水門雞飯 (裕民坊YM²)

营业中

休息中

水門雞飯今次要介紹觀塘一間餐廳叫「水門雞飯」，未講餐廳之前，先講下裕民坊YM²，呢間裕民坊YM²商場下面係巴士站，呢間餐廳就喺一樓，我原本以為一樓係商場入面，點知去到一樓周圍問人原來先知係喺麥當勞出面，只不過係街舖，點解要納入商場範圍，真係好不得其解！講返呢間餐廳，雖然門口有一級，但係我今次揀咗坐戶外，果日唔算好熱，食物質素好高質，價錢又親民，性價比超高！1.水門雞飯+冬瓜湯+凍泰式奶茶$62（轉雞脾肉+$10）+泰式炆雞腳（6隻）$14（9/10）水門雞飯個飯加咗雞汁，令到個飯更加香，我加咗$10轉雞髀肉，雞髀肉肉質嫩滑，雞髀肉都有10件雞肉，不過冬瓜湯鹹咗少少，湯入面有冬瓜肉，仲加咗$14叫咗泰式炆雞腳，雞腳辣辣地炆得好淋，一共有8隻雞腳！凍泰式奶茶：呢杯泰式奶茶甜度適中，奶茶好夠滑，奶同茶比例啱啱好，非常好飲！2.水門炸雞飯+冬瓜湯+凍泰式咖啡$60+馬拉盞肉醬芥蘭$24（9/10）水門炸雞飯個炸雞好酥脆，雞肉唔有有肉汁，個飯加咗雞汁，令到個飯更加香，不過冬瓜湯鹹咗少少，湯入面有冬瓜肉，仲加咗$24叫咗馬拉盞肉醬芥蘭，芥蘭新鮮爽口！凍泰式咖啡：呢杯泰式咖啡好香濃帶少少酸！3.炸雞

約咗朋友係觀塘行下，諗住好耐無食海南雞飯，就搵到尼間試一試佢！水門雞飯轉雞髀肉（$64）雞飯好有驚喜，又滑又嫩，配埋特製既醬汁，味道好豐富同好香口。油飯食得到雞油既香味，做到粒粒分明，唔會濕漉漉，食下食下會唔覺意食哂！好食！泰式辣雞絲湯粉加牛丸（$57）湯夠熱夠香夠甜，最岩天氣凍食，雞絲唔會好辣，個味道適中岩岩好！牛丸夠彈牙爽口，必點。另外再配左炒泰式炒通菜（$54）通菜炒既火侯岩岩好，仲係好爽脆，味道唔會太濃太搶，岩哂配飯食。見餐牌有樣野幾得意就叫黎試下，烤麵包（$16）原來係有配埋咖哩汁，配埋烤到脆卜卜既麵包粒，做餐前小食岩哂。同朋友各自叫左唔同既飲品，香茅特飲（$20），熱蘋果雪梨水（$22），飲品好有驚喜！大杯得黎個味道好有誠意，飲得出唔係就咁開水而係煲出黎，好味道。總括黎講，雖然餐廳唔係好好大，但環境都好整齊乾淨，同埋食物非常多選擇，同埋好抵食！食多幾次都唔會重覆。去開尼頭既真係值得試！

休閒的星期六，瞓飽起身，同老豆落樓去食隔籬屋Auntie推介嘅「水門雞飯」🤣去到見到高朋滿座，我同老豆都知應該好食😆唔好食應該唔會keep住咁多人！定係個個都好似我哋咁，瞓到黃朝百晏先起身食飯？不過好Lucky地，都仲有少少位俾我哋坐，唔使等位！佢星期六都有午市套餐可以嗌，好Yeah！我同老豆都係嗌咗個午市套餐再加咗一款小食❤️最後仲忍唔住加咗個甜品！1.✨水門雙拼雞飯✨（我+10轉咗雞脾🍗）滑捋捋嘅雞髀肉，加上佢特製嘅醬汁，配上一啖油飯，真係好完美！炸雞都好好味，外層炸得好酥脆，唔會覺得厚粉，入面仲保持住雞肉的鮮嫩，加上醬汁嘅酸甜，更加增添咗另一種風味！佢個飯仲跟咗個雞湯，入面有冬瓜肉，飲落好重胡椒味，我個人係好鍾意嘅😝2. ✨牛肉湯牛丸生牛肉湯河加豬粉腸✨河粉彈牙有口感，牛肉湯的濃郁竟然唔會遮蓋住食材本身嘅原味，反而可以帶出生牛肉、肉丸嘅鮮甜。我哋仲加咗豬粉腸，老豆話佢處理得好好，大條靚仔🤣笑死我！3.✨馬拉盞肉醬芥蘭 ✨芥蘭熟度剛剛好，加上馬拉盞肉醬，小小惹味，但係唔會太濃👍🏻4.✨豬肉串燒✨豬肉嫩滑，而佢搭配嘅沙嗲醬真係精髓，好好味！不過唔鍾意沙嗲醬嘅人，佢旁邊仲有一個比較清新嘅

