永年士多 (兆安廣場)

营业中

休息中

今日行過謝斐道見到元朗永年車仔麵，入去幫襯，地方乾浄企理、冷氣都夠凍。叫左個米粉加朱紅、魷魚、羅白、仲有凍檸茶食完再加多一份鲜油多士，真係好味😋😋😋好滿足下次再黎食👍🏻👍🏻👍🏻

在銅鑼灣睇戲完畢，路經謝斐道，發現有間餐廳叫永年士多，多年前在元朗食過一次，印象中是不錯的車仔麵，於是入內一試高下！點餐位排長龍，原因是只有一個哥哥落單、收銀、掃疫苗碼。今時今日就算不用QR Code都應該有比排隊更好的辦法吧。反而廚房入單後出餐快速。叫了一碗三餸油麵，冬菇，豆腐和糖心蛋，湯底尚可幾清甜。太太叫了一碗四寶幼麵，餸還可，但幼麵完全不軟綿又無蛋麵味道，非常難吃。它最小辣度是「微辣」，所以小辣都幾辣，而且愈食愈辣，可惜只辣不香。整體有點失望。

下午茶時間正身在銅鑼灣，便想起朋友推薦了一間永年士多。於是便前往去試一試，踏入店內，冷氣🌬️夠凍❄️，並且播放緊歌曲🎶🎵，見到裝修頗為新的，地方簡單整潔，感覺很舒服。今次係第一次去光顧，我便點了大辣咖喱豬紅、魚蛋、豬腸、魷魚幼麵跟凍鴛鴦。大約只係等了5分鐘，終於輪到我去取餐了，找到坐位後，首先試一試🥤凍鴛鴦，夠凍味道不錯這碗四餸車仔麵，首先要試一啖清湯底，味道夠清甜👌混合埋咖喱醬相當吸引，再試埋一啖咖喱汁🥵辣味方面勁度十足🥵🥵而在碗🍜上更附上了幾條🥬首先在餸方面講起，豬紅可以話比一般店舖好食👌口感也不錯！但係和榮記的豬紅還差一點點，未有滑口的感覺👌至於魚蛋方面，這店選用的是陳皮魚蛋，咬口就失去了彈牙的感覺了👌豬腸就值得一讚清洗得特別乾淨腸內一啲肥膏都沒有了，而且滷得非常入味，也非常夠焾，沒有半點豬臭味可以話是必食之選魷魚也是另一種必食的選擇魷魚鬚夠粗及爽口魷魚身口感也是非常出色餸的份量也相當足夠，🍜本身浸在湯內一段時間，竟然仍可以保持麵的彈牙度，沒有被浸軟了麵條去過今次後，印象難忘係這店的大辣咖喱汁相信日後也會再來光顧

【食車仔麵唔叫嘢飲畀人串的慘痛經驗】其實一直都好鐘意食由元朗開到出銅鑼灣同尖咀的車仔麵，算係常客，不過上星期去銅鑼灣分店就遇到不愉快事件。【地點】收銀處【人物】我、收銀(女)、收銀(男)我 ：唔該3餸麵：米粉、魚皮餃、芝士腸、魚蛋、微辣。收銀(女)：要唔要嘢飲？我 ：唔駛啦唔該。收銀(女)：(幾大聲吓同 收銀(男)講) 咁都唔飲嘢收銀(男)：係啦咁都唔飲我 ：(心裡一邊思考緊講咩嘢呀，一邊攞錢..然後畀錢)...唔該收銀(女)：(仲要補多句) 唉...我把聲沙晒講嘢人哋聽唔清楚...乜而家唔叫嘢飲唔得...咁你寫明呀嘛...！我見到現場其實有一半人都冇叫嘢飲，係咪每個人都畀呢2個收銀「洗禮」完先入嚟食到個麵？

