水門雞飯 (裕民坊YM²)

营业中

休息中

今日嚟到觀塘裕民坊 好耐冇食過水門雞飯 一於入去食！估唔到接近八點都仲要等位 等咗一陣好快就入咗去～ 坐低睇睇餐牌 就自助落單啦 好方便～ 水門雞飯 $54必點之選！每次一耐冇嚟食就會好掛住佢嘅雞飯😬 就算食雞胸都唔會柴 雞皮爽滑 雞飯粒粒分明 味道啱啱好 配埋佢嘅醬料 真係好好味😋 話梅茶 酸酸甜甜好開胃 食埋粒話梅肉 好滿足😌 泰式奶茶好正宗嘅泰式奶茶 好滑同埋以香港人口味嚟講 算係偏甜😆 海鮮冬陰功湯金邊粉記得上次試過佢嘅船麵不錯 今次就想試吓佢嘅冬陰功湯 海鮮有魷魚、青口、大蝦 全部都爽口彈牙 好少會食湯嘅金邊粉 配埋冬陰功湯底 酸酸辣辣都幾好味😋 脆炸香茅雞翼香茅味好香 炸得外脆內軟 咬開仲有肉汁😍 泰式燒腩仔真係燒完就即刻上枱 熱辣辣要攤一陣先可以食🤣 外脆內軟 有啲似豬頸肉既感覺 配埋醬汁酸酸辣辣 好味😋 炸雲吞香脆嘅雲吞皮 入面係蝦滑 醬汁係酸酸甜甜 不錯👍🏻 串燒即叫即燒 燒得岩岩好又好香 叫咗兩串雞肉一串豬肉 雞肉好滑 估唔到豬肉都唔會柴 配埋沙嗲醬 真係好食😋 整體嚟講 水門雞飯 食物質素不錯 店員服務態度好 為左個雞飯 間唔中就會黎再食😬

水門雞飯係觀塘開左分店，終於有分店開係我屋企近少少🥹。今日買外賣返屋企食，發現外賣質素唔差。餐廳設有外賣專區，非常方便。- 脆炸香茅雞翼放到屋企用左20分鐘，雞翼仍然好香脆，每一隻炸到金黃色，香茅味道好突出。追加小食只係叫$20，一共有4隻。- 水門雙拼雞飯餐廳用既白身走地雞脂肪比較少，肉質非常嫩滑，好有雞味，無骨最啱唔鐘意lur骨既我。同埋一定要點祕製雞汁，酸酸甜甜好好食。雙拼另一主角係炸雞，雞件炸得恰到好處，仍然juicy。雞飯粒粒分明，香但唔知油膩。雞飯仲會附送雞湯，每次都會飲到一滴不留👍🏻- A5和牛泰式船麵麵底有五款咁多，我揀左蛋麵，掛湯能力一流，和牛有三大片，味道好出色，油脂甘香。湯底好濃味但唔會太甜。外賣既話，餐廳會將湯底分開👍🏻- 泰式炒通菜通菜脆嫩，可以揀少油少鹽證明即叫即炒，- 泰式奶茶奶茶唔錯，最緊要夠甜🤣食物水準一如以往地高，即使唔同分店，雞飯依然係香港第一🙇🏻‍♂️

初三赤口無去拜年, 同媽咪去觀塘行個新年運, 順便食少少野醫下肚。去咗裕民坊YM²嘅水門雞飯食水門雞。餐廳面積不大, 但地方整潔企理, 食物同飲品款式多, 自行scan QR code落單, 食物好快上檯。水門雞飯 HK$54可選雞胸/+$10指定選雞髀沒有指定就隨機比, 雞件去骨, 肉質嫩滑, 配上了鹹甜醬汁, 味道更提升。配有雞湯, 味道很重胡椒香氣另外飯量可自選多與少, 我地揀咗多飯, 果然夠飽, 飯很有雞油香, 不會過油, 粒粒分明。+$10 追加跟餐小食 – 香茅雞翼 (2隻)雞翼炸得金黃有油光, 肉質嫩滑, 細味有香茅獨有香氣。泰式奶茶 HK$22味道很有泰國地道風味, 口感滑, 茶香奶濃。菊花茶 HK$20味道清新, 有陣陣菊花清香, 不會過甜。芒果糯米飯 HK$58糯米飯黏糯, 芒果雖未算極甜, 但多汁唔酸, 加咗椰漿令整體味道甜一D。

