影片
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
喺瑞和街打完波，赶得切5:30前去裕民坊间水门鸡饭叫下午茶同dinner，真心抵。佢$38有一个煮食，再加小食，再加$5有杯嘢饮。成单嘢都系43。我叫咗呢啲觉得几好食：泰式船粉嘅汤底对我嚟讲都算有啲surprise，原本以为泰国嘢会好咸，但系呢个船面嘅汤底都算咸淡适中。食完都唔会觉得好口干嘅水门鸡饭基本上都系正常发挥，佢下午茶就轻量装，打完波都唔想食正餐太饱，所以啱啱好OK跟餐嘅小食有得拣两只香茅鸡翼，拎外卖返屋企途中闻到香喷喷☺️ 仲有佢凉拌牛舌（四块）都真系整得几腍身，加少少泰式辣汁食起嚟会更加有风味。因为自家炆牛舌真系一件好烦嘅事，有得拣都拣买返嚟食。老婆钟意饮椰青，就加咗$40 order咗一个。都包装得几企理，椰青下面仲加个胶兜装住，有啲椰青水漏咗出嚟，但都装得住。而且椰青嘅份量真系好大个、两个人都系勉强饮晒甜品我哋仲叫咗个芒果糯米饭（$58）芒果糯米饭都系几烟靭口感，拎到返屋企仲可以有一热一栋，冻嘅芒果再加埋暖身嘅糯米饭入口。虽然我只系坐喺度等外卖，但系阿姐都俾个袋我装住个书包，都算几有服务态度
继续阅读
今日嚟到观塘裕民坊 好耐冇食过水门鸡饭 一于入去食！估唔到接近八点都仲要等位 等咗一阵好快就入咗去～ 坐低睇睇餐牌 就自助落单啦 好方便～ 水门鸡饭 $54必点之选！每次一耐冇嚟食就会好挂住佢嘅鸡饭😬 就算食鸡胸都唔会柴 鸡皮爽滑 鸡饭粒粒分明 味道啱啱好 配埋佢嘅酱料 真系好好味😋 话梅茶 酸酸甜甜好开胃 食埋粒话梅肉 好满足😌 泰式奶茶好正宗嘅泰式奶茶 好滑同埋以香港人口味嚟讲 算系偏甜😆 海鲜冬阴功汤金边粉记得上次试过佢嘅船面不错 今次就想试吓佢嘅冬阴功汤 海鲜有鱿鱼、青口、大虾 全部都爽口弹牙 好少会食汤嘅金边粉 配埋冬阴功汤底 酸酸辣辣都几好味😋 脆炸香茅鸡翼香茅味好香 炸得外脆内软 咬开仲有肉汁😍 泰式烧腩仔真系烧完就即刻上枱 热辣辣要摊一阵先可以食🤣 外脆内软 有啲似猪颈肉既感觉 配埋酱汁酸酸辣辣 好味😋 炸云吞香脆嘅云吞皮 入面系虾滑 酱汁系酸酸甜甜 不错👍🏻 串烧即叫即烧 烧得岩岩好又好香 叫咗两串鸡肉一串猪肉 鸡肉好滑 估唔到猪肉都唔会柴 配埋沙嗲酱 真系好食😋 整体嚟讲 水门鸡饭 食物质素不错 店员服务态度好 为左个鸡饭 间唔中就会黎再食😬
继续阅读
水门鸡饭系观塘开左分店，终于有分店开系我屋企近少少🥹。今日买外卖返屋企食，发现外卖质素唔差。餐厅设有外卖专区，非常方便。- 脆炸香茅鸡翼放到屋企用左20分钟，鸡翼仍然好香脆，每一只炸到金黄色，香茅味道好突出。追加小食只系叫$20，一共有4只。- 水门双拼鸡饭餐厅用既白身走地鸡脂肪比较少，肉质非常嫩滑，好有鸡味，无骨最啱唔钟意lur骨既我。同埋一定要点秘制鸡汁，酸酸甜甜好好食。双拼另一主角系炸鸡，鸡件炸得恰到好处，仍然juicy。鸡饭粒粒分明，香但唔知油腻。鸡饭仲会附送鸡汤，每次都会饮到一滴不留👍🏻- A5和牛泰式船面面底有五款咁多，我拣左蛋面，挂汤能力一流，和牛有三大片，味道好出色，油脂甘香。汤底好浓味但唔会太甜。外卖既话，餐厅会将汤底分开👍🏻- 泰式炒通菜通菜脆嫩，可以拣少油少盐证明即叫即炒，- 泰式奶茶奶茶唔错，最紧要够甜🤣食物水准一如以往地高，即使唔同分店，鸡饭依然系香港第一🙇🏻♂️
继续阅读
初三赤口无去拜年, 同妈咪去观塘行个新年运, 顺便食少少野医下肚。去咗裕民坊YM²嘅水门鸡饭食水门鸡。餐厅面积不大, 但地方整洁企理, 食物同饮品款式多, 自行scan QR code落单, 食物好快上台。水门鸡饭 HK$54可选鸡胸/+$10指定选鸡髀没有指定就随机比, 鸡件去骨, 肉质嫩滑, 配上了咸甜酱汁, 味道更提升。配有鸡汤, 味道很重胡椒香气另外饭量可自选多与少, 我地拣咗多饭, 果然够饱, 饭很有鸡油香, 不会过油, 粒粒分明。+$10 追加跟餐小食 – 香茅鸡翼 (2只)鸡翼炸得金黄有油光, 肉质嫩滑, 细味有香茅独有香气。泰式奶茶 HK$22味道很有泰国地道风味, 口感滑, 茶香奶浓。菊花茶 HK$20味道清新, 有阵阵菊花清香, 不会过甜。芒果糯米饭 HK$58糯米饭黏糯, 芒果虽未算极甜, 但多汁唔酸, 加咗椰浆令整体味道甜一D。
继续阅读
收工去咗食水门鸡饭，我就食咗鸡饭，唔转鸡髀要鸡胸可以减肥，鸡胸都好嫩滑，点埋酱就够晒味，仲有个冬瓜汤湿湿口。晚巿加$30就有个无骨猪手小食，好大碟好抵食，炆到好腍好入味。洛神花茶酸酸地唔甜，唔肥又解渴。朋友食咗泰式肉碎煎蛋饭，叫咗少辣，加埋流心蛋好送饭。大推个串烧，都系加$30，我哋叫咗猪肉，另外可选鸡肉，大串又烧得香，加埋个甜甜哋嘅沙嗲酱，劲好食。再加个炒通菜补充膳食纤维，可以叫小辣小油，食到japjap 声。
继续阅读