水記

营业中

休息中

都講過，中環是另一大排檔集中地，趁天氣未熱，是日下著不少的雨兼午飯時間已過，大排檔實少人，又來吃一下。去個鍋度望望，是汪洋一片，想吃的各類牛什都賣得七七八八，剛好見有塊爽腩舖面，就改變一下，要了碗爽腩米，阿姐又話炸雲吞不脆，就要了幾時都必脆的炸魚皮。米粉沒有鹼水，但例牌吃點酸蘿蔔，當開胃口。爽腩是靚的部份，廋的部份也鬆化，而腩邊的部份爽口，十分不錯。可惜湯底是「世界湯底」，如果是用牛骨熬的話就更好，當然，不是間間都是九記，這裡都已不錯；炸魚皮其實是炸魚骨，是當天晨早炸的，條條都卜卜脆，吃了這麼多年都未失手過，也是必叫。埋單24蚊，以大排檔來說，不便宜，計及水準，當然食得過。

星期六放工, 差唔多兩點走去搵野食.一路行一路唸食咩, 雲吞麵? 粥? 燒味飯?? 結果行左來呢度, 天陰陰唔熱, 即刻坐低試下!同惡男一樣, 第一句問有無牛沙瓜, 亞姐都係答無. 結果要左牛雜米. 牛雜好夠味, 夠淋, 唔係"扯"住來食, 不過間中有一件半件牛肚就過淋. 湯底好鮮, 唔油, 結果飲到近見底, 好滿足~食到一半先醒起唔記得叫埋牛腩雙拼, 一定會再來試, 可惜平日收五點三, lunch又多人, 睇怕都要等下個長週先得喇!!

午市坐無虛席，但食評卻只得寥寥18篇，看樣子，與這裡地痞格局不無關係；昨晚飲得爛醉如泥，又訓得兩個鐘唔夠，七點未夠扒起身，忙了大半朝，滴水未落肚。路過水記，雖然人多，但想食碗麵清清酒氣；「阿姐，有無沙瓜？」「衣家無啦！」「咁心頂同脆骨呢？」「有心頂」咁就要了碗「心雜河」，即牛心頂併牛雜，說到水記，牛的奇怪部分都吃得到，牛心頂、牛脆骨，好彩的話連沙瓜都吃得到。全場爆滿，要坐到茶記隔離，烈日當空，曬得叫苦連天，「心雜河」唔洗5分鐘上到來，又真的佩服佢地，永無漏單。叫心頂純粹是取其咬口，牛肺夠嫩，腸去了油是尾中不足，連湯帶河一併吃掉，埋單走人。食完，大汗淋漓，味道是無話可說，不過要大熱天時到水記，又真的是「難頂」，清醒了一點，走到IFC天橋又見到熟人，又說起叉燒，香港好野食真的很多，水記是一例、永盛亦是一例，但食完知係乜？對面2笑1中立1喊就是答案。p.s價錢包一罐coca

雖然人怕出名豬怕肥，但係我偏偏唔想水記出名。終於可以返o黎食牛雜河（原本想同牛脆骨雙併，可惜無貨）：仍然都係自家切、自家調味、自家煮既內臟，湯底用既仍然係自家製既腩汁，但係...人多o左、掛出o黎既食評多o左、污糟o左、阿姐換o左...最慘既係，連我最鍾意既自家醃製既酸蘿蔔都變o左：細粒o左、多糖精o左。雖然碗粉仍然係即煮，但係...係細o左、少腩汁o左、粉散o左、料少o左（肺仲有血水？）...。...俾番以前既水記我呀！！！！！

正當在街上遊盪, 煩惱午餐吃什麼好的時候. 見到巷子裡有個檔口貼咗張紙"沙瓜冇双拼". 一於坐低嗌咗碗沙瓜麵試下. 一路食一路估緊到底沙瓜係咩嘢...食的時候除了覺得這個沙瓜,軟硬適中(不像一般內臟熟過頭時太腍.或太硬). 口味方面並沒什麼特別的感覺. 直到吃完回辦公室, 嘴裡還有先前吃的麵的味道.才恍然明白. 原來這就是所謂的"回味無窮".註:謝謝火車頭Fant的解釋, 原來沙瓜即是胃...

一條友食lunch,有成個半鐘食喎,咪去中環遊囉.估你唔到,平時深係識食過下餃子園,勝香園,今日就去搵下,睇下有冇新野食…行下行下,見依間好懷舊,d人又好似食到津津有味咁,就坐低食.叫0左牛腩河&炸雲吞, 初時以為係柱侯牛腩,點知…係我最中意既爽腩呀!!!個腩食落呢…都幾好,爽爽地,唔太”淋”,有牛味…^-^ 份量大小適中,以$14黎講,算係好ok啦!係中環喎!個炸雲吞,普通啦,炸得脆口乾身,唔油,係幾好,不過d餡,食唔出係咩黎…最失敗就係依個位..p.s: 佢個價錢牌有d misleading喎,因為人人都以為單拚要$17, 其實係雙拚先係$17. 炸雲吞就$8.整體上黎講係好幾好食,又平.

