正宗山西刀削麵店 (已結業)

因為search到荃灣有兩家叫“正宗山西刀削麵”，另一家很早就去過了，就想到也去一下這家，做個比較。比較的結果是兩家平分秋色，嘻嘻~~也是有師父在裏面現場做的刀削麵。看到很多內地人在吃，估計味道很地道吧~~~~我倆點了一個面，一個上海蒸餃。面很鮮美，口感也很有彈性，軟硬剛剛好。滿意。至於上海蒸餃，也是一個意外的驚喜了，皮很有彈性，裏面的餡也是融合了鮮肉和蔬菜，感覺味道很好，也能吃到蔬菜的脆脆的感覺~~~~不錯啊！只是waiter好像很健忘。。。等很久沒有送上蒸餃，我們催了一下，她們才發現竟然忘記給我們上了。。。。。。~~~~~~

係荃灣行左半日,天都黑埋,見到呢間刀削麵,之前又未試過,點樣削D麵黎食呀,就入去叫左兩碗麵加個小食,2個人食麵就係牛展雞翼刀削面+四川擔擔雲吞刀削面,好大碗,湯唔錯,面既口感勁韌,厚薄不一,有彈性,中間厚上下薄,都能夠掛到D湯汁上去,至於餸既味道就OK啦,可能唔係佢既重點小食係 麻辣豬耳,因本人小食豬耳,都唔方便評太多喇,總之最後都清到啦

男友打完拳想我陪他吃飯，由於時間不早，這麼晚還吃飯會很肥，雖然我也未吃晚餐，但我還是決定齋陪他而不吃！男友六月要打比賽，現時需要減磅，眼見一向吃得不健康的他突然不斷向我請教飲食和減肥的心得，真的有點心痛。這晚他只點了淨菜飯，而我不忍心他只吃飯，也加了個涼拌青瓜，還自把自為幫他叫了一杯豆漿涼拌青瓜 : 青瓜很爽脆，醬汁也挺開胃惹味，只是對於減磅和怕肥的人來說油膩了一點菜飯 : 幸好飯煮得剛剛好，不然這吃得單調的男友會更痛苦菜亦有調過味，其實單單吃菜飯也不算是折磨（對我而言）

同honey食左:五香牛肉刀削麵-->五香牛肉好入味, 有7塊薄薄ge, 刀削麵好煙un, 份量都好多豆漿-->冇味ge , 好稀.....小籠包-->so so la, 入面d肉係新鮮ge, 皮唔厚, 即叫即蒸點下醋幾好味ge 姐姐接order都好快手, 等左一陣就有得食~

唔上網睇都唔知荃灣有咁多刀削麵舖，今次試的係荃興徑。店內座位幾迫，格局一般。主打當然係刀削麵，麵條大小厚薄都幾勻稱，口感煙韌，幾特別。配料試了菜肉雲吞、水餃、牛及鹵水雞翼。菜肉雲吞皮很厚，但餡料味道不俗。其餘配料普通。特色小食試了麻辣手斯雞。雖叫小辣，但麻辣味已覺足夠。手斯雞混和青瓜絲來吃，味道清新，亦調和了辣味。

今晚去左呢間店到食晚飯,叫左個牛肉水餃刀削麫,個湯頭味道依然好飲,但d麵就真係差左好多,d麵有d好爛,有d就勁韌,因因為削麵時o既厚度差太遠,有d好薄,有d好厚,咁樣切法完全影響曬成碗麵o既味道!!比之前來食o既時候更差!!唔會再有下次!!

荃灣美食之行第二站 : 刀削麵 之前成日聽同事講刀銷麵有什麼好食..今終於可以一試了!他有套餐的..1個餸$30 , 2個餸都是加$3...$33 連飲品! 水較豬腸刀削麵 : 刀削麵比較厚身..唔同河粉..所以食小小已經好飽....但我覺得他熟得有點不熟...食到中間有點硬的..中間還有一些粉末..一定是不熟了!不過真係好大碗..水較有3大隻..豬腸好似食極都仲有咁!! 豬手豬肚刀削麵 : 豬肚切得比較幼.. 我地仲好貪心見佢平叫多個蒸小龍飽... 好在飲品冇叫豆漿...叫左杯檸茶消化下..唔係仲飽呀...

之前朋友仔帶過我黎食，好好味，所以我都帶媽媽黎食我叫既係醉雞刀削麵，酒味唔係好重，冷盤黎，但雞肉都幾好味！媽媽叫左手撕雞削麵，本身呢個係麻辣手撕雞，但媽媽唔食得咁辣，所以走左辣！勁多青瓜同埋手撕雞一齊，如果唔鐘意青瓜既一定要之前同佢講走青瓜呀！媽媽話都幾好味！而刀削麵，唔駛講梗係好味道啦！片片大小不一，但好有口感同有彈性，而且都幾大碗架！所以一定好夠飽！唔知點解黎左幾次都係好少人，雖然都好既唔駛等位~~~~~

跟公司車落黎, 又返到荃灣用膳. 今次行左出黎街, 慢慢掃, 掃到一間刀削麵店, 試過力生樓下果間, 今次試別的. 因為一些小事被老細化大, 其實有點不歡, 沒有好心情去慢享. 結果只是快快食完走. 牛展水餃麵. 普普通通啦. 食落好飽, 但麵條好似唔夠熟, 一有一條粗少少既, 咬落會粉粉地. 難道師父失手. 不過好 Full, 食唔哂! 亦唔覺佢有幾正宗.

