沖繩二段料理 (荷里活廣場)

营业中

休息中

日式蒸飯，咩嚟㗎！我實在太孤陋寡聞喇，竟然未食過，梗係要去試下啦！試新嘢，當然要孖住阿妹一齊試啦!原來限時1小時15分鐘要還枱，時間緊迫，要快d落單，否則一定食唔切，我點咗個R1 琢梅肉配芥苿醬飯，阿妹就點咗U13壽喜泡菜雞烏冬。好快侍應姊姊就捧咗2個蒸籠過來，放上枱面個電磁爐上，要等6分鐘！店員好好呀，幫我地整好後，仲話夠鐘佢地會過來。但是時間係我關心ge， 皆因我食得慢嘛，由入座到蒸緊，大大話話都過咗十幾分鐘，剩返一個鐘，要食快d喇！好彩今晚係同阿妹食，如果同朋友食就真係冇得傾計lu。2個蒸籠內有4成係菜和菇，加埋係蒸，感覺好健康，肉類嘅份量都唔少，而且調味okay, 唔會話好味精咁。雞件都算嫩，唔會鞋，琢肉亦可以，喜歡佢冇乜調味，清清地咁幾好。店員教我將碟芝士加落飯撈勻，落單時以為個飯係普通飯，原來係半湯飯，芝士加入飯，雖然芝味唔濃，但唔喜歡食飯有芝士絲，覺得好怪，除此之外呢個蒸飯唔錯，下次要記得飯同芝士要分開食。而烏冬就等蒸完後放落蒸籠下嘅湯內撈勻嚟食。跟餐本應係冇甜品，但店員問“而家上甜品，好嗎? 係送㗎.” 而且還帶有微笑，真係好喇。一球大雪糕放在炸多士上，旁邊還有紫薯蓉，

某天假日，來鑽石山荷里活廣場行街，行到咁上下見肚餓，廣場既食店黎黎去去都係Ｄ大集團食肆，沒什麼特別睇見呢間日本食店，而且是沖繩炸麵包，二話不說就決定了呢間。由於當日假期，好多人排隊等位，都要等左一段時間先有得入座。等位既時間望下memu有咩岩食等了差不多30分鐘，終於有位了！我地兩人點左一份下午茶ｓｅｔ，一份主食和炸麵包。主食還送一份甜品！下午茶：黑咖哩豚肉撈烏冬黑咖哩：好香既咖哩味道，有黑胡椒但卻不辣豚肉：沒有肥肉，好夠林，配埋黑咖哩汁好好味烏冬：用的是日本烏冬，比較扁闊細滑那種，而已好入咖哩味主食：琉球蒸雞腿肉，配芝士粟米汁（窩飯）有個電子爐熱住的，然後將飯和汁撈埋一齊吃。雞腿肉及南瓜：的確係好滑，上面有ｄ炸粒原來叫就做＂琉球＂～不過少了點雞肉既雞香味，味道比較淡。不過南瓜好香甜芝士粟米汁：見到芝士係一絲絲的，但味道好淡，唔覺得有粟米汁，所以送飯都係要靠兩舊香甜既南瓜。。或者下次試下轉食第二隻汁會好ｄ兩款小食：紫薯好甜！細細粒好得意另一款甜甜酸酸像爽口海澡，都幾好食！炸麵包－紅芋剛炸起的熱辣辣，咬落好脆口！而且料夠多！朋友說甜了點，我就覺得岩岩好！好好味！最後食完仲外賣左一個返屋企

門口有人等位，用餐時間限1小時15分鐘。menu 幾獨特，別家未見過，咪試下囉，點知⋯呢舊野係沖繩名物？我未去過沖繩，但個炸包一點也不好味。裏面的custard 無味，質感不creamy；舊包只係食到炸味⋯ 盛惠20大元，極之 overpriced. 好啦，話說呢三張相係屬於同一個定食的。個芝士辣蕃茄飯係最好味的了，不過屋企都應該煮到。蜜糖芥末汁味道ok，豚肉就明顯 overcooked，上枱仲要煮6分鐘，在廚房就煮少陣啦，啲肉片咁薄，唔靭就奇。Vanilla ice-cream + 炸包 + salted caramel ，炸包唔再講了，但咁樣夾埋一齊食好過之前就咁食個包。Salted caramel 係整碟重點，甜甜鹹鹹味道調得不錯。

不經不覺原來荷里活廣場已經變左, 已經唔再係一個好簡單的food court, 多左一間幾有 特色的店由於已經食左晚餐，但又好想食甜品，所以就入去食左份甜品了點了雪糕配焦糖Donut，果然不錯，焦糖Donut是甜甜暖暖的，而上面的雪糕是雲尼娜味的，donut既熱力令雪糕融融地，兩樣夾埋泥食，口感豐富，而且都好甜眼見人地晚餐都不錯，下次可以試試

