民華餐廳

营业中

休息中

今天早上想吃蕃茄湯的早餐，腦海中必定會選擇這一間餐廳，因為他的番茄湯絕對是全柴灣最出色的，番茄湯極之濃郁充滿蕃茄味，另外還有香華炒蛋及厚厚的多士。同時我亦推介他的姜絲牛肉通，亦都是薑味十足。

假日諗住食個平平地既茶餐，佢門口有麵包外賣部，見幾多街坊幫襯，應該可以一試~其實平日真係好抵食，不過我地今日唔係，所以收左茶餐原價$41.牛肉似係罐頭野，不過味道正常，呢個價錢黎講，個質素岩比例丫，味道不錯。麵底唔算彈牙，不過都無煮到過火，可以啦！要左烘底多士，咪睇張相黑黑地，食落唔算燶，中間夠牛油，麵包夠鬆軟新鮮，就咁食都好正！炒蛋份量唔算多，不過配成個餐其實係夠食，可能只係我自己好鐘意食炒蛋所以覺得少.炒蛋都算食滑有蛋香，唔錯呢間餐廳有個特式，就係fusion到有中式點心，一盎兩件得黎又可以飲番似凍檸茶，簡直夢幻！不過，因為我想食甜野，所以叫左西多士上碟時有舊牛油，但本人影得太慢，溶鬼左，證明温度夠熱！黎既時候切開晒一舊舊，好方便！麵包厚切，真係好鬆軟，如果裡面有埋花生醬餡可謂係無敵，我唔介意比多少少錢，因為個包真係好正！唯一可以改進係蛋汁吸得唔夠多，個包做得咁好唔好浪費丫，吸多d蛋槳會香好多！另外係煉奶亦一早落好，本人覺得略甜。賣單唔洗八十蚊。不過開頭我地唔知假日個西多士茶餐係唔包埋飲品，我地以為包餐飲，落單時亞姐又無話要加錢，如果杯野飲仲貴過件西多士，我地一定唔會叫囉，埋單先發

我喺呢間餐廳入面最鍾意就係食佢嘅常餐佢嘅常餐就蕃茄湯底嘅通粉或者公仔麵等等而且仲有一種配料 我多數會揀牛肉 非常之好食而且個餐仲配埋滑蛋加多士都只不過係40幾蚊我覺得非常之抵食

每次黎食民華我都鐘意嗌佢地嘅常餐 我會揀蕃茄叉燒米粉 佢地嘅炒蛋都唔錯 幾滑 常餐我仲會必揀多士 脆卜卜好好味架 佢地嘅奶茶都幾滑 所以我成日嗌凍奶茶 睇落好似唔多野 但食落就覺得夠晒飽

以前仲讀緊書嘅時候都會去柴灣興華商場食嘢一味夠平民華餐廳無論早午晚餐都一樣咁街坊受歡迎除咗價錢平之外又有鳳爪排骨蒸飯土魷肉餅蒸飯朝早好多公公婆婆嚟食早餐添啊仲有佢哋嘅餐包新鮮製造一如繼往我好鍾意食蕃茄通粉佢哋嘅湯底係濃厚鮮味常餐嘅配搭亦都好彈性鍾意食腸仔 / 餐肉 / 火腿 / 叉燒亦得反蛋 炒滑蛋 太陽蛋乜都得牛油多士仲好香口再加一杯少甜少冰凍檸茶但係好爽YY呢！如果第時我離開咗香港一定會好掛住呢間茶餐廳！！！！！

