殿 大喜屋

营业中

休息中

暫停冇得堂食已經有300零日, 再可以出動就去放題. 殿。大喜屋都食過10次8次. 失而復得既自由特別珍惜.... 好! 講番食物先! 刺身依然新鮮好食!  厚切三文魚咬落去好有質感,  拖羅部份有根, 劍魚腩油脂多又香, 貝類一般.壽司SIZE細細粒唔會太飽, 特別講下拖羅小卷真係好食.拖羅蓉好香,次次都食兩客, 螢光魷魚咬落爆汁好過引蒲燒鰻魚好淋好肥美, 不過唔食得多會濟, 羊架唔太蘇, 牛脷硬左D蒸扇貝以前用殼, 而家改左錫紙, 和牛薄燒依然好食, 而家多左燒乳鴿, 都唔錯! 豆苗比較老, 花膠未夠淋, 清酒煮蜆多沙, 唔意見食, 一口牛夠淋好野味正其他野食普通唔差, 食埋個雪糕滿足地完成再次堂食既第一餐

尖沙咀重量級的日式放題🤤✨🦥一向人氣旺盛的日式放題店，近期新推出了幾款新的菜式，做到環球美食大集匯！聖誕前後午市大優惠，每位只需$318🤤特別推介的新款美食：✨✨✨✨✨❤️日本直送拖羅魚腩❤️松葉蟹腳❤️避風塘炒蟹❤️醉鮑魚❤️皇牌炸燒乳鴿❤️薄燒和牛以上的環球美食品質良好，看到每一枱也必叫的菜式呢！當然，刺身款式也是相當豐富，包括有：松葉蟹腳拖羅腩刺身、三文魚刺身、油甘魚刺身、池魚王、拖羅刺身、三北奇見刺身、北海道帶子刺身、赤貝刺身、象拔蚌、海赤蝦刺身、甜蝦⋯⋯⋯等等，有超多選擇。鮑魚拖羅蓉海膽杯也很吸引，賣相和味道也很好。壽司方面也有很多款，包括：三文魚腩、黑松露油甘魚、白松露吞拿魚壽司、黑松露帶子壽司柚子胡椒和牛燒壽司、醬油汁燒左口魚邊壽司、鹽燒三文魚腩壽司⋯⋯⋯也很出色。推介：香蔥芝麻拖羅小卷！喜歡吃拖羅蓉的定必喜歡。推介：海燕窩椰汁燉木瓜！足料又好吃！其他熟食也有超多的選擇，性價比極高！包括：黑松露燉蛋、和牛薄燒、蒜蓉粉絲蒸扇貝、鮑魚雞粥、清酒煮鮮蜆等等。此外，自助區域也有前菜、沙律、水果、飲品、炸雞、湯類、中式美食、甜品等。重點是，在自助區有海膽手卷和日本直送的蟹棒手卷，豐富！總結：環

做冬唔想喺屋企煮，出街食就最方便！鍾意食日式放題，乜都有得食，呢間除咗日式料理，仲有中式菜式，花膠呀鮑魚啊炸乳鴿啊都有得食！呢度食物款式都比較多，出名嘅有松葉蟹腳🦀、避風塘炒蟹🦀、醉鮑魚🍺、皇牌炸燒乳鴿、巨型牡丹蝦、火炙和牛壽司、西京燒等貴價美食！落咗單之後可以去自助區揀吓小食，一於食住等，白灼蝦同大青口都算新鮮嘅！灼蝦幾大隻下，爽口鮮甜，青口就係大隻嗰啲中國青口，又係爽甜！刺身夠晒肥美，食落口感都好新鮮，一定要試日本直送金槍魚腩（拖羅），超肥美，算係比較貴價，食多幾嚿回本！😂三文魚、希靈魚、牡丹蝦、甜蝦、螺肉、北寄貝、吞拿魚…..款式多，三文魚腩都好肥美，松葉蟹腳鉸剪剪開，淡淡蟹肉，入口清甜！熟食方面，即叫即炸乳鴿夠嫩，醉鮑魚略帶酒香，有香濃嘅甜醬油燒鰻魚同埋西京燒，火辣惹味避風塘炒蟹，仲有膠原滿滿嘅冬菇炆花膠，樣樣都好好食呀！

