水門雞飯 (萬勤商業大廈)

营业中

休息中

一直都好想試呢間水門雞飯，但次次行過都大排長龍，咁啱遇著呢日12點左右到，成功直接入座唔駛等候！餐廳裝修極具泰國風味，入到去以為置身於泰國一樣，食物價錢亦非常平民化，絕對屬尖沙咀快餐之選。水門雞飯都係第一次試，感覺有啲似食海南雞飯。雞煮得好滑身，但味道偏啖，飯嘅味道反而幾出色，如果份量再多少少就好！餐湯只有好濃烈嘅胡椒味，唔太欣賞。餐飲各點了泰式奶茶及龍眼水，好難得連呢啲特色飲品都唔駛額外加錢，超抵同埋好飲！呢度午餐價錢已經幾抵食，但下午茶餐仲平啲，下次決定再黎試下泰國船麵😋

泰國開過嚟，點都要試下嘅！次次經過都排隊，最後都的起心肝去排一下！其實排得唔算耐，大家都係好快食完好快走！當然點個雞飯喇！啲雞好滑，肥瘦適中。而且個豉油好好味！食海南雞一定要有甜豉油！不過份量有啲少。係尖沙咀開鋪租又貴，咁嘅價錢算係咁！

冇得去泰國旅行，唯有嚟食水門雞飯，疫情下，都要排一陣隊，咁多人幫襯應該唔會差。今日叫咗兩個冬陰功粉再加個生菜包。冬陰功湯底好balance，酸辣味都夠，生菜包亦都好好食，唔太辣，簡單的一個晚餐

水門雞雙併飯可以比你一次過試曬經典款水門雞同炸雞 🤪//個人覺得普通水門雞都幾令人失望畢竟舖頭叫水門雞飯專門店你都會期待水門雞係最好食嘅招牌菜但結果佢係又鞋又無味嘅 😥😥雙併飯會附送兩隻醬汁惹味嘅 但我唔會expect啲雞要下下點汁先有味 😣//不過炸雞我又覺得幾好食係份量少啲覺得大家要食可以叫個淨炸雞飯食 🤤

耐冇出嚟食飯，今日要食返好啲先👍🏻👍🏻兩個人叫咗兩個午餐set 再要加多兩個小食，分別係泰式腩仔，香辣鳳爪沙律😬😬同泰國食雞飯嘅餐廳設計差唔多，非常親民，坐得都算幾舒服，不過冇辦法，佢哋嘅食物真係幾好食，所以客人係比較多嘅，如果想坐得鬆動啲，最好就係過咗午餐時段先至嚟👌🏻👌🏻泰式腩仔～炸得非常香口，不過個人而言就唔係好夠肥，佢仲有少少芝麻香，好食（真心話，雖然睇落份量唔多，不過兩個人食就多咗少少）😊😊香辣鳳爪沙律～因為小弟我食得好辣，我就覺得味道淡咗少少，不過都幾好食👌🏻👌🏻水門雞飯～雞唔肥，但係都好柔嫩，啲飯都夠香，真係連伴碟嗰兩塊青瓜都係甜嘅👏🏻👏🏻生牛肉牛丸牛湯金邊粉～個湯味道好，湯拉高左唔少分，牛肉切得都幾厚，成件事抵食咗好多😙😙兩個午餐set仲有包餐飲，加埋都係$218 ，都算係咁啦☺️☺️總括而言，值得再幫襯👍🏻👍🏻

呢間野長期多人排隊😃​水門雞飯堅好食，啲雞無骨好滑​配埋佢個醬汁撈飯食好正🤤​奶茶夠晒濃味😋​​芒果糯米飯份量唔多 食完無乜feel😂​不過芒果好好食好新鮮，飯暖曖地幾煙韌👍​​試過佢啲串燒同湯粉都好好味‼️🤩​

