永年士多 (兆安廣場)

营业中

休息中

放工唔知食乜好，食碗車仔麵快靚正🥰🥰以前食永年要入到元朗，而家係銅鑼灣都食到。店舖裝潢主要用綠色為主調，而且光猛明亮。大碗麵 $72 👑轉 烏冬 +$2 | 加配 炸魚皮 +$13 | 墨魚蝦卷 +$13 有雞翼、雞翼尖、豬腸、豬皮、豬紅、蘿蔔、魚蛋、紅腸、魷魚同菜。唔使揀，包羅萬有，突然口痕想食烏冬就轉左烏冬，仲加左炸魚皮同墨魚蝦卷🤣🤣陳皮魚蛋經典製作，蘿蔔好清甜入味又腍身，魷魚好爽脆，雞翼同雞翼尖都入晒味同肉質嫰滑🫶炸魚皮又厚身炸得酥脆，墨魚蝦卷煙韌彈口，仲有粒粒墨魚有嚼頭生菜魚肉 +$18 (套餐價)用左鯪魚肉整成魚丸，份量好足，生菜底都好多，仲有好濃郁既麻油味🙂配埋胡椒粉，更惹味。鹵水雞翼尖 $25雞翼尖煮得好入味，雞皮肉質嫰滑惹味，份量仲好多腐乳通菜 $25腐乳甘香醇厚，通菜嫰滑無渣，夾埋通菜一齊食，回味無窮。紅豆冰 +$15 (套餐價)有1/3既軟腍紅豆，傳統港式紅豆冰❤️樽仔烏龍茶 $25一樽樽好方便，飲唔晒都可以拎走，茶味香濃微甘，可解食物油膩。

永年士多 📍銅鑼灣謝斐道482號兆安廣場地下7-9號舖懷舊車仔麵～香港🇭🇰原味道一向都好鐘意食永年車仔麵因為佢地自家秘製咖喱醬好正🤤今日來開銅鑼灣～又來食返碗車仔麵仲叫左碗蝦籽撈麵💯👍🏻真係好好味～車仔麵勁多款配料可供選擇😆好正我簡左油麵配陳皮魚蛋、豬紅、墨魚蝦卷、韭菜餃、麻辣豬耳 ～ 中辣辣得過癮～辣度超夠㊙️♥️豬紅非常入味～陳皮魚蛋夠哂彈牙每款配料好岩食😍同行朋友叫左牛筋腩撈粗麵～小辣撈麵既蝦籽份量好足👍🏻每條麵條比蝦籽包裹住～食落帶點咸香同鮮味～好正而牛腩、牛筋紋到好入味又Q彈仲叫左碗生菜魚肉～份量好足～魚肉又夠彈口配上白胡椒粉～更惹味飲品方便～當然唔小得～招牌飲品凍奶茶 🥤～茶味夠濃～又帶奶香抹茶🍵紅豆冰🫘～紅豆棉軟～好飲又好味

永年是元朗老字號，但我第一次食永年係喺沙田，之後尖沙咀，到依家keep住幫襯銅鑼灣分店。餐廳有別於一般車仔麵店，裝修光猛整潔。由1962經營到依家，一定有佢嘅取勝之處令佢屹立至今，而我相信好多人都同我一樣鍾意佢個湯底同入味嘅配料。湯底原來加入咗老雞、豬筒骨、雞腳、果皮及十多種藥材等熬製3小時，味道清甜有層次，連麵入口好正。個人嚟講必食豬紅、滷水雞翼、鳳爪、豬腸、魚蛋同牛筋！豬紅味道帶甜好特別；豬腸每日以藥材、薑、上湯煲至腍身，入口爽又無羶味；陳皮魚蛋買少見少，有傳統風味；牛筋同豬手都好夠稔又爽彈，入味好正；滷水雞翼大隻又入味；鳳爪大隻，皮肉好爽彈，筋位好香軟～🍜 豬手、豬紅、魚腐、紫菜（油麵）$65🍜 豬紅、魚蛋、豬皮（幼麵 ）$47🍜 豬紅、滷水雞翼、鳳爪、豬腸 （幼麵） $64🍜 魚腐、酸齋、鳳爪、牛筋 （油麵） 咖喱辣醬(中) $62佢地嘅秘製辣汁以咖喱粉加入幾十種香料炮製而成，分勁辣、大、中、小同細辣，非常惹味！跟餐價：🍹飲凍檸檬茶$12🍹汽水 $10 凍檸底 +$10🍹抹茶紅豆冰 $15 🍹紅豆奶茶冰 +$15紅豆都係自家煮製，有少許紅豆蓉，入口香甜有口感！

