永樂園餐廳

营业中

休息中

我試曬佢既熱狗, 豬扒包, 雞扒包同魚柳包. 熱狗係no.1, 雞扒包no. 2, 其餘兩款麻麻地.奶茶亦一般, 所以下次encore的還是狗同雞.

幾年冇食過佢o既熱狗, 今日再食, 仍然只可以話正!!面包熱辣辣, 個汁一流, 反而腸就一般la...食完一個,唔夠喉...最終食左兩個

平時反工系中環,系D朋友叫去食Lunch,之前比我印像一般啦,有得選擇都吾會去,点知今次去到一行5人,4個已到都吾比位你,要到齊人先比,但當時有成5張"咭"檯,硬要我地"big"埋已有2個人坐左個張檯到只得2張櫈.個个亞sim一句話"老板分傅落既"个樣重好串"佢地真系吾休做.講真佢地既食物只系一般,包括个所胃熱九王,吾會有下次!

四點幾，行得很累，人在昭隆街附近，想到的是永樂園。多年以來，到永樂園都以外買爲主。堂食的次數，就連今次計算在内，也是十隻手指可以數完。現在禁煙，地牢不會再煙霧彌漫，也比以前光猛。要了個豬扒湯米跟熱奶茶。奶茶夠香滑，不錯，比外賣的好飲。豬扒米稍遲送來。湯米粉不只大碗，而且豬扒醃得入味，煎得又香，兼且是碎上，方便食用。最令人喜出望外的，是碗内還有四五條大菜心圍着那塊豬扒，不像有些茶餐廳把一條菜切為幾段，這裡用的是整條完整的菜心，相當討好。有菜有肉，好飲好食，這個下午茶，吃得很滿足！

小學時期，小肥大師每天上學都在「士多」買早餐，熱狗加熱維他奶永遠是首選配合，那種暖在心的滋味難以忘懷。「永樂園」熱狗外層麵包焗至脆卜卜，沙律醬味道才是全隻熱狗的重點，孖腸雖然十分短小，不過，就是小學門前「士多」熱狗的那種味道，小肥大師真是十分開心，有幸再次有機會食到。一句到尾，你唔試就是你的損失！小肥每次去中環，一定買一隻來食，你想想有幾好味道！

Sorry, but I really can't appreciate this so called 熱狗"王"....明星效應作怪jeh...雙腸~醬汁酸酸甜甜, 唔算特別.條腸真係好細條, 好普通.At most I will call it 熱狗but not 熱狗王la..收銀亞姐態度差, 無笑容.She chucked the coins and note on the table!!! Wtf?驚喜? 唔駛la....驚嚇only..Ain't coming back again..

原來永樂園的熱狗已經要$7。要了一隻作爲下午茶。買飛後到門口的柜位，四眼大叔仍在操刀。大叔熟練地把麵包從烘爐拿出來，加上熱狗醬和腸仔，大功告成！老實說，總覺得這裡的麵包腸仔，只是普通貨色；正如咖哩魚蛋的靈魂是那盤咖哩汁一樣，這裡的真正主角，應該是那個熱狗醬，亦是維持熱狗王聲譽的多年功臣。熱狗醬仍然好有水準，油滑中揉合了微微的甜和酸，奶油打出來的厚度，加上烘熱後帶點脆皮的麵包和腸仔，那種溫度，托在手中，很窩心；吃在口裏，味蕾都讚好好好！

永遠快樂圓滿?個人覺得單腸比孖腸好到喉唔到肺最過癮網友有指腸仔屬荷蘭出品,並非普通貨色不知"普通"定義是什麼?如指價錢則不太認同曾嚐過布拉格出產的香腸醬,味道與永樂園腸仔絕對相似,大大罐也不過六元明白我想說些什麼嗎?喜歡吃醬的朋友應一試,醬汁又濃又滑吃得心滿意足