今日早咗放工去咗買食個下午茶，順便加料買2個泰式餸菜返屋企等屋企人收夜可以食揀咗茶餐呢個水門冬陰撈麵搭配小食就涼拌牛舌；再加左2串雞肉串燒茶餐食物份量都唔少，冬陰撈麵佢仲有落通菜，肉碎同肉丸，少辣程度，惹味好食！涼拌牛舌，味道帶酸，好開胃，牛舌啖啖肉。雞肉串燒烤得夠香，而且跟餐都幾大串，沙嗲醬汁香濃，好食！泰國無骨豬手非常之好味道，除咗炆得夠入味，比起中式／西式嘅豬手，泰式豬手食起嚟未到更豐富，同埋佢真係炆得非常夠火喉，肥瘦得宜，皮位油脂滿滿，好似食緊滑啫喱咁，嫩嫩嘅豬肉又有咬口，啖啖肉，好滿足！泰式鹵水牛三寶亦都係同樣出色，除咗讚佢炆得入味，另外都要炆得夠火喉先至會淋，佢嘅牛栢葉，金錢肚真係好好味，淋得嚟有少少爽口，而且仲有牛脷，白蘿蔔等等。各種配料，份量十足 推介！跟餐我仲叫咗泰式奶茶同埋菠蘿冰。奶茶香味濃郁，獨有嘅泰式口味，夠晒香甜；菠蘿冰清新開胃，夏天飲就真係啱曬，飲完個人都感覺醒一醒。

今日放假唔知食咩好之際 就醒起呢間水門雞飯之前經過見到佢哋既裝修 吸引左我既眼球呢間水門雞飯既裝修好精緻 同其他分店好唔同主要用深木色做主調 成個感覺好和諧好舒服仲有大大個玻璃 有充足既日光照射住而且餐廳有outdoor seating 遲下天氣涼小小坐係出面睇下景 吹下風 諗起都覺得正今次第一次試呢間水門雞飯就買左幾款野食返屋企試下試試佢咩料子先～🐓 水門半隻雞黎到呢到 當然要試試佢地既水門雞啦雞肉肉質偏實淨 但一啲都唔會鞋雞皮係非常之薄身個隻 口感偏爽口食完都唔會覺得成口油配搭埋附送既醬汁 酸酸鹹鹹辣辣 好味道水門半隻雞 仲會配埋雞雜係入面有雞腸 雞腎 雞紅 完全唔會有異味隨雞附送既冬瓜湯 雖然外表平平庸庸但飲落有明顯既胡椒香味 飲落清清地好舒服🐷 香葉辣肉碎煎蛋飯雖然呢到主打水門雞 但佢其他菜式一啲都唔失禮呢個香葉辣肉碎煎蛋飯 非常出色煎蛋係燶邊蛋 十分脆口 仲要保留到流心既蛋黃辣肉碎相對上偏酸小小 加埋粒粒辣椒 好醒胃辣肉碎入邊除左有辣椒 豆角 仲有洋蔥粒口感味道都非常豐富 亦都唔會炒得過份油膩另外佢個飯唔係普通既白飯 係雞油飯好香既雞油味 但同時又唔會太油一啖肉碎 一啖雞油飯

最愛水門雞飯！好多時都會心思思想食，真係好好食🥹忍咗幾日，今日終於有得食啦！！2點都到都full哂😳水門雞飯 $68加咗10蚊要雞雜(雞紅，雞腎，雞腸)都唔腥咼！我地無特別要胸或者脾，但都個雞都係超嫩㗎！啲皮雖然唔係黃油個種，但係配個汁一齊食都係勁好食！個汁有辣椒薑醬去mix，係水門雞店嘅signature!見有得齋買醬😂個飯係由雞油撈，所以食落好香！食到停唔到口！個飯有湯送，係好重胡椒味！加冬瓜！夏天消暑😝仲要咗個飲品，香茅特飲，都係夏日之選，少少酸！好爽海鮮冬陰功蛋麵 $82加咗$12要生牛肉！唔係cheap cheap肥牛黎👍🏼👍🏼湯底好正，味道啱啱好，唔會太辣太濃！蛋麵又出奇地match!食落好有咬口，創新😂👍🏼海鮮都數量多，有青口，蝦，八爪魚！追加咗個麻辣牛舌😂$10抵到爛！

