正冬火鍋料理 (已結業)

朋友喺日本返黎想打邊爐，想近近地喺旺角太子就去左正冬，一入去見到個餐牌咁貴嘅，後來試完之後覺得物有所值，三文魚，象拔蚌刺身鲜甜，芝士蝦丸係手打嘅非常彈牙爽滑，鹅腸油香，桂花蚌爽口，九菜餃食落算好，不過有些失望牛肉唔掂同班片有D霉

每次經過都比门口海鮮吸引，今次仔女也在場，决定一試。生牛肉刺生 - 是好好味，只是超平..忘記了是38還是68元，總之超低。花竹蝦刺生(6隻) - 不太大隻，也有10兩，都算鮮甜。蝦頭尾椒鹽(加30元)，不夠脆，炸得太夠火喉，味道算OK。招牌鴛鴦湯 - 豬骨拼麻辣，麻辣方面真的好辣，用了麻子。豬骨方面用了粟米、芹菜。-午餐肉-浸落麻辣太辣了，所以轉用豬骨。整體上ok 。-黑栢葉-放入任何湯底裹面入到味，而且很爽脆。-雞紅-放了六塊，但一撈時六塊雞紅都不見了，就像人間蒸發。-鱔片-食到有少少骨，但尚箄好味。-鴨粉腸-麻麻地，過多肥膏。-蝦滑-富有彈性，挺好味。-公仔麵-由於很難放入鍋的關係，不建議叫。本人會再次回去吃,因為他樣樣同的食物都好好味。３人共支付了７１Ｏ元。:

OPENRICE 對我黎講，平時係用黎搵好野食先上黎，有時食到好野，都因為懶費事打而無分享到今次真係頂唔順，因為呢間野難食，服務又差，同價錢真係完全唔成正比，講起都嬲嬲地而令我想上黎分享下！本來同班朋友約左食附近小肥牛，點知早兩日訂左枱，到夠鐘都可以話無位仲要等多至少半個鐘，咁既情況下，唯有求其揀間，結果入左黎呢間正冬食！環境一般，食緊既客人唔算多，但唔知點解D枱可以圍到咁密，朋友張櫈竟左響隔離枱兩張櫈中間，想坐開少少，唔好咁逼，後面D侍應就一輪咀叫我地坐番逼D，連手袋都未放好，一個阿姐就住成搾西瓜汁加酸梅湯係咁風車式問你要邊樣，至少重覆十次逼你求其揀樣，答都未答，就拎起你個杯倒杯汁俾你，就咁就逼你要左搾「西瓜汁」大佬！MENU都未打得開，可唔可以俾我地放好D袋先呀！斟完都算，我飲落去完全無汁可言，成個杯有9成係D浮起左既「瓜肉」，完全飲唔到汁！！可恨我無影低相！D肉D 味仲勁怪，好明顯個瓜唔知放左幾耐最終將佢搾完汁就用黎SERVE人，呢間野都唔係收得平，佢可唔可以唔好俾D咁差既飲品人呀！結果呢搾西汁變左DECORATION！有朋友唔舒服叫佢開壺茶，侍應個樣即刻黑面，我其實唔知呢間野有

話說係面書見到有人話正冬打邊爐好食當時冇查過價錢...只係比佢個鴛鴦火鍋湯底吸引左就膽粗粗去左試...個時去到下午6點幾一個客人都冇有D淆底一入睇個餐牌都見到幾貴但都叫左八樣野如果一班人去食D價錢就OK...但我地就兩個人食埋單六百幾無可厚非...佢個鴛鴦火鍋湯底做得唔錯因為外面就係豬骨湯而裡面就係中空麻辣湯底兩種湯底味道夠濃...我建議唔太食得辣而又鍾意食辣既朋友可以將火鍋配料係豬骨湯個邊煮熟,然後略略係麻辣湯個度灼一灼就唔會太辣又食到辣湯個陣味而我覺得佢所謂既招牌手切牛根本不外如是個店員仲係咁推介係招牌菜又話好食又剩點知又冇乜牛味D肉又實...但都要$1XX真係唔知佢憑咩叫做招牌菜但係我認為個蝦滑幾好食因為平時係出面食所謂既蝦滑都只係將D蝦打成蝦膠咁但係佢係將平時個D蝦膠之中都加入一粒粒仔既蝦肉粒所以食起黎好彈牙之餘仲有少少爽口既感覺而手打芝士蝦丸同蝦滑差唔多既感覺但加左芝士就好香~

我地一行7人黎打邊爐***LEE度D野食吾差,係嘈D, 聽吾到對面d friend講野!我地本來叫鴛鴦煱, 不過冇曬d中間辣湯,則邊清湯既煱, 所以轉做豬骨湯底**媽咪話d肥牛吾好食,所以冇叫,轉食$158 手切牛展,好靚,好食~~羊肉okay響鈴吾好食,吾夠脆*四寶丸okay *墨魚丸滑好食*脆鯇麻麻地,吾好叫*桂花蚌好食*9 菜餃我吾食, 不過其他人係甘食, 我諗都應該ok 好食!仲有叫左皇帝菜, 生菜, 生根***好飽!最後埋單900幾~~~