1月20日13:45和太座看完早場後，分道揚鑣，她繼續在IFC遊蕩，我需繼續開工，心引起但先在這裡吃麵才回公司。先要了牛雜河，再要淨雲吞。牛雜河：腸、肚、膀、肺仍是淋和入味，河粉偏淋和輕微糊口，湯太少。在吃雜河時，看見貼在檔內的剪報，介紹門鱔雲吞，見胃仍有空間，便試。門鱔雲吞：燕尾雲吞，餡料鱔比肉多，有點像魚皮餃，但口感和食味，更勝魚皮餃，付上的菜心甜而不老。酸蘿蔔：爽脆，可惜糖精太重手。

我之前係度睇見咁多好評,so我專登lunch hour走去試下..可能lunch hour太多人丫..我最後係座左係條巷裏面..都幾dirty=.=不過如果真係好味..dirty d 有咩所謂.我就叫左個爽腩米..因為我睇d 度好多人話腩好..d爽腩係幾好..不差..但個湯我覺得比軟普通左d..唔夠特別..都可以一試既

去完勝香園,火都黎,又唔飽,點都要食d野安慰下失落既心情,雲吞水準依舊,可惜麵底皂水味好重,有點美中不足!

覆水難收的某年時刻，同阿咪去水記，成為見證倒數。其實只不過係一間好好好普通的麵檔，如果唔係大牌檔，唔係平的話，真係搵鬼去。好耐無試過的，係羅對筷子去淥麵兜滾水度淥兩野。感覺好似當年落街宵夜。

口快快慣性叫「牛腩河」，始發現有「什」，遺失已久的宵夜日子霎時在腦海浮現：老爹間中愛吃什，總會分一杯羹，自己選吃肚、膀、筋、腩；肺卻甚少接觸，見阿姐跟客人說是日沒有「肺」，客人那點點失落，盡在面上。自問對「牛」認識不多，單單看這裡數個食評幾乎給嚇壞了，簡簡單單只憑「入味」、「韌／腍」、「筋／腩」方面著手，沒有吃得那麼講究，請見諒。跟平時吃開的「腩」有很大的分別，賣相是整整齊齊的一片片，往常是「一舊舊」總有ｏ趙不開的腩，這裡卻是腍腍的，很嫩；味道「清」，不像那些濃濃的；最愛的是那冬菜加蔥粒。叫炸魚皮是賭自己的氣，話說上回路經此地見「淨買炸魚皮不賣」，心想：「係咪咁掂呀？！」，所以今回一定必試；非一般貨式，起碼沒有外邊那些近乎吃「醃料」皮口渴死那種感覺，純粹炸魚皮，有些是有骨的，果真卜卜脆，不油膩喎。熱辣辣，好應找過涼快地，喝冰凍飲品，吃消暑食物。但偏偏揀大排檔，一心找勝香園，卻迷了路，走到大排檔盡頭，有一間類似，只得一檯客，沒有舖頭名，沒有餐單，只怪自己「大鄉里」，最終坐這裡吃牛腩河　＋炸魚皮，也不愁無著落，只是「小志強式」捲高衫袖，大汗疊細汗吃而已。下次望有明燈指點迷「勝」吧～

要去東京公幹，早上要回公司處理瑣碎事項。實在接受不了飛機餐，只吃得下雪糕，所以習慣是吃飽才上機。因為東洋拉都係好，但本地粉麵其實都好強，加上幾日都無得食架啦，所以就來了這裡。沒有牛沙瓜，只得牛脆骨，所以就要了碗牛筋爽腩米，例牌加碟炸雲吞。吃麵前，當然要吃一埋酸蘿蔔，阿姐體貼的給我拿來碗仔，方便我吃完又吃。這裡只有酸蘿蔔，比永華好，但當然比不上劉森記的，因為那裡還有醃辣椒，又酸又辣，正到痺。碗米粉有水準，牛筋軟腍入味，牛爽腩亦爽口唔韌，當然比起九記，是毫無疑問的比不上，但已不錯；是日的門鱔雲吞不太脆口，火氣欠奉，同老闆詐型，佢立即道歉，並謂天時熱，南風起，炸起的雲吞會無咁脆，但就日日新鮮炸的，呢點的相信，因為成日朝早去威記食粥，都會見到老闆在開工炸野。雖然是大排檔，坐在斜路上，環境幾差。但招呼的阿姐及阿哥是有求必應，要腸頭或走青又或要多肚定係加塊炸魚皮，都照單全收。另我倒瀉了湯，阿姐是立即拿布來抹，與勝香園一樣，是令人有賓至如歸的感覺。埋單28蚊，經濟抵食。唔怕熱的話，這裡是絕對的值得一試。出發去六本木食拉麵啦！

原本兩日內既第三碗爽腩麵,但係竟然無,只好叫碗普通牛腩,不過都算平均,牛腩夠淋入味麵夠爽,加上任食既懷舊醃蘿蔔,幾得意!

去完勝香園,順道行過黎,佢地11點半先開門,由於我地已個肚就黎有晒quota,所以只系叫左爽腩牛脆骨麵,芥蘭及炸雲吞;本來想食沙瓜但咁早未有.爽腩牛脆骨麵$20---爽腩不錯1碗有4-5舊,頗入味;牛脆骨亦幾好,一咬落去確系脆!麵亦挺爽口,有少許梘水味;至於湯底方面也不賴,清清地,冇九記及華南的咁濃.炸雲吞$8---完全吾掂!淋+咸,冇水準可言!芥蘭$8---幾嫩,幾爽,鮮甜!

幾日都無飯癮,放工又去食麵,lunch未到兩點,想食爽腩又無,只好叫碗門鱔雲吞麵,點知唔夠十分鐘,雲吞都無,有無咁利害呀?雲吞雖然細粒,一口咬晒,但唔似我地平時食既蝦味,幾特別,麵就一般,不過我好鐘意食佢d蘿蔔,我一口氣食左三份一樽,到我走人時,個阿姐要換樽新慨!不過我口癢,轉個角去九記食牛腩