水門雞飯 (萬勤商業大廈)

营业中

休息中

係尖沙咀快手食個晚飯，又唔想食港式茶餐廳，水門雞飯都係唔錯選擇。平時都算多人排隊食，次次懶得排隊就費時入，咁岩見到無人排，就諗住去試下。第一次食當然食招牌水門雞飯（$52），叫完五分鐘內就上左。雞肉無骨最岩我呢種懶人，就算唔加$10轉雞髀都算滑，口味略淡，最好都係要配辣醬一齊食。油飯有少少油香，但都係偏淡，份量對我黎講尚可，但大食少少可能就會唔夠，不過$52嘅晚飯係尖沙咀咁樣都算抵食合格。跟餐仲有個湯，胡椒味重，冬天飲可能幾正，但夏天真係不了，可能下次都係叫個泰式飲品好過。

同朋友傾開尖沙咀有乜好嘢食，本身朋友屋企人係泰國🇹🇭咁佢立刻推介好食依間海南雞飯，用咗一句說話而吸引我⋯如果你鍾意食曼谷水門海南雞飯嘅話咁就要試一試！所以我都抱着試食嘅態度因為畢竟係黃店，所以有諗過係咪因為黃店原因而日日排隊。夜晚外賣優惠仲做緊8折（所有菜式），海南雞飯同（bkk)水門嗰間有九成似~分別係佢個雞有雞皮，而泰國米長又有粒感。附送嘅湯用雞湯冬瓜煮食，但如果試過泰國水門雞雞湯係帶有少少藥材味～ 鳳爪沙律：呢個可以唔使特別點，九龍城隨便一間都相對出色。燒豬頸肉：有焦香唔乾，厚薄適合！但差咗一點，就係醬，佢唔係正宗點豬頸肉嗰隻汁，而係比較杰同少少甜辣的醬，扣咗一分整體來講近尖沙咀又想外賣可以一試，因為而家做緊八折係相對性價比高，但如果之後回到佢原本menu價錢算唔平，因為冇九龍城嗰啲咁大碟

係門口見到條隊唔係好長梗係等啦，不過真係好快，10分鐘內已經入得👍🏼·•水門雞飯，加左$10轉雞髀。無骨雞，加上轉左雞髀d肉好滑🤤雞味唔算太重，雞皮夠薄，而個飯香得黎又唔會太油，我地覺得好好味，個雞醬最出色👍🏼不過整體分量比較岩女仔多d•泰北咖哩雞麵。通常咖哩都係配飯，做湯底其實幾特別，湯底好濃味，上面仲有d炸過既既麵，脆卜卜幾野味，不過分量有d多，食得太多有d膩🙈•泰式奶茶。相比起泰國飲到既無咁味，反而茶味比較濃，真心覺得好唔錯🤤🤤

#黃藍是政見好食是良知 #泰國菜 🍴水門雞飯58 蚊🐥下午茶既水門雞飯 雞肉份量都算多 切得厚度大細適中 雞皮比較爽滑 同薄身 肥膏偏少 雞肉有 d似切雞 煙靭有雞味🐤 飯有 d似海南雞嗰 d黃飯 但比較淡 d, 但都幾香 另上既醬汁幾香口 辣椒青椒加上 d薑同甜醬 都幾惹味 .湯就咸左 d有 d辣胡椒味 冇乜味精 整體 都中上既泰式奶茶比較濃味 香滑度正常但偏甜 茶味都濃 都幾似泰國飲嗰隻味#泰國菜 #水門雞 #雞飯 #水門雞飯 #青瓜 #雞肉#黃店 #黃 #黃色經濟圈 #黃藍是政見黑白是良知Score 平均分< 7.4/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#水門雞飯 尖沙咀金馬倫道18 號萬勤商業大廈地鋪~~~~~~~~~~~~=====================Openrice 🍚: 花太郎任何美食😋歡迎inbox 我 , 等我食完開心share！🤓