提前慶祝聖誕節，一定係去食放題食物用QR code落單 方便快捷餐廳地方寬闊 而且全部都係卡位好好坐自助區有涼拌小菜、沙律吧，少量熟食、炸物、水果及甜品，雪糕區等等…飲品有汽水 啤酒，仲可以任飲梅酒同清酒，咖啡茶都係任飲放題一定先食刺身 刺身都幾鮮甜，而且厚切最愛入口即溶拖羅 另外仲有大大隻赤蝦，帶子，劍魚腩，蟹腳等等壽司選擇都幾多，火炙左口魚，燒牛肉壽司香芒龍蝦膏甜蝦壽司，不單止賣相精緻 味道都唔錯熱食難得有乳鴿，食落皮薄又香口避風塘炒蟹都幾惹味和牛薄燒又係必食，牛肉味濃就算飽都要食個燉木瓜椰汁，滋潤又好味雪糕仲要有Haagen-dazs、Movenpick真係好滿足

呢間放題不嬲出名高質多野食，之前已經食過好多次，今次朋友生日再黎食🤤🤤🤤有出名放題少見既避風塘炒蟹，醉鮑魚，避風塘炒得好入味，蒜蓉好惹味，必食，蟹鉗🦀啖啖肉，叫左兩碟😙😙😙醉鮑魚我哋都encore咗好多次，好入味又彈牙，好香酒香味，但又唔會太濃呢間仲有好出名可以任食海膽手卷，拎到要即刻食，如果唔係紫菜會淋，海膽好新鮮份量又夠多仲有拖羅，松葉蟹腳，薄燒和牛，皇牌炸燒乳鴿，清酒🍶任飲，超多出面放題少見既野食，簡直係我心目中既放題店第一位💓💓💓食完魚生再點個木瓜燉燕窩，原個木瓜上，好好食😋好高質好暖胃雪糕🍦都係值得一讚！有我最鐘意食既Mike top勁好食！海鹽芝士味😋😋😋滿足！

殿 大喜屋 📍尖沙咀金巴利道26號1樓😋好耐無食放題～今晚來左殿 大喜屋😋任食2小時～食到飽～食物種類款式繁多餐廳空間夠大～環境舒服～岩哂聚餐使用QR落單～上菜速度夠快👍🏻出面仲有自助吧～飲品/甜品～任飲任食清酒🍶啤酒🍻汽水🥤雪糕🍦😍睇見開心特別喜歡以下幾款美食♥️🌟日本直送🐡金槍魚腩～拖羅入口即溶～非常新鮮～淨食刺身都回本🤭🌟松葉蟹腳🦀～蟹肉夠鮮味🌟避風塘炒蟹🦀～非常惹味用來送酒一流🌟醉鮑魚🍺～一啖一隻😋爽口彈牙🌟皇牌炸燒乳鴿🕊️～皮脆肉嫩🌟薄燒🥩和牛🐂～牛肉味濃🌟雪糕🍦有勁多款牌子同味道～Häagen-Dans、MOVENPICK、milk top~ 低脂雪芭♥️🤭岩哂我

🤍殿大喜屋🖤尖沙咀金巴利道26號1樓📍依家殿大喜屋真係愈來愈多野食，知道餐廳再更新咗餐牌，今日lunch一於再嚟試一試😋❣️開頭試左薄燒和牛同炸燒乳鴿先，真係估唔到而家放題都有乳鴿可以食，仲要非常高質！乳鴿又嫩又多汁，和牛半熟食落軟稔重牛肉味另外叫左燒七味鱈魚干，脆卜卜好好食！❣️刺身有日本直送拖羅，但係切得細細塊但係都幾厚身，口感唔錯又香油脂，三文魚、油甘魚、海赤蝦同埋甜蝦都非常新鮮🤭❣️ 花雕醉鮑魚、鮑魚拖羅蓉海膽杯、魚子醬伴紋甲魷魚同黑松露帶子壽司都好特別，最鍾意個海膽杯影相好靚！❣️仲有滋潤甜品可以揀，我地叫左海燕窩椰汁燉木瓜同圓肉杞子燉雪耳，兩款食完暖笠笠，非常適合呢個天氣食！

同班舊同事好耐冇見，就約埋三兩個一齊食餐飯，三個人唔知食咩好，不如食放題，就楝左殿 大喜屋，因為大家都比較方便，358 任何時段2小時任食，岩岩好，食物上得都快，質量也可以，只係有D點左無黎，其他都滿意，食到飽飽

