民聲冰室

营业中

休息中

家在新界，實在很少會到港島覓食。上一次在大坑晚飯，應該要數到Piccolo或New York Club了。咦？原來都不是中餐，這一天來到大坑，兩個人，不若就來吃個中餐，試試名店民聲冰室吧？是日星期一，時間是晚上九時，依然坐無虛設！店外還放著幾張圓檯，來遲一步還有等位之虞，果然是大坑的名店！別無懸念，我這個新手來到這裡，必定是試咸蛋肉餅，另加一碟菜類。噢，可惜這個時間差不多所有菜都售罄了，雖非所願，只好來碟豆豉鯪魚油麥菜吧。傾斜的肉餅，就好像聖誕帽一樣，頂部還有著一個咸蛋黃毛毛球，滿有聖誕氣氛。觀賞完畢，好像快塌下來的樣子，還是先肢解它吧。吃一口，味道是不錯，但好味只因其肥豬肉頗多，吃進口才有鬆化的感覺。如果這等於美味，那傳統的肉餅，手打至起膠、彈牙更是美味百倍，這個肉餅，試過就夠，而且，味道也太咸了…豆豉鯪魚油麥菜很難會不好吃，這裡也合格的，而且豆豉鯪魚很多，但始終這味菜的缺點是很多油，唯有繼續這一晚的油脂之夜吧，哈哈。朋友問我覺得這裡如何，我說試過就夠，不必山長水遠從新界來試。但如果你是街坊，偶一為之，未嘗不可。謝謝友人陪我過了一個油脂超標之夜，如想找人一起減肥，小弟自當捨命陪淑女。

We had read recommendations about this eatery from a food book and had been wanting to try for some time yet. It was your classic HK eatery ('cha chng tng' style), though majority of the seating were outdoors. A queue was spotted from a distance away, but since there were just two of us, the server allocated us a shared table indoor.Steamed meat patty with salty egg yolk - 咸蛋蒸肉饼 ($52/-)This came as somewhat of a surprise since I was expecting sliced or portioned meat patties rather than 'mountai

又一間排隊排到傻既東西就要試下佢咩料,D人吹到咁好食先講個肉餅.肥肉比例較高,所以做到咁SOFT,好似酒樓D牛肉球加埋肉餅既64比例.肉味不突出.但係佢個豉油幾好味,溝得幾好個雞唔夠滑,雞味也不足,也是個豉油令到佢改變了.咁好簡單做個結論係,如果無左呢個豉油,所有食物都一般.ANYWAY2者結合後都唔錯但係環境好DIRTY,也不算平,都要50蚊1個LUNCH既情況下,應該都無下次.

公司位於筲箕灣，只要半年時間就可以將整條東大街都吃厭了….. 以致每天都為午餐而磋跎很久….慶幸是東大街的食肆一年轉好幾次，是汰弱留強(是金錢上的強)? 還是真金不怕紅爐火?想不到於聞名大坑的民聲也想在東大街滔一點光。這次是我和朋友第二次到筲箕灣民聲吃午餐(約下午1:30)，午市套餐的選擇不多，當然有出名的鹹蛋蒸肉餅~!我和朋友分別叫點了鹹蛋蒸肉餅和咖哩牛腩。鹹蛋蒸肉餅很快便送到，再連兩碗迷你白飯(女孩子份量還可以，如果男孩子就…..=_=) 。那邊箱有一檯剛坐下的4位客人也點了1份咖哩牛腩，待應跟他說咖哩牛腩已經賣完) 。我心想” 真好彩，我點的牛腩應該是最後一份!” 。可惜……等了10分鐘，我們還是只吃著鹹蛋蒸肉餅和兩碗迷你白飯……只好叫剛才為我們落單的女侍應再跟進以及另加兩杯熱奶茶，再等了10分鐘，我碗內的白飯只剩下兩啖仔……食定唔食好呢….. ?說好的咖哩牛腩和熱奶茶呢……..好!!! 這次叫了中年男侍應跟進那咖哩牛腩和熱奶茶，他終於跟我們說” 咖哩牛腩已經賣哂!!! 熱奶茶要等等”“ 吓?賣哂!? 點解我點既時候無人同我講?? 我已經叫人跟進過，但佢都無話已經買哂!” 男侍應

當晚剛巧駕車路經東大街, 看到人頭湧湧....反正尚未開飯就隨便試試吧！ 沒有甚麼心水.... 只聽鄰座說甚麼"火山肉餅"做得很出色老實說...浪得虛名...賣相可以但肉質鬆散, 肥肉比例過多令肉餅有太肥膩感覺,而且豉油汁太甜。另一道是我家大人至愛"椒鹽豬扒" 好可惜只吃了一口便沒法再吃下去, 猪扒好像臨時拉伕剛從冰箱取出便下鑊!希望只是新開張後遺症吧!

