民聲冰室

营业中

休息中

成10PM先去到，咩都無得食LA。。好失望肉餅無。。排骨又無。。最後是但叫左2個送～口水雞＜＜＜ 肥美又林又滑 不過係凍食？。。淡左DD～生菜鮑汁螺＜＜＜ 一般～都OK，酒樓食飯味道但就親民價＊＊口水雞其實都唔錯，係嫰滑板鹽焗雞但無咩驚喜。。今餐只覺得一般出街食飯感覺。。下次1定要試埋肉餅先再下定論

開車來到大坑, 遠見這間小店已排哂長龍. 所以決定要試一試.2個人只叫左蒸肉餅同埋芥蘭炒牛肉. 蒸肉餅可能係加左好多肥肉. 所以入口即溶. 但感覺又唔膩. 好味!芥蘭炒牛肉都不錯. D牛肉好林, 芥蘭唔怕好老. 只兼太細碟2個人食到LUM LUM脷. 好滿足~ 好似返左屋企食飯咁. 一定會再黎!

以前一向都係嚟食lunch, 而家响老年咁遠返工, 好掛住呢度嘅肉餅! 今晚帶住大小公子去維園行年宵, 因利成便, 就帶埋佢地嚟夜探民聲! 接近八點, 民聲門外已有十個八個人排隊, 原來車位更加難求, 兜了好幾個圈先有位泊... 坐低後, 眼見少東主撲來撲去, 似人手極為不足... 我也嗱嗱臨落柯打, 叫了: 招牌鹹蛋蒸肉餅 - 無嘢講, 次次食都咁好味! 口水雞 - 賣相因醬汁太多而失分, 但其實味道係唔錯的! 蒜片炒豆苗 - 還不錯, 落蒜片轉用蒜蓉, 加點椒絲, 則更惹味!味道是無可置疑的, 所以引來一大班食客, 但人手招呼不足的確很嚴重... 反而午飯時間還好些!

睇過各位食評, 慕名而嚟Order左"1) 塔型咸蛋蒸肉餅 - 鬆左d, 但味道唔錯, 送飯一流2) 口水雞 - 雞味馬馬地, 不過口水汁幾野味3) 膏蟹蒸水蛋 - 蟹多膏, 蛋又滑, 味遍淡樣樣都OK, 但無乜驚喜 (可能期望過高)順路可以試試其他出品!

係摩頓台踢完波,順路行過去大坑搵野食。見到呢間咁多人食,每台都係咸蛋肉餅同豬扒抄意,坐低就叫呢兩樣。肉餅先上,鬆軟,好食,送飯一流。豬扒炒意夠份量,兩大塊,但同咸蛋肉餅比就比下去。咸蛋肉餅飯如果要凍飲埋單都52,我就覺得唔太抵食喇 lunch ja wor....anyway,行過大坑諗唔到食咩既呢度都可以一試既

慕名而來, 一試鹹蛋蒸肉餅. 鹹蛋黃正, 但肉餅用了太多肥豬肉, 所以才有很滑的感覺.還好奶茶不錯, 但吃完了到晚上仍有 '漏' 的感覺, 想起那些肥豬肉. .....

專登去試下肉餅, 二個人食分別試了1) 泰式排骨無咩特別, 排骨多骨小肉, 唔係特別出色2) 肉餅我自己覺得真係幾好味, 不過成48一碟似乎貴左d我朋友就話肉餅太過粉, 佢唔太中意食3) 雞雞好滑, 都算可以整體上, 會再去既, 不過會隔好耐先再去但我朋友就話食物全部都係過甜

行經此地很多次直到今天才第一次幫親. 叫了肉餅飯及凍檸茶.肉餅飯 $38 很鬆軟,味淡跟飯一起吃幾好食. 不過肥肉比較多, 所以要ON DIET既人就唔好叫啦.凍0茶- lemon非常fresh, 第一口以為自己飲緊nestle ice tea 添. 雖然有寫min 既消費係$38/per person 但友人真的想唔到咩要食, 所以我仲擔心真係2人要收足$76- 好在d 哥哥都好好人,見我地甘快還台,只收我地$51.

星期六去完花展順便去民聲試一試午飯，叫左招牌咸蛋蒸肉餅、帶子蒸豆腐同义燒炒蛋。肉餅真係好鬆軟唔老幾好送飯，不過其它就無乜特別。唔係順路無謂專程去食。另外一提係佢地啲樓面態導好好，即便忙到氹氹轉都好有禮貌。

報紙雜誌介紹得多大坑的'民聲冰室',想吃「金字塔」咸蛋蒸肉餅久了,去花展前先去醫肚!配白飯$38 --- 果然是金字塔式! 肉餅好鬆軟,原來那甜豉汁是精點所在! 肉餅一點都不酥,即叫即蒸~ 甚少肥膏,我一個人吃不下一碟,份量十足,可是配上的白飯又乾又硬,放了很久似的,不夠熱...$28 --- 豬扒跟丁麵分開上,豬扒是連著整粒蒜蓉一起煎的,在底貼著,很香蒜香味,不過沒切開一份份,吃得不方便,丁麵是你我家中必有的出前一丁,普通沒特別...飲品沒誠意,檸茶明明叫小甜郤一點糖水也沒,兼沒茶味,另外檸水又勁甜...店裏只有三張枱,即12 個位,太小,所以大部份食客在坐街邊吃,待應只有三個,好忙似的,連落單的時間都沒有,總之好多客,好好生意,叫了4次落單事頭婆先有空問我們食乜... 眼見其他食店都好靜,大坑莫非只有'民聲冰室'才這麼好吃? 我覺得又不是,只是傳媒大肆報道吧... 另外星期六、日去沒有跟餐,午飯沒飲品包括在內,要另叫的,$38一個飯加飲品$12共$50一餐晏仔,街邊檔茶餐廳來說我覺得有點貴...

