水門雞飯 (裕民坊YM²)

营业中

休息中

水門雞飯終於開到黎觀塘喇😍😍好耐之前喺大埔已經食過佢嘅海南雞飯，印象中都唔錯，難得今次開喺觀塘咁近，一定要試下～今次叫左一個冬陰功雞湯粉，比起出面只可以揀普通米粉金邊粉之外，呢度仲可以免費揀蛋麵😍蛋麵本身好香蛋味，再掛曬惹味嘅冬陰功湯，加上滑溜嘅雞髀肉，真係一啖接一啖😋😋另外再叫左個泰式乾炒牛河，炒得好有鑊氣，而且牛肉份量都唔少。辣度方面叫左少辣，不過建議食得辣嘅朋友可能叫中辣會好d～跟住再叫左兩豬兩雞嘅串燒，熱辣辣應該係即叫即燒，都好重炭香味，再加上佢地嘅沙嗲醬，好惹味😋😋最後叫左兩杯野飲，一杯蘋果雪梨水，一杯芒果沙冰，特別重點推介呢個芒果沙冰，味道唔假，唔會死甜～配搭泰國野食簡直一流😍

🎈水門雞飯海南雞飯係餐廳嘅主打菜式，價錢經濟仲有炒金邊粉、湯河等，選擇豐富🍲🎈 水門雞飯 $54海南雞保持一貫水準，賣相唔錯加$10轉雞脾肉，皮爽肉滑 ✨配上特製醬汁更加惹味雞油飯亦係亮點，米飯粒粒分明🍚油潤有光澤，單食都覺得好好味😚🎈香葉辣肉碎煎蛋飯 $62炒肉碎辣度適中，適合大部分人口味🌶️裡面加入豆角，口感更有層次辣辣哋嘅肉碎配上泰式香料及太陽蛋🍳非常開胃，會令人碼知不覺食晒啲飯🤤🎈泰式炒通菜 $54通菜口感脆嫩，加上泰式香料香味濃郁，值得大大力推介👍🏽🎈斑蘭大菜糕 $36甜品超大件好有驚喜🤣分為兩層，斑蘭糕口感軟糯大菜糕則較爽彈，食到兩重口感加上香甜椰漿，兩個人輕鬆ko呢份甜品🍮🎈泰式奶茶甜度適中，飲到泰式奶茶嘅獨有味道🎈美祿大大杯夠晒滿足

今日係打完五年一遇嘅十號風球，打完之後行左去瑞和街街市，諗住視察一下，預料之內冇餸買，行咗出嚟就去咗位於裕民Square嘅水門雞飯，見到呢間餐廳新開，一於就試下。餐廳的價錢我覺得都幾親民最尾決定叫e d 食物鳳尾蝦炒金邊粉雖然我地冇走辣，但個辣度都係可以接受，加上整身少少酸甜，食落好開胃水門雞飯 轉雞髀 多飯雞肉果然係好滑嫩，幾好味。個醬都有別於平時其他餐廳食個d我幾鐘意。但如果下次再食，會選擇直接叫半隻雞再加飯，一定好正馬拉盞西蘭花炒魷魚鬚魷魚嘅份量比想像中多，夾埋西蘭花炒，成碟好惹味。火候控制得唔錯，魷魚炒到韌飲品椰青勁大個。椰水份量好多。最緊要係飲完之後可以食椰肉，超嫩，好正夏日炎炎，大家都不坊一試。而且泰國菜本身都重口味一啲，有個椰青解渴都唔錯。

經網上外賣平台叫外賣，食品全凍，可能冇人送啦，但海南雞飯嘅飯咸到食唔到，菠蘿炒飯一樣咁咸，串燒又鞋又柴，只係得d飲品入到口，見旺角果間排晒隊，唔通旺角果間先ok!?睇openrice 咁多人讚，真心唔明點解！