今日阿囡返2點話同我食完午餐先返工，原本喺去APM 的泰媽媽試過一次晚餐都幾好，今次試食午餐睇下有冇平嘢食，最後因時間關係阿囡話近近地去裕民坊附近嗰間食泰菜，食完搭車返工會方便啲，咁就去試下最初我係唔想入去嘅，因為每次我同老公去買餸之前都會路徑，見到呢間嘢好細同埋近馬路睇落好似麻麻地，但今次阿女話要我一定要一試佢話入面啲嘢非常好食佢食過，咁我就同阿女一齊入去，入面已經好多人我哋坐吧枱，見到一個女人一個人食海南雞豬扒餐，睇落都幾靚同加鳳爪一杯龍眼凍飲，而我哋就叫咗兩個餐一個係炒金邊粉，另外一個係湯牛肉牛丸湯粉配咗咖啡同埋奶茶再加一個芥蘭同埋一個牛舌，啲嘢食真係幾好下次可以試下海南雞，食飽飽飲嘢先知原來佢啲飲品全部都已經加哂糖無論凍或熱，所以杯咖啡無飲阿囡就問他們點解喺甜，所以先知喺無得㨂，個伙記好好話改凍青檸梳打只有呢個無加糖，咁我話好一試，好開心的一餐

裕民坊YM²重新裝修過之後，第一次黎，感覺好新鮮😀但用左少少時間搵路，因為間舖頭唔係喺商場入邊🥲門面好開揚，有outdoor座位，岩哂帶埋毛孩一齊食飯而裡面唔算大，主要以三排bar枱凳、中間只有幾張兩人枱自助QR code落單，無加一收費🤩星期日都一樣有假期套餐🥳泰式豬手飯 $68 跟餐有一個湯、包飲品，好抵食👏🏻豬手份量都幾多下，男仔食都完全夠飽的程度豬手入味、夠腍😋叫左杯洛神花茶，小小酸好開胃又解渴泰式辣雞絲湯金邊粉 $60太餓所以再加多左個扎肉+$12湯底可以免費轉做冬陰功湯😝好大碗呀，湯底酸酸甜甜勁惹味揀左大辣都只係有輕微香辣感，唔食辣的人都可以handle雞絲唔鞋，掛湯力一流😍扎肉有成六塊真係好良心的份量美祿勁濃勁好飲，就算飲到後期Ｄ冰溶左杯野都仲係超級rich，推！👍🏻用跟餐價可以加小食，都係廿幾蚊馬拉盞肉醬芥蘭$24肉醬咸香適中，芥蘭唔老，仲要都幾多下👌🏻胡椒單骨雞翼 $26又係感人的量，送上黎個胡椒味好鬼香Ｄ肉完全唔痴骨，一啖一隻雞翼好方便😆$52 泰式腩仔呢個重點推介！！外層香脆、裡面Juicy👅肥瘦又均勻，炸得不溫不火點埋個酸甜醬汁，真係超正完全停唔到❤️‍🔥$20炸

🔸鳳尾蝦泰式金邊粉（$75）新鮮熱辣炒起非常有鑊氣金邊粉酸辣惹味辣勁十足鳳尾蝦大大隻好爽口🔸水門雙拼雞飯（$56）泰式無骨海南雞配炸雞肉量十足又好味海南雞望落去唔算好吸引但係入口好滑嫩雞皮滑彈油飯熱辣辣香而唔油膩附送嘅雞湯有胡椒辣味好高質呀！🔸泰式腩仔（$52）外層香脆肥瘦均勻入口好香油脂味一件接一件好食到停唔到口呀！超正🔸泰式奶茶（$22）泰式奶茶獨有嘅橘紅色茶底味道獨特濃郁香甜順滑🔸芒果冰（$26）芒果味濃郁酸甜啖啖透心涼非常消暑解渴

正宗泰式海南雞飯，有泰國在地感覺。📍地點：觀塘🍽️菜式：泰國菜💰人均消費：午餐 HK$50~80🔖服務費：❎🧻餐巾/ 濕紙巾：❎ / ❎🪑座位類型：方枱/ 長枱 📝落單方式：侍應生落單 / QR code落單 / 平板落單 / 點餐紙落單【水門雞飯】💰HK$54雞皮Q 彈，雞肉實淨但唔鞋。飯係雞油飯，帶香茅味。富有曼谷水門市場味道。【泰式清湯腩船粉】💰HK$50同潮式清湯腩有幾分相似，牛腩件數好多，紋得算淋身，湯頭充滿牛肉味。【木瓜沙律】💰HK$48木瓜絲鮮甜，蝦仔夠多，辣味跟足泰國當地，一啲都冇就香港人。.【泰式奶茶】💰HK$22.#foodcourt #foodxcourtx #foodxcourtxKT#觀塘搵食地圖 #觀塘美食 #觀塘 #泰國菜.水門雞飯@watergate_chickenrice🏷️ 觀塘協和街33號裕民坊YM² 1樓101號舖

