永年士多港式車仔麵 (加拿分道)

营业中

休息中

出尖沙咀買嘢，順便去食永年士多，去到勁多人等緊位，好彩咁啱有張枱就食完，唔洗等太耐就有位！今次試咗蒜油撈麵，朋友就懶得諗，叫咗「高佬發辦」，見佢都有哂想食嘅嘢，可以share食！我食三餸蒜油撈麵揀咗魚腐、牛肚、豬紅，覺得撈麵一定要係撈粗！XD 魚腐係每次都會叫，牛肚、豬紅都幾入味，叫咗微辣覺得啱啱好，太辣可能會蓋過蒜香。朋友叫嘅「高佬發辦」就有豬腸、雞翼、豬紅、豬皮、冬菇、豆卜，份量都幾多！試咗佢幾舊豬腸、豬皮，都好惹味，朋友都鍾意個豬紅好入味。佢第一次食唔知啲辣度所以叫咗微麻辣，唔係好食到辣味，下次可以叫細辣或中辣XD仲加咗份鮮油多士，得牛油原來有啲齋，下次要加埋煉奶！不過多士都烘得鬆脆，建議要即刻食！

永年士多叫做士多🏪 開頭都以為佢係一間士多 原來人地係食車仔麵架！ 真係失禮曬啦 ～ 不過間嘢又真係幾好食喎😍 夜晚去到嘅時候 竟然超級多人😂 冇諗過食車仔麵都可以多人到咁…. .🐷大碗餸呢款車仔麵好啱一啲有選擇困難症嘅人 因為有10款餸 包括豬腸、魚蛋、蘿蔔、豬紅、 豬皮、雞翼尖、雞翼、魷魚、菜、紅腸～ 小編覺得幾抵食～ 唯一可惜係 當日嘅蘿蔔沽清左 所以轉成鳳爪 但整體味道好濃郁 份量超多又 #大碗 超滿足！啲魚蛋仲要係陳皮魚蛋 都真係幾香 同埋啲魷魚份量多到好似唔洗錢咁。。。 小編好中意食魷魚架～.🐷粗麵牛腩牛筋豬皮牛腩牛筋好軟好滑 豬皮又脆又香 配埋粗麵 真係完美組合～ 湯底醇厚 食落唔油膩 仲要份量都係好多 食量細好難食得曬！！.🐷蔥油豬腸豬腸煮得恰到好處 蔥油香氣四溢 鮮嫩多汁 撈得都幾好食～.野飲方面我地就叫左 🐷凍檸茶走甜少冰 同埋 🐷凍柚子蜜少冰 整體感覺都唔錯 .永年士多 (加拿分道)📍尖沙咀加拿分道46號地下7-8號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西#食#香港美食 #hkfoodie #foodiehk

揀咗3餸配幼麵$50湯底夠熱，叫咗走辣，所以有少少咖哩香味。每款餸份量都唔少，魚蛋有6粒，食到陳皮味👍🏻豬皮好入味得嚟有口感👍🏻豬血都好味😋食車仔麵好處是快食快走，所以趕時間又想食好啲，呢度是不錯的選擇。

#永年士多 成日都見永年多人排隊 終於趁人少啲嘅時候食到車仔麵有自選 或者揀佢配搭左嘅餸 我選擇困難 就揀佢配搭左·四寶麵 ($56)有豬紅 豬腸 豬皮 蘿蔔 揀左麻辣中辣 (就係中間個堆醬）呢個麻辣醬好好食 差啲想買番一罐走 成個麵嘅精華講下配菜 豬紅同豬腸都滷得好入味 豬皮索晒啲湯汁 蘿蔔好甜 懷疑用糖煮過 同埋佢呢個重味嘅湯入邊 個蘿蔔簡直就係清泉