嗌左個泰式乾炒辣牛河，但係無扣底個份量仲少過人地扣左底，唔知係唔係調轉左張單。完全唔夠食。味道可以接受，不過不失，對得住個價錢。侍應就企定定係到，無乜打算招呼客人

第三次食呢間水門雞飯😂之前在另外分店已食過😛食過番尋味😝實在太好味了😋正宗水門雞飯～雞肉細嫩多汁,以特製的醬汁醃製😋油飯粒粒分明,帶有濃郁的雞油和薑黃香氣 😝配一碗雞湯😉好惹味😚 鳳尾蝦泰式金邊粉金邊粉質地滑嫩有彈性😎蝦味鮮美～泰式豬肉餃外皮薄韌有嚼勁～餡料多汁豐富🤓搭配青瓜調味芒果糯米飯芒果甜美多汁～糯米軟糯香甜～椰奶香濃醇厚～淋上椰漿甜度適中😉套餐可跟飲品凍泰式奶茶茶香濃郁醇厚～奶味香甜滑順😉是泰國特色飲品😌凍泰式檸茶茶不會太澀☺️檸檬清新酸甜😜糖漿的甜度適中餐廳環境

今日黎到官塘又想食雞，見到水門雞即刻入左去食首先，我地就叫左個牛肉湯牛丸生牛肉金邊粉，呢個組合無敵啦！牛肉湯好濃郁，牛丸口感彈牙，生牛肉新鮮，個湯夠熱浸一浸，搭配上金邊粉，好順滑另外仲叫左個魚蛋船粉，呢個就普通D，魚蛋都彈牙，船粉都好順滑，個湯底就清淡之後就當然係主打既水門雞飯，雞肉一如概往咁非常嫩滑，加埋醬汁，好夾，配埋油飯，真係一個完美的組合，每次食都一粒飯都冇淨另外就都叫左2個小食，分別係雞肉串燒同埋春卷，串燒外焦內嫩，肉質多汁，搭配上少少鹽和調味醬，味道非常好。炸春卷亦都好好味，外脆內熱，裡面包住新鮮的餡料，食落去香脆可口飲品方面，當然係泰式奶茶，另一杯就係鮮檸梳打。泰式奶茶香濃，帶有一點甜味，飲落去非常舒服；凍鮮檸梳打則酸酸甜甜，清爽解渴最後，仲叫左個芒果糯米飯作結！糯米滑嫩，搭配上新鮮的芒果，味道香甜總括來講，次次食水門雞飯都覺得有種去左泰國既感覺，野食真係好出色

觀塘裕民坊地面原來有間性價比超高嘅水門雞飯，最近去試咗佢哋嘅下午茶餐外賣，真係有驚喜呢度最平$3x蚊就有交易，真係時光倒流價。份量ok，真係誠意十足。首先講講佢哋嘅水門雞油飯，雞滑，飯夠香、夠油香但唔膩，再加埋佢特製嘅泰式醬汁，酸酸辣辣，好食。我哋仲試咗豬手飯，膠質豐富，滷得入味，鹹香適中。仲有，佢哋啲船河都幾出色，但係船粉建議堂食，湯底香濃，唔會水汪汪，牛肉份量多又夠嫩，真係抵食最開心係可以加$5蚊要杯凍飲，叫杯正宗泰奶或者其他泰式特飲。呢間位於裕民坊嘅水門雞飯，無論價錢、份量定味道都交足功課，尤其係下午茶時段CP值極高，絕對係觀塘區搵平靚正泰菜嘅首選！