The raw beef tom yam soup has a generous portion of raw beef. This is the first time I tried the tom yam soup base and I was not disappointed. The hot and sour taste is just right, but not too spicy.Pineapple Roasted Chicken Fried Rice. In addition to the roasted chicken, it also has a lot of pineapple, large dried raisins (my favorite) and meat floss~ We also ordered the Thai stir-fried vegetables, toasted bread and the new Wagyu beef skewers. it has a soft and cooked pork bun with a charcoal s

今日和朋友去了觀塘的裕民坊行街，見到這間泰國餐廳很像好吸引，於是便決定進去吃晚餐。牛肉湯牛丸生牛肉粉（$50）：牛肉湯個味好香濃，幾重牛肉味，幾正。牛丸又好彈牙，口感不錯。牛肉又好鮮嫩好滑，重牛味，幾好食，不錯。同埋牛丸，牛肉的份量都夠多，男仔食都會夠飽肚。泰式鴛鴦（$22）：奶香味濃，不錯，幾好飲。泰式乾炒辣牛河：好香辣，惹味，幾正，又唔會太油，牛肉份量都算多，牛肉又滑又好食，不錯，又夠飽肚。同埋這個乾炒牛河又不算很辣，即使不太吃辣的朋友都可以叫的。蘋果雪梨水（$22）：好清甜，但個味又唔算太甜，同埋真的好清潤，不錯，好好飲。埋單總計$240，真的不算貴，食物又好食，高質，性價比都高，值得一去。

之前係旺角分店食過佢地嘅海南雞飯，見到觀塘原來都開咗間，所以諗住過黎試下～見到menu上面有胡椒豬什河粉，好似幾吸引咁，所以就叫咗呢個碗粉黎到熱辣辣，本身想飲啖湯試下湯底個味，因為太熱都要等一等先，欣賞佢地即叫即整吾馬虎～河粉份量都幾足，豬什配料同湯底都好味～雖然佢無船河湯底咁濃，但係感覺上胡椒湯底都好吾錯同健康啲咁～不過坐位就比較逼啲，好容易會畀隔離枱嘅手撞到😅不過食物好食價錢合理，所以有機會都會再去食嘅～

呢間水門雞飯平時見到都排滿人，今日比我見到裕民坊原來都有分店，就嗌左四個外賣。佢價錢平，點左4個餐都只係2百多元，水門雞飯都只係54元，仲有湯，好平，仲有香辣紅咖哩牛肉飯（50元），水門炸雞飯（50元），同水門三寶雞飯（64元），真心平，堂食都抵，免加一的。先講水門雞飯，雞肉香滑嫩有肉汁，雞皮又特別好食，份量都吾少，配上雞飯同青瓜，好食。而炸雞飯都抵食，先50元但有7,8舊炸雞，炸得勁香脆，很惹味，同樣都是配雞飯的，吾錯。另外三寶飯是多了雞雜，仲有炸雞同水門雞，雞雜有雞賢，雞腸，同雞紅，食落爽口乾淨冇異味，增口感，好好食。最後想讚紅咖哩牛肉飯，價錢平仲要超高水準，好岩食，紅咖哩辣又惹味，有好多配料，有草菇又有青椒，牛肉是薄片，不過勁多份量，又索晒咖哩汁，好正啊，送飯一流，估吾到除左出名雞飯外，咖哩都好出色，會再食，推介。

驚喜海南雞同泰式豬頸肉-水門雞飯原來間舖頭喺商場出邊，搵咗一陣先搵到，連outdoor都有座位㗎，店面唔算大，坐低後有QR code落單，都好方便😀黎到梗係要試洗門半隻雞啦😂仲點左泰式豬頸肉，泰式炒通菜😗海南雞好滑，配上醬汁好惹味，雞紅都好滑😂 泰式豬頸肉有驚喜😌味道香濃，有炭燒嘅感覺，配上醬汁，又辣又惹味🤤飲品方面泰式奶茶同椰青都一樣咁出色👍🏻Overall 食物質素唔錯，係坐得無咁舒服😅