今天星期六假休息，同家人到柴灣拜山後，去附近地方醫下肚，黎到興華廣場見到民華餐廳剛剛有人離座，即入唔使等位先唔講食物住，入座坐於卡位，叫左職員三次秉先黎執枱好明顯員工人手極之不夠。而坐我後面的客人叫職員比杯水佢，職員話無杯呀，洗唔切之後隔離枱位食客只叫了杯奶茶同雞尾包，個雞尾包足足催左4次，等左成10分鐘先上(麵包並非即即焗，只係在門口賣麵包位置放在碟上比個客)仲有內裡行人通道位極之狹窄，如手持一袋物品行十分不便。今次叫左兩個滋味常餐。鮮茄牛肉通粉，牛肉無乜牛味，蕃茄肉好生，好明顯生切完臨尾放落湯度滾一滾算。鮮茄叉燒通粉，叉燒有蜜糖味識揀一定揀叉燒好過牛肉多多倍多士不用加錢食到，值得一贊而且仲係厚多，另牛油亦多，美味餐肉炒蛋正常，但腸仔只係白灼，如果煎一煎佢好較好最後食飽埋單前經過水吧前，坐喺附近見到咁環境都無乜胃口🤢常餐價錢雖然優惠而厚多士亦美味，但員工人手不足同環境差都令人失望😞唔想再幫襯。

悠悠閒閒的一天，瞓醒咗之後， 當然要食番一個靚靚早餐。 今日係假期 好多地方都迫滿人， 留返喺屋企附近消費就最實際啦。呢間茶餐廳我都幫襯過好多唔同分店， 喺柴灣區比出面其他地區平少少價錢。 比起快餐店又唔使 排隊打買飛 ，又唔使自己去攞餐， 侍應服務又唔差， 三十幾蚊一個餐身係已經好超值。選擇了三個餐沙爹牛肉米粉+ 腸仔炒蛋多士+ 熱檸茶沙爹牛肉通粉+ 腸仔炒蛋多士+ 熱檸蜜番茄牛肉通粉+ 腸仔炒蛋多士+ 熱奶茶另外做嗌多咗個 😋招牌西多士😋我最鍾意食沙爹牛肉， 呢度嘅沙嗲牛肉嘅味道都唔錯，唔會太辣又唔會太鹹， 米粉同埋通粉都爽口彈牙。最鍾意就係佢個炒蛋，非常嫩滑有蛋味， 水吧沖野飲都ok，奶茶又滑， 檸茶茶底香濃🍋

文華冰室有個抵食推介啊，佢個鳳爪排骨飯，都係26元，但係呢就唔包嘢飲嘅。另外呢佢都有其他選擇，例如煎蛋牛肉飯，噉如果想平平地食個午飯呢，呢個都係一個幾好嘅選擇。

柴灣好多間茶餐廳，始終都係覺得呢間最好食。今日我點咗雪菜肉絲米粉，佢會包埋兩塊厚厚的多士，另外仲有火腿同埋炒蛋嘅，我最鍾意食呢度嘅多士，好香口。另外包埋杯熱朱古力，價錢40元左右。

今日見收早，所以我就去左附近民華食個下午餐。由於真係幾肚餓下，所以叫得都幾多野。包括：咖哩牛筋腩飯餐，沙嗲牛肉通常餐，西多士❤️❤️❤️咖哩牛筋腩飯餐這個係我民華入面最愛的飯餐。當中有好多選擇，比一般餐廳多好多😆👍🏼森仔叫左鮮茄火腿通粉，湯底夠茄味，亦很濃，岩晒森仔的濃味怪😂再配左午餐肉炒蛋，午餐肉煎得香口好味，而炒蛋更是很滑口，重蛋味。應該用左靚雞蛋🥚和牛乳來炒😆🤓而焗多士，森仔加左2蚊變左果占牛油多土😍😍好味到爆，焗得香脆，又酸酸甜甜的，真係好好食。連森仔不愛食麵包的也愛上😘另外，叫左招牌咖哩牛筋楠。咖哩汁夠濃夠辣👍🏼👍🏼係東南亞口味！而牛筋腩炆得夠稔身，d牛味落左咖哩到，而咖哩味亦入晒d牛肉到，正🤓🤓🤓飯上面仲有一隻煎蛋🍳係流心添，正到暈👍🏼👍🏼份量亦十分足料，森仔我食完都要捧住個肚走😂😂😂夠晒一個成年男人食量👍🏼👍🏼再加配左紅豆冰，粒粒紅豆，配上淡花奶，正！童年回憶反晒黎！西多士e個係無得輸！用蛋漿包果後，煎得香香脆脆的。滿滿的雞蛋香味，再配上煉奶和牛油！真係好味到爆🤓😆最重要係邪惡指數100分，令人食唔停口🤫🤫🤫整體而言，民華果然係街坊的飯堂👍🏼👍🏼又平又抵食又大件🤓近近地必食之選

