武館 (已結業)

最鐘意星期六日周圍搵好西食 今次走到去大角咀 發現左間新開嘅日本餐廳簡簡單單嘅裝潢 配以高質嘅食材櫃枱有一個新鮮嘅食材箱食下支豆飲下魚湯之後 正式開始今餐美食之旅先黎河豚白子 比較黏黏的 簡單配醬油食就ok之後師父為我地獻上一道又一道嘅刺身石鯛 黑𩶘 赤身 拖羅 等等 至少有8-9款由淡味到濃味 有爽口 有軟身的 全部都好新鮮 當中有牡丹蝦 好大隻好鮮甜 連蝦膏都好好味當然有壽司系列 同樣出色連墨魚仔都好好味 簡單地加芥末醬已經好驚喜可以係大角咀搵到咁高質素嘅omasake

朋友話大角咀有間可以食omakase $1500 /1位,老公帶我豪一次喎.. 門口好似未開張咁, 要估下先知敢走入去。睇返D post 先知原來佢裝修完, 搬左鋪位。佢本身都冇其他menu, 一定係食廚師發辨其實食廚師發辨都幾好笑, 坐低後一路都唔知自己有咩食, 食得黎 又驚又喜喎，不過師傅會為我地介紹每件刺身壽司配菜等, 真係好有Heart。老老實實 , 前後食左三十幾款, 真係唔會記得曬D 名, 不過都好想記得我自己食左D 咩 同有D 咩深刻嘅...上圖中下 就有個叫虎河豚白子, 感覺其他白子質感實淨D嘅。刺身有好多款都唔係平時D 壽司鋪會食到,吞拿魚有小小根, 但都好食。墨魚有紫菜卷住, 會釣左個味出黎。 赤貝就非常爽口 同甜。武師傅成日推介鮫碟魚,同鳥貝 。螢光魷魚-我完全唔使點豉油。另外 兩款小吃都係甘苦一D ,就係海菠蘿 同白飯魚仔... 兩款都係有甘苦感覺,我本身就麻麻地喇。反而相比沖繩苦瓜又唔算苦喇豆腐都係自家制。不過苦過方知甜... 之後有好好好好食嘅 拖羅, 一舊厚厚嘅拖羅簡單包住一塊脆脆紫菜, 入口溶化, 溶完仲會停喺口腔一段時間, 真係唔想食第二樣入口。北海道

好耐都無食過日本野啦 今晚有人搵到好野食終於 食omasake除左尖沙咀同元朗之外大角咀都有得食啦 重要係勁多款式先黎支豆作為開場 再黎就係赤麵豉湯 濕濕咀巴 準備好就開餐啦師父為我地準備一道又一道嘅刺身由淡味開始到濃味 當中個人黎講比較鐘意呢款赤目加上肝醬 唔洗點豉油沙甸魚裙邊 比較濃味 不過出面比較少食到重有尤魚仔 好好味 口感彈牙 加埋黃芥辣終於黎到重頭戲 海膽吞拿魚蓉力魚子海膽鮮甜度爆燈 加上魚子嘅鮮味 正到癲最尾餐廳以木瓜蜜瓜畫上句號 完美

Omakase 是由大廚師發辦的最高級日本料理，喺香港並不普遍，今晚book左枱食，實在開心。餐廳面積不大，只有一張大大的角枱，L型坐位只能坐十多人，原因是廚師可以直接將食物交到客人面前。廚師原來平易近人，傾談幾句之後就開始熟絡起來，原來新鮮食材係每日從日本空運嚟到，食材完全由廚師按季節時令揀選進口，所以我們完全不知道有什麼吃，完全信任廚師，這就是omakase。今晚享用了>30道菜，廚師會介紹每道菜用料及食法，由於永遠不知道下一道菜是什麼，所以整晩都驚喜連連，一直耐心期待下一道菜的驚喜。今晚菜式有鹽巴枝豆丶生羗煮金䱽魚丶赤味噌湯(昆布曬乾之後切絲再加上BB菇)丶白子(虎河䐁精囊)丶牛尾魚、石鯛魚丶伊佐目魚丶昆布墨鳥賊丶鮫疊魚丶赤鯥魚(即塲磨鹽巴燒再加上魚肝醬，不用沾任何醬汁)丶北海道珍寶牡丹蝦丶昆布珍鯛魚丶赤身。吞拿魚脊位置丶大吞拿魚腩(用紫菜包住紫蘇葉及魚腩一齊食)丶沙甸魚BB、沖繩苦瓜自家製丶魷魚(加上面豉醋)丶針魚白子清湯丶北寄貝邊丶北海道帆立貝壽司丶北海道馬糞海膽+三文魚子+吞拿魚茸壽司(先在碗上食一半份量，跟著另一半份量用紫菜包住食)丶自家製油子漬蘿蔔丶慢煮鰻魚鮟鱇