水門雞飯 $52整體分量少，無⻣雞肉入口嫰滑，但冇雞味，要點辣醬先夠惹味，雞皮爽彈，配上油飯，唔會太油膩，粒粒分明但無味，同白飯冇太大分別，碗湯由冬瓜煮成，好重胡椒味。泰北咖喱牛腩麵 $52主要由咖哩及椰汁製成，湯底較濃，辣度適中，牛腩有牛味炆得夠淋，配上蛋麵有嚼勁，但得兩啖，麵底分量太少，上面的炸麵條，炸得過火太硬加上過多，同蛋麵分量調轉先啱，所以食完都唔飽，同泰國食，完全兩回事，極度失望，下次唔會再食。

記得每次經過都排到水蛇春咁長見到都驚佐唔會排，見難得排隊嘅人唔多叫外賣應該唔會等好耐🤩而且由7月15到21號為止，所有分店1800後外賣自取都有7折優惠😳食個招牌雞飯都係$38🤯.水門雞飯 $52 (外賣+$2 後7折)個油飯香得嚟唔會過油，雞皮爽口唔肥膩肉質好嫩滑🐔加埋佢個醬汁辣辣哋好惹味🤤而個冬瓜湯啱晒夏天消暑飲，清得嚟都幾重胡椒味帶少少辛辣😋真心佢個飯量都真係好多吓，絕對唔會怕唔飽最怕你食唔晒🤣

【水門雞飯】在大埔、元朗、尖沙咀均有分店。店舖使用鋅鐵餐桌，加上附有泰文的雞檔，裝潢很有泰國風情。是日途經尖沙咀，正值下午茶時段不用排隊，便來嚐嚐。點了"水門雞飯"，泰式水門雞已起骨，吃起來啖啖肉。選用走地雞，脂肪含量不高但肉質嫩滑。油飯粒粒分明，帶淡淡咸香。醬汁有別於星馬的海南雞飯，醬油內有蔥粒、薑粒、紅椒粒，甜甜辣辣的很惹味。泰式乾炒辣牛河甫上枱便傳來陣陣香氣，熱騰騰的非常誘人。牛肉味濃有咬口，河粉炒得乾身，以泰式香料入饌，吃下香口微辣。配料有芽菜、雞蛋、蔥段、椒絲，色澤豐富，加些調味架上的花生粒同吃，口感更佳。跟餐飲品選擇很多，冷飲也不用額外加錢。選了"泰式奶茶"及"泰式檸茶"，兩款皆不能調整甜度，但喝下味道濃淡得宜，沒有過甜。泰式奶茶用上泰國手標紅茶，加上煉奶沖調，茶味濃厚，質感絲滑，很有泰式風味。小店服務不俗，無論樓面及開放式廚房內的員工，皆妥善戴好口罩。入座時店員提醒食客只能在進食時除下口罩，執枱後亦會以消毒用品清潔桌面，清潔明亮的環境下，自然吃得放心又開心。

排大概十分鐘左右，佢啲野食黎得快，所以人流都好快。唔洗等太耐就有得食🤤冬陰功海鮮粉佢個冬陰功係泰國嗰種，無港式嘅咁辣、無咁椰同無咁濃，但就會酸啲，醒胃啲我自己唔係好食辣，所以一向都鐘意泰國嗰隻多啲，一飲嘩好想快啲可以飛去泰國！牛肉牛丸金邊粉佢既牛丸我幾like，牛就正常，個炸豬皮粒我覺得好出色！佢個底係牛湯底，唔會話太咸，飲得到後面係海南雞飯加左個雞雜都係嗰句，好泰式😂啲皮無平時咁肥厚，但肉自然好似無咁juicy，但未覺得柴，感覺上幾啱減肥既人食😂雞雜唔係道道有，佢既雞雜好似白烚咁，但當toppings 咁夾其他野一齊食都ok，鐘意食雜既人我覺得可以試吓重點我覺得真係好抵食，兩個人食左三個dish 都係百鬆啲，仲要都算有份量

