武館 (已結業)

最鐘意星期六日周圍搵好西食 今次走到去大角咀 發現左間新開嘅日本餐廳簡簡單單嘅裝潢 配以高質嘅食材櫃枱有一個新鮮嘅食材箱食下支豆飲下魚湯之後 正式開始今餐美食之旅先黎河豚白子 比較黏黏的 簡單配醬油食就ok之後師父為我地獻上一道又一道嘅刺身石鯛 黑𩶘 赤身 拖羅 等等 至少有8-9款由淡味到濃味 有爽口 有軟身的 全部都好新鮮 當中有牡丹蝦 好大隻好鮮甜 連蝦膏都好好味當然有壽司系列 同樣出色連墨魚仔都好好味 簡單地加芥末醬已經好驚喜可以係大角咀搵到咁高質素嘅omasake