水門雞飯 (萬勤商業大廈)

营业中

休息中

新開水門雞飯！之前去泰國旅行又無食過水門雞見呢間裝修幾得意 價錢幾平 款式都多下午茶時間去 等咗一兩張枱裝修除咗泰文佈置同有啲泰拳用品掛喺牆上其實都偏港式茶記又有好大個斬雞檔俾客人望住叫咗最普通嘅水門雞飯試試先 $50 抵食份量唔算少 跟埋湯同秘製醬湯過重胡椒味 太辣 飲唔晒個雞就還可以 點埋醬送飯都幾惹味但又唔會覺得係超級好食飯就唔係一般白飯底 味道ok都算粒粒分明食得出係蒸飯 下次試埋其他配搭 例如有炒炸雞同粉麵！

尖沙咀一向多好野食同埋經常有新餐廳經過金馬倫道，竟然見到有水門雞飯食，個格局仲要係同泰國一樣架wor即刻入去試下先當然要叫個水門雞飯試試佢先黎一碗冬瓜湯，胡椒味較重，有小小辣主角黎喇~~ 雞既份量都算幾多重點係個汁到，  不得了!     同泰國食既味道係有9成似呀!!!好快就食完碟飯，好想即刻飛返轉泰國瘋狂喪食呢~

I have always wanted to try Water Gate Chicken from Thailand.They now have two branches in Hong Kong so went to the TST one as Taipo is damn far.Ideally, you should go to Taipo because the prices are cheaper according to someones review.I was captivated by the piece of blood jelly that you get with the chicken and the fact they serve fried chicken as no other Thai joint in HK has it.Ordered the combo which had everything, ie the giblets, fried chicken and the poached chicken.The soup and sauces

單拼同雙拼只差 $2…咁梗係雙拼啦, 目測比較單拼無少幾多件雞啫! 雙拼飯 (海南雞拼炸雞) $52 ~ 雞份量頗多, 面層雞肶肉, 底層雞胸! 雞皮下無脂肪, 失敗在無雞皮凍! 雞肶是嫩滑的, 雞胸有點實, 無雞味應該係雪雞吧! 油飯煮得唔錯, 有大大片薑, 入口唔會好油膩, 粒粒分明! 炸雞一件, 肉質保持嫩滑, 炸粉脆而唔油! 醬汁夠香唔夠辣!飯會送一碗湯 ~ 胡椒冬瓜湯! 冬瓜唔夠淋, 湯好明顯係用大量胡椒 “粉” 調制出來的! 超難飲! 註: 雙拼既決定非常正確, 飽到食唔晒! 

SCROLL FOR ENGLISH REVIEW水門雞飯 Water Gate Chicken Rice ❤️ ($50)評分 RATING: 8.5/10.有好多自稱水門海南雞嘅舖頭都唔系好正宗，但呢間雞飯認真好食 😆 知道佢哋係大埔做到出晒名但實在太遠好少會去個頭一路都未試過。雞肉份量都幾多 (有兩層!) 下面係雞胸，唔韌幾淋身，上面好有心都有俾番少少髀位。鐘意佢哋嘅海南雞完全唔肥膩，冇乜脂肪但肉質又做到好嫩滑 🙆 飯嘅油香都岩岩好，乾身得嚟亦都夠淋菠蘿冰 Pineapple Smoothie ❤️ ($24)評分 RATING: 8.5/10.非常非常好飲嘅菠蘿冰! 😎 原汁原味嘅程度滿分 🍍 因為沙冰嘅味道同入面片菠蘿有10成吻合 😂 酸甜度都啱啱好 😚 好難得Their original shop was in taipo which is like wayyyy far off, new shop in tst is much more accessible. Definitely one of the best hainan chicken rice I've had 😋

次次去親泰國都會食水門雞飯難得香港開咗一間更加即刻要去試下啦。其實個價錢唔貴，性價比都算高，$50就有個雞飯而且見到雞嘅份量都唔少嘅，佢仲配上特別嘅醬汁同湯不過當日我地冇叫到雞但係叫咗2碗粉同埋一個通菜。我呢就係食咗一碗自選嘅一送湯粉:我叫咗嘅事清湯生牛肉片配米粉佢個清湯完全唔吸引，係冇味嘅，只係好似啲水加了少少嘅鹽，啲米粉就索不到啲味，完全唔好食易啲生牛肉嘅質素亦都麻麻哋冇乜牛味而且肥膏好多整體來講我覺得係唔合格嘅而另一碗就係雙拼湯粉嚟嘅:牛丸同埋生牛肉配牛肉湯底河粉牛肉湯底就好少少濃郁小小嘅，不過牛丸又係唔夠爽口同埋無牛味。好失望個通菜反而就不錯，好岩hk人口味，重點係佢唔會好鹹而且豆瓣醬面好香不過有一樣野真係要同大家講個就係識識吓發現碗粉有發泡膠大家要小心

