殿 大喜屋

营业中

休息中

本身今日係要去另一間餐廳試食，但安排問題最後企咗係條街度…但係晚餐總要食，咁啱殿大喜屋係眼前，上到去又有walk-in位，就係咁坐低咗👍🏻飲品：比較特別係玫瑰花烏龍茶，好香玫瑰花味🌹清清地又可以解油膩。其他汽水、咖啡、清酒都有，不過我哋唔飲清酒，所以無特試。甜品：款式得5款左右，個人比較喜歡個奶凍。另外有雪糕，推薦沖繩海鹽味😋😋食物：可能因為我哋係食5:00pm場次，所以係非常充足兼且係又熱又脆嘅😊推薦吞拿魚腩、西京燒比目魚、芝麻雞翼。熱湯有蟲草花膠烏雞湯，好足料又夠味。❌木瓜鮮奶燉盅，好酸木瓜味，賣相似蕃薯🙃就係咁，年夜飯由西餐變放題。

有多間分店嘅大喜屋集團相信大家唔陌生，今次黎到尖沙咀嘅殿大喜屋，我諗殿係有殿堂級嘅意思，因為野食真係超多元化，中日西樣樣都有，食物仲好高質，平日埋單先300幾蚊一位豪食120分鐘，物超所值😋😋同好多放題店一樣，一入去有超大自助吧，包括各款涼菜，是日海鮮(大蝦🦐同青口)，幾款熱盤，湯，好多款冷熱飲品，甜品蛋糕櫃，同埋有movenpick同haagen daz嘅雪糕櫃，淨係食吧枱都半飽🤣🤣🤣坐低每枱會有自己嘅QR Code落單，食物可以一件件叫，食幾多叫幾多👍🏼 上菜好快，等5分鐘左右已經陸續送上，而且完全無漏單，清碟都清得好快，放題店少有嘅優質😀😀😀 落單嘅食物好似有成8-10頁，我地樣樣都叫哂咁滯😛 為大家推介幾款特別嘅:刺身🐟: 估唔到有松葉蟹腳😀驚喜！呢啲通常酒店自助餐先有，呢度都係任叫任食，鮮味十足😋 其次佢地拖羅都好出色，原來係日本直送，唔怪之得咁肥美入口即溶😎避風塘炒蟹🦀: 放題都有中菜？🤣 係呀，有一份份嘅避風塘炒蟹叫，一份都大約有6件，2人夠食有餘，避風塘好有鑊氣，送埋日本清酒一流。薄燒和牛🥩: 有睇開我post都知我係牛魔王😈 呢款燒牛大概燒到medium，油脂半溶狀態

殿 大喜屋尖沙咀金巴利道26號1樓好耐無去過食放題啦今日終於去無限任食既放題啦!!!!!趁新年前大家聚一聚先殿 大喜屋差唔多最齊最多款選擇真係岩哂唔同口味既朋友黎食依家放題好方便用QR落單殿 大喜屋仲要好多高級食材係入面 慢慢睇除左刺身,壽司同炸物之外 多左唔同新菜式食物好似去左酒店食自助餐呀睇到有避風塘炒蟹(好多蒜粒) 醉鮑魚(彈牙)薄燒和牛(肉質好嫩)勁勁勁豐富wo 食幾多野都唔膩 居然仲有金槍魚腩(拖羅)<<日本直送>> 松葉蟹腳(好新鮮)燒乳鴿🕊️(香脆)完全估你唔到刺身(好新鮮又好肥美)拖羅 三文魚 北海道帶子 赤貝 象拔蚌 海赤蝦 甜蝦芝麻雞翼 燒羊鞍同鹽燒牛舌繼續保持一定既水準仲有海膽手卷 海膽好新鮮又好甜仲有香蔥芝麻拖羅小卷 有驚喜呀自助區沙律 水果 炸雞 甜品 雪糕飲品清酒 白酒 汽水 茶 果汁 椰青水 珍珠奶茶甜品當然唔少得有Häagen-Dazs或Movenpick雪糕#hkfoodblog #hkfood #hkblog #香港餐廳 #美食日記#香港美食 #香港美食日記 #香港食評 #香港食