好耐冇去旅行，平時喺香港成日都會回味泰國嘅滋味，而泰國菜當中雞飯都可以話係我嘅top5️⃣而呢一間水門雞飯真係我間唔時就會幫襯，因為佢哋平日會有下午茶套餐，除咗健康之外，價錢都好合理👍🏼啱晒啲想食得健康啲既打工仔們。🐒椰菜花雞飯💰$58👉🏻烚蛋+$6🐒水門雙拼炸雞飯💰$70👉🏻雞湯👉🏻馬拉盞肉醬芥蘭苗+$24👉🏻凍泰式檸茶🐒泰式豬肉餃(8粒)💰$38🐒脆炸香茅雞翼💰$28🐒凍鮮檸梳打💰$22今日雖然係假日冇下午茶，但係都見到有唔少人去食，當中都有幾多大隻仔😂而我今日就試咗啲新嘢👉🏻椰菜花雞飯！雖然佢冇套餐跟，但係見到覺得好興奮，因為女仔減肥事業係放第一位，而呢度就可以滿足到我食雞要配飯但又唔想肥嘅慾望😍而佢哋嘅椰菜花飯一啲都唔hea，係有炒過，所以勁香另外都試咗佢哋嘅新小食泰式豬肉餃，佢喺迷你餃，但正正因為咁先可以令到啲汁好均勻咁喺粒餃上面，入面係菜肉餡，食落個汁又係勁好送飯🤣

去開觀塘掛住佢個冬陰功就買外賣返屋企食餐廳喺裕民坊地下舖面都好大間外賣有分開位置所以拎外賣都好方便三人食飯揀咗1.菠蘿烤雞炒飯2.水門雞飯3.泰式冬陰功河粉+馬拉盞肉醬芥蘭苗泰式雞腳值得一讚係店員有推介下午茶餐 是次外賣唔想拎住嘢飲所以就冇揀到但係下午茶抵食心心念念不忘的冬陰功湯河最鍾意係呢個湯底夠酸夠辣， 但係又唔會太酸太辣， 又有一陣香葉的味道雞肉嫩滑加埋落啲湯到就剛剛好菠蘿烤雞炒飯唔會好有油但係又夠鑊氣淡淡都食到菠蘿同雞水門雞飯連埋一個雞湯雞湯重胡椒香水門雞飯雞肉嫩滑無骨晚餐加了一個馬拉盞肉醬芥蘭肉醬可以另上分開非常好可以唔使食咁鹹泰式雞腳 每次必叫18蚊八隻，非常抵食夠淋又夠入味， 食滿滿的骨膠原整體保持一貫水準

水門雞飯一向水準穩定而且價錢親民星期一至六有午餐、下午餐，假期亦有假日套餐，想食雞飯第一時間都會諗起呢度✔️🔖水門雞飯無骨雞肉砌到一座山仔咁特別吸引雞皮薄薄一層，帶點啫哩狀雞油，入口即溶唔油膩🥢雞肉厚身滑嫩，調味恰到好處，點特製嘅雞汁好惹味，配薑黃飯真係世一組合🔖泰式辣雞絲湯米粉湯底可轉冬蔭功，味道酸酸辣辣好開胃🍜米粉用嘅係幼身米粉，同雞絲一樣好索湯有心思地放上炸雲吞皮，裡面配有通菜梗看似簡單但食得好滿足🔖脆皮腩仔半肥瘦嘅腩肉金黃脆口食落唔油膩🥢內裡肉汁滿滿帶點油香口感相當好配上醬汁香味更濃郁🔖芒果糯米飯食泰國菜點少得芒果糯米飯🥭暖笠笠嘅糯米飯加椰漿食仲有厚肉芒果，外賣一樣咁好味🔖泰式奶茶甜度適中，口感好滑，係正宗泰式奶茶嘅味道

水門雞飯以供應地道泰式海南雞飯而馳名本港，找來泰國大廚主理。真的百食不厭。水門半隻雞：雞肉無比滑溜，肉質細軟又有彈性，入口多汁爽滑。配一些雞雜，味道更豐富。水門雙拼雞飯：一碟吃盡兩款雞肉：肉質鮮嫩、雞味甚濃，炸雞皮脆肉嫩，蘸泰式辣醬更滋味！鳳尾蝦炒金邊粉：鳳尾蝦啖啖肉，金邊粉炒得夠乾身有鑊氣，味道酸、甜、鹹均勻惹味。雞油蒸飯：油飯加入雞油及蔥頭煮成，米飯粒粒亮澤飽滿，毫不油膩。冬瓜湯胡椒味比較重，好味！