今日做完運動遲左食晏, 同老媽子係官塘試下呢間新開既水門雞飯門口都幾多人, 不過等左5分鐘左右就有位呢到係用QR code落單, 不過店員都好貼心咁拎左實體餐牌比我地, 可能見老媽子唔係咁識用智能手機首先當場要叫佢地嘅招牌菜水門雞飯, 另外老媽子叫左個清湯腩船面, 我地仲另外叫左個馬拉盞肉醬芥蘭, 另外仲叫左兩邊野飲, 泰式咖啡同埋蘋果雪梨茶首先, 講下水門雞飯, 真係一個絕對嘅招牌菜! 雞肉煮得好好, 好嫩好多汁, 同埋啲皮好脆, 有口感, 雞肉本身冇咩點調味, 所以佢地會另外比一碗特製醬汁, 個醬係辣辣地既甜豉酒, 雞肉點左個醬之後個味道豐富左好多, 令呢道水門雞飯更加出色!然後，講下個清湯腩船粉, 湯頭清澈, 味道鮮甜, 牛腩煮得岩岩好，好淋好入口, 另外我地仲加左豬粉腸, 因為老媽子好鐘意食, 食落好爽冇異味, 唔錯面底方面我地揀左金邊粉, 好掛湯, 連埋湯一齊食好香濃, 粉都冇煮過龍, 仲係爽口, 幾好食個馬拉盞肉醬芥蘭就正正常常, 馬拉盞肉醬比較濃味, 芥蘭食落爽口, 都新鮮至於飲品方面，老媽子飲蘋果雪梨茶, 一睇落去就合係新鮮自己煲, 面頭仲有D蘋果肉, 飲落好清甜, 岩

This Thailand chicken rice I tried outside Kwun tong a number of times and now it’s finally opening in Kwun Tong.I don’t need to think twice before enteringThe system they produce these chicken rice is amazingChicken leg rice The oil rice rich in flavour The chicken leg super tender The sauce elevate the meal to another levelthe chicken so good that you can order half and finish by yourself Healthy tea drinkEven healthier to go for veggies

以往都係出旺角先食到～呢間分店雖然座位比較少，但都乾淨企理。下午兩點嚟到都要排隊，好彩排一陣就入得。我哋點了1份水門雞飯轉雞髀+加雞什，少飯～一碗海鮮冬蔭公湯金邊粉（全走），豬雞串燒。飲品點了泰式奶茶& 凍鮮檸梳打。先嚟一碗雞湯，好重胡椒味，正！水門雞飯的雞髀肉煮得夠淋好滑亦夠味，而且冇骨啖啖肉食落好方便，連平時唔敢食雞皮的我都連皮食得乾乾淨淨，每件雞醮少少醬汁食就更好味。雞油飯底啖啖油香又唔會好油膩，雞什有雞腎，黃油雞腸同雞紅，推介黃油雞腸，洗得乾淨之餘有油香，實在食唔停口。海鮮冬蔭公湯金邊粉加豬肉丸，大大碗，配料非常豐富有蝦，魷魚及青口。冬蔭公湯底少少甜，唔會太辣，幾開胃。金邊粉食落夠滑，同冬蔭公好搭。豬雞串燒大大串厚肉，醃料好香，配有2款醬汁，一款酸酸地有青瓜，配肉食好清新。另一款沙爹，花生味香濃，食到最後唔夠點😋朋友杯凍鮮檸梳打夠解膩，而泰式奶茶夠香濃口味正宗，各有千秋。見到隔離枱的芒果糯米飯睇落唔錯，下次再嚟試！

呢日同朋友嚟食新開嘅水門雞飯餐廳位於裕民坊地舖，以快餐嚟講，環境舒適，燈火通明、 乾淨企理水門雞飯-轉雞髀雞件份量多，肉質滑溜鮮嫩、有彈性，加上醬汁令雞肉鮮味更突出。飯加入雞汁而毫不油膩也配上一碗雞湯，好啱送飯鳳尾蝦泰式金邊粉好足料，金邊粉煙靭, 配搭埋鳳尾蝦、豆腐乾、雞蛋、芽菜、花生等等嘅配料食超正，加上檸檬汁更清新 蝦春卷生菜包住蝦春卷一齊食口感豐富，生菜中和返煎炸嘅油膩，春卷外皮香脆，裏面嘅蝦肉味都唔錯泰式奶茶顏色吸引，充滿甘香嘅茶味, 泰國奶茶嘅獨有味道泰式咖啡喜愛泰國咖啡，佢冇苦澀味道，但充滿咖啡豆及奶香芒果糯米飯糯米飯煙靭，芒果味道香濃，配搭埋椰汁同埋上面嘅脆豆，好好味冇得去旅行嘅日子，來水門雞飯同朋友一齊食吓嘢都勁開心， 滿足嘅一餐😊