三個月一次嘅放題時間終於到啦，今日嚟到呢一間最有質素嘅放題專門店！👍🏻刺身刺身嘅種類繁多，質素頗高，每一款刺身都相當厚切。比較罕見嘅深海池魚，魚味鮮香，肉質細緻；帆立貝清甜；牡丹蝦蝦肉爽彈微黏；日本直送拖羅顏色粉嫩，油脂較重；松葉蟹腳可以食得非常方便，而且淡淡海水嘅鹹香；另外仲有希靈魚、象拔蚌、油甘魚腩、虎蝦等等可供選擇。點單方面，小編極力推薦大家試一試花雕醉鮑魚，酒味清醇，帶點桂花嘅花香，鮑魚浸得入味；鮑魚拖羅蓉海膽會更加係每張枱必點，拖羅蓉滿而不瀉，細細杯唔會好飽肚但又好啱打卡；一品花膠盛意外地出色，原片花膠，識落滿滿骨膠原，帶點爽彈嘅口感；清酒煮蜆原鍋而上，蜆肉飽滿。👍🏻自助吧自助區域少不了有冰鎮海鮮：大蝦、青口同樣新鮮，絕對可以滿足鍾意海鮮嘅粉絲，另一邊廂亦都放滿住煎炸嘅小食，日式餃子、保持住熱辣辣又香脆嘅狀態。當然唔少得小編最愛嘅甜品櫃，款式都幾多：馬卡龍、布丁燒、乳酪、布甸、奶凍，味道不過不失更加有自助雪糕同埋夾糖區，而杯裝雪糕方面亦都提供Movenpick，所以一定要留定個肚係自助區大掃一餐！除此之外，餐廳有一條隊專門拎海膽，日本直送皇帝蟹棒手卷，橘黃色的海膽，食落甘甜

lunch 放題～再去呢間到食。。真係好正好多野揀😁😁😋呢次竟然仲多左乳鴿。。新鮮熱辣。。皮脆肉嫩，而且都好入味。。好味wo🤩🤩不過佢酸菜魚都好味，但呢次可能無🤔反而呢間d 甜品就好難食🙈🙈另外午市放題食物跟夜晚一樣。。另外都有88折～同埋有3hr...加上食完多d 時間消化🤣所以午市去食都唔錯😀😀👍.👍👍👍👍...燒翠玉瓜同避風塘蟹都好正...食物都好精緻😀...牛肉鍋都好味😋😋.最後兩個人食。。88折之後，加埋一，$603.7/ 2人

第一次來尖沙嘴殿大喜屋😍，感覺食物款式同質素真係屬於殿堂級。👑呢度有唔少名貴食材都可以無限任食❤️必點🇯🇵日本直送🐡拖羅，勁肥美嫩滑，油脂豐富。松葉蟹腳🦀平時多數酒店buffet先有得食，呢度都食到好開心。蟹腳幾新鮮，都幾大隻。避風塘炒蟹🦀辣辣地好惹味，送酒一流。仲有醉鮑魚，皇牌炸燒乳鴿，薄燒和牛🐂樣樣都叫來試下。🥤飲品方面，冷熱飲齊備，有清酒、白酒，有美酒相伴，特別開心。甜品款式勁豐富，我最愛芋圓，驚喜在於吾太甜、口感Q彈。仲有布丁燒，馬卡龍👍雪糕有齊movenpick, Häagen-Dazs, milktop等😍😋好飽啊，已經唸定遲d要再來😁

