用減$10 coupon，total$168.2，物有所值，會有下次！

早一兩年前，在下偕同女友造訪旺角分店，但是味道已經忘記了。今晚相約了食友到荃灣的沙嗲王，主要是為了在下已登記的 soda card 可以在沙嗲王打卡留腳印簽到。荃灣的沙嗲王一直都未到造過，直到有一次差點兒要走上去一嚐招牌食物，可是一個人又怎能吃太多呢？在下還是要多謝食友的陪伴，才能吃到多幾樣食物。上到餐廳，裝飾中感覺上有點像俄羅斯屋頂的洋蒽頭，也有點像後花園感覺，而且有奧巴馬坐著歡你般。拍攝過後便到 Soda掃描器打卡簽到，並即時使用優惠。從餐牌中點選了薄餅，沙和咖哩飯，還有拉麵及小食，並加了銀兩升級了兩個套餐呢！其實從餐牌中得知，物都頗多選擇，有小食薄餅等等，而且取價也不高，多一點人來吃也不會覺得很貴。首先上桌的是水耕苗什菜沙律配胡麻醬，沙律新新，蔬菜又爽口。吃下時更有胡麻的香味，使整碟沙律吃完再想再吃。白咖哩香茅豬扒飯是在下一直想試的菜式，今晚有幸嚐到，算還了心願。白咖哩味道不辛辣，可是卻又散發著咖哩的香味。吃一口豬扒，也覺十分鬆化，鬆化之餘又有嚼勁，米飯粒粒分明，沒有稀爛和黐在一起。沙嗲肥牛拉麵。既然說是沙嗲王，豈能不嚐試一下沙嗲嗎？橙紅色的沙湯底，確實散發陣陣沙嗲香味，喝一口湯

踏出升降機便見到O巴馬先生坐著歡迎大家被侍應生帶到偏廳裏坐，時間為下午茶時段，店內客人不算多！枱上依舊有這個"呼叫器" , 不過我估它在下午茶時段是無用武之地，因為按個多次也是沒有侍應生來幫忙，唯有靠原始三步曲: 招手，等待，叫喊~來到沙爹王怎能不叫一客"白咖喱香茅豬扒飯" $48送到枱時，立刻嚐一囗咖喱汁， 怎麼感覺味道是比往昔的差很多， 咖喱汁帶椰香， 不過味道是辣了，鹹了， 而且咖喱汁的質地有一嚿嚿， 似生粉獻多過咖喱汁 … 完全與昔日的又香又甜又滑兼帶果仁香的白咖喱不一樣！再咬一啖香茅豬扒，終於可以一讚… 肉質軟嫩帶汁， 香茅味道濃郁， 豬扒邊位帶肥脂，食落香酥可口！從餐牌所知， 飯是採用有機米，看一看， 飯粒是粒粒分明！入口處擺放了一部Soda Card機， 只需少許步驟，以後每次check in可得5分， 儲夠一定分數可換禮物！而我的入會禮物就是一客“綠茶雪糕配紅豆羊羹“，雖然不知道雪糕的品牌是甚麼，但是食落口都覺得綠茶味道是來得甘而不苦，有茶的芬芳，奶味並不會太顯露，剛好能中和紅豆羊的甜膩！食物款式的確是多了變化，不過味道卻… 究竟是荃灣廚房的問題還是改招牌後的廚房重組

4-1-2014 (Sat)晏晝男友放工後,一齊食o野,由於我想用埋之前o個$26.00現金劵同見到上一篇愛叮達人白咖哩豬扒o既食評,.於是提議男友o黎呢o度食.我o地o黎到都幾多人,就要o左:1. $48.00o既白咖哩香茅豬扒飯呢個好快到o黎,白咖哩都幾多,一食件豬扒就食到好濃香茅味,豬扒厚度適中,但口感鬆軟;而白咖哩汁亦食到有椰子味,呢個亦都係微辣,幾好送飯.豬扒共有三件,size重要係大,中,小都有齊.味道: 5分2. $40.00芝焗一口貝(8隻)呢個等o左幾耐至到,睇見佢扇貝幾大隻,食得.面上o既芝士同煙肉碎焗得好香口好味,但元貝粒又薄又細粒,不過鮮味好足,而墊底o既原來係薯蓉.呢個可以以”妹仔大過主人婆”o黎形容.味道: 5分3. $25.00o既雪糕蘋果批呢個係被迫後加,因為我o地落單時,叫侍應後上,佢話不如唔好落住,食完至再落.而落完單後都等好耐至到.佢有兩件蘋果批同大大個雪糕球,雪糕係雲呢拿味,蘋果批面上落o左好多肉桂粉,食落唔太甜,肉桂味道可以接受.味道: 4.8分其他:今次係諗住最後一次o黎,而睇menu時,我都特登睇返上次食o既香芒鮮蟹肉炒飯,發覺佢o地改o左

