水門雞飯 (萬勤商業大廈)

营业中

休息中

《雙拼水門雞飯》🍗 $52《自選配料冬陰公湯底金邊粉》🍜 $51《泰式奶茶》$20《龍眼水》$18-估唔到水門雞飯都已經登陸左係尖沙咀啦，心癢癢掛住之前去泰國食嘅雞飯，可以過嚟呢度解相思之苦🤣！-估唔到開咗業幾個月都要繼續排隊，🐔飯果然人氣不減，叫左一碟《雙拼水門雞飯》有齊炸雞🍗同海南雞🐔，海南雞皮薄雞肉嫰滑，沾上秘製醬汁夠晒惹味，相反炸雞比較遜色，可能唔係新鮮炸起，同kfc炸雞冇咩分別，附送嘅冬瓜湯胡椒味超級無敵重，飲一啖已經嗆喉嚨🤢另外叫左一碗《生牛肉豬粉腸冬陰公湯底金邊粉》配料可以自己選擇，冬陰公湯底好出色，夠濃味酸酸辣辣好開胃😋，豬粉腸亦都冇苦澀味，所以嚟依度食雞飯之餘都值得試埋個粉麵👍🏻《泰式奶茶》同《龍眼水》質素亦都甚高，不過可能係開業初期人手比較混亂，整體係唔錯的尖沙咀諗唔到食咩可以過嚟試下😽

在泰國就吃得多，今次竟然來香港開分店，當然要前來一試，一看餐牌發覺價錢都略貴，不過在尖沙咀開店，價錢貴都正常，只叫了一碟水門雞飯，雞皮爽滑的，雞肉質地一般，不是太滑嫩，雞油飯味道還可以，都有油香味的，但略嫌飯的質地有點硬，較難消化，例湯太咸和味精太重，會越飲越口渴，雞飯醬汁味道調得不錯，和泰國吃的味道很接近，總體上，雞肉和湯方面質量尚有改善空間，其他的都可以接受，但未到滿意的程度，下次再試試其他小菜.

今日係公司做完嘢，已經成九點幾鐘，得自己一個人，唔想食得太過豐富，又唔係咁想食茶餐廳，之前雜誌有報道過，呢間水門泰國海南雞飯，去泰國就食得多，入到去裝修好特別，用咗泰國篤篤來做主題，真係好似去咗泰國咁，九點幾鐘依然爆場，原來除咗海南雞飯，仲有泰國粉面選擇，生蝦，生菜包等等.........但只有我一個人，食唔到咁多野，只係叫佢招牌海南雞飯，還可以加$10俾埋雞內臟你，唔使3分鐘已經上菜，雞肉鮮嫩滑溜，欠缺雞味，仲有雪藏未，油飯做得乾身，不錯，雞內臟完全冇味，好後悔加咗，反而個湯我幾鍾意，胡椒味好濃，總括來講一般般，價錢好平$60有交易

睇完戲，天氣太熱的原故好想搵個有凍奶茶的地方！經過見到呢間裝修好有泰國當地食店風味的餐廳，用了鐵枱鐵椅，所以入去試一下！好，睇下餐牌有咩食先！因為第一次來，點了水門雞飯 (鋪名都叫水門雞飯，梗係要試啦！)我加了$10 轉雞脾 (total $60) 份量都幾足，雞肉嫩滑，飯的雞味較淡，不油，適合嗜淡味的感覺。搭配的醬油有少少辣味，所以和雞肉一起吃蠻好！湯有點像胡椒豬肚湯，所以有點失望。友人點了牛丸生牛肉湯金邊粉 ($46)味道很地道！下次會encore 另外點了凍奶茶 ($20) 及龍眼冰 ($18)。奶茶無得叫少甜，侍應解釋味道已調教好。我覺得甜度剛好，茶和奶的比例剛好 (很怕太多奶!) 龍眼冰也不錯！後記: 以此地段及價錢，環境及枱面清潔，可以食到這份量及味道，算不錯。不過服務態度和藹一點就更加吸引。