想念泰國了～ 📍#尖沙咀湯麵可以自選配料食嘢麻煩人士啱晒！🍜幾好！下次要食🐥🍚@watergate_chickenrice #泰式奶茶 🧋好飲！ 茶味濃 唔會太甜或者太多奶（唔太鍾意多奶）！ 可以再飲！🥤飯桶今日本身係諗住去食雞飯 點知去到想食湯麵😢依家返到屋企好後悔🥺 好想食飯（因為今晚屋企係食noodles) 🍚飯桶才會明白的： 米氣!!! 🔥 @watergate_chickenrice_tst @watergate_chickenrice_yuenlong 覺得炸雞翼可以唔使試（非常普通）

食左好多次嘅水門雞，今日先的起心機打番個食評讚讚佢🤪午市同晚市都食過，個人覺得午市實惠好多，跟餐包飲品，份量一樣咁足👍🏻想試晒水門雞嘅雞可以叫《水門雙拼雞飯》，貴就咁單一種雞飯幾蚊，但肉嘅量就多幾多🤪雙拼分別係海南雞同炸雞🍗海南雞肉質嫩滑，皮夠薄，味道就清淡啲，要點特制雞汁先吊番起陣鮮味😋而炸雞就夠晒脆，肉汁仲鎖左起入面🤤最鍾意點埋佢嘅泰式甜酸醬，夠晒惹味😋飯底係油飯，飯粒分明，唔算好重雞油味，個人黎講鍾意重油啲同黏啲嘅飯底😛多人食可以叫埋小食《泰式燒腩仔》，大大份，4個人都夠食👍🏻外皮脆卜卜，肥瘦比例適中，唔怕肥膩嘅朋友一定要食埋肥膏位，哩個先係精華所在！🤤🤤🤤午餐餐飲叫番杯《泰式奶茶》無須額外加錢🤤預設嘅甜度，無得少甜，不過甜度適中，都適合香港人口味😋👍🏻

依間水門雞飯想試好耐今日收工終於記得黎試下~要係門口排隊，大約15分鐘個環境有啲擠迫，冇多餘位擺手袋。要抱住個手袋食飯好唔方便🍽水門雞飯 $52雞肉多汁夠嫩，雞皮都好滑，有碟酸辣汁可以點但油飯唔夠香，偏淡味🍽泰式燒腩仔 $48外皮唔脆，脂肪太多，有d油膩

尖沙咀地舖餐廳理應收費會比較貴，但係呢間親民嘅泰國餐廳收費正常，入面嘅裝修仲好似泰國嘅街邊檔咁，餐枱餐櫈亦都相當地道，感覺非常有特色！ 🍴魚旦魚片金邊粉 ($48) (轉冬陰公湯+$5) ⭐️⭐️⭐️⭐️💫 湯底好有驚喜，唔似平時做湯底嗰d咁，呢個直頭係人地單點冬陰公湯咁，好濃味，帶少少辣同酸味！魚旦同魚片食落彈牙，而且份量都多，推介！ 🍴 水門雞飯 ($52) ⭐️⭐️⭐️💫 飯嘅份量適中，雞肉算多，雖然唔算太滑，但整得幾入味。雞飯附送餐湯，睇落好清但其實幾入味，飲落幾開胃！ 🍴 凍泰式咖啡 ($20) + 凍鴛鴦 ($20) ⭐️⭐️⭐️⭐️ 兩杯飲品都係比較甜，同一般泰式飲品無異，咖啡味幾滑幾香濃，飲落幾清新！ .............................. 水門雞飯 地址📍: 尖沙咀金馬倫道18號萬勤商業大廈地舖 總評分: 7.4/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️💫 抵食💰: ⭐️⭐️⭐️⭐️

次次食親都係叫外賣，例牌叫水門雞飯，今日約咗朋友食飯，佢開到聲想試水門雞飯，就第一次試左堂食。叫咗個蝦頭膏炒雜菜，味道好濃郁，有啲似馬拉盞味，又有啲蝦膏味，份量都足夠，而且好似啱啱炒起，熱辣辣，好食！又叫咗個海鮮冬陰公蛋麵，都幾辣下，海鮮嘅份量都唔少，但同蛋麵吾太夾，叫其他粉可能會比較好。另外就叫左三串雞串燒，單食嘅話冇乜特別，出色在於佢個汁。