這間店舖還未開張的時候，每次經過金馬倫道，都很期待它開張，因為實在很想念在泰國的美食。好不容易等到他開張了，但排隊等候的人實在太多，所以遲遲都未嘗試到。今天特意提早午膳，人比較少，但是也要排隊約10分鐘。第一次來吃飯當然點了水門雞飯。首先端上來的是一碗清湯，有濃濃的胡椒味，喝下去的時候也挺辣的。我覺得胡椒的濃度比在泰國吃的更濃，不錯。等了很久，水門雞飯終於送上來了。雞件的數量較多，雞肉很滑，但是味道稍淡。而附送的醬料味道酸辣，點上雞肉非常惹味。但沒有那麼多人排隊的時候，這裏也想必是我的飯堂。

早兩日同老公出尖沙咀，途經水門雞飯，諗住可以食返泰國真正水門雞嗰個味道。嗰日唔算好爆，見有兩張空枱，但職員仍然叫我地企門口等，仲係黑面添！企我地後面啲人又想打尖，老公嬲爆！等咗10分鐘終於安排我地入去坐低，咁我就即刻落order啦，叫咗雞飯+冬瓜湯、凍泰式鴛鴦、多士；冬瓜湯太咸，似胡椒粉調味的，飯粒太軟身及不夠味，雞本身不是泰國那種，不夠厚肉，那碟雞醬稀稀的。總之就是失望！寧願食普通海南雞飯，都唔會再去呢度！

見網上有介紹呢間新開不久既水門雞飯，今日同朋友黎試試睇下搵唔搵到泰風味！下午2點多黎到，有7，8個人排緊隊，不過等左10分鐘都唔洗就入得喇！裡面都幾大，可以坐好多人。裝潢都好泰國丫，特別係佢個廚房！餐牌上好多好多選擇喎，有飯有粉麵，仲有泰小菜，仲有仲有泰飲品同芒果糯米飯！第一次食就一人一碟雞飯，龍眼水同椰青。龍眼水好飲呀，裡面真係有龍眼乾肉！大大杯18蚊可以呀！水門雞飯☝🏻$50大大碟，雞既分量正常，飯一大碗，仲跟一碗雞骨湯！雞骨湯超好飲，有胡椒味，好似胡椒湯咁，我哋都好鍾意飲呢個雞骨湯！雞肉都算滑，真係泰國食到嗰啲味道，飯都好香，好有泰國風味呀！水門雙拼雞飯☝🏻同水門雞飯一樣，比多兩蚊有幾舊炸雞。不過炸雞就麻麻地，佢塊炸皮好似吉列豬扒咁，人哋泰國塊炸皮都好似唔係咁嘅，不過都唔差嘅。總括來說，兩碟雞飯+2杯飲品成為$152 ，價錢唔算貴，而且真係好有泰風味，唔使飛泰國都食到正宗嘅水門雞飯，推薦大家都去試下！呢間我一定好快會再幫襯！

話說依一間餐廳第一間分店係開係大埔，佢哋啱啱新開嘅時候🍔已經寫左一篇食評✏️ 個陣已經有唔少人話貴，雞唔好食同份量少~ 今次開係尖沙咀啲嘢會唔會貴左？質素又如何？🍔平日放飯時段去已經要排隊，睇黎傳媒嘅威力都幾大😂-水門雞飯($50) 加雞雜($10) 即係個飯已經要60蚊🤔 大埔個間我記得水門雞飯係$48。尖沙咀鋪租貴嘛，香港人不嬲食嘅係鋪租🤗 佢哋聲稱係用惠州嘅走地雞，算啦，邊會比泰國雞你食🤣 雞味係有嘅，但唔濃。皮薄少脂肪。因為轉雞脾要加$10，唔想碟飯變$70嘅關係，所以比嘅雞大部分都係雞胸，有少少鞋口。黃油飯都係爭咁啲，唔夠香。佢哋仲有個湯附送，係冬瓜雞湯~ 個湯幾夠雞味，而且好重胡椒味👍🏽係唔多夠熱啫雞雜建議大家可以唔洗加，全部味道偏淡唔知食緊乜🤷🏽‍♀️泰式凍奶茶($20) 味道好貼近泰國，奶香味濃，好香泰國紅茶味🥰 -所有嘢計計埋埋餐晏$80落樓💸。試一次就夠了，或者就咁食一個水門雞飯乜都唔加會比較化算

