影片
港铁太子站 D 出口, 步行约5分钟
继续阅读
电话号码
94581195
开饭介绍
主打铁板烧套餐及厨师发办的日式餐厅，铁板烧晚餐供应时令海鲜，如鲍鱼及澳洲龙虾等，肉类则必试油脂丰且牛味香浓的日本A5和牛。
继续阅读
营业时间
今日营业
12:00 - 15:00
17:30 - 23:00
星期一至日
12:00 - 15:00
17:30 - 23:00
以上资料只供参考，请与餐厅确认详情
有关奖赏计划
食家推介
一讲到铁板烧可能剩系谂起中环尖沙咀 无谂过深水埗都有咁高质 简直一试难忘 师傅同客人既互动超好 如朋友一样 非常开心师傅真系好有心机！🫡🫡食物超新鲜即场拆即场煮 so underrated and deserves more customers!!生日仲为大家精心准备甜品 搞搞气氛 如果唔岩食可以自己带蛋糕系免切饼费 非常难得！ 系香港已经好难遇到咁有心搞饮食既人士 真心欣赏唔止系一个食好野既地方 仲系一个畅饮倾计聚一聚既好地方
继续阅读
约咗朋友喺呢度铁板烧，好钟意佢深宵食堂细细间嘅气氛，五个朋友包咗一间房仲要free flow。一开始见到师傅拎晒啲海鲜出嚟俾我望吓已经觉得好佢哋新鲜，好有期待嘅感觉。然后试咗个生蚝𠮶个质感同埋配嘅汁加个葱花好夹，一口食落去含住一个嫩滑多汁饱满嘅生蚝喺个口入边漱住会好自然咁样拉长「唔」咗一声好想加码但系要预订已经冇晒货！跟住好正嘅就系鸡乸咁大只嘅鹅肝喺你面前切开，影相嘅关系唯有摆个打火机喺度做对比，以前食开都系苹果汁或者红酒，今次系用咗个简单柠檬汁落去，咬落去好清新减咗油腻嘅感觉，果然好嘅食材系唔使搞咁多调味！不过放喺底个面包最好焗脆啲呢一度减咗少少分。然后重点讲吓只鲍鱼；配合一个先焗后煎嘅手法，既可以锁住水份，而且令到咬口有好爽嘅感觉，鲍鱼最难控制嘅就系煮完会容易过韧，睇嚟师傅喺拿捏软硬度嘅时间啱啱好！剩返嘅带子、牛肉粒、樱花虾煎蚝、炒饭全部都合乎标准。最后主食当然系要讲吓个龙虾，临上枱𠮶一刻都仲郁紧，绝对足秤新鲜同埋肥美，配返佢个龙虾汁同埋饮清酒简直系一绝嘅配搭，今次真系饮饱食醉尽情嘅一晚。
继续阅读
人生第一次写食评，第一次食铁板烧。见social media介绍又做特价，就趁生日前去食。每食一道菜，师傅都介绍，我唔食葱又特别帮我走葱。食夜晚8点果个时段，7位客人，原本都各自各食。师傅讲下笑，最后大家都有少少交流，成餐饭食得好开心。唯一唔好，系冷气唔够。一入去好热，佢即刻开埋风扇，但可能座位较入，都系较热。惊喜我订嘅时候冇remark有咩特别庆祝，最后都有件生日小蛋糕。原来三枱客都系庆祝生日。希望买一送一可以做耐少少，可以再去食多次。个人食得偏淡，就会觉得有d会味道浓咗少少，但系好食嘅。
继续阅读
店主用心经营，食物质素好，环境卫生 👍👍第一次由朋友介绍，抱住试食心态，咁啱有朋友生日，就约一个点去聚会。结果店主最后亲自捧著蛋糕，又播生日歌一起合唱。气氛十分好，很感动，会定期返去帮衬
继续阅读
本身喺social media广告见到个menu比佢吸引左，WhatsApp查询问吓个详情睇吓有冇咩隐藏收费，最后拣咗A5和牛set (840/2位连埋服务费）今次系我第一次写食评，想赞下老板🤣1. 食物质素冇得弹，老板每一道菜式都会加入自己优化咗嘅元素，所以真系样样都有惊喜，（除左𠮶日缺货左日本A5和牛有啲失望，食住M5和牛先⋯不过用好好食嘅帆立贝同生蚝作为咗补偿😋）2. 老板好敬业乐业，一个人主理哂系成间舖头，但系完全唔马虎，又乐意分享自己嘅故事，又识搞气氛，上菜都好有仪式感，为咗俾我哋打卡靓啲，真系好有效率好犀利🫶🏻3. 本身嚟之前都惊上菜慢呢个问题，嚟到之后冇咗呢个疑虑，因为成个过程睇住师傅去烹调其实都系一门艺术，可惜呢度上载唔到影片，所以全程都系享受黎，上菜又唔算好慢😆其实我都有睇食评嘅习惯，见到前一条恶意负评之后，都会有啲concern食材唔新鲜嘅问题，不过佢一嚟到见到啲鲍鱼同龙虾跳跳扎扎咁就放心晒，好彩冇信到条食评，同埋个老板都有亲自喺条评论到澄清返。
继续阅读
您可能会有兴趣的...