好耐冇食殿喇，今日去開尖沙咀，就去大擦一餐😍😍首先指定動作，先嚟一盤刺身，有拖羅，松葉蟹腳，北海道帶子，赤貝，象拔蚌，海赤蝦，甜蝦，泰式虎蝦，冰鎮花海蜇，劍魚，油甘魚，池魚王，款款都好新鮮，鮮甜啖啖肉嘅帶子係必點之一，赤蝦大大隻，爽脆嘅花海蜇令人印象深刻，赤貝同象拔蚌爽口又唔腥，魚生都好肥美，食得落嘅話一定款款都要啲😆🍣壽司都有好多款，我地試咗香芒龍蝦膏甜蝦壽司，三文魚腩壽司，黑松露油甘魚壽司，柚子胡椒和牛燒壽司，滋味皇帝蟹棒壽司，醬油汁燒左口魚邊壽司，鹽燒三文魚腩壽司，火炙過嘅魚生油脂溢岀，滿滿魚油香。當然仲有串燒，炸物，鍋物，天婦羅等回本嘅有一品花膠盛，厚身大片，女士恩物。花雕醉鮑魚又係一定要揀，彈牙入味。鮑魚拖羅蓉海膽杯，鮮味十足！黑椒蜜汁一口牛，惹味又唔韌，鐘意香口嘢嘅我地要左天婦羅，天婦羅蝦，一口甜蕃薯，溫室南瓜，皇帝蟹棒天婦羅。🐔芝麻雞翼外脆內嫩，水準之作。🧀最鐘意芝士年糕煙韌嘅口感，芝味滿足。最愛榴槤炸彈，榴槤味驚人😆😆🥒牛油燒翠玉瓜必點，清甜juicy，好食！燒溫室甜菠蘿，解膩消滯好幫手。我哋仲試左燒🐃牛舌，西京燒🐟比目魚，蒲燒鰻魚，仲有岀面放題少有嘅避風塘炒蟹，炸燒乳

岩岩隔離完幾日都無啖好食，一好翻就緊係要去食大餐啦，而放題係我心目中永遠都係慰勞自己既好地方😌無論係邊方面都完全滿足到我😍。之前已經成日食殿大喜屋，因為佢係放題界中都數一數二最grand同款式選擇最多，而食材同價錢都係成正比✅對上一次食已經係年幾兩年，唔知質素係咪仲依然保持水準呢？。🐒成人晚市放題(特價時段1730-1930)💰$328呢個時段去即使係平日都已經坐滿左半邊，而離座既時候更誇張，門口都多人等位，所以如果多人就預約會穩陣啲😙。食物方面都係有分自助區同手機落單，另外特別既係仲有特色手卷區，有2款揀(海膽/蟹肉🦀️)好似食自助餐既感覺🤣。熟食既種類呢到會比較多其他地方見唔到既野，例如會有乳鴿同避風塘炒蟹🌶️當然刺身都一樣係十分新鮮，而選擇更加有拖羅，蟹腳等等係放題罕見啲既選擇😍塊塊都厚切🍣。另一加分位肯定就係佢既甜品🍮記得之前食都係馬卡龍最深得我心❤️但依家佢連布甸燒同芋圓都有🤣而除左有雪櫃雪糕雪條外🍦仲有得自己唧雪糕，對於我呢個主攻甜品既人黎講真係好吸引，所所以呢間放題真係係我心目中係首選👍🏼

超級飽超級滿足啊！好多唔同ge食物，無論正餐到甜品都好豐富！有唔同糖水，冷盤！又有刺身、串燒，講真好多種類啊！我自己最最最滿足係甜品同雪糕！基本上每一款都食過，雖然甜品樣子好似普通打邊爐一樣，但講真係好味ge！每一款布丁類都好滑，好想食多幾杯！跟住雪糕種類都多，雪杷雪條同榴蓮雪糕係外婆最愛！仲有m字頭同埋海鹽雪糕，本人覺得一般，但同行朋友食超級多！禁ge價錢食li個放題真係好滿足！因為我好重視甜品，雪糕種類！

每次約朋友見面吹水，但又唔使食到好趕，三個鐘頭食得又talk得………😂😂呢到隨咗好坐又舒服，食物又夠多，而家仲多咗好多嘢食，又有松葉蟹🦀️仲係任食先夠盞鬼，平日係超級市場一盒都成千蚊，呢利任你食，超值👍👍😋又有乳鴿，又有鮑魚、拖羅、包羅萬有的食物😍😍😍😍😍松葉蟹🦀️、榴連炸彈、煮蜆、乳鴿，每次我都必吃、原個木瓜鮮奶燉雪耳🫕⋯⋯數之不盡的食物👍😍🥰😋——————————-包羅萬有的食物.放題中的XO😉其實開心🥳簡…單就在你身邊..食….拍…寫.. 已經成為我生活中的一部份鍾意食..鍾意拍.鍾意寫..留下美食的回憶😝—————————-