由新界元朗漸漸擴大版圖，延伸至港島及九龍也有它的蹤影。 1) 大碗麵包含十款餸：豬腸、魚蛋、雞翼、蘿蔔、豬皮、豬紅、雞翼尖、紅腸、菜心及魷魚。 2) 三餸麵 + 生菜魚肉湯底用老雞、豬筒骨、雞腳、果皮及其他藥材熬製而成。由於混雜多種材料，味道亦偏濃厚，難以辨別原始材料。另外，各樣材料的甜度都有點太過，有點像台灣麵食的口味。 餐牌上也有很多小食加選，生菜魚肉便是其中之一。鯪魚肉比外間做得更加爽彈，玻璃生菜也是片片精瑩。此外，港式奶茶的茶底十分正宗。 「有些事，一萬年也不會變。」充滿甜味的車仔麵也會遇到懂得欣賞的人。

有超過50年曆史既懷舊車仔麵，依家開到銅鑼灣都食到！想起當年係佢門口老舖排隊外賣都要等15分鐘先食到， 今日路經見到都要食下佢。店舖裝潢以綠色為主打感覺都幾refreshing, 而且光猛明亮，以食車仔麵既餐廳黎講算係高水準。今日午餐鳳爪柏葉韮菜餃撈粗 - 大辣辣味突出， 係車仔麵界佢既辣都係屬於比較辣果種，但又會令你食完再想食😋 栢葉爽口， 其他餸菜份量都足👍🏻👍🏻豬紅牛肚雞翼粗面 - 牛肚豬紅入味， 豬紅咬落唔會散， 食完返歸味， 豬紅愛好者必食！ 惟獨食後口渴感持續，一定要叫個嘢飲！

十級伏伏伏伏伏伏伏伏伏！！！第一次食野難食到要寫食評，貼錢買難食！自己本身係車仔麵愛好者 ，呢間永年車仔麵垃圾到絕對稱得上係我人生食過最難食既一間車仔麵！湯底差、辣汁差 、d餸都差，雞翼無味，牛腩全部肥膏，咁多樣野都只能用好難食黎形容，係好肚餓既情況下，我都係夾硬食左一半多d就頂唔順無食！！環境唔係特別好，叫左3餸1麵加杯奶茶，收74蚊，雖然話係銅鑼灣區貴少少都正常， 但係以佢咁既質素，夠膽收咁既價錢，都唔知邊到黎既勇氣 。

今天來到銅鑼灣永年車仔麵食個下午茶，點了紅腸、豬皮、豬紅配油麵，飲品是熱奶茶。這裏的熱奶茶做得非常好，不加糖已很好味，又香又滑，油麵彈口煙靭，紅腸、豬皮和豬紅口感好，用料唔錯。但豬紅、豬皮調味得非常之甜，兩樣食咗一兩件就吃不下去，可惜！希望日後調味清淡一點就好啦！

