永年士多 (兆安廣場)

营业中

休息中

不得了，永年上星期做優惠，推廣佢哋嘅早餐，堂食腸粉再加兩個餸，都只係$8😆😆😆😆$8就有四條腸粉，我揀咗豬皮同埋魚蛋，都食到幾飽。喺落單嘅時候店員會問埋你要啲乜嘢醬汁同埋芝麻，不過拎到碟野發現，說好的芝麻不見了🤷🏻‍♂️🤷🏻‍♂️豉油超級多，啲腸粉好似喺度游水咁😅😅不過正價要三十幾，好似貴咗啲魚蛋幾結實，豬皮夠林，而且冇毛👍🏼👍🏼堂食要注意嘅係，要自己收返啲碗碟，整體店內環境都算幾舒適乾淨嘅。

這是我第二次食永年士多。由於時間尚早，平日約12:10，故輕易揾了一個面向街的二人位。今次叫了其招牌的四寶麵。分別是豬大腸、蘿蔔、豬皮和豬紅。豬大腸洗得乾淨，又入味、豬皮又爽、蘿蔔有咖喱味，好腍又入味，性價比高。另外亦推介菠蘿冰，不太甜，加$15便可。基本上是值得回頭的食店。

以往數年已經光顧了很多次午市堂食，今天第一次外賣，發現份量竟比堂食少三份一，韮菜也只有數條🤔大家也可看一下與其他用户的堂食照片🤔建議如想吃足夠份量的麵和餸，請選擇堂食

年初二嘅時候，經1010訂咗一個6人嘅龍蝦鮑魚花膠大龍鳳盆菜，預約左當日11點至3點收貨，差唔多兩點就收到司機電話落樓下自取。司機哥哥都好有禮貌，個包裝得好好，有紙箱之餘，外面仲加多個保溫袋。夜晚等齊人就開飯啦，隻龍蝦好大隻。盆菜嘅味還可以啦，唔算太入味，可能我個人比較鍾意濃味嘅嘢。隻龍蝦唔算太新鮮，啲肉好實，唔夠爽。分量我覺得唔夠多，有小小失望，我哋五個大人都唔夠食，要另外自己加嘢食落去煮。佢另外送咗一樽辣椒醬，由於全家人得阿嫂一個食辣，所以冇機會試到。總括來講，我覺得性價比唔夠高，嘢食可以多番少少就好喇！不過佢哋仲送咗$200嘅coupon俾我哋，搵日去試吓佢哋嘅車仔麵先。

今晚我地又食車仔麵, 原因係前排幫襯永年買左個盆菜, 佢地送左10張$20既現金劵, 永年規定每次只可以用一張現金劵。我嗌左🍜蘿蔔, 牛柏葉同雞翼尖粗麵。老公嗌左紅腸, 酸齋同貢丸粗麵少辣。我覺得咁多個餸當中蘿蔔最好味, 佢地應該用左咖哩汁煮D蘿蔔, 最鍾意呢種入口即溶既白蘿蔔。雞翼尖有輕微既雪藏味不過都醃得好入味。老公就話佢嗌既嗰3樣餸都好味, 我試左少少酸齋, 係我鍾意既軟淋口感, 不過就覺得酸味唔夠。好彩我今次醒目無嗌辣, 試左老公嗰碗少辣都係非常之咁辣。永年士多裝修比其他一般車仔麵店新潮光鮮, 但有一件事我想建議店家, ‼️就係佢地中間既嗰張BAR枱既隔板應該做返高D, 因為正對住坐既基本上都係陌生人, 張bar枱有6個位, 除非我有5個朋友連埋我6個人一齊去食永年, 而最大既問題係張bar枱好窄, 直頭會有種同對面嗰位客人頭貼頭食麵既感覺。

今日放工黎銅鑼灣行街，行到有啲肚餓想快快手食啲嘢，就黎左永年食車仔麵其實之前都食過永年好多次我覺得佢哋嘅車仔麵真係我食過當中最好食無論湯底、麵底、配料定搭嗰兩條菜，都好好味！三餸麵($43)幼麵：軟硬度適中豬紅：味道香甜、口感細膩嫩滑每次黎食都一定會點！誠意推介✓ ✓ ✓豬皮：脆嫩牛柏葉：爽口伴碗菜芯：腍度適中，吸左啲湯好清甜麻辣豬耳($24)味道正常，不過不失菠蘿冰($15)出奇地好飲，我仲以為會好重糖水味，點知又唔係，幾清甜解渴總結：永年喺車仔麵店中嘅水準算高，特別推介大家試下佢哋嘅豬紅

老友話今日去食車仔麵😅我話好呀佢話食車仔麵一定係食永年😆幾個月之前已經食過一次唔錯嘅但係外賣🥡今次特登去門市試吓唔錯喎但係可能疫情經濟唔好收銀姐姐不停推銷呢樣果樣🤣我要油麵淨係揀咗三個餸豬腸豬紅雞翼仲要飲抹茶紅豆冰😋湯底一樣啦唔錯嘅唔會太鹹OK啦都係味精😅抹茶紅豆冰唔錯嘅好多紅豆係Lam嘅今日大概四點幾食所以冇乜人而且限聚令

