影片
更多
2021-03-09
156 浏览
好友向來對牛肉麵情有獨鍾，差不多每次去台灣，都要光顧不同的牛肉麵店，嚐嚐各店不同的風味。所以當一收風，話台灣著名牛肉麵店「段純貞」登陸香港，並選址荃灣，已即時約定我一齊去幫襯，可惜大家一直都夾唔到時間。最近從網上得知麵店再下一城，喺銅鑼灣開左第二間分店，地點更加方便就腳，今日就一於坐言起行。新店位於謝斐道 Tower 535 地庫，店內主打木系古風裝潢，地方寬敞、環境闊落，空間感十足。先細心研究一下餐牌，除了一系列招牌麵食，如三寶麵、紅燒腱心牛肉麵外，還有各種特色川味私房小食、小菜、台式奶茶、養心熱飲等供應。點左兩個麵食、一客鍋貼同兩杯飲品。先試下新鮮豚肉鍋貼 ($48) 鍋貼即叫即煎，一客有 5 件，大大隻、外形好飽滿，咬開裡面全是新鮮嘅豚肉，入口外脆內甘香，充滿豐腴嘅肉汁，味道很不錯。麵食點左蒜香手撕雞乾拌麵 ($78) 同 原味牛肉麵。拌麵賣相十分誘人，面頭鋪滿大量手撕雞和花生碎，並伴以滷蛋和小唐菜，送上來時還會附上一小碟酸菜。手撕雞入口帶陣陣蒜香，雞肉嫩滑不韌。麵條選了粗身的刀切手工麵，麵質爽彈、掛汁力超強，配埋入味又富蛋香嘅滷蛋一起吃，十分美味。至於另一碗原味牛肉麵 ($8
所以當一收風，話台灣著名牛肉麵店「段純貞」登陸香港，並選址荃灣，已即時約定我一齊去幫襯，可惜大家一直都夾唔到時間。
最近從網上得知麵店再下一城，喺銅鑼灣開左第二間分店，地點更加方便就腳，今日就一於坐言起行。
新店位於謝斐道 Tower 535 地庫，店內主打木系古風裝潢，地方寬敞、環境闊落，空間感十足。
先細心研究一下餐牌，除了一系列招牌麵食，如三寶麵、紅燒腱心牛肉麵外，還有各種特色川味私房小食、小菜、台式奶茶、養心熱飲等供應。點左兩個麵食、一客鍋貼同兩杯飲品。
先試下新鮮豚肉鍋貼 ($48) 鍋貼即叫即煎，一客有 5 件，大大隻、外形好飽滿，咬開裡面全是新鮮嘅豚肉，入口外脆內甘香，充滿豐腴嘅肉汁，味道很不錯。
麵食點左蒜香手撕雞乾拌麵 ($78) 同 原味牛肉麵。拌麵賣相十分誘人，面頭鋪滿大量手撕雞和花生碎，並伴以滷蛋和小唐菜，送上來時還會附上一小碟酸菜。手撕雞入口帶陣陣蒜香，雞肉嫩滑不韌。麵條選了粗身的刀切手工麵，麵質爽彈、掛汁力超強，配埋入味又富蛋香嘅滷蛋一起吃，十分美味。
至於另一碗原味牛肉麵 ($84) 亦很值得推介，湯頭濃厚得嚟又帶點微辣，喝得出淡淡的中藥味。麵條選了細麵，麵質 Q 彈，吸滿了湯汁。牛肉有三大塊，切至厚身，滷得非常軟腍，入口帶花椒香及醬香，吃來起完全不韌。
飲品點左荔枝乳酸飲料 ($28) 同 胚芽珍珠奶茶 ($28)，乳酸飲料味道酸酸甜甜，很清爽，入口清新芳香，帶荔枝天然香氣。奶茶味道亦唔錯，茶味濃郁，珍珠有咬口又夠煙韌。
张贴