東大街開左民聲冰室實在太高興, 唔洗再去大坑咁遠先食到佢地既蒸肉餅.自己一個人無得叫多幾個菜, 只可以選一個菜式之下我當然點左佢地做得非常出色既咸蛋蒸肉餅肉餅仍舊整到成座小山, 肉質鬆唔會好似其他食店咁蒸到D肉太實個醬汁亦咸度適中用來配飯一流.下次再約家人來咁就可以試多幾款不同小菜.

自從公司搬左過灣仔之後，食野o既範圍大左，由只限新界九龍區，擴展埋去港島區。遇著個貪吃o既同事，約埋兩個朋友放工即刻起行去大坑!去到o既時候七點鐘，有兩三檯人等緊位。我地四個坐左o係門口出面位，由於下午o既時候已經做定功課睇晒想食咩，於是一坐低就叫左個肉餅，通菜同蒸蛋，仲叫左大可樂，爽呀~~~~等左一陣，期待以久o既肉餅終於到!唔知係咪個肉餅堆到咁高好難入手，三位女士第一時間係食菜先...我就唔理三七廿一，大叫"唔客氣喇")))就o係個肉餅山中間開左個洞!!個肉餅甜甜的很鬆軟，加埋個咸蛋送飯一流~個蒸蛋都好滑~不過質感有dd硬，但係都好味~~~可惜，原來我地四個都唔係好食蟹，食左個蟹蓋，食左少少個身就放棄左..食食下落雨又停下雨，雖然我地個位濕唔到，但係就好鬼熱。半個小時多食完就閃走左嚕~

見食評個個都讚好,所以去左試食!都好多人去食!!!要等位,不過我地2位好快就有位我地叫左出名個幾樣野!!1.肉餅山 very gd2.馬拉盞炒通菜ok3.口水雞 ok真系幾好味,而且又平!二個人,叫左以上D送+三碗飯+二支大可樂=$191好平雖然似大排檔,但食野環境吾差!!

財團大ＸＸ　個火山肉餅都係「參」考自呢度，買唔起正貨，但食要正版。咸蛋同肉餅，兩個真係perfect match，其他咸魚／梅菜都真係未夠襯賣相方面，唔走精緻路線，有D注重class/要grand既人可能仲會覺得核突添。為左對付呢座山，我叫左兩碗白飯。好肉餅，打豬肉肥瘦比例要好注重，攪肉既心機同時間，只反映係個味道度，唔係個賣聲一口咬落，係鬆、係碎，但絕對唔係散！配一配隻咸蛋，肉香即刻再up多下grade。肉餅配肉餅汁，即刻fit哂，唔知點解呢個汁，有種魔力，越食，越想食。會唔會上癮架我？

友人聚會，一個好識得食好玩好既朋友帶路，黎到呢間民聲。係天后落車，行過無數條街頭都暈咁滯，終於到啦。一黎到好驚喜=]因為我想食呢間好耐架啦，不過因為唔識行而無黎過，估唔到今日有機會食到~交俾朋友發板，有時唔洗負責諗食咩都幾好，皆因啲朋友通常都係交俾我諗，偶然可以俾個腦休息都幾好。等食其間，望下周圍，大家唔好預期有咩好好既裝修，小小既鋪面有兩、三張枱，其他面積都係廚房。唁洗驚無位，因為佢地會開好多張摺枱係街邊，有啲大排檔 feel~，都係風味黎既，不過夏天會熱左小小啦~食物好快就送哂上黎。 上面既係口水雞，嘩好多香料呀，一放入口，好香又好滑，但又唔係係好辣，想好辣既朋友可能會失望，但整體黎講成碟係好香好味。美中不足係伴碟既皮蛋唔好食，我係一個好鍾意皮蛋既人，呢度既皮蛋硬實實，亦冇咩皮蛋味，差。前面既係蟹蒸水蛋，好好好得! 啲豉油味好夾。雖然蛋味不濃，但夾著蟹既鮮味同豉油既咸香味，成個配搭一流，真係飯都食多兩啖。 後面既係火山肉餅，肉餅一夾軟身，唔係普通咁硬，入口仲會慢慢溶。聽人講點好食就多，但親身食個種溶既感覺，真係自己試過先感受到有幾特別。最後食返條菜平衡下，菜就同平日差唔多，炒香左