在年初我剛去過Okinawa，好懷念那裡的食物 - 紅芋年糕、海萄葡、拉麵，so今日特登走去食沖繩餐廳的下午茶.每次見到 風獅爺，總想起Okinawa.一睇Menu最想食 紅芋年糕.我order咗 H9餐，有齊晒我最愛的 紅芋年糕、海葡萄、拉麵、豚肉沙律、蜜桃茶.紅芋年糕，外面似煎堆脆卜卜芝麻好香，而入面有主角 紅芋+芝士，yummy！！！最值得食這間餐廳一定要食"紅芋年糕".

鑽石山其實真係唔係太多好食既餐廳行過見到有間主打叫「沖繩」既餐廳就入左去試試。食餐比較抵d，所以叫左個［SET C $148 + 自家製沖繩風咖哩炸包］沖繩苦瓜奄列黑咖哩配傳統炊飯🍛苦瓜食苦唔太苦，都幾好食。唯一係苦瓜蛋份量比較少，唔係咁多餸可以撈飯🙁海鮮鱈魚子意大利粉🍜唔係咁食到有海洋，而且個意粉味道比較淡身，食落好似冇咩味。小食 + 咖哩包🍞雖然係炸包但咬落唔會覺得好油咖哩涵份量適中而且好香口，好食！整體味道尚可但唔算太大驚喜，不過有機會再試下佢地既其他炸包😊😊😊

星期六下就2點，兩個lunch set魚生飯，好快上左，各2件薄三文魚/吞拿/八爪魚，共六件，衰過爭鮮，飯6啖內食完，盛惠 $78帶子意粉，等左35分鐘，催左2次，員工回應"意粉吖麻，整緊架啦，等等", 又係6啖食完，意粉白灼一樣，盛惠 $78隔離兩個姐姐遲過我入，食完都幫口，有無搞錯要人等咁耐份量細，慢，難食，態度差，唯一好結帳同你講唔該，完無下次經過食M記無咁嬲

令人驚喜的晚餐，本以是仿沖繩料理的餐館，卻有令人回味的感覺。沖繩風小食拼盤，配備有水雲椰菜沙津，沖繩紅豆炸包，酥炸單骨雞翼及薯條。酥炸單骨雞翼外層是脆身麵包糠，配上疑似葡汁醬料，十分惹味。紅豆炸包，外層撒上粗粒白糖，味道似沙翁，餡料有紅豆和麻糬，份量如手掌般大。食完小食拼盤已有半飽的感覺。沖繩苦瓜奄列黑咖哩飯，令人喜出望外的主菜，炒飯內還有雞肉及水雲為配料，黑咖哩香味濃郁，是微辣醬料，苦瓜味也不太苦，而奄列蛋亦煮得剛剛好。海鮮鱈魚籽意大利粉(九州直送)，原以為只有鱈魚籽，上菜時方知還有魚塊、蝦及魷魚圈，配料齊備，加上白汁醬料，味道不過不失。海鹽焦糖多士，是多士加上香草味雪糕，配上海鹽焦糖醬，並以紅芋為伴碟。雪糕襯上咸味醬料，新鮮的配搭，咸咸甜甜的感覺很特別。熱的玄米茶預先添加了糖，味道有點像啫喱糖般甜，不太自然，我個人則比較喜歡無加糖原味的玄米茶。

今日係礸石山睇完戲後經過呢間日左小食餐廳，見佢環境同食物都幾吸引， 所以就入去一試。 佢有2人餐真係多選擇特別有沖繩小食拼盤有雞亦， 沙律， 薯條，仲有個出名既炸包。同時個餐包埋一個飯一個面 。基本上3個人都夠食。 小食拼盤以炸物為主 每樣入口都好香口， 特別係雞亦上面有芝麻，入口好香好脆裡面仲幾嫩。 日式甜咖哩意粉， 入口 比較淡冇咩味 沖繩海葡萄傳統炊飯， 味道略苦不太岩我 基本上餐廳食物味道都一般，比較合適鐘意炸野既人口味。