平時少出銅鑼灣,因為人太多了,呢日工作需要出左黎銅鑼灣銅鑼灣嘅食物比較貴,慳家嘅我今日黎食車仔麵幾鐘意永年有係餐牌上分開素食料,方便易睇但拎麵時發現多左粒蛋,以為係贈送嘅,睇返蛋原來係收左錢,唔明點解職員落單會撳多左粒蛋冬菇都幾入味 蘿蔔都幾鮮甜另外仲加左個時菜,蠔油略嫌多左啲,有少少過咸豬大腸炆得幾淋同埋夠入味兩個麵嘅湯底都不過不失,米線口感唔算最出色,係普通之上,出色之下嘅水準係銅鑼灣平平地醫飽肚就算,無太多要求

已經幫襯過好多次... 差唔多次次都係揀大碗麵... 因為好多餸都正... 咁索性叫大碗麵... 入面有10種餸... 包括:豬大腸、魚蛋、蘿蔔、豬紅、豬皮、雞中翼、雞翼尖、魷魚、紅腸、菜... 食完真係大滿足呀!今次我買外賣... 可以分湯... 唔怕d粉麵淋哂!👍順帶提一提... 呢間嘅豬大腸、雞中翼、雞翼尖炆到好入味😋... 魚蛋係陳皮魚蛋... 鍾意食陳皮魚蛋嘅唔好錯過呀!

好耐無出銅鑼灣，剪頭髮前去咗大名鼎鼎嘅永年食車仔麵。我諗我人生入面食車仔麵嘅次數真係10隻手指數得晒。一來因為屋企或公司附近唔多車仔麵舖，二來我唔太鍾意食黃色嘅麵。希望永年會令我對車仔麵改觀。山長水遠一場嚟到梗係要食豪啲！一口氣叫咗豬腸、冬菇、雞翼尖同雞腳四個餸配油麵，盛惠$68。雖然價錢唔便宜，但賣相很不錯，見到真係流晒口水！試吓湯底先，咦！唔錯喎，腩汁味好香濃，仲帶有淡淡的甜味！再試吓啲餸，鹵水豬腸同雞翼尖都醃得好入味，甜甜的，好好食！豬腸好香仲一啲都唔靭，吸晒啲湯汁好正。雞腳都係必食之選，醃得好入味，估唔到雞腳都可以配車仔麵。香菇好滑好軟淋，又係吸收晒湯汁嘅精華！麵都好食，軟硬適中，煮得啱啱好！（下面係朋友叫嘅，好補身！不過有點貴）食完永年，的確令我對車仔麵有點改觀，會繼續幫襯！

It’s best because each ingredient is with quality and none would disappoint, ‘car noodles’ has huge variety of toppings to choose so it’s not that easy to do well in each topping. Picked the personal favourites like turnip that is rich in curry flavour, sweet and soft, the sweet and sour dough that’s rich enough even soaked in soup, chicken wings also immersed with soy sauce. Not to miss out the special curry sauce that creates a spicy kick and enriching magical flavour to the whole bowl.Drinks

未試過食到一肚火，員工服務態度差到無論。話說本人同朋友來這間鋪食麵，想要杯熱水食中藥，問個員工可否畀杯熱水，但服務員話呢度冇熱水，態度仲好差回答。之後我問經理，佢話公司規條唔畀得熱水客人，仲話同事冇錯，佢地只跟公司規矩，仲話佢哋18歲剛出來做嘢態度會係咁，如果經理接受到員工咁樣態度同處理手法，同人情味不懂變通，真係沒話可說，叫了碟生菜爛到變哂黑色，經理話正常！永年士多永久不再來！想食到一肚火就來感受下啦各位

話說，我同同事中午11點幾落單，咁跟住預計佢12:15會到啦。點知個送達時間一拖再拖，由12:15-> 12:45->13:15，已經轉左去13:45，咁我地眼見中途有車手去到，等左一陣又轉左第二個車手，已經覺得奇怪，同埋lunch已經完，所以我就打去餐廳問啦。咁有個員工聽，就話「餐廳收到order就會出餐，係rider未到。」係度賴啦。我就話「連第2個rider已經到左，等緊wo。」員工就話「我要check check。」咁我就留左單no.俾佢睇。跟住就精彩啦，個員工打返黎話：「個rider拎左餐啦wo。」我見到個app未轉status既，咁我諗住都可能係rider未轉姐，我咪同個員工講返個status未轉啦，永年個員工竟然用老闆對員工既語氣鬧我：「都話左係車手問題，你明唔明姐？」咩事？我由11點幾等到2點，要嬲都應該係我啦，點解我重要無啦啦受哩位員工既氣？咩唔明？我就真係唔明點解佢地可以咁樣鬧返個客轉頭啦。一直都知佢地員工態度唔係好，不過見野食真係好味，所以成日都撐。但而家一位受害者竟然俾人咁對待，可以接受咩？人微言輕，佢100幾個好評，我1隻負評，做唔到啲乜，但我

