水門雞飯 (萬勤商業大廈)

营业中

休息中

Arrived before 12 to see a long line waiting to enter but we managed to get in not long after. Ordered the dual chicken rice, spicy noodles, and pad Thai - with the Thai coffee, coffee x milk tea and the tea. Everything was made well, tasted good, and definitely worth the money! Would come back again only downside is if you’re in a rush this may not be the best since they do a lot of takeaway orders and it took 30 mins before our food was served. Otherwise a really great experience!

以前仲可以周圍飛，最鍾意飛去泰國食雞飯，而家無得飛😭唯有食個水門雞飯解吓泰國相思之苦。價錢都算公道，$62有個飯仲有飲品，飲品仲要唔洗加錢都有好多選擇。有傳統泰式飲品包括龍眼水、珍多冰。除咗椰青同水唔包，全部飲品都包㗎！雞飯份量都算正常，男仔應該都夠食，雞肉好多，雞肉唔算好滑但好有雞味，肉質鮮嫩，肥度適中。油飯非常香口，飯粒粒分明又唔太乾。跟餐可以加$20要個紅蝦醬炒芥蘭苗，份量好多！比平時麵檔$18碟油菜多1.5倍！唔好睇佢紅當當以為好辣，一啲都唔辣㗎！泰式紅蝦醬比起中式蝦醬無咁鹹，味道偏甜，配埋炸蒜食好香口。芥蘭苗好脆口，無乜渣唔會老，好好食！我去嘅時間係2:30唔洗等位，但聽係附近返工嘅朋友講成日都排長龍，我都好彩。

«1013»水門雞飯 綠色個間係好食啲﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▶水門雞飯 $62▷跟餐 泰式奶茶兩間水門雞飯都係黃，黃色招牌我上次食過麻麻，知道有另一間綠色水門雞飯之後就想試埋～呢間凈睇樣都吸引啲，而雞都滑啲，雞皮又唔肥，同埋個油飯好味，加埋個泰式醬汁真係有幾分似泰國水門正常個間～ 午餐跟埋大大杯泰式奶茶都抵！▶泰式香辣撈金邊粉 $58▷跟餐 碟豆花特飲朋友嗌嘅撈金邊粉，一撈個陣聞到勁香，試咗幾啖已經覺得好那辣🥵🔥 加埋花生碎金不換等等嘅香料係好惹味嘅，但要食得辣先得過癮，我就食到乸埋口面🥴好彩都有大杯冰凍特飲解下辣，食得辣嘅可以一試！﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣水門雞飯尖沙咀金馬倫道18號萬勤商業大廈地舖

今日第一次來試試！當然要吃返去泰國必食的＂雙併雞飯＂！先來兩碟點雞醬汁，雞湯極度有地道口味，再來主角賣相一流！🐔白雞皮薄肉滑，炸雞亦不算太乾，飯粒特別細粒！再加上泰式大排擋格局！完完整整是泰國風味👍

尋晚係尖沙咀行街行到夜晚10點 勁肚餓見到水門雞夜晚12點先close就即刻衝入去醫肚一行四人叫左個招牌海南雞飯、泰式燒腩仔、香辣通菜、pad Thai 、芒果糯米飯，埋單$278！每人$70都唔洗抵到爛！講下野食全晚最surprise係泰式燒腩仔 $48一放入口勁熱勁脆 真係啱啱新鮮炸起啲脆皮係啱啱好 唔厚仲有啲蒜香味配埋個酸辣醬我可以毫不誇張咁講依碟野真係make my day 超好食！仲要份量唔細 每人都分到4,5舊😍香辣通菜又係即刻炒起所以好有穫氣 配埋啲洋蔥絲 特製醬料同辣椒絲又係好正(出街成日叫啲炒通菜，無味+淋patpat無穫氣，終於係水門街食到令人滿意既😍)仲要啲通菜疊到山咁高 Pad Thai 同香芒糯米飯味道同平時食既差不多，所以係度就不詳談海南雞飯比我想像中係有啲啲失望既油飯口感太一粒粒 亦無咩雞油味雞就全部無骨既 但無平時海南雞飯嗰種肥美既感覺 亦都好細舊仲要好凍 搞到更加唔好味之前食過水門雞深水埗分店 雞全部好juicy 啲油亦索哂入每一粒飯入面 加埋個醬再配埋個有蔘係入面既雞湯 水準實在比尖沙咀分店超班太多 所以海南雞飯黎講比較推薦深水埗西九分店

限聚令放寬返，即係疫情都緩和咗，出街食飯心情都無咁緊張，今次又嚟到尖沙咀搵食😉呢間飯店都幾出名，網上都好多介紹及好評，所以同朋友一齊嚟試下。我哋都算早嚟到，唔使點等位，不過我哋食完之後就已經有唔少人喺度排隊等緊lu!嚟呢度當然要試下佢嘅招牌啦：水門雞飯🐔🍚，唔錯，係無骨雞，雞皮爽脆、雞肉嫩滑，配上少辣嘅汁，的確係招牌菜👍，仲有一碗胡椒湯送架！佢哋仲有好多唔同嘅嘢食，鳳尾蝦🍤炒金邊粉、泰式豬手飯、鴨腿湯河、金牌胡椒豬什粉等等，樣樣都幾吸引🤤，下次試下佢其他食品先😋

個個都食雞飯，唔通個個都想食雞飯咩😋.第一次去 #水門雞飯 無食雞飯食咗下午茶個泰國船粉揀咗辣雞絲＆豬潤，配料都幾正辣雞絲唔鞋又夠辣🌶️份量多豬潤厚薄適宜，唔老亦無過份爽😊湯底好香，加埋辣雞絲好惹味.朋友又食雞飯，唔特別介紹啦水門雞飯都係好正宗好正好滑嗰啲啦🤣.紅蝦醬芥蘭苗個醬好紅，以為會好濃味但食落原來係無乜味但聞到好香蝦味🙈PS其實我唔知紅蝦醬本身係點😂不過唔咸嘅我幾中意😁👌🏻。。。#香港的水門雞飯