觀塘裕民坊商場YM2連接室內有蓋巴士站，可以涼住冷氣等巴士真係好正。前幾日我見咁啱miss左班車，就決定喺附近醫醫肚，點知就俾我地食到呢間水準好高、但價錢親民嘅泰國菜「水門雞飯」！呢度鋪位唔算好大，但新裝修嘅關係好光猛舒服。餐廳雖然主打雞飯，但餐牌都有唔少其他泰國菜嘅選擇。俾大家望下個menu先～既然呢度招牌菜係水門雞飯，但呢度原來仲可以選擇雙拼炸雞，又可以加$10 upgrade雞腿肉，一於試下！先講炸雞：炸得外層好香好熱好脆，但裡面嘅雞肉仍然好juicy。而水門雞就好滑好有雞味，配合埋啲醬汁同油飯一齊食真係好惹味！另一個主食我地就食左鳳尾蝦炒金邊粉。呢碟金邊粉份量頗大，賣相吸引，而且唔會炒得太油。值得一讚係啲蝦肉幾爽口彈牙，一啲都唔會霉。呢度嘅甜品有我每次去泰國旅行一定食嘅芒果糯米飯。我最怕啲芒果好酸或者啲肉多渣，但好彩呢度嘅芒果質素頗高，而糯米飯亦唔會太甜！飲品方面，我地叫左一杯芒果冰、一杯龍眼水。兩杯飲品都冰透心涼，而且唔會死甜，唔錯！總結：呢間餐廳食物質素好，價錢親民，值得推薦。

雖然知道香港開咗水門雞飯都有好幾年不過我一直都冇去幫襯因為覺得喺泰國食雞飯咁鬼平點解要喺香港用幾倍嘅價錢食啲一樣嘅嘢😂不過咁啱喺凱匯又開咗間水門雞近我屋企喎遠親不如近鄰天氣咁熱食泰國嘢飲杯冰消消暑都好🥵🥵然之後發現我浪費咗幾年食呢間本地水門雞飯嘅機會佢嘅水準真係拍得住泰國嗰間甚至做得更加出色🥺水門雙拼雞飯🐔🐓🍗店內提供海南雞飯炸雞飯或者雙拼飯因為個人比較貪心所以叫做雙拼亦都完全冇失望因為兩樣都係咁好食😁海南雞雞皮爽滑彈牙雞肉鮮嫩炸雞一啲都唔厚粉而且雞肉都係保持咁滑咁Juicy雞油飯就咁淨食都好好味充滿雞油嘅香味我減緊肥如果唔係一定叫加底🍚🍚🍚烤麵包普普通通嘅烤麵包🥖睇個樣好似乾爭爭會吸晒啲口水食水泡餅咁但係佢覺得超級鬆軟一啲都唔乾同埋佢係有泰式嘅醬汁俾你點酸酸甜甜我叫咗串燒有咖喱汁送🥘點埋個咖喱汁仲正😍串燒豬肉/雞肉🍖串燒燒到啱啱好豬肉同埋雞肉一啲都唔鞋口就算平時喺九龍城嘅泰國餐廳食串燒都唔一定整得好有陣時又會好韌要好大力咁扯舊肉先至會出嚟😩個手踭分分鐘撞到隔籬嗰位又癡牙食到嬲呢個無論係調味定火喉都恰到好處而且好容易tun出嚟唔使廢盡九牛二虎之力😝馬拉盞肉醬芥蘭苗🌱呢個炒芥蘭無一般嘅咁

我去咗呢間餐廳食飯，真係好失望啊！食物勉勉強強，同尖沙咀嘅分別唔大，但份量好似比尖沙咀細咗啲。最大問題係坐位真係好窄，坐得好迫，好唔舒服㗎！啲職員撞咗好多次，好唔開心。老實講，我一定唔會再去嗮呢間餐廳啦！仲有，我覺得呢間餐廳嘅份量好似比尖沙咀嘅餐廳細咗啲。當我睇到上枱嘅菜式，真係有啲心理失衡。我花咗同樣嘅價錢，但係食到嘅量好似少咗好多。呢個真係令我感到有啲不滿。最令我唔滿嘅係呢間餐廳嘅坐位安排。首先，坐位真係好窄，好迫。我同朋友坐得好唔舒服，冇乜空間轉身。而且，坐位之間嘅間隔都好窄，啲職員行過嚟時，就好容易撞到我。我真係覺得好唔開心，因為坐得咁唔舒服，令我食飯嘅體驗大打折扣。希望我嘅評論可以幫到你，同時都希望餐廳可以改善佢嘅食物質素同坐位環境，提供更好嘅用餐體驗俾顧客。