嚟到尖沙咀見到呢間車仔麵店嘅人流完全冇停過🤣就知道佢幾受歡迎😚 除咗車仔麵之外佢有唔同嘅小食同埋飲品🥤CP值高而且口味好正宗🥰 今次外賣左返屋企食味道仍然保持水準值得一讚可以試下👍🏼⭐️ 至尊麵 🍜呢碗至尊麵可以一次過食晒佢嘅招牌餸😛有豬手豬紅雞翼同豬腸全部都超級入味🐷 自家嘅咖喱辣醬好香濃而且辣度有層次🥘⭐️ 生菜魚肉 🥬而家呢款地道小食都唔係好多地方可以食到💚魚肉爽口有口感睇得出用料有質素🐟⭐️ 腐乳通菜 🥦通菜好新鮮加上腐乳好惹味🌶️ 辣度岩岩好唔會太重口味⭐️ 炸魚皮 🐠真材實料有魚味調味唔會太鹹非常不錯🥰⭐️ 斑蘭咖央鮮油多士 🍞咖央加上半溶既鮮牛油真係好邪惡🧈啱啱好適合做飯後甜品 🤪⭐️ 樽仔奶茶 🧋入口幼滑得來茶味好香濃🥳 入口一D都唔會澀

好耐都冇食永年，今日再食，唔知係咪因為有好多人，車仔麵冇以前咁好食，啲餸冇以前咁入味，個湯底亦都冇以前咁有層次。雖然亦都不過不失。It's been a while since I last visited this Noodles. Today, trying it again, perhaps due to the crowd, the noodles didn't taste as good as before. The toppings were less flavorful, and the broth lacked the depth it once had. Nonetheless, it was an acceptable meal.

我真係好鐘意食車仔麵嫁😂，所有車仔麵都有興趣試。今日路過尖沙咀見到永年，之前朋友介紹過話好食，於是試下，聽人講不如自己試😋。叫左豬皮，蘿蔔，豬腸，魷魚，4餸盛惠$68，都唔平啊。湯底甜甜地，我覺得有小小中藥味，豬皮算入味同埋無毛，清得乾淨好重要啊，清得唔乾淨會影響食慾，蘿蔔小小甜，而豬腸係肥腸，本人覺得太肥對於我黎講，魷魚應該係白勺，不過食到魷魚本人嘅味都ok,整體算滿意，不過無被驚艷到，想試下嘅都不防可以一試。

今次去咗永年士多，食到呢家人氣茶餐廳嘅招牌車仔麵。一坐低就先揀左條油麵做底，瞓底又滑，唔該加嗮麻辣湯底走起！湯底香辣得嚟又唔會太辣，啱啱好嗲嗲辣嘅feel，入面嘅魷魚同豬皮好有嚼勁，特別係啲魚蛋，爽口彈牙，啖啖都嘆為觀止🐟。再講下隻雞翼，真係香到出晒雞味，外皮焗得啱啱好，皮脆肉嫩，咬落去滋味爆炸💥。當然唔少得加配蔬菜，撈埋件菜心，清新提味，好夠晒滋味。另外，試咗個抹茶紅豆冰，呢杯嘢飲真係清新過癮，抹茶同紅豆搭得咁好，甜而不膩，一吸一啖簡直太過癮。再黎個咖央多士，外層酥脆，內裡香軟，鬆化心頭好呀～😌整體嚟講，呢度嘅車仔麵真係幾正宗，野又多樣，足料又過癮。下次同朋友搞東搞西累嗰陣，又可以過來搵食，填飽肚皮，滿足晒啲食慾。💪🎉🍴

一路都好想試永年嘅車仔麵，今日叫咗個三餸：陳皮魚蛋，蘿蔔同埋魚皮餃。蘿蔔香甜冇渣，炆得非常之腍，直頭可以用入口即溶嚟形容。至於陳皮魚蛋同魚皮餃，就發揮到應有車仔麵嘅水準！湯底麻辣惹味，出色

糖心豬紅，永遠都唔會令人失望！咬落去依然都係好甜，周圍都唔會食到同永年一樣味嘅豬紅😋😋👍🏻👍🏻豬大腸，爽脆而且入味！今次仲係肥美豬大腸～口感一流🤤🤤Super yummy！仲有，雞翼煮到好林，入哂味！不錯不錯😚😚魷魚反而就比下去，冇味，都唔爽口，以後都可以唔洗叫呢款餸🙁😑- - - - - - - - - - - - - - - - - - - - - - - -環境方面，都唔洗講啦🤣繼續唔夠位，繼續等位，繼續同人逼，繼續速食文化，呢個都係永年其中之一個特色！