Yo! 依個星期冇Mid Term, 又可以出去食餐好喇~不過由屯門出去天后真係好遠呀, 坐個幾鐘MTR先到, 頭到暈呀~搭咁耐車出去,都係為咗見"民聲冰室"的美食一面咋~我地8:45p.m先到, 以為夜d會冇咁多人啦,點知...仲係有好多人排隊. 但唔好以為好多人排隊就要排好耐喎,我地大約9:00p.m就入到去坐喇~我地排緊隊時已經有人問我地點咩菜, 幫我地落定單.依個就係餐牌喇, 哈哈, 就咁放係度, 幾特別...坐低冇幾耐d菜就上喇~好快!咸蛋蒸肉餅 $48 我都係因為依個"火山"肉餅先山長水遠黎咋.聞名不如見面, 真係好好食, 送飯一流.D肉又唔會好硬喎, 岩岩好.口水雞 $59 你地出面食開的口水雞係咩味嫁?我平時食開的口水雞係辣的, 味道重的.但依個口水雞就唔同的, 佢唔係好辣, 但係偏酸.馬拉盞通菜 $48 依個菜就普通咗少少, 味道同出面D餐廳差唔多啦, 冇咩特別.羔蟹水蛋 $69 依個水蛋真係有蟹味!蟹真係有羔的.不過呢...d蛋唔係唔滑, 但質地有d似膠.紅棗蜜 $18 幾好飲, 甜甜地.整體黎講, 都唔錯, 最緊要係平.不過晚飯時間黎食, 就要預咗等下啦, 因為餐

我和友人常到大杭開餐，常光顧日式拉麵店、中式餐館、意大利餐館。故，這趟，我的隨行伙伴建議去這裡的茶餐廳時，我二話不說地讚好。其實，我不吃飯的。我只吃意粉、三文治、或其他不是飯類的食物。故，當我一看到店內的menu時，我真的呆了 ---- 全是飯餸類!!!!!!於是，不吃飯餸類的我，只好硬着頭皮，找點能吃的，吃下去。由於，這是我第一次光顧這餐館，故，我並這餐館的了解並不深入。由此，我便跟著我的友人的order, 各自點了 咸蛋肉塔 配 白飯。我對那碗白飯興趣不大，故我只吃了幾口，便給了我的友人"KO"它。但，那肉塔的味道，還真不賴。因為，首先，它的外貌已有震懾的力量 --- 先聲奪人。像金字塔的外表，讓它給予人的感覺格外討好，更為可愛。我對這碟餸菜的印象，什為欣賞。故，您們若空，還真可以前往這餐館，一嘗這店的精髓。

一去到，係見到好多人，咁唯有坐出面街，都唔算太熱好彩。跟住我同友人就叫左個咸蛋肉餅同口水雞加兩碗飯。飯硬到啃胃！一d都唔好食個口水雞都無咩特別，最尾我地差不多食左半碗飯先黎碟咸蛋蒸肉餅。肉餅勁鹹！！根本撈飯都覺得鹹。下次都唔會再去！

當日天氣好熱，我同一位同事專程由金鐘去光顧，不用等位就好快有得坐。點了一個咸蛋肉餅和瑞士雞，上菜時肉餅是微暖而雞是凍的，但不要緊，好好味。肉餅微暖，好奇怪，堆到咁高中間咁厚都可以熟，有少少馬蹄，爽口好味～隻咸蛋一般，因為我自己蒸肉餅時係用開順興號的咸蛋，會起沙，更好味。瑞士雞真係唔錯，比起好多聲稱自己係馳名瑞士雞的店更好味，不過就凍嘅。結帳時竟然可以用八達通，算作驚喜。可惜驚喜卻是一浪接一浪，我當晚作悶，之後痾咗六天直到今日（星期日），請了兩天病假（有醫生紙），幸好到了今日母親節終於無事。而我同事點？都係由佢自己上親自來寫。雖然好好味，但我估我地應該唔會再去光顧。

民聲的火山咸蛋蒸肉餅真的一試難忘，為了它，可以食多幾碗飯都可以，肉餅蒸得出色，肉質鬆化，瘦肉中又見五花腩，但不會太肥膩，反而五花腩令到成個肉餅更出色，配在甜甜的醬油，真的很送飯，正！！！青蟹蒸水蛋 ~ 個蛋蒸得有d過火了，因為好實，唔夠滑，蟹可有可無，食唔出蟹味！ 失色之作。芥辣牛柳粒 ~ 第一次食芥辣配牛肉，初頭都幾怕味道會怪怪的，但食落又幾相配，芥辣不會搶了牛肉的味，幾特別。口水雞 ~ 大大碟，有粉皮伴碟，辣就不辣，反而酸味重，雞肉唔夠入味。總括要食有水準的食物….不二之選係咸蛋蒸肉餅，其他的就個人喜好吧，不是人人都喜歡。