永年士多 - 元朗區可謂無人不識。近年士多生意拓展到旺區，喺銅鑼灣都可以食到元朗辣麵啦！。呢個FB / IG ‘like & share’ 早鳥優惠最後一日，11am-12pm，3餸麵只係$11 + $12凍鴛鴦 = $23 😍 係咪心心💕👀先雖然咁平，但都冇將價就貨，都係咁大碗！仲有條菜心送𠻹！👍點咗豬腸、豬紅、豬皮、粗麵中辣😋。味道同以前一樣，尤其招牌豬腸，口感適中，豬腸中帶點肥，滲透點點八角香氣。豬紅都超正，煙韌入味！🤤👉而家啲車仔麵都食唔返以前啲味道，希望永年嘅味道可以保持！

永年士多在元朗可真的是出名了，超多人排隊！無論幾點都是一樣！在銅鑼灣就沒有那麼誇張，不過滿座的時間還是不少的雖然３餸一麵不是很貴，只要＄４３，但食物其實很普通，最多只能說比不優的茶餐廳好一點選擇基本上都是丸，蛋，腸仔，雞翼那些行貨東西，豬紅豬皮都是差不多那個招牌咖哩汁其實也不是很特別，只是有點辣的港式醬汁而已，隨便一間茶餐廳也差不遠，只是永年的沒那麼油膩而已，沒有了咖哩汁，那湯底也不過是有糖的湯而已吧？蘿蔔的份量最慷慨，豬腸有點韌，牛筋煮得超林最好吃，粗麵就只是一般般而已，煙韌但不香，ＯＫ啦～

上年嚟過一次，lunch time要排隊今時今日lunch time, 2人坐到4人檯店內裝飾幾悠和，予人悠閒嘅感覺只係檯同檯之間好密今次繼續$43自選三餸車仔麵點了粗麵、蘿蔔、陳皮魚旦同韮菜餃基本上，我食車仔麵，蘿蔔同陳皮魚旦是必點的佢個湯令我幾難忘因為望落好清但實際好甜好濃味蘿蔔冇渣、又淋又入味陳皮魚旦有陳皮味(雖然講完=冇講)份量算多而且質感唔算厚粉嗰隻另外，餃子都好香，有好多韮菜粗麵好爽口，好啱我

趁結業前幫襯下，四餸車仔麵，最出色的是蘿蔔，好入味，紫菜無沙。酸齋太甜，魚皮餃差，湯底都帶甜，整體只可以緊緊接受。唯獨杯奶茶不錯，嘗試加分。希望其他分店會做得比此店出色。

前日約咗朋友食晚飯，向銅鑼灣車仔面周街都有，而我朋友原來最中意去這間有4間分店嘅車仔面店，所以就決定試試！我點左：鹵水雞🐔翼、🐙墨魚丸、腐皮丸闊條麵及凍檸檬茶🍋！

永年士多依家做緊3蚊3餸車仔面醫護優惠，本身話做到月尾，但突然改左做只限12號，俾人鬧完（？）又改番去到31號，anyway經過cwb就去試下，下午茶時間都幾多客，店面都整齊。去到叫單，唔太熟悉個優惠既我想問下詳情，個姐姐有啲唔耐煩，去到叫餸又話優惠唔包牛腩，ok fine,揀左魚皮餃，蟹籽丸同牛柏葉，少辣，見到堂食客多就叫外賣，外賣自取要我加多3蚊！番到屋企打開見到碗野都幾多紅油，食落比想像中辣，我既角度覺得已經係中辣，啲餸都ok，但個河粉勁碎，夾唔起！唔會想去再食，就算有優惠都不了！

銅鑼灣區寫字樓林立，每到lunch time都人山人海，要搵位食飯都唔係咁易，所以揀咗叫外賣。而家可以透過whatsapp直接落單，然後預番時間到舖頭比錢同拎外賣就可以，方便快捷。三餸一麵 ($44) (外賣加$1)米粉 配 流心蛋 雞翼 牛肚 附送青菜雞翼大隻，肉厚而嫩滑，牛肚入味，湯底濃郁。流心蛋蛋白凝固，蛋黃仲係液體狀態，好味。提提大家，永年設有會員制，每次消費都可以儲積分，$1儲1分，累積足夠分數可換唔同嘅嘢食。

同老公食車仔麵次次都會食呢間！因為佢每個餸都好好食！尤其係韭菜豬紅！記得第一次食佢地出品嘅韭菜豬紅係食到哇哇聲，未試過豬紅係咁好食！甜甜地咬落去係juicy架！大家食過豬紅係Juicy未？我同老公都話呢間嘅豬紅係全香港最好食！蘿蔔基本上都無得輸，完全無根，入味得泥係甜架！今次試埋佢地個生菜魚肉，本來以為係好似照片裡面嘅魚肉咁不規則形狀，但出泥係魚肉球，食落彈牙，不過不失！我老公今次叫埋菠蘿冰，本人唔太好菠蘿 但呢個菠蘿冰好正，淡淡菠蘿肉，食住碗辣辣地嘅車仔麵一流呀！價錢又唔算貴，會繼續去！