水門雞飯 (萬勤商業大廈)

营业中

休息中

呢間 #水門雞飯 係尖沙咀開左分店🥳 成日都要排隊😊 不過流量快唔洗等好耐😏 裝修格局都好有泰國特色😎-#水門半隻雞 🐣 ($108) + #油飯 🍚 ($10)半隻雞望落唔算多🤔 不過食食下都幾多件😅 但覺得價錢偏貴🤔 值得一讚係除左雞翼外全部雞去哂骨👍🏻 食落啖啖肉好方便😛 肉質算嫩👌🏻 但無咩雞味😅 油飯普通🍚 整體不過不失😎-#鳳尾蝦炒金邊粉 🍝 ($68)有4隻蝦🍤 金邊粉炒得幾香口🍝 算入味👌🏻 質素屬正常😛

今日lunch要獨個兒食外賣，忽然諗起好想食泰國水門雞，咁啱尖沙咀又有一間泰國水門雞飯店，之前聽朋友介紹話大件夾低食，今日終於有機會試下!~~泰國水門雞飯 外賣飯盒 (hk$50)餐廳屬於小店模式，lunch 時間客人都好多，如果衹係買外賣就吾洗等位，如果坐底食就好似食茶餐廳甘。外賣飯盒非常乾淨，同埋包裝得尚算企理，打開飯盒，水門雞份量不算少喎!~雞肉眼看切得好靚，一份有齊雞胸肉，雞脾肉，一隻雞翼，除左雞翼冇去到雞骨，其它雞肉都已經去左骨，所以入口係啖啖肉，好知味!!~雞肉肥瘦剛剛好，皮不算好厚，肉質亦非常嫰滑，亦不覺得好肥膩。雞肉配合埋油飯同醬汁，以hk$50來講，真係好食又低食，下次有機會一定會再來幫襯!!~

車爸爸放假的第二天我哋一齊出尖沙咀剪頭髮，午餐便順理成章的在區内找吃最後選上了曼谷人氣的水門雞飯。 位處尖沙咀金馬倫道的水門雞飯內裡樓底甚高，裝潢簡單直接檯檯凳凳放得滿滿的，下午兩時到達亦高朋滿座。 很想吃芒果糯米飯可惜要忍口，在馬爾代夫之旅後要再來品嚐！ 酷熱天氣下先嘆杯鮮檸檬梳打跟餐免費享用(原價＄18)，須然是杯裝但很夠汽而且可以選擇走甜太合心了！ 車爸爸選了同樣免費的泰式奶茶(原價＄20)，香濃甜美喝得他挺滿意呢！ 來這兒吃水門雞飯＄62是常識吧！賣相很不俗配有雞醬、帶幽幽胡椒香氣的冬瓜湯及杯裝飲品組成套餐。 飯粒很乾爽沒有一緣油膩感，但如雞油可以多一點相信更可口，雞件入口皮很爽肉不算很滑雞味亦不重，可沾上雞醬同吃加添風味。 另外一客選了豬肉丸肉碎札肉河粉＄56，內配有炸脆片、豬油渣及乾蔥吃下更加香脆有口感！湯頭不像我喜歡吃那款泰式河粉但也不俗，豬肉丸跟一般的大小口感也算不俗！札肉夠厚身味道更勝豬肉丸， 而河粉比一般的粗身但不是泰國大大片的那款！入口滑溜索湯能力也不錯份量亦恰好整體表現平均。

本身諗緊晚餐食咩，經過見到價錢可接受，環境新淨企理，就決定入去一試水門雞飯。首先我無試過曼谷既水門雞飯就無得比較了，但憑佢雞份量多，無骨，醬汁惹味，就值得一試。然而，個餐湯胡椒粉味十分十分十分濃，個人認為不了。講埋杯泰式奶茶，唔叫好甜，廿蚊都可接受🥰。。。順帶一提，某啲staff態度就麻麻啦，有個後生仔幾好既，加油！