去完泰國返嚟無耐，已經掛住泰式粉麵嘅味道朋友介紹呢度嘅泰茶同粉麵都接近泰國水準，所以今晚就嚟試一試佢我哋叫咗一個【鴨腿湯河】，一個【牛肉湯牛丸生牛肉湯河】，一個【香辣肉碎沙律】，一杯凍嘅【泰式奶茶】。兩碗河粉上枱嘅時候好似好細碗，但食落原來份量都好夠【鴨腿湯河】鴨腿醃得好入味，份量十足，可惜肉質比較鞋，湯底近似喺泰國食到嘅味道，清甜無味精，食完唔會口渴河粉爽滑，但始終係港式河粉，略欠煙韌【牛肉湯牛丸生牛肉湯河】湯底唔及鴨河咁濃，不過都清甜，牛丸爽口有少少香茅味，生牛肉入口嫩滑，但牛味有少少失色。【香辣肉碎沙律】酸味同辣味十足，個人鍾意食辣，所以覺得好過癮唔食得辣嘅人千其唔好叫【泰式奶茶】比起泰國嘅味道，雖然做唔到100%，但以香港水準嚟講，已經值100分$20/杯算係超值。店員大部分都係年青人，經驗雖然不足，不過態度都好好，值得一讚希望小店保持水準，期待下次再試埋招牌雞飯

大概19:30黎到門口見到一條唔算長既人龍,排左大概15分鐘都有位,所以比我想像中快🤗不過大熱天時系條街度排隊都幾辛苦🙈餐廳唔算大,而且冇限時用餐,所以想食又唔想排隊既話就最好早D到水門雞飯🐔🍚（$50）呢個雞飯份量比較細,男仔食一個未必夠,不過如果share 試下都唔錯既👍🏿雞肉切絲,容易入口而且肉質鮮嫩,點埋個秘制醬汁好正,而個飯就充滿住雞油香質感好好😏香辣鳯爪沙律🥗 ($52)呢個沙律相對遜色,味道較淡,雖然餐牌上有一隻🌶️既辣度標示但系食落唔覺辣🤔不過個酸酸既醬汁補救返少少但系辣返少少會更好🤔泰式炒通菜🥬 ($52)為食妹好鐘意食泰式通菜,所以次次食泰國野都會點📝菜既份量頗多而且辣度剛好,好惹味🔥重點系唔油雞肉/豬肉串燒🍢(3串起）($13/1串)每樣點左兩串,咁就可以試曬兩款,睇落乾身,但系食落肉質較綿都幾驚喜,不過味道唔算太特別,而且價錢唔算平,所以唔特別推介🤭芒果糯米飯🥭 ($58)泰國甜品既代表又點少得佢呀😌糯米飯夠暖而且落得夠椰漿,甜甜暖暖軟綿綿,再配埋酸酸既芒果感覺一絕,食完雞飯記得留肚食甜品呀🤩飲品方面分別叫左泰式檸茶同埋鮮檸梳打,檸茶個茶底整得唔錯好有泰國既感覺,

有日經過尖沙咀，見到有曼谷既水門雞竟然開到黎香港，真係好期待架。餐牌都好泰國feel先黎杯泰式奶茶同泰式檸茶，味道都算正宗既😛水門雞飯(hk$50)其實質素都唔錯，但可惜我地無加到10蚊轉雞肶，所以雞肉有d鞋。但個雞飯都唔油，幾岩減肥人士呀鳳尾蝦炒金邊粉（hk68)聞落味道係有炭燒味，但略嫌有點太乾既泰式炒通菜（hk$52)好味但有點辣😂😂雞肉串燒3串起跳，好入味，而且好滑呀😎必食item整體黎講，係有點失望架，始終係泰國隨便入一間都會自得好好味，今次呢間相對黎講真係有d失色😂但之前有朋友食過，覺得唔錯架，所以帶左我黎食，希望佢地可以搵返水準啦😀

吾知點解天氣熱就想食泰國野，呢間水門雞飯開左無耐，朋友話唔錯就特登黎試下先，係尖沙咀b出口附近，幾易搵。一坐低就同fd叫左杯泰式奶茶share,因為我怕勁甜，但好彩又唔會wo, 仲幾滑幾夠奶，個人覺得好飲過銅鑼灣間泰式奶茶店，走果時仲叫多左杯，拎比附近番工既朋友，佢都大讚呢！之後叫左個招牌水門雞飯，仲有碗湯跟既，碗湯不過不失，有兩粒冬瓜係到，至於個雞飯係好味既，一向好中意食油飯，但有d餐廳真係勁油，但呢到唔會，乾身得黎有雞油香，雞肉吾鞋，但雞皮先係精華所在，唔似雪藏雞既味，點埋醬就仲好味。朋友叫左個鳳尾蝦炒金邊粉，吱完青檸，撈埋好多花生碎同少少辣椒，我同朋友都覺得出乎預料咁好味，吾會好油膩，份量幾足，係會想一啖接一啖食。最後，估唔到呢到有甜品，叫左個芒果糯米飯，糯米飯唔會好實，係岩岩好既煙un程度，芒果都好甜，配埋椰漿基本上無得輸，好滿足啊！果然朋友無推介錯，以尖沙咀黎講，價錢中等啦，但食物優質就最重要！