下午四點幾, 有點餓, 想找點食物落肚.經過這家刀削麵, 很想試. 因為從未試過刀削麵.而且不是很多地方有得吃.叫了一個五香牛肉刀削麵+豆漿的套餐.再加麻辣豬扒. 兩個人SHARE吃. 對"主角"刀削麵有期待.口感有點像年糕, 但較薄. 很煙韌,不錯.湯底也很好味. 只是有點油賦.麻辣豬扒面頭有很多蒜蓉, 很惹味. 對於嗜辣的我來説也是頗辣的.這味也是很多油. >_<不知蘭州菜是否都是油賦的呢?但味道真的不錯!

大熱天時好想食碗冷面..經過見到呢度..見到間鋪d人坐滿晒~仲要3,4個係度等緊位!証明一定唔會難食得去邊..咁我又一丁友仲等咩?只可惜入到黎坐底先發覺呢度唔單止地方淺窄..而且衛生更加認真麻麻地.佢果張食物菜單呀完全係油林林嫁..咩都唔理叫左野食先算喇..見到佢有3款冷面喎?..問阿姐有咩唔同．佢d態度又好似嫌我煩咁..跟住又吹我落單.想點?最終~我揀左麻辣冷冷面(拉面)..我諗冷面既製作時間應該係會比叫湯既長嫁~因為有對坐係我隔離的情侶明明遲黎同遲落單過我..但係佢地碗面竟然就快過我! 不過如果野食好食,要等耐d又有嘜所謂? (當然我唔希望係佢地既服務問題啦)講返碗麵先..呢碗麻辣冷冷麵叫價($35)..配料有麻辣醬(+勁多油), 青瓜絲, 燻蹄, 蒜泥等等..至於d拉面我諗應該係削出黎掛?? 因為我見佢d粗幼唔一樣..可惜有部分面痴埋左一pat.食食下已經係係一條條咁食lu..至於辣就ok辣既..而且愈食就見到愈多辣椒油係底tim..真係超恐怖!當然碗野講難食~就唔係好難食啦..可能只係唔岩我口味姐..點都好啦..我諗我唔會再黎lu..總括黎講: 食物係中等既..至於環境,服務中

炎夏之始，又是時候吃冷麵，如往年一樣，由山西刀削麵開始冷麵之旅。刀削麵落到荃灣區，唔多唔少都蘸上街坊文化，連麻辣魚蛋、雞尖都有，簡單地要了一碗消暑冰刀削麵，在等的期間，問靚姐沒唔辣的小吃，來了涼拌肚尖。窄長的餐廳，廚窗隔著一層霧水，睇唔到外省老師傅表演，只有乾等，話說回來老師傅通常駐在老舖，分店的師傅仔功力唔及這邊，吃好一點，也要有取捨。下午茶時間，人不多，涼拌肚尖很快有得吃，青瓜絲伴著粗幼不一的肚尖，量多，浸著醋與醬油，加了些蒜粒，北方風味小吃，帶著幽幽青瓜香，惟肚尖熟透略嫌不夠爽。冷麵用冰鎮著，露上了甜中帶酸辣的冷麵醬，味似泰式雞醬，「燻」蹄、青瓜絲下得慷慨，加埋酸辣醬恰好成為三色麵，濃杰的醬最適合用作涼伴刀削麵，下了木灰，麵質粗韌帶爽勁，不黏牙，吃得牙關發軟，果真好料子。未到5分鐘，冰變水，記得從前冰到尾的，這邊做漏了過冷河同冰鎮功夫，扣分。

四位女生上堂前又大吃一餐, 飽死啊!每人叫了一碗淨刀削麵, 再加四樣小吃.刀削麵依舊削得薄, 煙韌彈牙, 不錯.小吃有拍青瓜, 醉雞, 麻辣魚蛋和蒸餃子.拍青瓜好像蒜味不夠, 但也好, 不會有陣蒜味在口中歷久不散.醉雞幾大碟, 皮脆也嫩滑.麻辣魚蛋比想像中少辣, 魚蛋屬大粒, 不是太粉.蒸餃子菜多肉少, 熱辣辣也好吃.再這樣大食, 肥死怎麼辦呢? 哈哈哈~~

今日午市十二點半去到，正在揀有乜好食....雲吞~~無....水餃~~無....菜飯~~無....頂，雖然主要係食刀削面啫，但繁望的午市時間開始又乜都無....差咗d喎！最後叫咗豬軟骨東坡肉刀削面，要成34元，都算，想試吓嘛~~刀削面未熟透，我都明太熟會好林，但都唔駛咁生嘛，雖有由得佢用湯浸下，先食肉，東坡肉都細細件，做唔到肥而不膩，只吃了半件便唔想食。豬軟骨中規中矩啦，但攪笑在豬軟骨的肉唔係軟的，是一條條硬骨黎...哈！湯底甜甜地，有點怪~~

這個月有好幾天都會和男友在荃灣食lunch，第一間試的就是刀削麵。分別點了一個水餃刀削麵和牛肉刀削麵，凍豆漿和凍咖啡。麵很快就送上了，碗很大，份量也多。因為以前都沒有吃過刀削麵，所以迫不及待地交起一條麵條來試試。一咬就覺得不妥，為什麼麵都沒弄熟就讓人吃呢？再吃牛肉，切得大小不一，而且有些硬有些腍，就覺得廚師沒有心弄食物。男友點的水餃也不見得好多少，皮厚厚的，餡卻特別少，連不挑剔的他都大感沒趣。豆漿一般，凍咖啡比檸檬還酸。店子環境狹窄、服務態度不好都不是大問題，但連煮食物的誠意都沒有，食物哪會好吃呢？上openrice一看，才知道有許多好評的刀削麵店就在男友公司附近，早知不走那麼遠又白花錢了。