正宗水上人氣鍋專門店 (已結業)

《蒸...全部都為蒸》趁爸爸生日，我地去咗食「正宗水上人蒸氣鍋專門店」。嘩....d海鮮🐟🦐🦀🦑🐙好新鮮呀！近年多咗人追求健康，所以令到蒸氣鍋大熱....可以食到原汁原味生猛海鮮，又唔好似火鍋咁肥膩。首先我地係排骨南瓜粥底，等蒸完海鮮後有啖靚粥食。皇帝蟹腳肉多味鮮🦀，沙白清甜🐚，魷魚刺身好爽🦑，鮑魚有咬口，菲律賓奄仔蟹勁爆膏，係我食過最好味既🦀，再黎鮑魚臘味糯米飯，呢個好味到要食兩碗，小朋友👧🏻👶🏻就比較鍾意蒸肉碎烏冬，仲第一次食到冰菜，好脆，菜味唔濃，好得意！甜品菠蘿仔🍍同馬拉糕都好正！呢餐超滿意👍🏻👍🏻👍🏻#正宗水上人蒸氣鍋專門店 #食玩焗煮遊世界

二月七日 完餐時，男侍應稱呼為Chong，執碟時，成碟辣油碟倒落我件外套到。態度已經極差，唔想負責任，仲想送汽水可樂了事。最後決定我乾洗後wtsapp戶口及單據，Chong 過數比我。事隔一個月，一直拖 無回覆 無反應 。 價錢貴 質量還好 環境闊落 但服務態度真係零分 如果要入內進餐 就要小心衣服手袋頭髮身體任何部，因為飯後佢地會趕住收野執碟，但又雞手鴨腳。假如佢地有咩意外整親顧客就想草草了事，唔關佢事。當然我會繼續努力追數。

第一次寫食評😄，因為真係覺得有啲俾人搵笨，我同太太兩個一齊去食，叫咗一個每位$498嘅套餐。首先上嚟嘅係蜆，每人五隻，啲蜆肉好似一毫子大細，攝晒係牙那😫，花蟹每人半隻，細個BB仔隻手，龍蝦一人半隻，冇乜肉食，海蝦一人兩隻，去食百零蚊嘅火鍋放題，食到你唔想食，最唔明就係啲龍蝦、元貝、貴妃蚌全部都用蒜蓉嚟蒸，食蒸氣鍋唔係要食鮮味咩😰仲要收埋茶芥、花生錢，總之一句講晒呢個價錢去邊度食都一定好過佢😭

今晚收工同友好同事團年，嚟食蒸氣火鍋。我哋一行六人坐樓上大枱。感覺上樓上熱過樓下，對住個蒸氣爐其實有少少焗。海鮮非常新鮮，上枱嘅時候啲蝦仲識郁架～服務員會逐樣海鮮蒸俾你食，但似乎人手有啲唔夠，好幾次夠鐘服務員都唔得閒嚟我哋枱撈餸俾我哋，我哋又驚蒸太耐啲嘢會老，唯有自己搞。不過啲嘢食就真係掂，鮑魚同花蛤都好鮮甜扇貝夠肥美龍蝦啖啖肉成晚一邊食正嘢，一邊吹水講下好笑嘢，係愉快嘅一晚，就係焗熱咗少少。大家新年快樂，如意吉祥！

幾條麻甩佬敘舊，當然要食得豪邁一點點，水上人絕對交足課。帶位的小姐態度殷切，雖然在寒風中等了近30分鐘，但也絕無受氣的感覺。叫了C餐，主要是三種不同的蟹(阿拉斯加蟹，奄仔蟹，花蟹), 海蝦，鮑魚，加上蜆和牛肉。另外為免兄弟唔夠食，也點了蠔。全部食材都非常新鮮對辦。阿拉斯加蟹肉厚且甜，奄仔蟹羔甘香，花蟹奇鮮無比。另上的珍寶蠔外型先聲奪人，然入口香滑，非大而無當之流(當然，食這類蒸蠔不能以海水味，creamy 和aftertaste 去品評)。完美的海鮮，足以令之後的和牛黯然失色。伴以充滿花香味的1664，這一餐無以尚之。六個人埋單$5000多，值得。

Very bad service. Never dine here again !!!Hot pot - said let you eat but actually don’t let you eat so quickly ! Each time you could only order 5 items.