平安夜當天，滿滿都是人潮，本來想去食牛扒，排隊的人龍實在太長最後選擇到這裡作為晚餐(但也排了快大半個小時呢)每一次來我都會必點的((白咖哩豬扒飯))醬汁很香很濃豬扒也是一樣，香酥脆，很好吃煙肉菠蘿鮮茄醬酥皮pizza每次想到pizza牽絲的畫面就忍不住會吞口水配料好豐富喲～起司真的是多到化不開呀～～～在pizza麵包餅皮的部分.用上酥皮，很特別，有彈性卻又易入口整個吃掉是很easy的!避風塘炒軟殼蟹（標準＄49）肉質很飽滿..而且還有不少蟹膏蟹拌以花椒、花生碎、紅椒等炒起，帶一點點微辣好吃

30-11-2013 (Sat)朝同男友起身後,整呢整路到出得門口,都已經11:00am,落到荃灣又先去銀行至食得o野,男友提議o黎呢間食,佢話重有好多o野未食過喎.=.="咁好啦,但我冇帶上次俾o既$10.00 coupon,是但啦,或者會送一支辣椒仔o既.我o地去到係11:33am,冇人o係門口,唔通未開門?睇睇個牌,開11:30am,即係o岩o岩開o左,上到去,我o地被安排坐最後一張o既四人卡位(當時只開半場),坐低後,我o地要o左:1. $61.00o既香芒鮮蟹肉炒飯o黎到,我睇到芒果肉唔多,有一pat肉鬆,男友大呻同menu張相好唔同,咁少蟹肉(我一粒都睇唔到添.),男友就挑出o黎,我同佢一齊挑,只挑到大約一湯匙,近乎粒狀o既蟹肉出o黎,亦挑到雞蛋殼.雞蛋殼都唔奇o既,點知男友為o左唔o徙o野食晒成碟,話都食到唔少雞蛋殼.而味道,我都有試,淡,唔夠鑊氣,腰果開始腍,咁細粒o既蟹肉,可以食到咩o野鮮味?男友話應該叫做香芒鮮蟹’毛’肉炒飯.味道: 1分2. $48.00o既凍食越南春卷檬粉檬粉算爽口,加入魚露同食一定OK,越南春卷夠熱同脆,但內裡o既料唔香口,一般;不過我啲腰果脆

前日(17-11-2013 Sun)男友瞓醒後,話話o黎食lunch,又去邊o度食呢?荃灣啦,由於我o係屋企食o左o野,我就只可以黐男友少少o野食,咁唔好去茶餐廳喇,就提議o黎呢間食.我o地接近1點o黎到,都未full,男友揀o左$34.00o既咖哩香茅豬扒粒pizza,$49.00o既雞扒米線,跟住以半價$15.50要凍五穀綠茶latte,$16.50o既紅豆鮮芒椰汁.1. 雞扒米線呢個主要係男友食,米線都彈彈地牙,番茄湯味濃,雞扒口感正常,份量都OK多.2. 咖哩香茅豬扒粒pizza呢個size唔大,食落,咖哩香茅都有,但感覺係清淙少少o既咖哩味,有啲啲怪,豬肉口感正常.3. 凍五穀綠茶latte五穀分開上,menu介紹有脆玄米粒,脆麥片,小麥胚芽,黃豆同原粒脆燕麥.其實脆麥片同原粒脆燕麥有咩分別?咪係同一樣o野,只不過係咪碎o左,咁就話有5種穀物,有啲取巧囉.我先唔加入杯latte o度飲,味道淡淡,只飲到綠茶味,然後加呢五穀入去,其實都冇乜特別.4. 紅豆鮮芒椰汁混埋o黎飲,紅豆o既甜味被芒果冚過晒,好彩芒果汁同芒果肉唔酸.睇返上次食評http://www.openrice.c