話說前一秒喺隔離間潮民打完邊爐激到一肚氣,個肚好似無嘢落過咁...一氣下去咗呢間食...(亦係我一開頭就主張嘅)叫咗膏蟹蒸水蛋,鹹蛋蒸肉餅,口水雞, 清蒸黃花魚,春卷加白飯~看着四眼哥哥忙碌的身影來回穿梭,不亦樂乎~膏蟹蒸水蛋: 一絕~是真的膏蟹啊~連殼也有蛋呢~鹹蛋蒸肉餅: 哈哈~是5層寶塔沒錯~水準及得上grandma的好手勢~口水雞:不錯,也堆成一坐山啊~清蒸黃花魚:大魚內有小魚呢~春卷: 謝了...不過四眼哥哥口快快說是放久了~再叫了大可樂~真的是滿足了~之前的氣也因為這頓飯消了~

星期天又到大坑嘗新，唉!又再次與Rouge無緣，只好另覓食點。走過幾條內街來到醒目搶眼的民聲冰室門外，只見狹小的店內坐滿了食客，而門外十張左右的塑膠小圓檯也擠滿食客，每檯都杯盤狼藉。哇!大家也真能吃喔!莫非此店真如傳聞所說的這麼好吃?!那就真的要試後才有分曉了!今天等了沒多久就有桌子，甫坐下就點了一客每位食客吃過後都大讚的鹹蛋蒸肉餅飯及凍檸蜜。不過由於胃納有限，所以唯有下次才能品嚐這裏聽說也很好吃的豬扒了。大約等了十分鐘左右，我的鹹蛋蒸肉餅飯及凍檸蜜都上齊了。雖然這裏的食客很多，但侍應都非常勤快，又落單，又傳菜，又收錢，又收拾杯盤，態度仍能保持親切有禮，實屬難得!首先說說那客鹹蛋蒸肉餅飯，與其說肉餅不如說肉山。有別於一般以鐵碟，一底一底蒸的肉餅，這裏是將豬肉(肥瘦比例大約一半一半)剁成粗粒砌成肉山，然後在「山頂」放上半顆鹹蛋黃。從外觀上一眼就看出肉餅蒸得很滑，表面看來充滿光澤油潤，連肥肉粒都蒸得晶瑩剔透。再用筷子一夾，點一點豉油，將肉送入口中，帶甜味的豉油帶出油潤軟滑肉末的鮮味。哇!簡直不得了!真的好吃莫明!終於明白為什麼此店會如此受歡迎。那半顆鹹蛋黃雖然外觀上不太吸引，好像過老，以致

今日帶阿媽去大坑民聲食佢最出名嘅鹹蛋蒸肉餠, 仍然保持水準, 真係食得好開心! 兩點半已經買晒鹹蛋蒸肉餠, 佢地三點就話要落埸再預備整晚市,如果要食鹹蛋蒸肉餠一係就早啲, 一係就黃昏去!其次, 佢地嘅豬扒都"姣姣黐"架

在上年六.四晚會之後,入到來大坑找吃,本來想著吃民聲的肉餅,但是來到已經爆場.結果要去隔離的飯店.月前看到搵食能手在Facebook上,大讚民聲的肉餅,就是這個原因,再一次挑起入大坑的慾望,是夜便聯同多位朋友,來到民聲晚飯.橙底黑字的手寫餐牌,帶有懷舊起身,拿上手更有一陣異味.餐牌上面的大多是家庭式味道,好像小時候一到大時大節,家母才會弄的茄汁蝦.尚有炆腩肉,芥蘭炒牛肉,還可蒸條魚.全部菜式是那些長期缺乏家庭溫暖,無飯開人仕的佳音.作為家常菜其中之一味 - 蒸肉餅,民聲的肉餅賣相的確出位,堆到成座山一樣,就算你家母在家中煮肉餅,也沒有理由會整成如此樣子.是夜的蒸肉餅,並非像其他食家的相片中"高聳入雲",有點兒似山泥傾瀉.家母做出來的肉餅往往比較實,而民聲的肉餅就做得較為鬆軟.充滿豐富的肉汁,連鹹蛋黃一起吃,可以送一大碗白飯.當然,你問我喜歡家母的手勢,還是民聲的味道?我始終會說世上只有媽媽好.另一味瑞士汁梅菜炆豬肉,又是好吃.香甜的瑞士汁加埋梅菜,味道更加甜.炆到豬腩肉入味,豬肉肥瘦分明,實在很難不叫多一碗白飯.接著的三味全是香口一點的菜式,炸蝦餅香脆彈牙,泰式排骨其實是先將排骨炸過,

4/1(一) 6.30pm工展會的煞科日,早點請辭,冀望能拾到點滄海遺珠.不消兩句鐘把其攻陷,是次忍了手,收穫不算特別豐富.攜同戰利品徒步到了大坑的"民聲冰室",首嚐躍躍欲試的膏蟹蒸水蛋$55,鹹蛋蒸肉餅$45及茶走膏蟹蒸水蛋--不得不讚膏蟹味道鮮甜無比,蟹肉結實,無奈跟蒸蛋的味道南轅北轍,穿鑿附會的膏蟹.蒸蛋的面口似乎不太好看,痘皮處處!鹹蛋蒸肉餅--鬆高的肉餅山柔軟肉香,肉質肥瘦均勻;以起沙的鹹蛋黃點綴,跟甜豉油同食之,追加了一碗白飯也不為過!茶走--質滑順,茶味適度的茶走!四眼哥哥反應明快,態度專業,一人應付八至十臺食客,神態自若.走運來早半句鐘,若不,落得排隊苦候收場!