段純貞牛肉麵XChatime (MOKO新世紀廣場)

营业中

休息中

鋪頭位新世紀廣場，所以行完街好就腳幫襯，呢間都係第一次食，所以出奇地覺得好夠牛味，好食，一定會再幫襯，我地分別叫了三寶麵同半肉半筋鍵心麵，兩個都好好食，真係一半筋一半肉，好分明，冇花架，好正

蕃茄湯半筋半肉幼麵的湯比在台灣吃的湯濃稠，跟台灣一樣咁好味。特別想讚這店的男經理，態度好反應快👍🏻有兩個小學生吃完走出通道跳跳玩汽球，父母放任不理店細路窄，店員要來回端食物，男經理立即提醒不要整到人，一般經歷是店員對客人打尖騷擾行為不顧。這男經理令食店加哂分！

行過新世紀廣場見到呢間段純貞台灣麵，好耐都無食過台灣嘢，就諗住試吓呢間麵同珍珠奶茶，點了兩個台灣麵、一個滷水拼盤、一個鹽酥雞、一杯招牌珍珠奶茶、一杯芋頭特調，真係失望了，所謂過江龍台灣招牌紅燒牛肉麵都係不外如事⋯滷水拼盤有牛肚、牛展、豆干、滷蛋同幾條菇，首豆干牛肚牛展唔入味，無咩滷水味之餘，豆干比較老，呢個滷水拼盤真係味道一般。另外叫了兩碗牛肉麵，一碗係招牌紅燒腱心牛肉麵，一碗係麻辣蒜味腱心半筋半肉麵，兩碗都係叫了手工麵，麵條比較闊身同有咬口，但兩碗牛肉都係味道一般。招牌珍珠奶茶就實正常水準，芋頭特調幾好飲，杯底中有少少芋頭蓉，兩杯叫了減糖分量。呢間過江龍台灣店，叫做試過下，都不會再去了。

[ 段純貞牛肉麵 x Chatime日出茶太 ]呢間牛肉麵店係台灣有好多間分店，近幾年打入香港市場。而旺角MOKO呢間分店更與另一個出名嘅台灣茶飲品牌Chatime日出茶太合作。✿ 燉蕃茄腱心半筋半肉麵 $88✿ 三寶麵$92今次叫咗兩款唔同嘅牛肉麵。首先麵條可選擇細麵或手工麵。細麵較幼身口感滑，今次揀咗手工麵，口感彈牙，比較掛湯。平時食開嘅台灣牛肉麵都係紅燒牛肉麵，而呢間店特別在於湯底結合埋四川香辛料，令湯底有牛骨湯味🦴、滷水味&椒麻辛辣味🌶湯底非常濃郁好味😋😋餐廳嘅牛肉係用咗牛腱心，又稱牛展，係牛小腿上嘅肌肉，肉質較軟，入口即化；而三寶麵除咗牛腱心，仲有牛肚&牛筋，全部都滷得好入味😛😛每碗牛肉麵會配一小碟酸菜，令整體層次更加豐富。✿ 招牌珍奶 🧋🧋$29✿ 芒果QQ 🥭$27珍奶必點😆😆茶底濃郁，叫50%糖剛剛好，不會太甜🤏🏻🤏🏻而芒果QQ配有椰果&珍珠，叫咗走甜都會有少少甜，因為佢用咗糖漿做底。總結🫦上次食呢間牛肉麵店係荃灣店，味道同今次一樣無失水準。飲品方面其他分店都有台式飲品選擇，想飲日出茶太嘅台式飲品就暫時要去旺角店喇🤭✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿段

紅燒腱身半筋半肉牛肉麵牛筋同牛肉都好稔身🥩唔會韌 個湯底我好鍾意好濃郁❤️話個湯底係用咗23種香料藥材熬製而成‼️手工麵係粗身麵 口感煙韌 但係唔掛湯🍽經典紅燒牛肉麵上面有四塊牛展🥩切得比腱身薄 口感就爭咗少少😋不過都係入味嘅👍🏻日出烤奶 呢度叫嘢飲就一定要飲「日出茶太 」🧋試咗呢隻烤奶 又唔覺得好特別🧐叫咗3分甜啱啱好 茶味唔算好濃郁‼️

有日收工去咗MOKO試呢間段純貞台灣牛肉麵，知道呢間係台灣過江龍，本身有好大嘅期望。我就點咗紅燒牛肉手工面，女友點了麻將雞絲伴麵。首先是試左啖湯底，味道濃郁，帶點微辣，合格的。可惜牛肉份量太少得三舊牛肉，其中有一嚿仲要係煮得唔夠淋食落去好煙韌，好難咬開，有點失望。手工面條粗身，容易掛湯，麵粉味挺重。雞絲伴麵係用幼面，配上麻醬炸蒜香口，雞絲正常發揮都幾嫩滑。飲品點了厚奶，重奶味係幾Rich，味道偏甜，同街外嘅珍奶係飲得出嘅分別，可以一試。