越嚟越多好食嘅食肆進駐大角咀舊區，好幾年前酒店式西餐、小麵店等相繼出現，近期發現高級日本料理隨著新樓盤建成，而一同揭幕，今晩就同枕邊人入到一間小小嘅「武館」，食Omakase ，入邊嘅日本料理師傅，位位都係館內高手，對住日日新鮮空運魚生手起刀落，片片切得乾淨俐落，每道菜式都係師傅每日新鮮處理，因應來貨而定，每晚都有唔同嘅款式出現，任由師傅安排供應，所以每道菜出現前都感神秘，等候當中都好期待，品嚐後都有驚喜；全晚有30+道菜式，饒恕在下不能在此一一分享，虎河豚白子，聽聞虎河豚係眾多河豚中最高級嘅一款，而白子即係虎河豚嘅精子，日本人稱之為白子，講白D係陰囊，入口滑，無榨，如牛奶，蛋白質極其豐富；牛尾魚，煙韌，魚味濃；伊佐目，喜歡塊魚皮，微微有咬口，細嚼有餘香；赤鯥魚，用返自身魚肝做醬，再火槍一燒，令魚油浸出味更濃；北海道珍寶牡丹蝦 ，蝦頭係精粹所在，甘⋯⋯香⋯⋯回甜；大吞拿魚腩，加岩鹽，加紫蘇葉減低油膩感，脂肪油份好高，所以令我整個口腔非常香；針魚白子清湯，針魚有獨特魚香味，白子食到好似炸大腸嘅香味；北海道馬糞海膽三文魚子吞拿魚蓉壽司，呢三種配搭係我至愛，與月光米加赤醋而成的壽司飯，美味無

而家Omakase店開到四圍都係，由幾百至幾千蚊都有，真係花多眼亂唔知去邊食先唔會中伏。朋友介紹應該可信既。今次專登黎到大角咀新搬左舖既武館，朋友話好新鮮同款式好多好特別，一試無妨餐廳原來冇分時段淨係做一輪，岩晒我地啲閒人！七點入座，先有三款前菜吸物，河豚白子係黑門市場食過一次，今次第一次刺身食，令人眼前一亮！之後食左十幾款刺身，當中拖羅非常搶鏡，然後六款壽司。第一次Omakase食咁多種類既魚，全部都係日本入貨。最後以特濃魚湯作結，冇呃人，真係濃到好似豚骨拉麵湯底咁

很久前在舊舖嚐到武師傅手勢,他所做的食物常在心中,現時轉了新舖,一定再嚐,現舖比前大,食物的品種多了，神奈川活渡蟹醃製,味道鮮甜肉滑,枝頭湯正（味道似腐竹）正, 其他食物新鮮彈牙

經朋友大力推薦終於趁著放假來試試。位於大角咀利得街26號的武館，門面較為隱秘，讓人經過容易錯過的感覺。一入店內，裝修簡潔光亮，非常舒服。座位絲毫不逼。食材選料獨特，刺身也不是單純的刺身，而是昆布漬 醬油熟成 等等不單純的刺身/壽司，菜式多達20多樣。每款也看得見武師傅的心機。當晚有幸食到武師傅秘製爆膏醬油蟹及小長井蠔，回味無窮！！總括而言，這個價位吊打坊間其他師傅發辦。 武師傅出品絕不是行貨！下次再戰！

第一個食評 係要為一餐又好味又有紀念價值既飯寫~2018.3.21 我們的第一個結婚紀念日老婆剛生完b, 餓左成年唔食得生, 終於可以破戒~今晚訂左新開既武館食廚師發辦, 因為網上標榜只做一轉唔返枱可以hea住食, 岩晒我地出黎二人世界~~成餐飯食左三個小時, 食左好多未聽過既刺身, 全部都好鮮好好食~ 老闆都好有心機解釋每款魚既食法, 特別推薦真鯛昆布漬同大拖羅醬油熟成, 都係唔駛點醬油, 出面冇食過, 好濃但又好食到魚本身味~ 沖繩苦瓜都好出色, 老婆唔食苦瓜都食因為唔苦!整體都非常滿意~ $1500 一位 計劃緊帶朋友黎包場~~

作為武館熟客，第一次到新店食 omakase。舖面比以前大一倍，客人唔需要再坐到膊頭掂膊頭，亦可以坐係 sushi counter 前面欣賞武師傅刀法環境感覺高級左，而 menu 都多左野食，一晚食左成 30 樣野都係 $1500 一位。當中亦感覺到師傅對所有魚貝處理手法更為進步，例如多左唔同漬法，熟成刺身及慢煮鮟鱇魚肝，但同時亦繼續堅持保留傳統既特色，不加無謂既修飾。重點推薦另外加既自家製醬油蟹。用神奈川既渡蟹生醃，由於三月當造蟹膏非常多，唔敢食生蟹既朋友都大讚好食好鮮甜同醃得剛剛好，有別醬油味過重既韓國醬油蟹