影片
港铁太子站 D 出口, 步行约5分钟
继续阅读
电话号码
94581195
开饭介绍
主打铁板烧套餐及厨师发办的日式餐厅，铁板烧晚餐供应时令海鲜，如鲍鱼及澳洲龙虾等，肉类则必试油脂丰且牛味香浓的日本A5和牛。
继续阅读
营业时间
今日营业
12:00 - 15:00
17:30 - 23:00
星期一至日
12:00 - 15:00
17:30 - 23:00
以上资料只供参考，请与餐厅确认详情
有关奖赏计划
食家推介
性价比高 共11道菜式 食物卖相同质素都好好 今日我哋五个人 朋友预先book咗房 间房最多可以坐10人海鲜为主 有日本蚝 帆立贝 仲有澳龙 个龙虾汁好浓郁主厨风趣幽默 餐厅气氛很好 特别推介超浓龙虾汁澳龙同酸汁鹅肝 本身惊鹅肝好油 但用咗个酸汁竟然两块都食得晒 一啲都唔觉得油腻 有点美中不足就系多士唔够脆 （朋友上次你食话脆d）厨师介绍咗四款大赏清酒 四款都好好味 大家都饮得好开心 最尾个甜品（雪糕）都好出色 好香牛奶味下次会再约朋友嚟试其他菜式
继续阅读
经朋友介绍去咗呢一间汝铁板烧试下。今晚同朋友庆祝生日，总共六个人，实在是有惊喜，性价比高，厨师细心有礼。我哋食咗鲍鱼，鹅肝，蚌，好多海鲜...师傅 攞啲鲍鱼同龙虾出嚟嘅时候，仲喺生生猛猛。见到其他嘅顾客，大部份都系熟客黎， 大家都有讲有笑，气氛很好，我会下次再去帮衬，推荐！
继续阅读
一讲到铁板烧可能剩系谂起中环尖沙咀 无谂过深水埗都有咁高质 简直一试难忘 师傅同客人既互动超好 如朋友一样 非常开心师傅真系好有心机！🫡🫡食物超新鲜即场拆即场煮 so underrated and deserves more customers!!生日仲为大家精心准备甜品 搞搞气氛 如果唔岩食可以自己带蛋糕系免切饼费 非常难得！ 系香港已经好难遇到咁有心搞饮食既人士 真心欣赏唔止系一个食好野既地方 仲系一个畅饮倾计聚一聚既好地方
继续阅读
约咗朋友喺呢度铁板烧，好钟意佢深宵食堂细细间嘅气氛，五个朋友包咗一间房仲要free flow。一开始见到师傅拎晒啲海鲜出嚟俾我望吓已经觉得好佢哋新鲜，好有期待嘅感觉。然后试咗个生蚝𠮶个质感同埋配嘅汁加个葱花好夹，一口食落去含住一个嫩滑多汁饱满嘅生蚝喺个口入边漱住会好自然咁样拉长「唔」咗一声好想加码但系要预订已经冇晒货！跟住好正嘅就系鸡乸咁大只嘅鹅肝喺你面前切开，影相嘅关系唯有摆个打火机喺度做对比，以前食开都系苹果汁或者红酒，今次系用咗个简单柠檬汁落去，咬落去好清新减咗油腻嘅感觉，果然好嘅食材系唔使搞咁多调味！不过放喺底个面包最好焗脆啲呢一度减咗少少分。然后重点讲吓只鲍鱼；配合一个先焗后煎嘅手法，既可以锁住水份，而且令到咬口有好爽嘅感觉，鲍鱼最难控制嘅就系煮完会容易过韧，睇嚟师傅喺拿捏软硬度嘅时间啱啱好！剩返嘅带子、牛肉粒、樱花虾煎蚝、炒饭全部都合乎标准。最后主食当然系要讲吓个龙虾，临上枱𠮶一刻都仲郁紧，绝对足秤新鲜同埋肥美，配返佢个龙虾汁同埋饮清酒简直系一绝嘅配搭，今次真系饮饱食醉尽情嘅一晚。
继续阅读
人生第一次写食评，第一次食铁板烧。见social media介绍又做特价，就趁生日前去食。每食一道菜，师傅都介绍，我唔食葱又特别帮我走葱。食夜晚8点果个时段，7位客人，原本都各自各食。师傅讲下笑，最后大家都有少少交流，成餐饭食得好开心。唯一唔好，系冷气唔够。一入去好热，佢即刻开埋风扇，但可能座位较入，都系较热。惊喜我订嘅时候冇remark有咩特别庆祝，最后都有件生日小蛋糕。原来三枱客都系庆祝生日。希望买一送一可以做耐少少，可以再去食多次。个人食得偏淡，就会觉得有d会味道浓咗少少，但系好食嘅。
继续阅读
您可能会有兴趣的...