叫左擔擔麵，滷水拼盤，燙蔬菜。擔擔麵味道唔差，冇咩挑剔，約50蚊，加一後約55，唯一係覺得湯汁太濃稠。滷水拼盤非常令人失望，78蚊，加一後8X蚊，得3片細牛輾，4片牛肚，之後係4片滷水豆腐，一隻溫泉蛋切一半，數片雞髀菇，份量小，味道食唔出滷水味，真係好失望，「X 水 X 」做 得比你更好。之後係燙蔬菜，要40蚊，又有加一，但只係一小碟椰菜，係普通既水燙椰菜呀，即係某中式點心店叫蒸飯免費有既椰菜，我俾4x 蚊食呢d? 仲要冇特別既風味，普通霎菜，有d仲硬硬地，感覺超失望同唔抵。見人地叫左手工麵果d 我睇到呆左，人地話似好粗既餃子皮，到底食緊咩？ 我感覺超唔抵，差唔多食左200蚊，我到底食左咩，去第二間食會滿足好多，好失望，唔想再去，嬲嬲地唯有上黎寫下食評。

今日去到旺角MOKO買嘢，行冇幾耐已經到了午飯時間，便睇吓有乜嘢食肆未曾食過，見到段純貞是以食台灣牛肉麵為主，便排隊試吓。店舖不算很大，座位有D密。牆壁設計除了介紹段純貞及其牛肉麵外，亦加入好多中國原素，感覺淡雅。雖然它以牛肉麵為主打，仍有很多其他選擇，如水餃、炒飯等，亦有台式飲品，珍珠奶茶等，容易搵到心水食物。我同老公不太肚餓，便叫了一個鹵水拼盤（$78）、紅燒腱心半筋半肉牛肉麵（$88）、及雞湯炒手（$48），由於不太喜歡台式奶茶，沒有叫飲品拼盤先上，份量不多，但款式多。鹵蛋是流心蛋，咬落蛋白彈牙，好香鹵水味。蛋黃仍然好流心，可以在口腔內滑行，濃濃的蛋味，好滋味。牛肚及牛𦟌煮得夠腍，鹵水入晒味，冬菇亦一樣，無論口感同味道都很有水準。Yummy! 👍🏻👍🏻👍🏻牛筋腩麵一上枱已聞到好香，試一啖，很濃的牛肉味，完全係台灣果隻。牛筋同牛腩燜都好腍好入味，麵條幼滑，加埋小棠菜，完全是一碗完美的台式牛肉麵，齒頰留香，就好似自己去咗台灣咁。😍😍😍鷄湯抄手猶如我們的雲吞，它的湯底清甜，雲吞皮薄，餡料足，很有肉味。👍🏻👍🏻👍🏻總結而言，段純貞絕對是台式牛肉麵的好選擇。

今次叫咗個紅燒腱心半筋半肉牛肉麵細麵，另外有個期間限定嘅牛肉湯高麗菜豚肉湯餃（8隻），再加多個小食香麻醬涼拌豆腐。呢間係X日出茶太，所以要叫埋杯芋頭特調飲試試 😊 叫咗少甜少冰，味道可以😌紅燒腱心半筋半肉牛肉麵細麵，個湯好夠熱，幼麵就唔夠彈牙，半筋半肉牛肉都好夠淋，整體都可以。期間限定嘅牛肉湯高麗菜豚肉湯餃, 真係好一般，高麗菜都唔俾多幾條😬啲餃子味道都係普通。香麻醬涼拌豆腐 - 呢個好味，幾惹味，少少微辣，幾開胃😌整體都可以，環境都唔錯，坐得舒服，有水提供，服務都快👍

唔知點解一到午市時間台式餐廳就大排長龍, 究竟香港人有幾鍾意食台灣野排咗好一段時間, 終於可以入咗啦<紅燒腱心半筋半肉牛肉麵>好耐都冇食過紅燒牛肉麵, 今日就嚟一碗啦半筋半肉可以一次滿足你兩個願望軟爛而充滿膠質嘅牛筋, 配搭入味嘅牛腱心同有咬口嘅手工麵, 令人又飽又滿足紅燒牛肉湯底睇落好似好濃郁, 但實質又唔係好濃, 重口味嘅朋友可能覺得有啲落差<鹽酥雞>鹽酥雞酥酥脆脆, 肥而不膩可以外賣多一份<日出烤奶>最重要嘅莫過於呢一杯心心念念嘅日出烤奶大家記住記住記住一定要嗌3分甜少冰, 如果唔係就會甜到漏

和銅鑼灣總店質素差太遠！麵份量少！牛腱唔淋，分量少. 不會再光顧！失望！😣 希望之後會有改善！the quality is bad & tiny portion! Hope the quality can be aligned with all the shops!