好鍾意食無骨嘅海南雞，啖啖肉食得好爽，今日一於試吓呢間水門海南雞飯。其實我真係唔鍾意食曼谷水門街嘅粉紅衫軍同綠衫軍，覺得雞肉淡而無味，希望呢間有驚喜。一坐低我哋就帶叫咗半隻雞$108 加一碗油飯，雞切得好靚好有心機，雞胸切到好似一片葉咁樣，我第一次見，海南雞嘅肉質幾嫩滑唔錯，皮也爽滑，對得住個招牌。配上個自家辣汁，好惹味。但呢個送既湯就好差啦，冬瓜硬的，湯只飲到濃濃的胡椒粉味，一啖放棄。個飯都幾香，長身偏硬身的泰國米，粒粒分明。杯泰式奶茶可能沖左太耐，茶澀味好重，不甜啱香港人，但茶底真的太苦澀了，一般。另外杯生薑蜜好得，薑味岩岩好，仲有些新鮮薑絲，有誠意。

諗起上次去泰國已經好幾年前，近排一直返工，無假無錢去旅行，平平地食個水門雞飯，試下地道泰國野就當去左旅行啦😂雞飯賣相就同泰國食既差唔多，淨係雞同雞油飯，唔會有其他既配菜，不過份量就比泰國既多啲。雞肉食落唔會好「梅」，唔似雪左好耐既雪藏雞😃平平地一解旅行既心癮都係一個不錯既選擇🤣

一路都唔係話十分好海南雞，因為香港食到既海南雞質素都好參差，有時又係新加坡做法，有時又海南咁。直到兩年前去泰國食到當地既水門雞飯之後就念念不忘。結果香港終於開左間泰國既水門雞飯真係好感動！唔使下下去泰國先食到。黎到門口排長龍，不過好彩都好快就有位，佢同泰國唔同之處係佢仲有生蝦食，我地叫左水門雞飯+炒通菜+生蝦同野飲。最快到既居然係雞飯先，飯既份量比泰國多，一碟都夠飽，個汁同泰國食既有8 9成似，不過雞就唔係話十分滑但都ok ge。個湯係果隻味呀！我形容佢為胡椒豬肚湯咁既味，好好飲！生蝦都幾辣下喎，佢仲配埋苦瓜。不過6隻成舊水係貴左d....通菜炒得好乾爽，唔會話林晒同埋仲好綠，味道唔錯。價錢當然同泰國無得比，但香港黎計都算可以既，兩人埋單3百。

知道曼谷水門雞飯喺香港開咗 一放假就即刻去試 食落去嘅味道其實同泰國差唔多 廚房入面嘅姐姐都係泰國人 不過喺曼谷來講我最鍾意都係食Phong Phrom (唔記得係咪咁串🤣）嗰間街邊檔但係難得係香港可以食到泰國嘅味道都覺得好滿足！😋

放工晚晚都見到好多人排隊食呢間水門雞飯，終於今日星期六下午茶時間去左，唔駛等位直接就有得食。由泰國廚師坐鎮嘅一間主打正宗曼谷水門雞飯😋 裝修企理，都係行快餐模式。下午茶叫左個水門雞飯餐($58)，價錢都算合理，包一杯泰式飲品(有泰式奶茶、龍眼冰、洛神花茶、菠蘿冰等等多款選擇）啲雞肉厚身連埋雞皮同中間層啫喱食，好好味。 值得一讚係佢個醬汁 辣辣地甜甜地 撈埋落去啲飯到食更添風味👍🏼 至於個冬瓜湯就較淡味 不過就可以平衡翻啲濃味同去油脂

我入到去好多位唔俾揀位坐.有一個指你去左坐有一個又指你去右坐.坐下之後我睇餐牌差10 分鐘就到下午茶.下午茶平啲當然等下午茶啦.有兩個服務員企在你則邊講就話我🙄佢等下午茶.乜嘢服務態度.到我付錢時候等了好耐都無人來收錢😡以後不再去這間店食飯🤬