高質素回味無窮日式放題今期精選推介~😝😝😝一講到日本料理放題就會諗起大喜屋系列既餐廳~今日嚟到人氣極高性價比好既日式放題 殿 大喜屋 事不宜遲！即刻同大家推介～今次係我第一次嚟到殿大喜屋～人均消費大約304連加一位😍寸午時段仲可以食足三個鐘🥰食物質素正到你唔信！絕對可以食到回本添呀！殿大喜屋既食品擺盤都花咗唔少心機,每碟食物上枱都好靚 吸引咗我不停打卡影相📸️首先介紹一下呢到既刺身 有拖羅.三文魚.赤貝.帶子.長腳蟹.劍魚.吞拿魚.甜蝦等等⋯每樣食材都好新鮮好鮮甜😜最欣賞呢度嘅拖羅魚 日本每日真送～入口即溶！真係必要之選！熟食方面，我哋叫咗避風塘炒蟹 花雕醉鮑魚 和牛簿燒 花膠扒冬菇燒和牛真係好想重點推介 入口好香牛味 牛肉嘅油脂分布都好平均每塊都好Juice屋企人就好欣賞呢度嘅花膠扒冬菇 食得出唔係用鮑魚汁去炆 食落去仲帶有冬菇嘅香味 真係好有家嘅味道～避風塘炒蟹啖啖肉 ☺️即order 即制 ~蟹肉好鮮 好食花雕醉鮑魚好彈牙爽口😍煙煙韌韌 每咬一下 都有酒味滲透～咁好味嘅菜式，果然落咗唔少功夫！精選手卷~望到隔籬枱有海膽手卷 睇哂成個Menu都搵唔到😄原來佢哋嘅手卷係要出去排隊 即時製

日式放題，呢間一定係我心目中高評價其中之一，包括環境 味道 態度。每次黎都會見到佢地逐枱請客人邀請填寫意見書。今次直情有經理訪問意見，希望客人提出可改善既建議，值得一讚。整體食物質素高，選擇多，個人特別喜歡：✨醬油汁燒左口魚邊壽司All-time favourite，入口即溶，充滿油香同灸燒香✨滋味皇帝蟹棒壽司大大條蟹棒，加埋面層沙律醬，好味✨花雕醉鮑魚鮑魚大大隻，啖啖肉，配合淡淡酒香✨清酒煮鮮蜆蜆好鮮甜，無沙✨和牛薄燒牛味濃郁，配合炸蒜片，惹味非常✨蒜蓉粉絲蒸扇貝扇貝厚肉，加埋炸蒜粒同粉絲，正✨魚子醬龍蝦沙律多士壽司龍蝦肉同蟹柳肉拌上沙律醬，下面係脆卜卜多士，口感一流呢間一定係encore之選🫶🏻

我中左六合彩嗎？？？竟然比我遇著佢哋公司壞電腦，無辦法用online 落單。竟然要用番最原始嘅方法紙張落單，並且有理由相信佢地已經冇左印落單紙。每枱只得每款三張紙。再問職員拎剌身紙，見佢面有難色，原來冇晒🤣🤣🤣🤣🤣（你無聽錯真係無曬。）於是佢就攞左一啲舊版嘅落單紙俾我😂。其實好難相信咁大間公司會出現呢啲問題，就算搵電腦公司即刻修復，都應該兩小時搞掂啦掛。（如果知道壞真係唔揀今日嚟）醉鮑一般，鮑魚雞粥Keep到（先前蟹粥出色）剌身，飲品都多選擇。haagen dazs得蕉糖味。屋企人都想讚避風塘炒蟹，絕對唔係求期俾隻蟹仔你，絕對好有誠意。軟糖區見到啲糖痴到一舊舊，希望職員打理一下。泊車冇咩優惠啦，泊夠三小時先再free 第四小時。

冬天特別肚餓，決定食放題放肆下。其中有啲食物係特別推介，只食呢啲，已經抵番曬！💥日本直送🐡金槍魚腩（拖羅）💥刺身竟然有拖羅仼食，好新鮮，入口有油香，未去到好肥，大概係中拖羅嘅口感。💥松葉蟹腳🦀💥好多蟹肉食，貼心地比咗酸醋，點完之後，鮮味會更加提升！💥避風塘炒蟹🦀💥我encore咗好多次！炸蒜好惹味，而且少少辣調下味，不會好辣，老人、小朋友都食到！每兜有2件，每次不同部位，我好好彩，幾次都有蟹鉗。💥醉鮑魚🍺💥賣相好靚，拍得住omakase嘅擺盤技巧。酒味幾濃，煮得好入味。唔想有酒味，可以叫鮑魚拖羅蓉海膽杯，呢個高質！💥皇牌炸燒乳鴿🕊️💥上枱上微暖，可以問職員賣手套，食得盡興啲。💥💥薄燒和牛🐂💥💥似buffet即場切個種貴價牛，真係薄切，6成熟到，好嫩，仍然係粉紅色，燒過後，更好味。其他食物都好好，款式種類多，上菜速度都好快，下次我都會再黎呢間放題餐廳。

