正宗山西刀削麵店 (已結業)

住咁耐荃灣，我係第一次食這間店，我帶同敏敏去，叫了菜肉雲吞刀削面和豆漿，D面有咬感，湯底好味，雲吞大大粒好吃。

同fd行開荃灣唔知食乜好~見到間"正宗山西刀削麵店"就入左去試下~叫左個五香牛肉水餃刀削麵+豆漿($30) ★★★★★★★☆☆☆d麵好滑and 彈牙, 牛展都幾淋, 水餃一般~整體都唔錯~但係有2個fd碗麵入面竟然有"鐵絲"係度!!仲要唔只一條!!我諗都唔會有下次...

開始一個人的生活，本想放工後買一點回家煮，但遲了放工，只好隨便吃一些。一個人的晚餐實在很難令人吃得滿意。走進店裡，找個位，點了一個鹵肉刀削麵和一碟青瓜，加上豆漿。鹵肉刀削麵味道ok，麵質比之前軟，青瓜比較咸，豆漿沒有什麼特別。見對面兩女孩吃麻辣牛肉，很好吃的樣子，但可惜一個人的晚餐，實在不能吃下。

一定無下次!!先講服務:點菜後, 發覺亞姐在我地張單上所寫的價錢與餐牌有出入, 於是開口問: 唔該, 呢個....(手指著個價錢), 個亞姐居然一手"手禁"低我張單, 然後轉身邊行邊話: 個價錢(指餐牌)唔0岩架! 嘩!!! 呢d係咩服務態度呀!! 最不滿係佢一手"手禁"低我張單, 即係好話我為果幾蚊去問你?!! 好想即走, 但見都落左單, 就算! 之後食完, 俾錢時, 我一拎起張銀紙和單, 果個亞姐突然在我身後出現, 一手拎走左我的單同錢, 然後將尾數找番俾我, 一句"多謝"都無, 笑容更加唔駛旨意! 我亦"唔該"都費事同佢講, 反正唔會再有下次!!!再講食物:點左滷水雞翼刀削麵及乜鬼酒香炸肉麵. 炸肉無味(又話酒香?), 而且肥肉比例太多. 湯底無鮮味之餘係超咸. 刀削麵煮得過腍. 除左雞翼正常d外, 碗麵完全唔掂!!! 記得上年食過見唔錯先回頭的, 估唔到今時今日差成咁!!!跟餐的豆漿因邊食咸麵邊飲, 以為幾好飲, 點知多飲幾啖後, 發覺原來好甜, 一點豆味都無. 頭幾啖因被咸麵所影響, 以為甜味得宜, 原來係假像!! 記憶所及, 從未試過給一間食肆如此差的

水多,油多,搞到D面好難夾.無湯味.面太少.唔辢唔勁,都唔係用辣椒煮的.價錢貴,但環境一般D醉都算OK啦.

挑「消暑冰刀削麵」的主因，是「特色冷刀削麵」同「麻辣冷刀削麵」用沙律醬撈：不是有偏見，只是個人吃麵的準質- 尤其吃手工麵- 以麵質為先。麵夠白、呈弧形、起三角、有狗牙- 本該不錯…但淥得不夠時間，沒有過冷河，麵給不到煙韌的韌，只有死古古的硬…既然削麵都做show 咁做，點解唔做足全套- 三十秒加冰出貨，未免太hae 吧？不過話說回頭，酸甜醬加冰之「冰火」，感覺還不錯（尤其是切得明細切得爽既青瓜絲）。只是，刀削麵、酸甜醬、燻蹄，三者不能共存：也許是我太差勁吧，不何能同一時間，三樣野撈埋一pat 既情況下，食到三種各有千秋的真味吧。

其實唔係太肚餓，但係陪朋友食下午茶，就o黎o左呢到。見到有冷面(一向都愛冷面)，應該唔會太飽，就試一試。上枱時，第一時間入目的是大大圏的沙律醬，飽o左一半，topping有青瓜絲及牛肉絲，還有一些紅色的中式的醬，感覺似沙律，加上刀削麵的thickness不一致，太硬。加上好大碗真的吃不完，只吃了半碗就投降，反而朋友的湯刀削面反而比較討好。