在疫情中大家未能出國，相信很多人跟我一樣也是泰國的常客，在這半年也不能吃到一口曼谷水門雞飯之下，看到店外在排隊，在這不其然推使下，也隨著五、六人後面排隊，等了約10分鐘左右，一人坐可以先進入，進坐後點了一份三寶雞飯(炸雞、切雞、雞內臟)和一支可樂，等了約10分鐘送上一碟份量頗少的三寶雞飯，兩種的調味醬汁，一種是沾炸雞的，另一種就似是我們平時吃的泰式沾雞醬汁，味道還可以，但因為本身嚐辣，要求侍應拿一些鮮辣椒，馬上給板著臉說沒有，我心想泰國菜怎可能沒鮮辣椒，要不鮮辣椒很貴，吃了一半可樂仍然未來，催促侍應才送來，用了7分鐘完成了這小碟的雞飯，馬上離去，承惠78元！說實話，味道一般，用來止止咳，還是可以，但如果以這價錢，這服務態度……一次已經足夠！相信疫情之後沒可能再出現排隊人龍了！

泰國菜對香港人來說像是有一種魔力：只要有一段日子沒有食就會想念它的菜式、調味、味道。看來今年都沒有機會可以出門，今天就來食泰菜止止泰國癮吧！舖名為水門雞飯，當日要點碟招牌雞飯試試。水門雞飯對會去泰國的香港人並不陌生。聽就聽得多，但去過幾次泰國的我從未食過。點水門雞飯配有一碗湯和用來沾雞的醬汁。湯的胡椒味很重，帶點辣，裡面有一件冬瓜。醬汁濃味，酸酸辣辣配著雞飯很惹味。上次去泰國，整個trip裡都數不到飲了幾多杯泰式奶茶。剛好來食泰菜，當日要點杯泰式奶茶($20)懷緬一下在當地的時光。想到泰國人的口味偏甜還有一大杯都是冰，打算要少甜少冰，但原來只可少冰，甜度不能調。泰式奶茶有種特別的顏色，這杯幾似樣。飲一啖，嗯！就是這種味道！雖然不能少甜，但對我來說可接受不算超甜。味道是以正式的泰國手標茶茶葉沖製而成，所以能夠飲到獨特的茶香，配合煉奶的甜味就是在泰國當地飲過的味道，在這麼炎熱的天氣下消暑一流環顧四周，基本上是每檯必叫的水門雞飯($52)，看樣子份量比較細。每一件雞切得雞幼、沒有骨。質地算滑，雞皮也十分薄，整件雞沾點醬汁更惹味。油飯程淺黃色，有雞油香得來不油膩，不自覺會食多兩啖不過份量就細了

💛水門雞飯·呢間一路都聽過佢 但係從來都無食過 難得個次我地本身睇個間餐廳無開 我地就終於去左試🤭🤭·泰式香辣撈金邊粉 $52呢個我見到menu已經覺得好吸引 超想食 所以就算我難朋友唔食牛我都忍唔住嗌左🙊🙊佢真係超級惹味 不過我覺得有D辣 要係咁飲野 但係個辣係好味個種辣🤤🤤佢D牛丸阿牛肉個D都幾好味 幾彈牙 唔錯唔錯😙美中不足係佢配個個蝶豆花茶特飲實在太甜膩膩啦 我真係唔係好識欣賞 所以我最後仲加左一支水🤣·水門雞飯 $52呢個相對黎講就無咁出色啦我覺得 佢個雞都滑既 但係唔算好嫩 而且個皮好似無洗得好乾淨咁🙊我自己好似都係中意海南雞飯多D🤣🤣🤣·#rbyeat#rby東南亞菜#rby💛#rby尖沙咀 #rby大埔 #rby元朗·📍尖沙咀金馬倫道18號萬勤商業大廈地舖📍大埔汀角路11號地舖📍元朗教育路24-36號百宜樓地下A號舖