記得第一次吃這裡的熱狗王，索價二元五角，舖子還是在干諾道中現在美心餅店的位置，年少時，吃十五蚊熱狗，仲要「多醬」，也是面不改容。是日經過，也買一隻來當點心小吃，原來已升價到七蚊一隻。今時今日，我卻是要「少醬」的。用牛油及沙律醬打的醬汁仍然是又香又滑，熱奇包用上烘包機烘熱，邊位微脆又不太乾，加上一條熱狗腸，仍然是十分美味。我相信我有資格說，是跟20年前一樣的有水準，不過那位熱狗阿叔，應該是退休了。七蚊一隻，便宜得令人發笑。服務不差的，多謝前多謝後的。你要隻熱狗多醬都爆晒都得，佢都照比，食得狼狽一點者。有說這隻熱狗全靠醬汁~~~有時做個好食的醬，你估咁易？「熱狗王」三個字就靠這個香甜滑溜的醬汁賣了廿幾年，成間餐廳都靠佢頂住。覺得一條腸唔夠喉，俾多兩蚊頂夠兩條囉！講緊都係七蚊同九蚊者，我覺得物超所值的。

每次經過中環, 都會幫襯佢嘅雙腸熱狗. 包係暖烘烘, 醬汁酸酸甜甜的, 好像加了牛油及他他醬.我最鍾意係門口整熱狗果位四眼叔叔, 佢好酷, 唔出聲, 唔會點理你; 但當你遞張單俾佢時, 佢就會好快手咁攞包、搽醬、夾腸、入袋俾你, 動作專業純熟, 目光充滿戰意, 好型! 最後, 間中同你講句:「拜拜!」, 都幾窩心架!

這間茶餐廳d熱狗聽聞好耐la~~~ 連ar So都有介紹過因為佢用了特別的荷蘭腸, 但因為佢冇位坐所以之前返工lunch唔想係度食, 今次終於"的"起心肝試一試佢la.喜歡佢烘過的麵包, 超軟熟, 暖粒粒的, 而且有微微的脆. 由於我係醬王, 早就自己少d醬都唔得, 所以唔理三七廿一, 就叫佢好醬la!!! 真係好ar, 醬汁滿溢lei~~~醬汁酸酸甜甜的, 雖唔算特別, 但頗對口味lei~~ 荷蘭腸也不覺同平日的廚師腸有好大的出入, 但係都好味, 同埋好多人覺得佢太細條, 但我個人認為ok la, 如果係太粗的脆皮腸加埋咁大的包同咁多醬會好滯ga~~~$7個其實ok wor, 只係大家因著他的名氣期望過高才會不滿ba~~~

個包個面好脆!!個汁~甜甜酸酸~好開胃!!!XD 但條腸真係好普通~一D都吾脆又好細條...有得揀既話，我會揀宜家傢私既hotdog~D

23/11,lunch time其實唔肚餓,只係口痕想食野又食唔到太多~諗起呢度既熱狗好多人話好味~買左隻單腸, 新鮮即製.味道好難差得去邊.包係少少脆+幼身既腸,.唔太熱.個醬係幾好味,幾重牛油同蛋黃醬.見到有人買熱狗醬多士.如果鍾意食蛋黃醬既人可以一試.見到原來佢地有樓下雅座,唔知堂食同外賣價錢爭幾遠呢?都見到好多人買即炒粉麵,下次都試下先.

10月24日,是日要出差,巡視港島戲院,所以一早食個早餐提提神先.食過幾次永樂園,早餐好似第一次.:::沙爹牛肉麵餐::: $23係我鍾意既湯底,除咗沙爹汁,仲有濃濃既好似一丁麻油味湯底,唔似其他清湯淡而冇味.牛肉都幾淋有沙爹味…:::雞扒包餐::: $25可能整麵包有一手,熱狗咁好, 雞扒包都唔差. 麵包係熱辣辣既, 直情係外脆內軟添!! 塊雞扒煎得好香雞皮好脆,加埋佢地個秘製熱狗沙津醬好正! 唯一缺點係多咗d油…外賣有蛋牛治涷奶茶$20, 堂食反而要散叫…睇完唸到食評先知好多野係外賣平過堂食…唔怪之得個餐廳咁少人啦.真係幾靜幾涷.

2007年11月21日，永樂園今日再嚐這裏的熱狗，叫了兩隻單腸。我要求要“少D醬”。阿姐係咁二俾少D啦。很怕水浸咁多醬。也要趁熱吃，包面和底才脆，包冷了也變硬。雙場較好吃，因為腸很細條。