上2weeks.我同4好友們到左荃灣一趟..本想尋找此地美食..就見刀削麵..很好奇..就去試一試吧~~我地食刀削麵lunch set~(5人皆叫)3友人食chicken wing刀削麵.chicken wing ok gd~我同某友食啖啖刀削..真係喊..好咸ar~~食完之後..仲好x口渴...要勁飲野!刀削麵.好似食雲吞皮.如膠又如鵝腸..真係成碗冇咩點食過...愈食愈胃痛..!攪到我地個個見刀削麵都怕怕啦!unforgetable 既刀削麵~

每次想食刀削麵都醒起呢間~兩個人叫了1) 雞翼刀削麵2) 素春卷3) 小籠包4) 豆漿●雞翼刀削麵-- 湯濃！刀削麵好煙un，好大碗！雞翼入味又大隻！OK！兩個人食剛剛好！●素春卷-- 真係好素，好空虛咁~D料無塞滿隻春卷o既感覺。味道囉可以！●小籠包-- 等左好耐，食哂其他野都未黎，要摧先到~ 皮都幾厚，但味道唔錯~ 價錢咁平，算係咁架喇！●豆漿-- 正常，無渣~

今天爸媽大駕光臨...佢地話食麵就得, 又唔想到霸王山莊..於是揀左呢度..無咩人! 爸媽分別叫了香辣豬軟骨拉麵及刀削麵, 太大碗了..見他們也吃不完! 不過, 應該唔錯既! 我叫左個四川擔擔刀削麵, 又係好大碗, 剛剛整完牙都無咩胃口...又係食唔哂! 另加多一杯熱豆漿, 唔太濃, 不過好熱, 熱到飲唔到! 如果我自己一個人, 論分量, 價錢同味道...我會揀川龍街既一品香! 又平, 唔大碗, 又好味, 係地方坐位迫!

刀削麵- 麵條比闊條麵闊一些, 外邊比較薄, 中間就較厚身. 幾煙韌幾有咬口. 可惜係湯底, 好深色湯底, 似係腩汁隻色, 飲落就似味精水多d. 唔知呢d係傳統定係整得差啦...年糕- good! 呢度年糕唔錯, 夠軟身, 淋得好煙好有口感!上海雲吞- 好大粒, 但好易散, 算係ok 咁啦.豆漿- 依家追求健康, 覺得杯豆漿唔甜就叫好. 呢度就係咁囉, 唔甜, 但豆味亦唔太重.整體講, 都算抵食, 因為碗麵都幾大碗, 只係湯底我接受唔到囉.

和朋友J做運動前吃個early dinner, 叫左個兩餸刀削麵.我要鴨腎+五香牛刀削麵- 鴨腎過淋, 牛不過不失, J說刀削麵不夠滑, 但咬口十足, 湯底充滿鹵水香.J要豬手+豬腸刀削麵–我想ok 吧(看她也能食哂一碗, 嘻嘻~~)豆漿不太甜, 但無乜豆香.我吔食完有D喉嚨涸,不知何解!

9/12，中午補習，要吃東西人在荃灣，不喜米線，真的不知吃甚麼好，所以又再回歸這裡的懷抱。今次吃的是豬肚湯年糕，年糕的口感雖不及刀削麵特別，但也是煙煙韌韌的，好吃！豬肚口感爽脆，點一點辣椒油，正！！！加了一杯豆漿；今次這杯像進步了，有豆味，没焦味(是煲燶了的焦味，不是用石磨磨出來的焦味)，不太甜！這裡是我在荃灣區的頭號推介！

在荃灣，一肚餓，就想吃刀削麵。雖然這店和蘭州拉麵是同出一源，但每次也會來這一間，環境舒服點，東西也没那麼油膩。昨日碰巧到荃灣，又回到老地方。每次不是叫豬肚湯年糕，就是鴨腎刀削麵。今次試些未吃過的，雞翼刀削麵。刀削麵是依舊的外滑內Q，那煙韌的口感真的使我一試愛上。但滷水雞翼的味道有點像吃薑醋，不是我那杯茶。下次還是吃別的餸菜了~~~今次的湯底是油了點，但為了吃刀削，一定會再來~~~