諗住呢永年食車仔麵之見到永年士多新出火鍋更係要試下啦火鍋有兩種選擇一款： 豬腸鍋/牛肉鍋每個火鍋系列都配有兩份麵，兩杯飲品顧名思義牛魔王梗係主打牛㗎啦湯底可選清湯或麻辣湯，我自己嗌咗清湯，因為醬汁嗰度可以選麻辣汁。 如果唔鍾意麻辣汁都可以揀永年醬汁❤️火鍋配料多到彈曬出嚟牛肉鍋有 牛肉片，牛腩，牛筋，牛丸，蜂巢豆腐，蘿蔔，冬菇，韭菜花，魚蛋，紅腸另我再叫左鮮蝦腐皮卷，魷魚，豬腸，完全打破又想食車仔麵.，又想打邊爐左：菠蘿冰，冰碎够多够沙，够透心涼右：抹茶紅豆冰，抹茶勁濃又香再配大大粒有咬口紅豆冰，正肥牛份量多，又有心思，肥瘦分明牛腩牛筋勁入味，牛腩够淋，牛筋够彈牙魷魚够爽脆再配麻辣汁一流鮮蝦腐皮卷够彈牙，而且鮮蝦够甜一大條大肥牛，而且咬落肥瘦分明麵底分量都多坐卡位打邊爐夠曬闊落

放工時爸爸突然打黎話媽咪今晚唔想煮飯，問我有乜好食😆我就提議外賣車仔麵返去啦，款式夠多，可以滿足晒所有人嘅願望。呢度外賣加一蚊就可以湯同麵分開上，豬皮 魷魚 牛筋 蘿蔔 撈粗麵魷魚 豬紅 牛柏葉 韭菜餃 湯油麵～原來撈麵只可以揀幼/粗麵，原本想撈油麵，收銀姐姐話唔match，所以佢哋無做😄款款材料都各有特色，魷魚爽彈，豬皮和牛筋口味甜甜地，似日式醬油風味。另加+$18就可以加一款小食，我地order咗韭菜豬紅 和 生菜魚肉～咪睇個碗細細，內裏都擺得幾滿架！豬紅吸收了香濃嘅湯汁，魚肉彈牙，份外滋味。

星期五放工唔想煮飯又想食車仔麵，近近地去左銅鑼灣既永年士多買車仔麵坐低慢慢嘆🌟自選三餸車仔麵 ($43: +$4)車仔麵我就揀左墨魚丸、芝士腸同雞翼配米線，米線吸收哂湯底既精華，墨魚丸夠彈牙，雞翼大大隻好入味，建議湯底加返個腩汁就最正啦🌟自選餸蝦籽撈麵 ($48; 冬菇、墨魚蝦卷 +$4、魷魚 +$2)見到佢地既撈麵咁吸引又想試下，餐廳用既係大澳益昌號既手抄蝦籽，質素有保證，配埋粗麵無得輸啦，餸我就揀左冬菇、墨魚蝦卷同魷魚，冬菇好厚肉又入味，推介大家試下佢地既墨魚蝦卷，超好食👍🏻👍🏻👍🏻🌟蠔油生菜 (跟餐$18)食車仔麵當然要叫埋碟菜中和返啦，份量都幾多🌟咖喱四寶 ($38)小食方面我就揀左咖喱四寶，有魚蛋、魷魚、豬皮同蘿蔔，咖喱汁辣辣地夠惹味，魷魚同豬皮都索哂啲汁好好食🌟樽仔奶茶 (跟餐$17) & 樽仔無糖烏龍茶 (跟餐$17)飲品方面推介大家試下佢地既樽仔奶茶，神還原茶餐廳絲襪奶茶，超好飲，試埋佢地既樽仔無糖烏龍茶，透心涼

天氣凍咗想食下暖嘢，於是去搵車仔麵食，响度叫咗一個三餸麵加菜，真心，配料都只會只係一般急凍丸類，唔應該有期望係自家製好好味之類，望就望佢有特別嘅湯底。但係個味精湯底好寡好淡味，麻辣醬係死辣，味道冇層次，又冇比䓤去伴，食完只係果腹，毫冇滿足感⋯隔離枱食完半個鐘冇大執，張枱係有汁，冇嘅，一路食一路望住人哋食剩嘅嘢啫，真係好唔衞生⋯仲要櫃位阿姐冇人時㩒手機，眼尾都唔望下你，去叫餸時就呼呼喝喝，冇咩禮貌，更加感受到不爽⋯$45係食銅鑼灣租金，完。