記得一定要預先book位🥺今晚去到聽到已經全full 好彩預先訂定位🙌🏻呢間放題質素真係高！2小時任食$325/位刺身全部都好新鮮又厚切！拖羅係日本直送🇯🇵肥美無筋 三文魚厚切口感真係正好多🍣海膽手卷好好食🤤鮮甜👍🏻長腳蟹唔會好鹹！有鮮味蒲燒鰻魚勁厚切！😭💓肥美程度係入口即溶🤤另外仲有避風塘炒蟹、花雕醉鮑魚、蟹肉扒豆苗、花膠、燒乳鴿、和牛薄燒炒蟹新鮮整起 超飽肉😍乳鴿都係熱辣辣 燒得外脆內嫩😋和牛好嫩🤤燒到啱啱好💕出邊仲有好多小食、熟食(炆豬手 蒸魚 炒菜)、甜品、飲品✨雪糕有Häagen-Dazs、Milktop、Movenpick任食💓太正了😍

病左一星期，當然要食返餐好，唔使諗梗係食放題應有盡有🤣朋友推薦呢間放題就即刻book位～～我地係食5:15-7:15時段唔會太多人，座位好闊落，算係我食過咁多間放題坐得最舒服嘅一間🥰刺身方面最特別係有日本直送拖羅同松葉蟹腳😍😍本身其他刺身都已經好新鮮好肥美！但呢兩樣真係好少地方有，好鮮味好好食😋仲有啲象拔蚌刺身、赤海蝦、海蜇、帶子同希靈魚都係一定要叫🥹小食方面避風塘炒蟹、醉鮑魚、皇牌炸燒乳鴿️、薄燒和牛都係超正！外面又係好少有😍醉鮑魚，我encore左幾次🥹即叫即整咁好高質😚鮑魚海鮮杯勁精緻都係必試🤭甜品一定要叫佢個木瓜燉椰汁雪好滋潤🤤連燒菠蘿都批埋皮勁好👍🏻飲品方面超多選擇！除咗兩大個雪櫃既飲品之外，仲有咖啡、酒都有好幾款、有凍有熱，仲有啲果汁同椰青水☺️最以想不到係連珍珠奶茶都有🤣雪糕方面大部分都係貴價雪糕黎🫣有Häagen-Dazs、milktop、Movenpick、雪芭，仲有得吱雪糕🤭外面嘅熟食有青口同熟蝦，熟蝦好好食🤤飲完啲湯暖笠笠好濃郁💗仲有啲生果、鳳爪好多款👍🏻甜品都好多唔同款簡！睇到我件件都想食🫣呢度我真係由頭食到尾好滿足仲要樣樣都唔同款又高質😚即刻推薦比朋友食🥰

識揀一定要食呢間放題 香港食放題好多都千篇一律 呢度令我充滿驚喜嘅 除咗刺身水準穩定 多選擇又高質 仲有一啲喺出面放題食唔到嘅嘢 從來都未試有 避風塘炒蟹 醉鮑魚 松葉蟹 乳鴿 仲要係好好食😋 完全冇漏單嘅情況 亦都好高效率好快上菜 店舖亦都好乾淨 食得好放心枱上面仲好細心放咗骨盤 放垃圾 所以整體上我都比滿分💯 就算朋友生日鍾意食放題嘅我都會推薦呢一間 絕對唔會令你失望除咗有餐紙點嘅食物之外仲有自助區 飲品嘅選擇非常之多除咗普通飲品汽水飲品之外仲有清酒梅酒韓國酒白酒啤酒等等 亦都有唔同嘅冷盤 沙律青口前菜水果 仲有熟食同埋湯 係椰子雞湯 個湯唔覺有味精 好重料 唔咸甜品嘅選擇好豐富有蛋糕雪糕 和果子 馬卡龍 雪糕嘅品牌亦都不惜工本 無限取 movenpick 雪糕 haagendazs 仲有其他唔同牌子都係靚嘢