出了雙糧跟一班同事出去豪一豪，朋友介紹水上人氣鍋食海鮮，A餐$498，B餐$598，C餐$698，比較過後㨂了B餐比較吸引，有大大隻瀨尿蝦😋，單看賣相已相當吸引，而且我們還發現Like & share Facebook 可以額外免費送一人一個果皮飽魚🤪。店員服務也不錯，會一樣一樣幫我們蒸海鮮，還有計時器，夠鐘就響，無需擔心唔熟或過熟。Like Facebook 送的鮑魚，好香果皮味，肉質爽，ok的。黑松露蒸元貝勁好味，元貝上的黑松露本來賣相不討好，但想不到味道又幾夾，松露味又不會太搶，仍然食到元貝的鮮味，元貝大隻啖啖肉。大大隻瀨尿蝦，店員太好了，還教我們拆蝦殼，三兩下手勢就拆到一隻瀨尿蝦了，鮮甜味美。南非龍蝦，新鮮肉甜，肉質彈牙。美國石蠔真的很大隻，不過我不喜歡食蠔，所以沒有吃，見到朋友食到好飽😂。冰菜，我都係今次先知有這種菜，從來未吃過，但原來好好味，夾甜，好快熟，沒有草青味，還用了肉燥一齊蒸，鹹鹹地好味如果單吃海鮮不夠飽，吃完這粥一定非常飽了，南瓜豬骨粥可能加埋蒸海鮮的精華，好特別，雖然沒有南瓜味，但鮮味依然濃郁。👍🏻甜品桂花椰汁膏，清清地不太甜。👍🏻整體食物新鮮，平日去人流不多服

七個人去食，一拎起餐牌，嘩！成4388！真係當堂嚇一跳！仲要因為我地有7個人，仲要收多350俾多一個人錢。不過見餐牌都相當豐富，所以照落單。一開始拎左兩小碟花生同一條魚刺身俾我地。跟住上海鮮拼盤，見到一盤海鮮入面得一隻蟹(普通size, 唔係皇帝蟹)。心想唔係掛，七個人食海鮮鍋一隻蟹點分呀，有無攪錯？跟住有個阿姐開始幫我地蒸海鮮，原來呢間野海鮮數量非常有限，成晚阿姐配給俾我地:蜆5粒，中蝦兩條，珍珠蚌2隻，帶子一隻。嘩我去酒樓上菜都一盤蝦拎上黎啦，而家個蒸籠入面得14條中蝦，一人兩條仲要食完即止，真係好珍貴囉。珍珠蚌係街市買到40斤個d。帶子街市賣5蚊一隻。蜆5粒！你玩我呀？周打蚌湯都多蜆肉過你啦大佬。跟住上左一條斑魚，一隻蟹，係成枱人分既。我地小心翼翼客客氣氣咁分左隻蟹，有人到最尾得返個蟹殼。條魚仲細條過平時飲宴既個d, 分屍之後，我分到3啖魚肉。除左海鮮之外，我地每人仲分到一口豚肉，一碗魚粥，兩條菜心同埋一磚桂花糕。食完晒我都仲係肚餓呀大佬。

今次同朋友一行三人去試吓好出名嘅水上人記住係正宗水上人蒸氣海鮮鍋我哋揀咗498嘅海鮮餐唔夠飽其實仲可以追加海鮮見到啲蜆都係一蚊一隻好抵Like Facebook仲可以送一隻鮑魚添!!!啲海鮮全部好鮮 冇沙 菜我哋就揀咗冰菜首先未食之前落粥底之後就上主菜海鮮拼盤啲海中蝦仲識郁㗎 龍蝦最好味將大部分海鮮嚟過上碟close up推介大家試吓冰菜！ 老闆話好少有 我地都係第一次試

第一次寫食評, 因為第一次覺得真係唔寫唔得。親寂由國外訪港, 我一盡地主之宜請食飯。一行四人, book了8:30, 去到先睇住佢超慢速執枱執成15分鐘, 兩個老人家已經企在門口凍到變雪條。見openrice上的menu有鴛鴦鍋套餐$198一位好抵食, 去到佢話無做呢個餐, 局要$398起跳的ABC餐。我哋入座已經8:45, menu上有個9:00後$95有半隻龍虾同兩樣海鮮嘅散叫, 我問可唔可以落住其他嘢, 9:00再加呢個, 答案係唔得, 全單要以入坐起計!! 如果唔係有外國親寂有兩個老人家喺度我一定起身走人。入坐冇茶冇水, 卻拿兩碟花生來, 根本想局你買嘢飲, 我哋開咗壼茶, 茶介收$176, 花生$20 再另收加一服務費。兩個譚仔口音服務員叫極唔應, 單又落漏, 問又唔知, 水唔識加, 食蟹食龍虾唔會俾拆蟹的工具, 問佢拿就只係拿一隻蟹鉗來, 連濕紙巾都唔會主動俾你! 呢間嘢專食海鮮㗎, 呢d係基本嘢啦吓嘛?食物全部都係清蒸冇得揀, 味道正常, 冇特别亦冇驚喜。埋單4人總共$2000。 單係茶介連加一$400你俾d咁嘅服務我? 茶記伙記都好服務過呢間嘢, 訓醒未呀?!以為請人食