永年士多車仔麵，我成日食🌼平靚正🌼又座得舒舒服服同乾淨，我平時Lunch成日去幫襯，我今日又來啦，排隊時見佢地有張poster,0530開始供應嘅二人行火鍋，有豬腸同牛肉鍋2款，會跟埋2柸野飲同2份粉麵，夜晚諗唔到食咩，又多一個選擇啦💁🏻‍♀️我今次食豬腸，牛筋，流心蛋，酸齊米線🍜 呢到啲餸全部都整得好乾淨企理架👍🏻豬腸唔會太多肥膏，牛筋夠淋，我成日叫架😋酸齊唔係道道車仔麵都有架，酸甜度都整得好適中，而且唔會硬骨骨。我跟餐加菜心都係$7咋，出面加碟菜基本都要$10，所以呢到加菜相對抵食❤️佢呢到有個幾特別嘅地方，就係$18可以order埋多士，有鮮油，煉奶同班蘭咖央，額外加味道都係加$2咋，有時食完咸野都會想食返啲甜野😋重未試過永年嘅朋友仔，快啲試吓啦🤟🏻

作為車仔麵嘅喜愛者，今次特登嚟試下呢間廣為人知嘅永年士多😌我嗌咗甜酸齋、鳳爪同紫菜三個餸配米線，酸齋唔油，鳳爪幾入味，紫菜也冇沙，湯底就偏甜，但唔算特別～另外加咗碗韭菜豬紅(小辣)，豬紅滑，唔腥，幾好食～嘢飲就揀咗抹茶紅豆冰，紅豆多，抹茶濃，好飲XDD

突然想食車仔麵就點咗個三餸麵, 牛筋, 牛肚, 魚腐加魚皮餃, 再加份小食酸齋。下午茶好抵食, 仲送埋嘢飲點咗杯奶茶紅豆冰要走冰少甜, 佢哋打嚟同我解釋師傅調教最適合嘅味道所以就冇得走冰。拎外賣幾時候店員都好有禮好熱心, 又一次話唔好意思飲品調好味道走唔到冰, 所以送咗魚蛋, 雞翼尖同酸齋畀我, 好有。牛筋, 牛肚同雞翼尖好稔好入味, 魚蛋係嗰種陳皮魚蛋有咬感。另外值得一提既係佢哋嘅酸齋好好食, 酸甜啱啱好又唔會話好多色素嗰種。會繼續幫襯

 - 🔥銅鑼灣車仔麵之選🔥 一直都有聽講過永年士多係元朗名店，但都未有機會去試，今日終於同朋友去咗銅鑼灣分店～分店離銅鑼灣站大概5分鐘路程，夠曬方便！  <自選三餸米線> $ 43 麵底嗌咗米線，餸就嗌咗流心蛋、魚蛋、冬菇，咖喱麻辣（中辣），魚蛋帶有陳皮味，爽口彈牙；流心蛋夠曬流心，不過就唔太入味，但反而喺一件好事，因為唔會太辣😂😂至於冬菇非常爽口，總共有四大舊，成功吸曬湯底精華！不過食唔到辣嘅大家就要注意，中辣都真係幾辣下，要嗌凍飲先搞得掂😫  總括而言，永年士多算係我食過車仔麵店舖入邊質素尚算唔錯嘅，推薦！ - 分數：3.5/5 - 🏠 永年士多 - #foodie #foodiehk #hkfoodie #foodphotography #food #foodiegram #foodblogger #foodpics #foodoftheday #fotdhk #hongkongfood #香港美食 #食評 #yummy  #車仔麵 #causewaybay #causewaybayfood #銅鑼灣 #銅鑼灣美食 #永年士多 #米線 #流心蛋 #冬菇 #陳皮魚蛋