一個不用上班，仍要上班的日子，在這裡吃番餐早餐，飲啖茶，吃籠點心，才去上班。這家火鍋店兼營早市，與附近的茶樓，甚至茶餐廳爭生意，走的是以平取勝的路線。所有點心，不論大、中、小點，統統劃一收$12，加上$2茶錢，不收加一、茶芥等費用，假如只吃一籠點心的話，一頓中式點心早餐只需$14便可以埋單結帳，實在比一般茶餐廳的A、B、C早餐要便宜上一大截呢！難怪有不少男性茶客來此飲早茶，又或是在店外買外賣點心吃啦！就好像這天，自己來此嘆早茶，就只是叫了一籠「雞扎」，加壺無限添飲的「普洱茶」，$14的價錢，便成了這天的早餐。以這樣的價錢，當然不能期望太高。「雞扎」是非常一般的新式雞扎。沒有淮山是必然的，魚肚當然也沒有、叉燒呢？欠奉。有的只是包在外面油淋淋的腐竹、擺明扮蟹的蟹柳、尚算鬆化的芋頭和一小件質素普通的雞件，味道是一般的正常，正常的一般。同樣地，「普洱茶」當然也是非常一般的水準，沒甚特別，不過能在上班之前，先灌幾杯開胃消滯的普洱，還算不錯。假如要求不太高的話，在不想喝咖啡、奶茶的日子，在這裡靜靜地飲番餐廉價早茶，這裡還是可以的。

男經理態度"媽乎""求其",只懂硬銷海鮮高價食品,看見他的態度真的沒有心情,食品明顯超勁退步,手切肥牛,脆魚片不提也"把",我不會再來了.(P.S.為怕誤會其他男經理,所以要形容多少少....短髮平頭裝是也)如此文章不能post出來,我也會從新質疑openrice的公信力...

是差不多一個月前的食評，但到現在先有時間寫。當日唔係太熱，但咁啱阿姨黎探我地，於是就一齊去打邊爐。選了正冬，之前食過都唔錯。被安排坐喺個自成一角嘅位，初初坐低都覺得ok，不過一開始打就知坐錯位！超熱，完全無冷氣，空氣又唔流通，超焗！要不停攞餐牌put涼，熱到窒息咁滯。叫侍應開大d個冷氣，佢話開到好大，唔係掛！大都咁熱？講番食物，都唔錯嘅。尤其係湯底，豬骨湯底好夠料又夠味，胡椒味亦濃。好多大大舊嘅豬骨，又有粟米同蘿蔔。要了手切肥牛，超失望。第一，價錢唔係平，第二，質素唔掂！又鞋又瘦又韌，牛味就都有嘅。雲吞水餃就好好味，足料多餡。四寶丸一般，魚蛋係現貨，有d腥。牛丸同墨丸都好味，彈牙；無食過鯪魚球。響鈴好食，新鮮好香，又有咬口。仲叫咗即開赤貝，價錢唔算平，好似係$128/ 4隻。4隻都唔係好多架jar...起咗出黎都唔算太多肉。不過就都幾新鮮，可以生食，爽口。我地食完即熄火，因為實在太熱。

五人去打邊爐，預先訂左位見到櫃台上面o的訂位紙都多到爆唔訂位睇怕都要等幾耐下！一入去先叫湯底，鴛鴦湯底(清湯+辣湯)再叫埋料 一碟手切肥牛、牛展、石班、魚皮餃、雜菜、豆卜、四寶丸........叫完料之後，料到左，但湯底竟然未到望住d料，有得睇，冇得食！！！湯底來了，要等多一陣先滾得起好在佢個爐都夠大火，如果唔係有排等！魚皮餃好好味，值得一試但肥牛同牛展就真係一般起初黎左一碟牛，我食完覺得佢係牛展，但原來係肥牛= ="好鞋.........冇乜牛味！！石斑，可以唔食都冇損失，因為冇話特別鮮或好味！員工周不時都忙到唔得閒理你不過呢一點都體諒但我去o個晚，唔知點解經常聽到打爛野聲例如有員工打爛左隔離台一支beer上菜時間都頗長，叫左一客烏冬，久久未上台不過勝在冇miss過單！

今天約了家人一起打邊爐，有朋友介紹話呢間d魚湯底好好味，所以就試下啦!我們叫了個清湯，其實是魚湯，個魚湯好鮮好味，但又不(醒)，令到d食物好入味，鮮甜十足。食物方面，我最推介是其海鮮類，可能因為人多的關係，海鮮很新鮮，尤其是聖子，大大隻，好爽口，其次就是牛根腩，好咬口及有牛味。整體來說，食物都不錯，只是環境太多人，非常嘈吵。

星期四夜晚, 我地一行兩個人6 點9去到，沒有太多人當時餐廳冇坐滿, 環境都算可以我們兩個人叫了蕃茄牛肉鍋特價$58，略嫌湯底唔濃例牌手砌手肉$68，幾新鮮同都有牛味,不過唔夠雪花墨魚滑及蝦滑雙拼$48，非常好味脆鯇片$38,佢既魚幾鮮甜,比較稻香好食生菜$18,新鮮。不過遺憾在佢賣哂皇帝菜金菇$28,都尚算唔錯再叫左1枝竹庶水~我們食了一個半小時。已經坐滿客人,咁我們差不多都走啦環境~~好舒服!服務態度好好用料十分新鮮,材料很快送到, 9點後又會再平d同d friends 去是很好的選擇....