依間座落金馬倫道、加拿分道交界尖沙嘴核心區嘅泰菜餐店其實經過多次。今日有機會同個朋友來食飯試一試，餐廳牆身以少量泰拳用品裝飾，廚房一邊掛上原隻原隻煮畢嘅招牌雞，感覺似大排檔。水門雞飯 招牌菜式更係要試試，拆骨雞肉入口倍感肉質嫩滑，點少少泰式醬油加幾分惹味；配雞上嘅油飯粒粒分明，有淡淡嘅雞油香而且唔太油膩，不過份量偏少。依個飯唔似大眾認識嘅泰式食物，反而似海南雞飯多啲。好彩有嗌多個 鳳尾蝦泰式金邊粉 打底，中蝦大細剛好，風沙式炸蒜粒加少少青檸汁上去唔覺辣之餘又充滿泰式風味脆炸蝦波新鮮熱辣，點心大小，調味亦唔錯，一點埋嗰醬汁就十分有泰色小食風味，作小食送飯送啤都唔錯。蝦頭膏炒什菜，睇個菜名估佢係味濃食物 ，結果入口蝦頭膏味又唔係咁突出，啲菜爽口得黎入面唔太淋。叫咗四碟嘢都係兩舊水多啲，尖沙咀嚟講都算抵食！

如果唔係咁好食，又咁黃，真係唔會去咁多次。但獲獲新鮮獲獲甘，一向d員工態度已經唔係好，都無所謂，語氣起碼係可接受。今日呢個員工又系又mk，真係壞過凱婷。首先，去到，非繁忙時段，裏面有好幾個吉位，我兩位，未人齊，但我話我會見住野食先，唔會走數，朋友五分鐘內到。呢位壞過凱婷嘅員工話唔得，要我34度企係門口等到身水身汗都唔俾我坐低。唔緊要，可能係有規矩，我黎食野我一定會遵守。外面身水身汗等咗一陣，另一個員工叫我入去，我話我未人齊喎，佢叫我照入，我先知原來係無呢個rule. 想問，呢位mk員工係咪呢度老世？ 仲有，我朋友到咗，入到黎見到我，同呢位mk員工講咗聲有位了，就走入黎，咁你地要量體溫，可以，咁咪叫住我個朋友囉，話先生要量體溫喎，咁咪得。 呢位mk員工話，hello hello hello hello hello ，現場又嘈，你淨係講hello鬼知你想點呀？ 男士要叫人先生，女士要叫人小姐。你點做服務行業？語氣仲要系到好似d客係你債仔咁。

平時經過成日都見好多人排隊，今日企左喺街諗緊食咩嘅時候，就見到對面係佢喇，終於有機會黎試下。夜晚8點幾，都有幾張檯要排，不過等左5分鐘度就入得，好彩過左食飯時間。我好鍾意食泰菜，泰式奶茶係用煉奶沖，更加係我嘅至愛呢度嘅泰茶唔太甜 (同ChaTraMue相比) 但茶味好夠呢度出名水門雞，對於我黎講只係白切雞，我不嬲都唔鍾意食，所以叫左個雙拼，感覺炸雞點都唔會難食。一上檯係碗湯同2個醬，湯超重味精! 之後一黎碟飯，我嚇左一下-咁細碟嘅 (可能隻碟太大) 水門雞無味架，所以應該先有咁大碟醬配，炸雞如是豬頸肉係其中一樣可以睇果間餐廳嘅水準。試過有d餐廳可以係白烚咁。呢間算係唔錯，唔會太乾。但最好味都係我食評中嘅另一間泰菜炒通菜味道幾好，份量都算大碟。總括黎講，喺尖沙咀呢個旺區咁嘅價錢係好抵食，比我預計中平。味道不錯，不過食完超口乾。大家試下唔飲個湯會唔會好d

之前女朋友因為見到好多人排哩間餐廳，一直想話試，咁我哋嗰日算早，6點零就去食，排咗10分鐘左右就入得去近排因為疫情嘅關係，基本上都冇得去外地旅行架啦...想食泰國嘅風味？嚟水門雞飯啦！！價錢算平民，但係門口經常經常大排長龍，想食嘅朋友要預時間排隊喔👇哩碟就係佢哋嘅鎮店之寶啦👇雞肉質地係嫩滑嘅，加上香噴噴的油飯，確係唔錯嗌水門雞飯會跟埋一碗冬瓜湯，清熱解暑。我哋仲叫咗個「泰式炒通菜」最後埋單Total $ 156價錢可接受，係要排長龍姐