Covid-19 影響全球嘅情況下，鍾意去泰國嘅朋友，一定好掛住泰國嘅美食，無輪係街頭小食，定係曼谷出名嘅水門雞飯，大家都好想快啲有得飛。今次嚟到尖沙咀，見到呢間店，望一望佢個招牌，旅行泰國嘅感覺返晒嚟，見唔係太多人等位就同我朋友排隊試一下，等咗十五分鐘左右就到我哋，今次我哋只係每人叫咗碟水門雞飯加多個雞雜，先講一講個雞飯先，上枱個賣相都幾有泰國feel，尤其係碗雞湯，味道好接近泰國呢…但係個雞雜就濕濕碎碎咗啲，上枱見到個樣唔多討好，但味道還可，總括嚟講可以值得一試。如果10分滿分都有8分的。

去唔泰國，惟有暫時食住香港泰地道嘅美食啦，難得見到人龍唔太長，今日就去左位於尖沙咀金馬倫道嘅水門雞食下午茶，等左大約5分鐘就可以入坐，環境衛生👍🏻，由於限聚令，枱可以靈活變通，非常好，食物方面亦很多，由於是食下午茶關係，所以唔敢叫太多，叫左半隻海南雞（一定要食)😋，6串沙爹，泰式凍檸檬茶，須然我只係叫左3樣野，但我可以講是必叫的食物，老實講未食過一定要去食，起碼可以滿足到去唔泰國而又食到泰國嘅味道。

以前一直嫌太長龍，後來疫情關係少去尖沙咀，早幾日先終於有機會試到，趁住午飯peak hour前去到，仲唔駛等位。兩個人去食，叫咗一個水門雞飯餐，一個豬手飯餐。一上枱以為分量唔多，但食落其實好足夠，飲埋湯和餐飲簡直係頂肚，男人都夠飽。水門雞好嫩滑，點埋個惹味醬汁真係餸飯一流，果然名不虛傳。豬手又腍又滑，骨膠原滿滿，亦係食唔停口。跟餐嘅湯就稍為鹹咗少少，泰式奶茶甜甜哋夠正宗。服務意料之外的好，一坐低就有店員主動放多張椅畀我放袋。見到客人周圍望又會即刻問有咩需要幫忙，抵讚！

行過見到間餐廳咁有泰國feel,停咗睇睇，原來食水門雞，今日同表妹最終決定懷念下泰國水門雞我地無叫水門雞飯，叫了「辣雞絲湯金邊粉」麻麻地，首先粉類唔夠滑，而且好多（比例太多跟主菜），味道也不特別另外叫了「泰式生蝦」不太辣，蝦爽口再點了「馬拉盞通菜」較甜，味道尚可。再叫了「泰式腩仔」十分脆口，肉質分明 肥瘦明顯，外面有芝麻，相當吸引備註：員工十分親切，見我們提著大細包，另給我我椅子放東西今次吃不到「芒果糯米飯，店員聲稱沒有芒果，可惜！下次吧

屬於香港人嘅海南雞飯💛選擇眾多，有水門雞飯、有炸的、有豬肉飯、泰式乾炒牛河、辣肉生菜包、各款串燒，仲有芒果糯米飯🥭.【水門三寶雞飯🐔】HKD62三寶有海南雞、炸雞同雞雜。海南雞入口嫩滑，滿口雞油香，香氣四溢，令人難以抗拒🤩配信醬汁配搭得剛好👍🏻個人相當推薦雞雜，雞雜即雞腎及雞肝，入口惹味且富口感，而且十分香口，令人回味。

今日唻食個快LUNCH一直都想試下佢GE麵, 今次嗌左個牛丸牛肉米估吾到又幾好食牛肉份量都吾算少.個湯吾會好鹹, 但系又夠濃米炒系幼身個種, 吾系浸完湯就粗到意粉咁大條個人幾中意呢種幼身的米粉 另外緊系嗌左佢的招牌海南雞飯叫左雙拼, 飯系油飯, 佢地冇白飯揀炸雞吾會好油, 吾會得個皮, 都淡淡肉不過個人偏好普通海南雞另外都系我地必定要飲的凍奶茶THAI式凍奶茶會有陣香科味不過佢茶底都好濃飲落都好厚, 所以都吾錯

食物質素一般，未入去坐的時候服務員態度已經很差，一坐低勁多規矩，黑口黑面，講嘢冇尾音，不屑嘅眼光，大力放底野，完全不知所謂。如果大家覺得消費於這種服務態度及食物質素低下，覺得值得，你們還可以嘗試。

其實不嬲水門雞飯都唔係特別好食，喺泰國食佢係因為平靚正同埋和藹可親嘅服務。但係換轉呢間香港嘅水門雞飯，如果講好食一定唔係好食。天天海南雞飯好食過佢好多倍。雖然係咁本身都冇咩預期，但係又入到去餐廳嗰刻開始，就發覺有種貼錢買難受嘅感覺，所有嘅員工服務都超級差，佢地嘅面口係黑過包公。生意好唔代表你可以持住好生意就對住啲客人黑口黑面。我係一個支持黃店嘅人，但係我都唔知道佢哋係咪偽黃，一間真正嘅黃店，唔係淨係門口掛住黃色嘅牌，而應該係發自內心嘅善。有緣睇到呢篇文章嘅大家，自己衡量一下仲會唔會再幫襯。