雞飯，雞唔係好滑，蒸雞肉比較實， 車閘冇咩味道， 炸雞比較乾更加實， 飯都幾好食， 湯勁重胡椒味， 泰式奶茶味道幾好， 芒果冰雖然唔係真材實料水果但個味道都正常唔係糖水味，牛肉 金邊粉味道正常。 座位比較迫枱比較細要攞齊餐具調味料要幾張枱共用。

今日特登由佐敦行過去尖沙咀就為左食間水門雞飯, 因為同事上次食過話好正好抵食, 所以我都想去試下係咪咁正先.一入到去都比我想象中大, 環境都好有特色, 見到牆身都左好多唔同的掛式, 例如拳套同篤篤! 黎到呢到當然要食水門雞飯啦$58, 個飯一上已經有雞油飯的香味, 而且亦都好大碟, 比想象中多好多雞肉. 雞肉亦都好入味, 唔同出面個D雞飯, 呢個飯係食完D飯仲淨番D雞肉係到, 絕對係物超所值!! 加上我都追加左炸蝦球$28, 呢個都係好有特色, 燕麥片炸蝦都係第一次食, 入口脈卜卜又唔油, 喜歡吃炸野又唔油的朋友一定要試下. 飲杯青檸梳打亦都減低左油膩的感覺!!

湯加咗勁味精同薑，好奇怪，飲咗兩啖，放棄。雞又鞋又硬，雞皮有水泡，好少見...雞飯無香味無味道，粒粒分明似足隔夜飯，硬到咬到牙痛。最好就係杯龍眼冰，起碼甜，夠凍...

星期日是我的運動日，做完gym之後只有一小時，要行去另一邊的商塲做facial .通常只夠時間食碗拉麵.今早經過此間水門雞飯在預備中，想改改口味，今天就是它了。我點了招牌雞飯，雞飯一粒－粒 - 合格.雞肉好瘦，配上提供的醬汁，小小辣，好味！皮也爽,我最欣賞的是那碗湯連冬瓜.只是分量方面，只有一碗飯，我因要節制飲食就ok,對男生可能就不夠了😅！下次，下次一定要試佢的甜點-芒果糯米，鄰枱個碟不停的同我say hi, 😂😂😂😂

今日同男朋友行開尖沙咀, 想食個下午茶餐, 見到呢間水門雞飯店排晒隊就決定試一試, 一入到去見到好多雞掛晒係到都幾壯觀, 首先我地就叫左一個水門雞飯, 一開始以為平平無奇, 點知食落就知道真係好好味, 除左無骨之外, 雞肉都好滑, 加上個汁亦都令d 雞更加入味, 而且份量亦都好大份! ($58)泰式乾炒牛河, ($60)牛河好有鑊氣 大大份真係無得輸呀, 一定要係食之前撈下, 咁就會更加入味!小食追加 脆炸蝦波 蝦球一粒粒, 表面係用左燕麥片去炸, 好脆, TOTAL 有8粒, 食下食下就無晒 ($28)豬肉串燒兩串 ($24)豬肉串都係不過不失, 食完一串之後都已經好飽, 不過真係值得再 ENCORE!每人一杯鮮檸梳打, 係炎炎夏日飲杯梳打真係透心涼呀~~總括而言: 呢間水門雞飯真係值得再黎食, 雖然要排隊但食物質素真係控制得幾好, 食咁多野都係$170 每人平均消費$85!!! 

點了3寶雞飯，雞肉嫩囗味道好好，內臟不腥，有味飯很香👍👍價錢很經濟60多元－碟，餐具也很地道！但眼看服務生態度可以用惡劣形容，不論對本地或外國客，都－味大聲呼喚你問你快d要咩，完全係冇服務的－間泰式食店，只係想叫你快d食完比錢走！諗起泰國人開的食店－直以笑容親切為主，但此店真係.....未必再去！

本人覺得嘢食👌🏻，所以，在堂食後再外買給朋友食，我在等外買的同時便走去結帳，侍應將我的飲品取走，我只飲了 一啖就取走真的很過分，我和他們理論，他們只是象徵式賠返了三分之一俾我，你們不覺得自己過分嗎？我不要你們的施捨，我是真金白銀俾錢買這杯嘢飲的，我真的很激氣，以後，我不會再幫襯你的鋪頭。消費者是有權益的，不是要你們的施捨。