專道而來，為的自不然是要一嚐近來頗具人氣的水門雞飯....相對起這一款走泰式風格的，個人是較偏好星馬式，有三色醬伴吃的雞飯。不過既然這裡別具人氣，從大埔開到來旺區尖咀黃金地段也大排長龍的小店，小弟當然也極有興致想要試....一坐低，不用多講，當然是要點雞飯。這裡還可以來個雙併的，即是切雞加上炸雞兩種口味。可以一次過試盡兩款，吾之大欲也....午市來可以點餐，除飯外另添多一杯drinks。今天點的是凍柚子蜜。大熱天下喝一口，爽呢....六十四元一個飯餐，在這一區來講絕對不貴。再看這一碟雙併雞飯，份量剛剛好，要填肚絕不難....飯粒比我料想中更為乾爽，絕無油膩之感。雞油香於我而言稍為輕手了一點....兩種不同處理手法的雞肉，個人竟是較愛香口脆脆存肉汁的炸雞；白切的肉稍覺乾了點質地也有些韌....醬汁有兩款，味是大同小異的帶點點甜而辣的，是很典型的泰式伴醬....冬瓜湯有很重的胡椒味，同樣很"泰"....以這樣的價位而言，在這區賣泰式雞飯當然是大有生意可做。目測當日店內人流不斷就可得知一二了....不過還是說那句，我仍是較愛吃星馬式的雞飯的....

下午茶時間6月1日，早早起身出尖沙咀行街，行完街又未夠鍾返工，就響公司附近搵野食，遊蕩左一陣都仲未諗到食乜好，咁岩眼前就見到呢間水門雞，有時返工前經過都見佢門外排晒隊，而我一向都鍾意叫雞，之前都有諗過搵日去食，所以心諗擇日不如撞日啦！一個人我揀左門口第1張枱坐，一坐低已經覺得坐錯位置，因為超近門口無乜冷氣到……咁都算勒！拿拿林點單叫杯龍眼冰，夠膽死落單既妹妹仔竟然問我係咪凍既?難道冰係熱唔係凍既?另外我點左份水門雞飯套餐（跟雞骨湯），同埋一碟蝦頭膏炒什菜。呢一餐除左杯龍眼冰叫飲得落同埋碟炒什菜尚算OK之外，個雞飯同個湯，真係一啲都唔掂，啲雞完全無雞味，個湯仲離譜，勁咸！我飲左幾啖已經飲唔落，已經肯定我唔會再黎食第2次！

近排番工太忙，完全無時間去旅行，同男朋友行過見到呢間水門雞飯，裝修好地道泰國，唯有入去食個泰菜當去左。雞飯當然必叫，枱枱都有叫，我覺得真係同泰國食既差唔多味，好夠油香，雞既份量都吾小氣又夠滑，男朋友鐘意點醬食，我自己就淨食都ok,仲有一碗冬瓜湯跟，我呢個湯怪，無湯不歡，正！小菜方面叫左碟泰式炒通菜同泰式生蝦刺身，兩樣都係我平時食泰菜必嗌，果然無令我失望，炒通菜夠獲氣，少少辣，但就係中意佢惹味！泰式生蝦有六隻，大大隻，同男朋友一人三隻，食完仲想再食><同出面唔同係佢有d薄荷葉係d汁到，吾會好似一d餐廳整到勁辣。其實餐廳其他野食都吸引，但tea time唔想食太多，不過絕對會回頭就係啦，如果佢有分店係港島就正

尖沙咀呢排都開左唔少新野，呢間就成日都要排隊。早排去完泰國，食左水門雞飯，覺得麻麻地，今次試下香港呢間。係門口等左十五分鐘。好多人，座位坐得麻麻地，有d逼。Lunch menu 都算抵食，包埋特式飲品。叫左水門雞飯+香茅特飲+湯($62)雞都算嫩滑，雞皮爽口，都係無骨既。雞油飯份量多（一個女仔可能食唔晒），佢有提供一個辣既雞汁，有辣椒係入面，我覺得除左點雞，仲可以淋少少係個飯到，好野味。野飲中規中矩，朋友話似飲蚊貼落肚。個湯楜椒味好重，我覺得就好飲既。值得一提，呢到上菜勁快，唔使5分鐘上齊晒所有野。但當然都意味住好快會比人趕走。

這個裝修有點像去了泰國大排檔的餐廳名叫水門雞飯，在尖沙咀地鐵站B出口出了沿着金馬倫道直行便到達。午飯的時候我們選了海南雞和雙拼雞食海南雞和炸雞相平飯，返附上例湯，加$20便可以有紅蝦醬炒芥蘭菜，另外也有杯裝飲品或罐裝汽水。這樣的配搭才$60 ，在尖沙咀來說算是十分超值的選擇。雞和飯的份量也恰到好處，男生剛好女生可能份量有點多呢。我們還點了泰式鳳爪沙律，酸酸辣辣的感覺十分開胃，再者熱辣辣的夏天帶來另一種感覺。