影片
更多
2012-09-28
39 浏览
之前同一班弟兄去江戶前食飯，送咗$26現金券，佢哋無人要，小弟就老實不客氣，用得唔好嘥。睇番現金券後面嘅條款，原來同一集團嘅沙嗲王都可以用，所以就搵次返完太太嗰邊崇拜一齊去食晏。12:00pm正午上到去，一出電梯乜人都無，客又無，侍應都無，得個「奧巴馬」坐晌度同啲海盜人形，仲以為未開。再行入啲望入去（出電梯左轉屈入去），先見到裡面喺有啲人嘅。星期日午市喎，咁少人嘅？感覺有啲擔心，不過，既來之，則安之，小弟份人一晌隨遇而安，嚟咗咪即管試吓囉。有時啲嘢就喺咁奇，12:15pm陸續多人，12:45pm走時已坐滿成個場，都幾多人支持喎！沙嗲王以港式西餐格局裝修，但卡位椅背間，又用啲帶有清真寺圖案嘅通花，感覺幾古古怪怪呀。不過，地方就算頗為闊落，未會用到每一吋地方盡。估唔到喺，原來沙嗲王已經有超過20年歷史，更唔到嘅喺，佢賣嘅嘢喺咁多元化架，出名嘅有沙嗲、白咖喱，此外，仲有人氣嘅焗飯系列、沙律、小食、意粉、自選粉麵、泡菜系列、避風塘系列、時菜、甜品。當然，又唔少得午市套餐俾客人多個選擇。沙嗲香茅豬扒粉絲 $41屬於特色自選粉系列，基本於喺由汁底（5款）、主菜（8款）、粉麵（5款）相互間自由配搭。
12:00pm正午上到去，一出電梯乜人都無，客又無，侍應都無，得個「奧巴馬」坐晌度同啲海盜人形，仲以為未開。再行入啲望入去（出電梯左轉屈入去），先見到裡面喺有啲人嘅。星期日午市喎，咁少人嘅？感覺有啲擔心，不過，既來之，則安之，小弟份人一晌隨遇而安，嚟咗咪即管試吓囉。有時啲嘢就喺咁奇，12:15pm陸續多人，12:45pm走時已坐滿成個場，都幾多人支持喎！
沙嗲王以港式西餐格局裝修，但卡位椅背間，又用啲帶有清真寺圖案嘅通花，感覺幾古古怪怪呀。不過，地方就算頗為闊落，未會用到每一吋地方盡。估唔到喺，原來沙嗲王已經有超過20年歷史，更唔到嘅喺，佢賣嘅嘢喺咁多元化架，出名嘅有沙嗲、白咖喱，此外，仲有人氣嘅焗飯系列、沙律、小食、意粉、自選粉麵、泡菜系列、避風塘系列、時菜、甜品。當然，又唔少得午市套餐俾客人多個選擇。
沙嗲香茅豬扒粉絲 $41屬於特色自選粉系列，基本於喺由汁底（5款）、主菜（8款）、粉麵（5款）相互間自由配搭。既然叫得沙嗲王，而沙嗲又稱為招牌，所以汁底必選喺沙嗲，主菜揀咗香茅豬扒，再配粉絲。初頭嚟錯咗個清湯，見個樣唔對路，即刻提出，個經理極爽快，二話不說即換。過多10min，個沙嗲香茅豬扒粉絲再次送上，個沙嗲好香，而香茅豬扒非常入味，豬扒一咬香茅味注滿口腔，仲有成三大塊咁多，不過可能入去再加沙嗲，粉絲就變得腍咗，口感差啲。
娘惹咖喱牛肉飯 $46喺午市套餐嘅選擇之一，午市套餐一共有5款，有飯、粉絲、意粉，視乎主菜要乜，價錢$44-$51，仲包埋新鮮時菜或雀巢細杯雪糕，及餐飲一杯。個咖喱牛肉以長碟盛載，份量確喺幾多，我覺得一份都夠兩個唔太大食嘅女士享用。牛肉頗軟滑，咖喱又好香，少少辣，撈埋啲花生碎同三色椒粒粒，配上白飯，好食好食！而雀巢雪糕就無，改咗芒果布甸，個樣整得幾靚仔喎，仲加咗啲芒果汁，無花奶供應，問我要鮮奶代替得唔得，當然唔OK啦，有點可惜。而餐飲亦都揀錯，選上奶茶，茶味稍弱，奶又太多，依餐飯嘅另一個可惜！
計埋加一，埋單要$96，扣番$26現金券，實收$70（註：下面嘅是次消費喺以正價計），今餐抵過去快餐店呀。況且地方闊落，招呼又唔錯，雖然奶茶差咗啲，都俾個笑你啦！张贴