第一次來飲茶,都好多野食下蝦餃皮夠薄晶瑩大粒，蝦肉爽甜鮮蝦燒賣大大隻蝦, 蝦比肉多,～味道亦好入味抵讚鳳爪，細小的鳳爪,很入味，亦不會過淋，咬口甚佳牛肉球~好滑每粒都會有牛肉味,加上陳皮作調味，味道甘香論食物水準只是中上,侍應的服務態度還算勤快講埋環境夠光猛,可以舒舒服服嘆吓茶,價錢經濟,應該有個笑臉

3個人晚上9點10走入舖頭，一坐低，個部長係咁問你飲乜嘢？食乜嘢？大佬呀，個八月十五都未坐暖，餐牌又未睇，而且我地仲有個人都未黎，你就係咁問喇......一輪機關熗咁...........我地話等陣先......佢唔夠3分鐘，又行返埋黎encore，真係火都黎，後尾我地睇到原來佢10點鐘青島做特價，咁我地梗係坐到10點先叫啦﹗原來唔止，除左啤酒特價之外，食物都係......妖，點做生意架？差幾分鐘都要搵人笨，係咪想冇第二次生意做？講返d食物，我地真係等到10點先叫，叫左個鴛鴦湯底，正到無倫；鴛鴦係麻辣同奶湯，兩者有好大分別，但真係好正﹗其餘食物都係大路嘢，叫左魚蛋，牛柳粒，手切肥牛，蝦滑，墨魚滑，菜，魚皮……我極力推介嘅係牛柳粒同魚蛋，其實我本身對牛都係麻麻，但d牛柳粒食得出係唔差的來貸，相反個手切肥牛就唔係好掂了﹗d魚蛋又好有魚味，唔泡唔鬆，我都食左兩碟﹗其餘蝦滑食得出係好新鮮，都推介﹗基本上我打邊爐係好低能，食黎食去都係個d，呢度已經食齊晒我鐘意d食物了﹗好滿足﹗最後，唔知係咪因為我地冇聽阿部長吩咐叫個d 10蚊隻的蠔，到12點佢叫我地換過張細枱，咁其實即叫我地走啦……咁都得？

隨著對麻辣火煱的熱情減退, 幫襯這裡的次數也減少了很多,難得天氣仲涼涼地又癮起…五個人來一個鴛鴦煱!中間的麻辣湯底花椒粒落得夠狠,味道麻多於辣!而圍邊的奶白色魚湯非常鮮甜,未開始淥嘢食已經飲咗一碗！梅菜豬肉丸拼芝士墨魚丸、手打四寶丸----丸類新鮮彈牙, 梅菜豬肉丸味道最好有!少少梅菜甜味很特別,芝士墨魚丸就唔可以淥太耐因為會爆丸漏芝士.生劏青班----魚肉片估唔到淥完仲好有彈性, 亦都好鮮甜. 泰式蝦剌身----呢個就麻痲地喇!汁料辣味不足不及金寶做得好,蝦肉咬落質感不夠爽脆.鮮魚鰾----之前食火煱係未叫過呢樣嘢食,淥完後咬落脆脆靱靱咁!幾得意.其它仲有黑栢葉、餐肉、炸魚皮、炸芋片、粟米、皇帝菜、滑雞片、同美國肥牛.各樣配料都唔錯,無叫本地手切肥牛係因為之前試過幾次都麻麻地!有渣及不夠肥.個湯真係好正所以最尾都要叫多個烏冬淥埋嚟食！其實佢個腊味煲仔飯係做得比出面專賣煲仔飯嘅更加正！無記錯係$20蚊位,兩位起計!絕對值得一試.

任食火窩$88位, 茶位$10, 醬油$88:30去9:15才有得食, 2次漏單,又冇招呼, 又難叫人, 坐2樓, 有4個楼面,但成日唔知行去邊, 又冇笑容, 食物麻麻地.鴛鴦鍋 :$58 普通, 太多奶肥牛: ok牛肉粒: 唔掂, 係D頭尾邊位, 好肥炸腐皮: 又梗又唔好味什丸: 麻麻地,唔太好味雲吞: 麻麻地魚皮: 唔好味粟米: 甜豉油: 普通, 好似淘大蒸魚豉油咁, 有D甜大部份食物一般, 無point再去.2人埋單$350