前幾日聖誕節又去左殿大喜屋食放題，食客非常多，但食物質素依然良好，而且仲有好多新菜式令人有驚喜。冷盤刺身方面，款款都非常厚身，尤其黎到呢間殿必食日本直送既拖羅，魚香魚油份外香濃。另外多左一款松葉蟹腳，大條又厚肉，海水鮮味非常！酒香味濃香既鮑魚好有彈性。熱食方面多左幾款新菜，避風塘炒蟹滿滿蒜粒，皇牌炸燒乳鴿外皮香脆可口，薄燒和牛夠曬嫩滑，仲有香菇花膠同埋酸菜魚都令人印象深刻。最重要清酒燒酒所有飲品都係任飲，超抵食既放題。📸 Credit to Instagram: @mroolong

個人覺得全港最好食既放題，食530-730，2小時任飲任食$328另加一，選擇多，抵食。.✅刺身種類多又新鮮，罕有日本直送金槍魚腩（拖羅）同松葉蟹腳✅海膽手卷勁Creamy✅ 避風塘炒蟹超惹味多肉✅必食醉鮑魚同薄燒和牛，薄燒和牛薄身得黎好重牛味✅ 炸燒乳鴿半隻上，啖啖肉不得了✅仲有多款串燒、炸物、刺身…✅自助吧選擇多，雪糕都任食.❌勁勁勁勁多人，最好Book定位❌離座前半個鐘截單，自己記著時間，因為無人提你❌未夠1個鐘就埋單先，都明白係好趕時間，但都唔使咁急😅❌海膽同蟹柳手卷要排隊，人多時都要等一陣❌座位比較窄，野食叫得太多可能唔夠位擺.

殿 大喜屋 (尖沙咀)尖沙咀金巴利道26號1樓-今日同friend去咗尖沙咀食殿大喜屋，同其他大喜屋唔同嘅，係呢間會有拖羅🫶🏻甜品，仲有Häagen-Dazs，Movenpick等等～有更加多高級食材🔥-刺身全部都好新鮮，而且種類好多刺身全部都好新鮮，而且種類好多，有拖羅拖羅、帶子、赤蝦、甜蝦、三文魚、油甘魚等等🫶🏻-手卷方面都有好多選擇，個人最鍾意食海膽手卷，海膽新鮮又鮮甜！！-熟食方面有香草燒羊鞍、和牛薄燒、鮑魚雞粥、蟹肉扒豆苗、海燕窩椰汁燉木瓜、黑松露蒸蛋、蒜容粉絲蒸扇貝、鹽燒牛舌等，選擇困難症嘅大家可能要苦惱了😂-出面仲有自助區，提供沙律、甜品、酒、無酒精飲品等食物，全部任君選擇，真係超正🔥🔥

殿 大喜屋 (尖沙咀)食物種類超多～刺身、唔同款嘅壽司、一品料理、串燒、燒物、天婦羅、蒸焗及鐵板、仲有雪糕等等個人認為最好食嘅嘢海燕窩椰汁燉木瓜、芝士年糕、蒜蓉粉絲蒸扇貝同埋燒菠蘿❣️❣️————————————————————————📍尖沙咀金巴利道26號1樓————————————————————————Overall 💗💗💗💗#香港 #香港美食 #尖沙嘴#尖沙嘴放題 #hkfoodie #hkfood #food #delicious #hk #hongkong

一家人原本諗住一齊開心食放題，5:30去到，入去時已清楚講咗7:30要走。本身7:25仲食剩少少（真係食剩兩件macarons)，都已執緊野準備走，點知呢刻個經理走埋黎趕我地，狂風掃落葉咁執走枱面啲野，仲要好唔禮貌咁叫我地快啲塞埋個兩件macarons起身（佢話佢得30秒執枱），口罩都戴唔切就要行出去。我知臨近假期多人，都唔會諗住磨爛蓆，但係咪可以禮貌少少呢？你地食物質素好係抵讚，但服務態度咁差就真係冇下次。