成日都聽開人地話食水門雞 好鬼出名咁今日行過見到 就同咗成班同事去食啦果陣大概12點 冇人排隊 我地即刻就入到去坐一入去果陣 個待應態度唔係話好好 但whatever la 大家都係食野啫佢地安排都好好 會提醒話食野先可以除口罩朋友叫咗個水門雞飯 但我自己唔太話好中意食雞 所以就叫咗個粉面 牛肉湯牛丸生牛肉湯金邊粉餐牌上面寫湯米嘅 但會問你想要咩粉 咁我自己就揀咗金邊粉啦 另外我再叫咗個凍泰式奶茶 野食黎到真係嚇親 勁大份 杯野飲都大大杯女仔嘅食量黎講 一定飽 唔會唔飽個牛肉湯超濃味 唔係味精果d假名 一啖湯一啖面最好配生牛肉同牛丸都冇乜特別 就正常嘅 但份量黎講 對得住個價呢碗野仲要平過水門雞飯。。少癲杯泰式奶茶同泰國果d係似嘅 茶味好濃 但有少少太甜我自己飲咗三分一杯就放棄咗 但唔係唔好飲 只係我太飽 整體黎講係好食兼抵食最緊要係呢間野黃店黎 冇理由唔黎食番個lunch下次可以試埋其他 個冬陰功都幾吸引咁

食完晚餐再黎食宵夜真係第一次😂喺泰國水門雞飯有綠色同粉紅色，呢一間有啲似綠色果間🙈🙈🙈✨水門雙拼雞飯（$52）+例湯呢個係晚餐黎既～完全啱曬想享齊人之福嘅我🤪切雞同炸雞一齊試曬正正子。切雞就點薑辣椒豉油，雞皮爽脆，可能係雞胸嘅關係有啲鞋口，不過可以接受😋炸雞就點泰式辣醬🌶，雞皮炸到好爽脆，入邊嘅肉仍然有肉汁。油飯唔算太油，所以就算食曬成碟飯都唔會覺得飽膩😇✨冬瓜例湯偏鹹，飲到胡椒味，但係飲完唔會覺得口渴。✨🐦鴨腿湯金邊粉（$52) -宵夜 炸蒜、蔥粒、豬油渣同炸到好脆既零吞皮，呢幾種配料令湯粉更豐富惹味～金邊粉硬度適中唔會一夾就散💁🏻‍♀️初初係因為隻鴨腿而order😂，不過肉質有啲粗糙，食左一半已經唔想食👀湯底亦比一般船麵湯底淡。我還是比較喜歡雞飯啦～

之前喺呢度食過水門雞飯，豬手飯，炒菜，感覺都OK但係冇乜特別。之前六點幾經過唔使排隊，就入去試吓湯粉。侍應帶位嘅時候有提醒食嘢先可以除口罩，感覺到安心。我叫咗個牛腩豬膶冬陰功，本身驚唔夠飽，但份量都幾多，大約四舊牛腩四個豬潤咁上下。佢個冬陰功唔係好辣，但個味都好食，唔使辣到狂飲水嗰種，呢個真有驚喜同埋我叫咗粉絲，啲粉絲吸晒啲冬陰功湯好正下次試埋個牛湯粉先食完之後大約七點出邊已經有七八個人等緊枱，想食真係要早啲嚟

首先疫情下出街食飯都會格外注意衛生，入店前量度體溫係基本，值得一讚既係職員會温馨提示「食客食物到先除口罩」、及拎完餐具要蓋好盒子，十分細心同衛生本身知道呢間好出名，所以早去，但其實好快有位，亦好快上菜。海南雞飯🐤餐：飲啖雞湯先，湯好清冇油，好濃胡椒味又唔太辣，如果有得添飲就好了😝。雞飯好香，似係用雞湯煮飯，但飯唔油，只係分量啱女士食，男士要加底。雞肉瘦皮薄，質地唔粗，以瘦雞來說算煮得剛好喔！而醬汁係甜甜辣辣的，個人覺得辣左啲。不過有醬都好有水準