今日中午黎到柴灣呢一間茶記民華餐廳，星期六既中午唔駛等岩岩仲有一台卡位，呢間茶記既特別之處係佢有埋點心同埋蒸飯食，點左呢個廿幾蚊既鳳爪排骨飯，飯不會蒸到太林，配上檯面上提供既蒸飯豉油幾好食，排骨都做到肥瘦適中，不錯👍🏻。另外點左一個咖哩牛筋腩飯，響飯上面會比多一隻煎蛋，一試佢既咖哩竟然有彩蛋，味道濃郁既咖喱，有一種特別既咖哩香，而且係一般人可以接收到既辣度，撈飯食好開胃！牛腩都炆得幾林，唔加野飲46蚊。所以中意食咖喱既朋友值得一試！

午餐時間兩個人去到民華，估唔到出面甘多人排隊。😂 好在都好快有位。由於唔係好餓，兩個人叫左個茶餐同西多士share食! 😚先講一下個茶餐。只係$41 有個沙嗲牛肉麵，又火腿炒蛋跟多士，非常豐富😂 份量都幾多，食物有質素，絕對唔hea。另外，一定要講下西多士! 😍 超超超好食 (純屬個人意見🤭)個多士嚟到嘅時候仲好熱好香， 見到都流曬口水。再加上牛油同蜜糖，簡直冇得頂。🤭 個多士都幾厚，又冇番整ge感覺。😋 力推👍👍

早兩星期喺附近做嘢先來呢間茶餐廳食完，一直好印象深刻個西多士非常之正今日咁啱同成班同事過嚟青年廣場開會，一於再encore食西多西多西多 西多上面塊牛油真係好鬼大舊又邪惡 ，但咁抵食又好食西多一定要食 食完西多即時叫返碟菜心 ，彌補番食咗咁邪惡嘅食物 菜心都ok wor 10幾蚊算大碟之後就梗係例牌叫埋個常餐，叉燒麵同叉燒飯 叉燒份量十足，麵身夠爽唔會太淋，流心蛋非常流心，真係好夾個飯 呢間真係糧尾欣物 ，又抵食又好咪又夠晒平

1.沙嗲牛肉通粉味道ok，幾濃郁2.個腸仔同炒蛋係完全唔熱，直頭係攤到凍哂嗰種3.啲嘢到左，但係完全冇餐具，諗住叫戴眼鏡個男仔拎，佢望都唔望下，就咁講: 等等，服務十分唔掂係40幾蚊一個常餐，唔應該要求勁好服務，但係基本嘅態度都要有囉，好心將心比己啦，食嘢冇餐具，仲要啲侍應扮忙走黎走去其實根本都冇嘢做，成班係度傾計，送餐又亂咁送，問都唔問就咁放落黎，唔怪得咁少人食，最基本應有嘅服務水平都冇，唔知呢間公司點訓練啲同事!

中午想吃一些簡單的食物，便想到道間民華餐廳。點了沙爹牛肉通粉，餐肉炒蛋，多士，凍㗎啡。其實這個餐性價比高。沙爹好好味，只是不知為何今次的通粉比較硬，炒蛋好滑嫩，多士外脆內軟，㗎啡味澴。看似不多食物，但其實吃完是很足夠。整體性價比高。