12:10經openrice叫外賣自取，明明寫15分可以拎得，但最後到12:40先有得取餐。叫左2杯沙冰飲品，眼見5分鐘內其實已經整好放左係到，所以杯野飲到我手時已經有少少溶同擺左係走廊位好多人行過都唔衛生。想要求重新做過但比收銀同事拒絕及堅稱少少溶係正常，經爭論後先黑面及通知飲品部同事馬上做過，但我竟然聽到佢地話有冇搞錯同埋一定唔會即刻做返，叫我慢慢等下。我當下覺得唔想做嘅都冇必要係客人面前當面比說話我聽，我作為顧客感到非常難受。再者如果我飲完有任何唔舒服好似佢哋唔需要負責任咁。唔希望類似情況會繼續發生係其他食客身上，如果有時間先好叫外賣。

適逢MOKO商場有kanahei 展，身為兔兔迷當然要過去朝聖一番。朝聖完便打算上去樓上醫肚。餐廳位置方便，順着扶手電梯踏上便能夠到達。星期六下午不算多人，餐廳內大約坐了半滿左右。在餐廳外等了5分鐘進去。台灣本店是做牛肉麵起家，所以便叫了一碗三寶面。牛肉麵份量對女生來說足夠，三寶材料不算多但也可以，價錢也還好，味道一般。但吃到一半已經覺得很口渴。不知道台灣本店是否也是這樣。同區來說吃牛肉麵阿木的牛肉麵會較對我口味

台灣新竹著名人氣過江龍牛肉麵店 🍜香港已有幾間分店 每次經過 𝙼𝚘𝚔𝚘 都見到大招牌標榜選用高質的 🐂 牛腱心湯底用 𝟸𝟹 種不同 🧅 香料藥材熬煮而成既過江龍終於搵到時間可以去試一試呢間分店係唯一聯乘台式茶飲品牌「日出茶太」實不相暪 👧🏽 讀書時都係一名兼職茶太妹-🐃 招牌紅燒腱心牛肉麵 $𝟾𝟺牛湯味道好濃 隱約飲到藥材 🌿 味道腱心牛肉肉質軟腍 但可惜唔夠入味手工麵是粗身麵 口感有韌性 但掛湯力唔高🫣🐖 酥炸排骨麵 $𝟽𝟾雞湯底味道似鹼水 🤮 細麵浸得腍哂成碗麵無咩點食過 有啲失望酥炸排骨炸到外脆內嫩 可惜無咩味道😨都係食左兩舊就就放棄了 呢𝚜𝚎𝚝野完全唔合格👎🏻🥟 新鮮豚肉鍋貼 $𝟺𝟾不過不失🧊 香麻醬涼拌豆腐豆腐口感偏硬身 配上芽菜酸菜辣椒醬辣味食到尾先發出嚟 🌶 好惹味🍫 頂級可可半糖加布丁🍮 甜度剛剛好入口仲有濃濃朱古力味 👧🏽 很喜歡💕🧋 宇治金時奶茶少糖後 仍然都係好甜 可能本身有紅豆🫘成杯俾紅豆搶哂味 茶味會比較淡👦🏻 再另加滑捋捋仙草 十分飽肚#段純貞除左台式飲品會想再回頭幫襯食物質素真係大跌眼鏡 可一不可再😅-整體 𝟻💓滿分味道 ❤️🧡💛價錢 ❤️🧡💛服務 ❤️🧡💛💚

小妹經過新世紀廣場，見到呢間來自台灣新竹嘅過江龍牛肉麵😍 今次仲聯乘台式茶飲品牌「日出茶太」，就一於試吓🤤 環境舒服，店員服務亦都非常殷勤👍🏻🐮🍜三寶麵呢間餐廳既麵分為手工麵/ 細麵，手工麵係粗身，食落幾煙韌彈牙，幾有口感😚 而細麵係幼滑，基於小妹冇食過細麵，所以味道就不能評論啦🤫 手工麵好掛汁，湯底好濃🤗 呢碗三寶麵分別有牛腱心、牛肚及牛筋；牛筋幾大嚿，食落唔膩；牛肚幾彈牙，且唔痴牙； 牛腱心肉質軟腍，食落幾入味~加上每碗麵跟酸菜，小妹幾欣賞呢款開胃菜🤭🐖🍜酥炸排骨幼麵（雞湯底）呢個麵一上檯，小妹第一件事梗係試下飲吓個湯底先啦🤩 湯底超香濃，飲到雞味，且油分唔會過重，即使食到尾唔會覺得好鹹😋 而酥炸排骨夠脆口，食到肉汁味，唔錯🥳🍵抺茶拿鐵呢杯抺茶拿鐵暖暖哋，飲落好舒服😝 仲充滿抺茶及奶香味，飲完當堂開心唒😆小妹幾喜歡呢間餐廳既裝修，且坐得舒服😌無論聚會/lunch time都絕對唔錯😘