去泰國必食水門雞飯，返到香港會成日好掛住，前排尖沙咀新開左間食水門雞飯呀，即刻要去試下。入到去會見到掛哂d雞係度。50蚊個水門雞飯，都算好多雞啊，性價比高。雞飯有配醬汁同個湯，醬汁唔算好好味，但可以過下水門雞飯癮。另外叫左碗魚蛋粉，無轉牛肉湯底或者冬蔭公湯底，所以超無味。要自己係調味架落辣椒。

星期五下班後，路過尖沙咀 發現金馬倫道新開了一間泰國餐廳。 眼看裝修光猛、挺有泰國風味，主打平民經濟路線、而光顧當天餐廳還未正式開業，試業中。首先，點了一個最出名的水門雞飯 $50，我們另外加了$10轉雞脾。 肉質很滑，份量不算太多，飯一粒粒分明，是油飯，不錯的！ 雞雜$48雞心好食 👍🏻雞干好粉，普通另外叫了一個自由配搭的湯河，可選擇米粉、河粉、金邊粉、粉絲⋯湯底有冬陰公、清湯和牛肉湯。可自由選擇餸，共有十多款可供選擇，最終，我點了生牛肉豬潤冬陰公湯河。 冬陰公湯挺不錯 不太辣龍眼冰整體餐廳食物質素不錯，有準！可一試

🥢尖沙咀新開泰國水門雞飯🥢充滿泰國風情的水門雞飯，裝修到檯檯凳凳都是跟泰國一樣用鐵嘅，門面是泰文字的，唔講就咁睇以為身在在泰國，🥢水門雞飯 $50 (+雞雜$10 轉雞肶$10)🥢跟一碗清湯，如果你是喜歡胡椒味一定要飲，因為超級重胡椒味而且都幾啃下，夠曬辣，這個湯很滿意🥢今次先試試最原始的水門雞飯，雞有兩層肉都算多肉，完全無骨的，可以啖啖肉，上面層肉有雞皮的，肉質很滑，下層是雞胸，胸肉比較鞋口，雞只食到有雞味像白切雞無醃過，跟一碟醬油，醬油帶少少辣，幾惹味🥢飯是配上油飯，充滿住油香，煮到剛剛好，粒粒清爽又不會不笠，跟雞同吃感覺不錯🥢香茅特飲 $18特飲真的不是流的，真的超好飲，夠曬香濃又夠凍，真的有一支香茅，香茅味味超清新，夏天來一杯真的超爽快🥢如果好掛住泰國的話可以過來頂一頂隱，因為由裝修到餐牌都好似去了泰國咁，唯一不好的就是人太多有點太迫，有空檯都需要客人迫在一起坐有點不舒服，飲品超好飲，下次轉雞髀試試

平時很少過海搵食，今日帶埋班細路去尖沙嘴，見到金馬倫道開咗間新嘅泰國嘢，見到 menu D 食物又平又吸引，即刻入去試吓。1: 🐔水門雞 - 好滑又唔韌，配埋個特製汁真係一個人隊半隻無難度2: 🐷無骨豬手 - 好入味，豬手皮好夠火，尤其口感唔太淋又唔韌。保留一點咬感3: 🦐泰式生蝦 - 辣到阿媽都唔認得但勁勁勁好味。停唔到口！4: 🦐炸蝦波 - 外面有卜卜脆嘅麥片，我女人仔細細一個人掃咗六粒5: 🐂生牛肉河粉 - 呢個真係性價比超高。$46 超巨碗 + 湯底不輸任何越南牛河店6: 芒果🥭糯米飯 - 完美甜品。個個都 lam lam 脷7: ☕️泰式咖啡一定要試，超正宗。連我這個平常不飲咖啡的人都覺得好味。#老闆肯定係一個善良嘅人#賣咁嘅價錢比咁嘅貨#扶貧餐廳#與地產霸權對著幹#一定翻兜