.📍永年士多 📍香港銅鑼灣謝斐道482號兆安廣場地下7-9號舖每次去這我都必點咖喱辣醬中辣，如果夏天完全不想流汗就選小辣😂它的辣醬超級提味，必點的還有豬大腸和魷魚，大腸是有點脂肪但不會有怪怪的臭味，也不會燉到太軟沒口感，個人覺得很難得，魷魚就是爽脆不難咬❣️#foodiblum港式

今次黎到銅鑼灣既永年士多食早餐😋😋原來呢個老字號品牌喺20年前已經有出早餐，而家就再次推出多款港式經典早餐！！見放假得閒一於就黎試下啦😍😍🍢爺爺腸粉餐 $36✨除左有4條腸粉之外，仲可以揀2款小食：燒賣、魚蛋、豬皮、蘿蔔、腸仔同芝士腸～～我就揀左燒賣同芝士腸🤤🤤腸粉滑捋捋，配豉油、甜醬同花生醬一齊食最正！！燒賣都好彈牙，幾好食～～整體份量都好多，食完好飽肚🤣🤣個餐仲會配一杯熱飲，我就揀左飲熱奶茶～～奶茶入口順滑，茶味濃郁十分不錯呢❤️❤️

係元朗起家嘅永年士多食車仔麵就出晒名，係尖沙咀、沙田、銅鑼灣等地方開咗分店之後，想食佢嘅車仔麵都方便得多。原來佢朝早仲有港式經典早餐，20年前已經開始有，而家再次推出，今次我就趁住返工之前係銅鑼灣分店嘆返個早餐，等我有個good morning先☀️老爺爺腸粉餐4條腸粉之外可以自選燒賣、魚蛋、蘿蔔、腸仔等2款配料，另加一杯熱飲。我就揀咗燒賣同芝士腸，腸粉加上甜醬麻醬豉油芝麻，醬汁味道濃郁，腸粉香滑，燒賣都算彈牙。奶茶有茶嘅香醇，夠滑，幾好飲😗人均消費：$40推介指數（10分為滿分）：7.5分

已經食過好多次永年，由以前喺元朗食到而家喺銅鑼灣，老實講味道都真係keep到水準，不過近年又加咗價，而且每次排隊買嘢食都要有心理準備，要預先諗好食乜餸，要諗好晒落單嘅次序，如果唔係落單職員就會黑面。店內有個優惠，只要喺大眾點評度出一篇100字嘅分享就可以玩一支茶。今次我換咗支烏龍茶，但係當我第俾職員睇要求換茶嘅時候，店員嘅態度好差，全程黑面。可能呢一啲老店都鍾意比態度人哋瘦啦，我嘅經歷就真係麻麻，再好食都冇用。

元朗馳名車仔麵係銅鑼灣都食到啦🤤 今日到咗下午時間就肚餓啦，永年車仔麵係元朗好出名😜，今日一條友岩哂入去試食吓先自選咗3餸：牛肚蘿蔔韮菜餃油麪 💰4️⃣9️⃣ 湯底好正😍，腩汁味重牛肚有趙口，索曬啲湯汁🤤蘿蔔唔會老帶清甜，切到細細件容易入口👍韮菜餃不過不失，有特別驚喜，皮唔會太厚油麪煮得岩岩好，唔會太淋身🍜再加配仲樽仔奶茶 💰1️⃣7️⃣奶茶好香滑，幾抵飲👍咁嘅價錢係物有所值，不唔唔知係咪食物太香店內烏蠅都有幫襯㗎🤭