早前參加Openrice的食評抽獎活動抽到了兩張電影卷在此先借機感謝!抽到的電影是巨鯨傳奇今天老婆仔1點便收工我又剛好放假所以打算今天看電影放映時間上只有在荷李活廣場的適合所以刻意來到鑽石山選了座位買了卷後還有一小時可以吃個午餐在這裡逛著發現這間餐廳好像不錯所以毫不猶豫就入內坐下了看到推介的套餐都很豐富我們又頗肚餓所以點了138元的套餐包括海葡萄炊飯以及芝麻雞扒甜咖哩意粉還有小食拼盤和玄米茶先來的是芝麻雞扒甜咖哩意粉菜單上指這是沖繩的甜咖哩也頗期待咖哩味很重但卻不會很辣很易入口我和老婆仔都很欣賞這咖哩說將來去沖繩一定要再試試和意粉的配合也算不錯還有一大塊雞扒製作得很香我們對整碟意粉也有很高的評價至於海葡萄炊飯老婆仔對於表面的海葡萄很感興趣外表看起來很特別不過吃上來其實沒什麼味道炒飯本應很有味道但原來裡面有老婆仔討厭的苦瓜苦味雖然不重但也令整碟飯幾乎也都交給我吃了至於小食拼盤裡面有薯條、沙律、雞翼和香芋煎包不過感覺沙律和薯條都很普通沙律味道很淡薯條也不太突出或者配回茄汁會更好不過雞翼也頗特別表面應該是灑了糖所以吃起來香的同時又不會感覺太熱氣而香芋煎包也是很不錯的甜點外面同樣是很香又灑了糖

是日午餐: 芝士黑咖哩野菜漢堡扒炊飯兩塊漢堡扒細得可憐,所謂咖哩汁係無咖哩味的,芝士又勁少,係有味飯,叫做食得下咁喇,成餐唔可以用好食黎形容,只係叫做好過無得食.呢間嘢，無下次。呢個價錢,大把選擇！

While walking through Hollywood Plaza, I noticed Antoshimo because of their fun decorations and photography booth. I didn't use it but it appears that you can take selfies. The menu is vibrantly colored with interesting Japanese fusions foods but while the images are very enticing, the menu itself is difficult to read in English and even my Chinese friend said that the Chinese was also hard to follow due to the layout. Despite this, I was able to point at foods that looked tasty and order what I

早DD食午餐, 咁就冇咁多人啦(早極咪又係12點)調味料, 又係例牌野, 不過幾乾淨環境係幾好既^^食包我麻麻, 不過個樣係幾得都會主動比水唔辣既紅色粉, O咀浸左辣椒既調味水, 正, 仲有陣陣酒味湯:唔夠hot (圖片中show出黎既麵多好多><但實物就舷幾條)Curry: 偏甜, 唔係咁like, 不過日本野係咁Salad: 睇都知too much 汁啦苦瓜egg:沖繩特產, 正, egg 軟, 苦瓜爽炸chicken:normal紫薯炸包:其實食完上面個早set都full啦, 食lee個包就覺我冇咩特別了, 唔算太甜, 即炸

流心芝士炸包($22)熱辣辣炸起，拎上手搣開都真係幾熱架搣開佢芝士唔係好澎湃咁湧出黎，都會見到有流心但就唔多，咬啖個包好鬆軟好香，芝士味原來都唔少，味道取勝。好味指數：7.5/10日式甜咖哩素肉鬆薯條($24)呢個甜咖哩都算有d蔬果粒，薯條反而炸得唔係好香脆，但食落整體唔錯。好味指數：6.5/10沖繩風蕎麥湯麵($48)配以水雲、花生、豆腐、芝麻，上碟個樣同想飲中有d出入，味道認真麻麻，唔推薦。好味指數：5/10黑糖忌廉冰咖啡($15)呢杯咖啡相當岩心水，黑糖令到咖啡更香，仲要有層冰沙，幾驚喜。好味指數：8/10窮遊指數：7/10

12點到，啲人仲未開始午飯，所以仲有好多位。叫左3個飯，兩個bun, 一杯野飲。其實店內得5枱客左右，但上菜速度好慢，多客啲都唔知要等幾耐囉！#蕃茄菠蘿燴雞炊飯#飯加左啲好似紫菜同菇一齊炊，上面放左啲木魚碎。質感好似爛飯咁，唔好食而個餸就唔錯，甜甜酸酸的，雞好嫩！#水雲鰹魚湯#就鹹左啲喇，但我愛入面的水雲！#日式甜咖喱野菜雞柳炊飯#飯一樣。個甜咖喱雞就好好味#海葡萄苦瓜雞肉炊飯#呢個飯有少少唔同，係苦瓜雞肉同菇一齊煮的，無咁爛。海葡萄脆卜卜，好好食#咖哩豚肉bun#個包好脆，炸過的，熱辣辣。餡就唔係好多，啲豬肉係絲來的。咖哩都係甜咖哩，都好好食。#紅豆bun#入面好似有年糕咁，唔太甜，正！而且年糕唔痴牙#黑糖凍咖啡#老豆話太多碎冰，之後仲自己加左啲黑糖粉落去添Bun可以再encore