永樂園餐廳

营业中

休息中

一個包,一條,甚至兩條來貨的腸仔,究竟為何會令到永樂園的熱狗,大受歡迎?熱狗包燙到脆,腸仔不是什麼自家製,超市貨你同我都買到兼做得到,而靈魂就在個加料的他他汁上.酸甜醒胃,除用在熱狗包之外,用來點薯條亦可.同老銅加山路口的丹麥一樣,兩者皆是在醬汁上加料,才會大受歡迎.不如說,前者在正去加山路口,每逢球賽,眾球迷一定順手買點東西吃,永樂園在中環,雙腸熱狗$10有找,又是沒有對手.當然,兩者皆有其他出色的小吃,不過今次,我係講緊熱狗.

可能我本身不喜歡吃熱狗，但同事們極力推介，即管試試，$9.5雖一隻不算貴，但服務態度卻似旺角街邊小販無分別。$15一杯紅豆冰，我只不過要求多一點紅豆，店員卻沒禮的拒絕，還大罵語氣的說︰更係唔得啦﹗我不知情的"蚊" 了個大袋，唸住可以一次過袋晒，點知門口的伯伯勞氣的說︰要五毫字個架，唔好亂羅﹗加上地方極迫，真沒心機品賞。有點失望﹗

去參觀前荷里活道舊警察宿舍之前，想去九記食麵，步行中途經永樂園餐廳，試了一個熱狗($7.5)賣相不怎麼討好，但麵包外脆內軟，香腸+沙律醬GOOD MATCH! 怪不得咁多人讚啦!

夜晚在中環想食點小吃，過來要了個雙腸熱狗王，才9.5元，又好食又抵食，久不久都會回來一次。面包熱脆兼軟，秘制醬汁，都是令人一再光顧的原因。食完，等肚餓再去食正餐，真頹廢。

尋日睇完食評，今日就去試下馳名熱狗皇！我同同事一人叫左一隻熱狗頭軍&黑椒牛脷炒公仔麵，飲品方面叫左杯咸檸七！我覺得熱狗好普通，條腸真係好似D罐頭腸，D沙律醬太甜！黑椒牛脷炒公仔麵唔錯，唔會炒得太咸同太淋，牛脷都幾滑！咸檸七都幾好飲！價錢一人$50，如果0係中環食lunch都ok！

第一次食永樂園是上世紀的1989年, 當時常在此買早餐, 例牌兩隻熱狗@$2.x(多醬)同奶茶$3.x, 加埋都唔使$10至今有機會去中環時仍會光顧, 誠如Gourmet KC所講, 真的水準十年如一日........見到不少人對永樂園的批評, 我想說1. $7隻熱狗雖不便宜, 但絕對不貴. 以IKEA賣$5來比是不公道的, 因為IKEA分明是蝕住賣! 如果以IKEA作準, 一般麵包鋪, 甚至老麥都執得了. 2. 味道方面, 確是很個人的, 好吃與否自己試過再說. 我認為炒粉麵同普通快餐差不多, 熱狗先係主題3. 至於態度, 同20年前無分別, 雖然笑容欠奉, 但也不至於黑口黑面, 況且以這樣的流量, 大家體諒一下吧簡單比較, 美心腸仔包$5.x同佢揀, 我點都揀佢

見大家食家都稱它為熱狗王...便早上買一個嘗一嘗雙腸熱狗...$9.5/個..食下去...真的挺普通而已...醬汁有點似他他汁的感覺...只是我比較喜歡它的飽..軟軟熱熱的又沒有dry 的感覺...會再去這家店..但就不太有熱衷未試過的人也可以一試的呢

已經睇過唔少稱讚此店熱狗0既食評, 咁0岩呢晚同媽媽&弟弟行下中環, 媽媽都話佢d熱狗好好食, 就行到0黎呢度懷緬一下~~~~結論就當然係好好食啦~!!! 熱辣辣, 個包又外脆內軟~~good!!!! 個熱狗醬就當然唔使多講啦~~有著的是牛油的軟滑~~少少甜咁, 好好食!!!! 又有少少青瓜在其中~~~會帶喜歡熱狗的朋友來品嚐啊~~~ ^^