老字號的香港永年-永年車仔麵是我童年回憶，而在尖沙咀開了都一段時間，但從未去過尖沙咀店，早前和位國內客人見面後， 佢問香港車仔麵食邊間好， 我介紹便一定是永年士多了！這間餐廳是可以品嚐到車仔麵之外 ，還有多款香港🇭🇰懷舊風味小吃！我介紹佢我自己最鍾意食燜到軟滑入味的豬手，醬汁和豬手融為一體！大大塊的豬手配合撈麵份外豐富！只剩下骨都仲「吮」緊豬手！另外還有多款小食：韮菜豬紅、腐乳通菜、紅豆冰，豐富極了🧡

三餸車仔麵 點了油麵配魷魚，牛根和肥牛 最愛魷魚,口感超級爽脆!必叫 牛根有煮得腍身,口感Q彈 肥牛都肥瘦勻稱 這裏的微辣原來都比較辣，還好有點了紅豆冰 另一碗點了蟹丸蜂巢豆腐和魷魚 蜂巢豆腐吸收了滿滿的濃湯精華 咖喱三寶(魚旦, 豬皮,蘿白) (小辣) 這裏的蘿白十分出色，清甜沒有渣但辣度會比車仔麵微辣更辣一點  樽仔奶茶 超級濃郁香甜的港式奶茶味一定要試 紅豆冰  滿滿的紅豆在底，甜度適中 抹茶紅豆冰 抹茶味不太出可以點紅豆冰 

尖沙咀返工嘅大家，應該都幫襯過❤︎︎永年士多❤︎︎我成日都來食😋因為我好鍾意食車仔麵，呢到款式超多👍🏻梗有一款岩你口味，唔鍾意諗食咩嘅，亦都可以揀佢地嘅(大碗麵)(四寶麵)(大碗餸)等等，呢到重有兩部大螢幕自助落餐機，好方便，尖沙咀呢間分店長期都滿座😆好食嘅標誌。❤︎︎豬腸酸齊流心蛋米線❤︎︎$51我次次來都會必點呢3款餸😋佢地啲豬腸洗得好乾淨👍🏻酸齊比較特別，唔係間間車仔麵都有呢款餸叫，我通常都會叫清湯，因為我lunch會想食得清淡同健康啲，佢地嘅清湯都好夠味。❤︎︎蠔油生菜❤︎︎$18差唔多比成個生菜🥬大大碟👍🏻❤︎︎熱華田❤︎︎$12冷熱飲品跟餐加$12。

車仔麵都人頭湧湧，喺樓梯口排晒大隊，一於去睇吓有咩好食！🍜豬手蝦子撈麵 $62 有好多豬手,每舊都好淋又入味, 充滿骨膠原, 蝦子撈面都幾香另外有碗熱辣辣嘅湯，清甜好飲🐣鹵水雞翼 $28 有五隻雞翼, 都好入味，而且幾大隻🥒蝦醬通菜, 食咗咁多肉就嗌碟菜有啲蝦醬喺度鹹鹹地， 令到條菜都特別好味🥃樽仔奶茶: 非常衛生，係用一支, 飲入口甜度適中凍冰冰，仲要原汁原味🍞咖央多士: 兩大嚿超級好味，醬料非常充足，見到好多枱都有嗌，當係甜品食真係好🫘抹茶紅豆冰: 抹茶味幾好，甜度適中，有呢個選擇好驚喜喺尖沙咀嚟講呢間車仔麵嘅價錢真係好經濟實惠而且水準幾高值得一去

今日去咗尖沙咀加拿分道分店- 永年士多 ！落order之前梗係開返Storellet個app 草積分，仲有學生優惠coupon 可以換一碟免費小食🤩 ! 好正啊❣️今次同朋友各嗌一個車仔麵🤍，個人認為豬皮蘿蔔好入味🤤，朋友就覺得豬紅好好食😆 ;另外，我哋都嗌咗新出特飲 - 抹茶紅豆冰同紅豆奶茶冰🍸🍸兩杯都好高質，各有特色，炎炎夏日最啱消暑🧊