今晚約了朋友吹水食飯，本身訂了八點，臨時朋友話可以早d，早十五分鐘打電話改七點，也可立即安排，去到還不用等，直接入座，服務一流。我們散叫，想食什麼叫什麼。去魚虹選了幾項心水海鮮，加個冰菜，和水蟹粥，各樣都很新鮮。店員多次推介我們選醬料，只簡單選了豉油及xo醬，點綴一下，不算特出。各類海鮮中最突出的可說花竹蝦，夠份量，上枱時還很生猛，蝦腳不斷擺動，看似水裏游緊水。店員都很主動招呼，很親切。但不時夠哂鐘都未有人幫我們上碟，令到有些海鮮蒸老左。另外，本來都試下蒸魚，但一定要叫一條，因為人少就食唔到咁多，所以如果可以叫半條或一份就更加好。海鮮種類不算多，希望日後可以增加款式。

有朋友係外國黎香港旅行，友人想黎香港盡情購物同食海鮮，我地幫朋友安排一下行程，下午行尖沙咀旺角，夜晚就揀左去呢間餐廳食海鮮！因為地點方便唔洗特登去流浮山，西貢（雖然唔同食法）等較遠地方食！去到我地叫左每人一個套餐set a, 有元貝，半隻龍蝦，黃金蜆，半隻奄仔，生蠔等等！全部食材都好新鮮喔！而且沖洗得好乾淨，沒有沙石/漬！ 食既時候，待應會主動幫你計煮食時間同分配食物！服務唔錯！三文魚刺身係like fb page 送既！

My Order:太極桑拿鍋 ($228 Each)嘉士伯/杯 ($48)涼茶/渣 ($48)在OPENRICE預約週六晚餐時段的火鍋，每位$228雖然不是任食但也挺著肚皮出來。店員安排我們到二樓的座位，空間很大還有卡位。很難得火鍋店座位置是這麼舒適寬倘。一直不解平常為何這麼多人排隊，但一試後就明白它的驚人之處。相比其他海鮮火鍋店，真是便宜又新鮮太多了=D選了白玉濃湯和四川麻辣湯底。套餐固定海鮮配料:海花蟹、鮑魚、多寶魚、海沙白、海蝦、黃沙蜆、貴妃蚌和肥牛。這些海鮮配料會按人數給予，不可追加。另外再可選五款火鍋配料，我們選了手工貢丸、即炸響鈴、牛柏葉、烏冬和唐生菜。另加每位$30的話，就可以任食火鍋配料，後加亦可。其實固定海鮮配料的量算多，我們四個女生的份量如下圖。不愧是水上人氣鍋，海鮮都超新鮮!鮑魚一直在動來動去。貴妃蚌很鮮甜，海沙白和蜆都很肥美大顆，非常真材實料!!絕對值得為這海鮮盤再來一次。還有推薦的是即炸響鈴、肥牛和手工貢丸。即炸響鈴很新鮮很脆，比街外盒裝的長很多!肥牛肉超嫩的~~~手工貢丸很香不帶腥味!這間火鍋真的太值得鼓掌，不管是蒸氣鍋或火鍋都想再來一次!!!

姐妹眾餐，有朋友仔係外國番左黎，話要食蒸海鮮，就係open rice 睇中左e間。介紹下個餐牌先。我地一行5人，就叫左b c 餐各二。又黎到放相發毒時間，有粥底。海鮮黎啦。新鮮到總識郁再黎，勁大隻生蠔總有like Facebook page 送既三文魚全程有staff 幫你蒸，夾埋比你，海鮮開唔到，d staff 幫手開埋雖然係其他店用e個價錢，應該可以再食得豪d ，但我地一行人都覺得e到海鮮勁勁新鮮。坐得舒服，我地用OpenRice rice app booking ，安排坐係樓上。坐得鬆動，又有電視睇，唔錯！

海鮮種類多， 海鮮亦很新鮮， 味道非常甜美， 食物質素相當高， 環境 感覺非常好， 只是 價格一點也不便宜 ！ 另外要上上層搭𨋢麻煩，因為等電梯很耐。 服務態度也不錯， 以上各樣對得起這個價錢