今日真係好掛住泰國嘅味道，忍唔住要去搵返啲泰國菜嚟食！最後決定去咗裕民坊嘅「水門雞飯」買外賣返屋企慢慢嘆。叫咗幾樣嘢，真係食到好滿足🥰水門雞飯：呢個真係必叫！雞肉超級嫩滑，皮同肉之間仲有一層啫喱，咬落去真係好有口感，雞油飯仲好香添☺️雞雜：有雞腎、雞腸同雞紅，樣樣都處理得好好，完全冇腥味。雞腎爽口，雞腸彈牙，雞紅滑溜，配埋啲醬汁，好惹味😍芒果糯米飯：芒果好甜，糯米飯軟糯得嚟又帶啲椰香，食落去真係好有泰國街頭嘅味道😋泰式奶茶加珍珠：奶茶茶味濃郁，甜度啱啱好，珍珠又Q彈，飲落去真係好解渴👍菠蘿沙冰：呢個真係解暑神器！菠蘿味好清新，沙冰打得夠細滑，飲一啖即刻涼透心，好適合而家咁熱嘅天氣🤗

老實說，觀塘的水門比起尖沙咀水門的雞飯更好吃，甚至我覺得比曼谷當地吃到的版本更吸引我，除了是因為這裏的雞肥瘦更為均稱，吃起來肉質不會太過柴口之外。雞油飯的油香更為純粹，並非很濃的黃色，也沒有太多額外的香茅香味，平衡度二連鎖集團來說，這間做得OK。不知道食評網上的0負評，是真是假，但單純水門雞飯的表現，這裏比尖沙咀店更值得一讚。雞腳不是傳統的泰式雞腳沙律，而是偏向中式的類似鮑汁鳳爪的風味，滷水滷得相當入味，而且夠腍做到骨肉分離的口感，同樣不少酒樓的做得更為吸引。至於泰河，味道一般，始終不是最擅長的，反而有點濫竽充數的感覺。Honestly, the chicken rice at Kwun Tong’s watergate is better than the one in Tsim Sha Tsui and even more appealing than what I’ve had in Bangkok. The chicken here is perfectly balanced between fat and lean, with tender meat that isn’t d

同女朋友夜晚去左裕民坊既水門雞飯食晚飯, 我試左佢個新野, 椰菜花雞飯🥦🐔係用椰菜花碎代替飯既生酮餐, 加埋隻烚蛋, 滿滿既蛋白質, 岩曬健身人士, 個水門雞我加$10轉雞腿, 肉質嫩滑好味😋女朋友就叫左泰式船粉🍜, 估唔到除左雞飯, 個船粉都同樣出色! 個湯底濃郁，牛肉片同泰式牛丸食落都好有牛味🐮, 牛丸亦好爽口👍🏻粉揀左金邊粉, 幾彈牙幾好食, 另外可以加個追加小食, 我地$30加左個泰式無骨豬手🐷幾惹味! 另外再加多個泰式炒通菜，有得揀少油少鹽，食落清爽不油膩👍🏻野飲叫左個泰式檸茶🍹個茶底好香, 同平時港式檸茶唔同, 女友話呢個應該係泰國手標紅茶既味道, 我以前未飲過泰式檸茶所以唔知, 第一次試都幾好飲!整體黎講, 食物份量足, 味道好, 有泰國地道風味同特色, 價格相宜, 食落感覺少油少鹽, 又有生酮餐俾人揀, 幾注重健康, 值得推薦!

蛇年迎來第一次春…. 霧呢間鋪雖然滴滴色色咁，但係坐喺窗邊嘅高台，望住車來攘往嘅物華街，都幾超chill。佢出邊仲有兩張街邊枱，真係貼地。佢哋有新嘢：A5和牛泰式船面！聽落真係好震撼一定要試吓。牛肉果然係有質素，油脂甘香均勻，貨真價實，份量雖然唔多，但係啱啱好。配合帶着微酸嘅湯底，近乎完美。椰菜花雞飯。原來係基於 生酮飲食 嘅理念推出嚟。果然係緊貼潮流。炒過嘅椰菜花帶出點點鑊氣，雞肉軟滑多汁。跟餐特飲一定要試 凍話梅茶，一飲即刻變超人。掃走晒所有肥牛嘅食滯感覺。芒果沙冰，凍到牙都甩埋。芒果糯米飯。