吃足8年仍能保持水準,屹立不倒的原因,飽夠脆加上沙律醬小紅腸配撘,還有甘香奶茶,服務都幾好,至少沒有老牌式的串、囂張,而且能保持水準,不會令食客失望。 同區同類比較:1.永樂園2.蘭芳園3.勝香園外賣價較堂食價平

mar 6, 08未夠鐘食dinner,先嚟醫醫肚,外賣1隻單腸熱狗。因排晒隊,所以1定喺新鮮出爐。入口個包皮只是微微脆身,當然熱啦(但又未至於熱騰騰嗰隻),條腸唔喺大嗰種,而喺幼身,味道令我諗起3x罐頭腸。+埋大pat沙律醬,包保唔乾身。整體ok啦

這裡的ＨＯＴ　ＤＯＧ一樣出名，ＳＡＵＣＥ很香，很正！而且價錢極平，７蚊個，孖腸就貴少少，相比起其他集團式店舖這裡好得多，是次走過自己要了一個單腸，好東西不用多吃，釣下癮，下次再來

第一次認識永樂園茶餐廳是在亞蘇的節目內，重來也沒想過自己會為一隻熱狗而專登找上永樂園。每逢經過始處都會食隻熱狗，但老實說，熱狗雖是好吃，但只是比坊間的熱狗好少許，未至到非食不可，但既然認識了永樂園這地方，有時當我忙著有要事要處理便不想攪盡腦汁去想其它選擇，今天反正經過這兒，便帶老公到這兒嘗嘗亞蘇的好介紹，於是便選擇在這兒午饍了。上個月情人節便到過亞蘇介紹的小店，其介紹嘗過後確實很一般，不知是她對食物的要求不太嚴謹，還是我對食物的質數要求高呢？ 叫了個熱狗，夾著熱狗的外層朱仔飽焗得很口，醬汁不會過酸，像沙拉蛋黄醬的味道。在收銀處放滿籃色一罐罐的歐洲入口腸令人對夾著的腸仔有所要求及盼望。腸仔不是大條的，十元一份的熱狗可以給你多大條呢?要成本效益嗎!腸仔不是爽口，口感比超市的好少許。但勝在與醬汁夾。 除了熱狗外，還要了兩個叉蛋飯套餐。叉燒是瘦叉，叉蛋飯很是普通，但那兒羅宋湯很足料，坊間有的只是菜湯加茄膏蕃茄洋蔥，但此處的羅宋湯與牛肉薯仔同煲。順帶一提，從前七元的熱狗在短短一年間由七元加至十元

8點鐘都有熱狗食架啦! $7一隻, 個醬好好味, 個包都唔錯, 但條腸太細了, 只有半個飽可夾到條腸.有下次…依家都想食.

Heard about this place many times before. Finally got a chance to try their hot dog. I came back from US and may be hot dog to me has a lot higher standard than what people think in Hong Kong. I don't think their hot dog is that special at all. The bun itself is not bad cos it is crispy and the sauce is kinda special, but the sausage itself is not good at all. The sausage is tiny and lack of taste. You can't even tell it is made with beef, pork, or chicken meat. The sausage is so tiny tha

因為名星效應的關係,招牌雙腸熱狗王是這裡最受歡迎的食品。不過,這裡的奶茶也是絕不遜色的。永樂園的奶茶,一向都是我的最愛。入口香濃,奶香且滑,味道不太甜不太膩,剛剛洽到好處。飲完之後,口腔內還蘊釀著微微的茶香,令人一試難忘!不過,唯一美中不足的是收銀處的服務態度。相較之下,店內的侍應待客熱誠得多。而水吧的服務速度且快又保持水準。所以,我極度推薦永樂園的奶茶。